Frumvarp lyga og rangfærslna.

 

Skaðafrumvarpið kennt við  veiðigjöld sló Íslandsmet í umræðu á Alþingi í gær.

Sýnir að þrátt fyrir allt er einhver manndómur í stjórnarandstöðunni, uppgjöfin er auðvelda leiðin, viðurkenning á að þrátt fyrir allt er stjórnarandstaðan í minnihluta.

En þegar atvinna fólks og tilvera byggða er undir, þá eru það aðeins aumingjarnir sem gefast upp, manndómurinn stendur vörnina á meðan stætt er.

 

Í þessari frétt er enn ein lygin og rangfærslan leiðrétt: "Nýj­ar töl­ur frá Deloitte sýna að þessi gjöld verði til þess að 75-90% af rekstr­araf­komu sjáv­ar­út­vegs­fyr­ir­tækj­anna fari í op­in­ber gjöld, þrátt fyr­ir hækk­un á frí­tekju­marki. "Þrátt fyr­ir hækk­un­ina á frí­tekju­marki og allt það sem stjórn­ar­liðarn­ir hafa verið að tala um, þá bara gríp­ur frum­varpið ekki litlu og meðal­stóru fyr­ir­tæk­in"." svo vitnað sé í Jens Garðar þingmanninn okkar í Fjarðabyggð.

Þetta haldreipi varnar skaðvaldanna, að þeir hafi komið til móts við minni og meðalstórar útgerðir er lygin ein eins og allt annað í þessu skaðafrumvarpi.

 

Stjórnarandstaðan er svo ekki í minnihluta í sjávarbyggðum landsins, 26 sjávarsveitarfélög af 26 sendu inn umsögn þar sem varað var við skaðanum sem skaðafrumvarpinu er ætlað að skaða.

Fyrirséða samþjöppun í útgerð og vinnslu með tilheyrandi tekjutapi og síðan byggðaröskun, og í framhaldinu byggðahrun hjá þeim sveitarfélögum sem byggja tilveru sína á smærri útgerðum og vinnslu.

26 af 26 er algjör meirihluti og munum að í stjórnum þessara sveitarfélaga er fólk úr öllum flokkum, þar á meðal þeim flokkum sem núna mynda meirihlutann á Alþingi.

 

Enginn af þeim hefur risið upp og lýst yfir stuðningi við skaðann, þrátt fyrir gulrótina að blóðpeningana eigi að hluta nota í nærsamfélagið.

Það er einfaldlega enginn svona heimskur að leggja trúnað á slíkt orðagjálfur.

Enginn er tilbúinn að svíkja náungann í sinni byggð þó í boði séu 9 koparpeningar.

 

Það segir allt sem segja þarf um rökþrot stjórnarliða, fyrir utan að hengja sig með kjafti blóðsugunnar á rangfærslur og lygar líkt og þeirri sem þessi frétt afhjúpar, að þá sagði einn stjórnarliðinn að þessi 26 af 26 sjávarsveitarfélögum landsbyggðarinnar væri ekki meirihluti, sveitarfélögin væru sko rúmlega 60, og hana nú.

Sem reyndar vekur upp spurningar af hverju til dæmis Múlaþing hafi ekki ályktað til stuðnings sjávarbyggðum, firðirnir sækja jú verslun og þjónustu uppá Hérað og Austurland sem slíkt er ein heild, verðmætasköpunin niðri á fjörðum en kjarni verslunar og þjónustu uppá Héraði.

En það er önnur saga, ámátlegt er rökþrotið að benda á að ekki er ályktað þar sem engra beinna hagsmuna er að gæta.

 

Hetjur ríða um héruð þessa dagana, það er á Alþingi, verjandi sinn minni bróður sem sætir aðkasti götustráka úr borginni.

Frestun á hinu óumflýjanlega er alltaf frestun, eins og hinn dauðadæmdi veit, sérhver dagur á lífi vekur von um annan dag á lífi.

Ríkisstjórnin mun sjálfsagt hafa sigur, Skaðinn mun svo taka til að skaða mannlíf og byggðir.

 

Nema!!

Nema!!

Kraftaverkin gerist þar sem þeirra er síst von.

 

Því þar sem er líf, þar er von.

Sérstaklega þegar vonin byggist á trú.

 

Á meðan er það vörnin til síðasta manns.

Kveðja að austan.

Grípur ekki smærri fyrirtæki

Andóf sker ekki á fána.

 

Það mótmælir þeim.

Og það er sorglegt að til sé fólk sem er verri á sinni en Góða fólkið í Reykjavík.

 

Góða fólkið flaggar fána Palestínu og styður þar með voðaverk Hamas, markmið samtakanna um útrýmingu 9 milljónamanna þjóð gyðinga, og upphefur þar með þjóðarmorð Hamas á sínu eigin fólki.

Tilgangur voðaverkanna 7. október 2023 ásamt gíslatökunni á lifendum sem dánum, var jú að kalla stríð yfir íbúa Gasa.

Á sama tíma sætir Úkraína skefjalausum árásum einræðisstjórnar Pútíns í Rússlandi.

 

Aðeins úrkynjað fólk, fólk sem hefur þjóðarmorð í flimtingum, flaggar hlið við hlið fánum þjóðarmorðingja, og svo fána þjóðar sem berst fyrir sjálfstæði sínu.

Og það andóf að skera niður fána Úkraínu er samsinnum við þá úrkynjun.

Andóf sem leggur að jöfnu einræðisherra sem ráðast á aðrar þjóðar og þjóðarmorðingja sem fórna sinni eigin þjóð í því göfuga markmiði Góða fólksins að útrýma annarri þjóð.

 

Svona er ruglandi umræðunnar.

Svona getur fólk verið ruglað.

Og hefur það sér ekki til afsökunar að vera hluti af forheimsku Góða fólksins.

 

Eða það skilji að maður sker ekki niður fána.

Maður mótmælir þeim.

 

Annars er maður ekki betri en þau hin.

Kveðja að austan.

Skorið á böndin á fánum Úkraínu og Palestínu

Öfgar ala af sér öfga.

 

Og það er staðreynd að í ríkisstjórn Ísraels eru öfgamenn sem eru lítt skárri en þeir sem leiða Hamas hreyfinguna.

Og það eru þessir öfgamenn sem halda fólki sínu beggja vegna víglínunnar í gíslingu.

Haturs og heiftar.

Það sem á milli skilur er grimmd voðaverka Hamas þann 7. október 2023.

 

Það var unun að hlusta á reiðilestur Trump yfir Nethanyahu þegar sá síðarnefndi ákvað að slátra vopnahléinu, sem Trump kom á í átökum Ísraela og Írans, með þeirri tylliástæðu að Ísraelar væru að hefna fyrir meint brot Írana.

Í fyrsta sinn í áratugi var talað mannamál í beinni útsendingu, eftir að Trump hafði hundskammað Nethanyahu benti hann honum kurteislega á að Ísrael væri ekkert annað en munnurinn án stuðnings Bandaríkjanna.

 

Það sem nákvæmlega varnarmálaráðherra Ísrael er.

Hann er ekkert annað en munnurinn.

Og þann munn þarf að kefla.

 

Og af öllum ólíklegustu mönnum í heimi, þá virðist Donald Trump gera sér grein fyrir því, og hann virðist ætla að gera það, koma vitinu fyrir ríkisstjórn Ísraels.

Það þarf að semja um frið.

Það þarf að leysa gíslana úr haldi.

Svo blasa bara staðreyndirnar við.

 

Voðaverk Hamas hafa vissulega náð tilgangi samtakanna um stuðning hinna forheimsku, þess fólks sem Hamasliðar fyrirlíta af öllu sínu hjarta og sál.

Góða fólkið styður ólýsanleg voðaverk og þjóðarmorð.

Bæði þær hörmungar sem Hamas kallaði yfir íbúa Gasa, sem og ætlun samtakanna um að útrýma gyðingum í Ísrael.

Góða fólkið syngur meir að segja söngva um þennan tilgang Íslamista um að útrýma Ísraelríki, og er stolt af, flaggar meira að segja fána þjóðarmorðingjanna.

 

Hamas hefur samt tapað því sem raunverulega skipti máli.

Tilveru Gasa strandarinnar ásamt völdum sínum þar.

Þó heimskt fólk trúi að Hamas njóti stuðning eftir allar þær hörmungar sem þeir hafa leitt yfir íbúa Gasa, þá veit raunveruleikinn annað.

 

Hvað verður eftir frið Donald Trump má guð vita.

Líklegast eru innbyrðis hjaðningavíg á Gasa, og Ísraelar munu halda sig fjarri.

Öfgagyðingarnir sem sjálfir nenna ekki að berjast af meintum trúarástæðum, munu ekki komast upp með að fórna lífi ísraelska hermanna í rústum Gasa.

Þeir njóta ekki stuðnings þjóðar sinnar, og þeir njóta ekki stuðning Donald Trumps.

Það er faktur og því svona fréttir dálítið út úr kú.

 

En óeðlið í nútímafjölmiðlun er að svona öfgar fá alltaf fyrirsagnirnar.

Á meðan er ekki talað við venjulegt fólk sem þráir aðeins friðinn til að ala upp börn sín.

Öfgafólkið og hinir forheimsku meðal Góða fólksins eiga sviðsljós fjölmiðlanna.

 

Það er líka faktur.

Alveg eins og aðeins tíminn einn hvernig ástandið verður á Gasa eftir nokkra mánuði.

Þar veltur í raun allt á Donald Trump og vilja hans til að tukta vitleysingana til.

 

Það deyja alltof margir ungir menn í tilgangslausum stríðum segir Donald Trump, og talar fyrir friði.

Friði á Gasa og friði í Úkraníu.

 

Það mættu fleiri hlusta á Trump.

Og færri á öfgafólkið.

 

Þá yrði heimurinn friðvænlegri.

Kveðja að austan.

Vill læsa Palestínumenn inni í rústum Rafah

Skaðvaldar sem kunna það eitt að skaða.

 

Tala um lýðræði gegn málþófi, sjálfir hluti áralangs málþófs þegar þeir sjálfir voru í stjórnarandstöðu.

 

Aukaatriði málsins samt, því stóra spurningin er; Hver eru mörk lýðræðisins??

 

Geta flokkar lagt fram frumvarp eyðingu byggða, fullt af rangfærslum og lygum, og þegar blessun byggðanna er þó virkur minnihluti, sem andæfir skaðvöldunum, á þann hátt að skaðvaldarnir sem eru í meirihluta, hafi neyðst til að leiðrétta sumar rangfærslur sínar, sem og að bakka með helstu lygar sínar.

Að skaði þeirra, að atlaga þeirra að sjávarbyggðum landsins sé eitthvað betri því þeir hafi neyðst til að taka  "til­lit til ábend­inga og áhyggja (fulltrúa sjávarbyggðanna). "Þar komu gest­ir, það var brugðist við at­huga­semd­um með breyt­ing­ar­til­lög­um. Þar var komið til móts við áhyggj­ur sveit­ar­fé­lag­anna með hækk­un frí­tekju­marka."" svo vitnað sé í þingflokksformann Samfylkingarinnar.

 

Ef svo væri, af hverju geta skaðvaldarnir þá ekki einangrað minnihlutann með því að vísa í að einhver, að EINHVER hagsmunaaðili, hvort sem hann tilheyri atvinnulífi, sveitarstjórnum eða verkalýðshreyfingunni, hafi sagt að núna sé frumvarpið um eyðingu sjávarbyggða ekki lengur sá sami skaðvaldur og það var fyrir áður en stjórnarandstaðan hóf sitt málþóf.

Sem nákvæmlega enginn, ENGINN hefur gert, jafnvel þó stjórnarflokkarnir eigi fulltrúa í sveitastjórnum sjávarbyggðanna, eða þekkt stuðningsfólk innan verkalýðshreyfingarinnar.

 

Hvað þetta varðar er ríkisstjórnin eyland, það finnast ekki þau skoffín á landsbyggðinni sem styðja þessa aðför að tilveru hennar.

Aðeins þingmenn stjórnarflokkanna sem fólk kaus í góðri trú til góðra verka, og eru í dag einangruð án opinbers baklands.

 

Sú staðreynd er samt aðeins minna svarið við spurningunni; Hvar eru mörk lýðræðisins.

 

Segjum að atvinnumálaráðherra hefði ekki logið við kynningu frumvarpsins, og að frumvarp hennar væri ekki fullt af rangfærslum, hálfsannleik og blekkingum.

Og að minnihlutinn gæfist upp á málþófi sínu, léti landsbyggðina mæta örlögum sínum, ofurskattlagningu sem myndi ef hún beindist að höfuðborgarsvæðinu, valda ólgu sem að lokum myndi leiða til uppreisnar ef hún væri ekki dregin til baka.

 

Getur meirihlutinn gjörsamlega svívirt minnihlutann, sérstaklega ef hann er ekki svo stór hluti af heildinni, valdið honum skaða og tjóni??

Eyðilagt tilverugrundvöll hans??

 

Svo ég umorði spurningar mínar.

Er lýðræði annað orð yfir ógnarstjórn.

Má allt ef aðeins meirihluti er fyrir óhæfunni??

 

Svarið er augljóslega Nei, það er ef það er lýðræði.

En á Íslandi í dag er svarið Já.

 

Segir allt sem segja þarf um Götuna sem við höfum ekki gengið til góðs.

Kveðja að austan.

 

 

 

 

Stjórnarandstaðan „hleypi lýðræðinu ekki í gegn“

Í Astralíu varðar eiturbyrlun við lög.

 

Hér á Íslandi verðlaunum við meinta eiturbyrlara með ýmiskonar forfrömun, þeir fá blaðamannaverðlaun fyrir framsækin vinnubrögð, þeir fá upphefð innan þingflokka, til dæmis að verða framkvæmdastjórar þeirra og svo framvegis.

Og ef einhver vesæll óbreyttur lögreglumaður vogar sér að fara eftir landslögum og rannsakar eiturbyrlun sem sannarlega var skipulögð í einhverju skúmaskoti á Efstaleiti, þá er þaggað niður í honum með sannarlegri guðublessun Ríkislögreglustjóra.

 

Bíddu nú við, segir einhver hugsanlega sem lengi hefur dvalist uppá fjöllum og þekkir ekki mikið til á Íslandi í dag.

Þetta er ekki sambærilegt, þarna drap manneskja sannarlega þrjár manneskjur og næstum því drap þann fjórða líka, sem að vísu lifði aðeins vegna þess að læknar björguðu lífi viðkomandi eftir að hann var þungt haldinn á gjörgæslu í nokkra daga.

Og það var þessi manneskja sem skipulagði verknaðinn en ekki einhverjir fjölmiðlamenn sem rottuðu sig saman í Efstaleitinu.

 

Því er til að svara.

Áður en þessir þrír einstaklingar var þeim byrlað eitur, alveg eins og þeim fjórða, sama eitrið, það var þeirra ólán að þau komust ekki nógu snemma undir læknishendur, líkt og sá fjórði, hann hefði líka dáið af sama eitrinu og varð hinum þremur að bana, ef læknar hefðu ekki bjargað lífi hans.

Samborgari okkar sem hinir íslensku eiturbyrlarar byrluðu ólyfjan, hefði líka dáið ef lánið hefði ekki vakað yfir honum, hann náði á síðustu mínútum meðvitundar sinnar að vekja athygli nágranna sinna og þeir komu honum undir læknishendur, þar barðist hann í marga daga fyrir lífinu sínu á gjörgæslu, en hafði lífssigur að lokum.

Alveg eins og með þann fjórða sem lifði af, þar var eiturbyrlarinn ákærður fyrir að hafa "reynt að bana" honum svo ég vitni í texta fréttarinnar.

Því í Ástralíu varða morðtilræði við lög, þau þurfa ekki að takast til að réttað sé yfir geranda eða gerendum.

Á Íslandi er hins vegar verðlaunað með forfrömun og jafnvel æðstu metorðum.

 

Varðandi skipulagningu eiturbyrlunarinnar þá væri viðkomandi eiturbyrlari jafn sekur þó hann hefði fengið andlega veika vinnukonu til að setja eitursveppina í veislusteikina, það þekkist ekki í siðuðum löndum að kaldrifjaðir morðingjar geti falið sig að baki andlegu veiku fólki, það er ekki uppskriftin að fullkomnu morði.

Þetta er svona líkt og að láta dróna sprengja þann, sem þú ætlar að myrða, í loft upp, og Ríkislögreglustjóri myndi krefjast þess að lögregla á vettvangi myndi aðeins rannsaka þátt drónans í morðtilræðinu og síðan yrðu leifar hans dregnar fyrir dóm.

 

Í siðuðum löndum er það ekki heldur uppskriftin af fullkomnu morði að fleiri en einn komi að skipulagningu morðtilræðis og þegar upp um þá kemst líkt og hina íslensku fjölmiðlamenn, að þá sé bara hægt að vísa á hvorn annan, eða þegja, og í kjölfarið séu mál niður falla með rökum þess í neðra, "ekki er hægt að sanna hver gerði hvað".

Rök þess í neðra eru aðeins tekin gild í samfélagi þar almenn lög og regla gilda ekki, heldur tekur réttarkerfið mið að þjóðfélagsstöðu og öðrum forréttindum áður en ákært er.

Og að öllu jöfnu er aðeins samlokuþjófar og skúringarkonur á skrifstofum hvítflibbaglæpamanna ákærðir.

 

Að meintir eiturbyrlarar í blaðamannastétt skuli komast upp með glæpi sína er smán íslensks réttarkerfis.

Smán samfélags sem þegir í stað þess að rísa upp og mótmæla.

Það er eins og fólk átti sig ekki á að það veit enginn hver er næstur á höggstokk þessa siðblindingja.

 

Eða erum við svona óttaslegin, buguð af óttastjórnun Góða fólksins, sem nýtir sér ríkisfjölmiðilinn auk nokkurra leppa auðmanna, til að ráðast að andstæðingum sínum, jafnt raunverulegum sem ímynduðum, og vega þá opinberlega með slúðri og rógi.

Gott og vel, þessi hatrama mafía á samt ekki að komast upp með að reyna að vega fólk í bókstaflegri merkingu.

Þar eigum við setja línu í sandinn og láta siðblindingjana ekki komast yfir hana.

Fylgjum fordæmi Ástrala og ákærum.

 

Það er svo dómstóla að dæma.

Kveðja að austan.

 

 

 

Banaði þremur úr tengdafjölskyldunni með sveppum

Sýknun Páls á að hafa afleiðingar.

 

Páll Vilhjálmsson hefur tvívegis verið sýknaður af Landsrétti í meiðyrðamálum, eftir að héraðsdómur dæmdi hann sekan.

Og sekan fyrir hvað???, að tjá sig á opinberum vettvangi um mál sem varðaði eiturbyrlun á samborgara okkar, skipulagða af ákveðinni elítu blaðamanna þar sem allir vefir köngulóarinnar lágu uppí Efstaleiti, þar sem ríkisfjölmiðill okkar hefur aðsetur.

 

Eðli málsins var Páll mjög harðorður út í þessa blaðamannaklíku sem taldi sig hafna yfir lög bæði manna og guðs, þú skalt ekki mann deyða.

Hvað þá að reyna að drepa hann til að stela síma hans svo hægt væri að afrita gögn úr honum í þeim tilgangi að semja falsfréttir um Samherja og starfsmenn þess. 

 

Sjá menn ekki hvað það er sjúkt að láta sér detta í hug þennan glæp í svona ómerkilegum tilgangi, hvað þá þann andlega sjúkleika að framkvæma glæpinn??

 

Samt var ekkert gert, ekkert sagt fyrr en Páll Vilhjálmsson tók þetta mál uppá sína arma og krafðist réttlætis, sem og að viðkomandi blaðamenn, hinir raunverulegu eiturbyrlarar þó þeir hafi notað sjúka manneskju sem verkfæri sitt, yrðu látnir sæta ábyrgð.

Sæta ábyrgð í stað þess að fá að halda áfram að spúa eitri yfir samfélag okkar.

 

Héraðsdómur sá það allavega ekki en það gerði Landsréttur hins vegar.

Og héraðsdómur hefur lært af hrakförum sínum, að það sé dæmt eftir lögum í Landsrétt en ekki eftir stefnum og straumum á umræðuvettvangi Góða fólksins.

 

Héraðsdómur sýknaði Pál í dag af ákæru um hatursorðræðu, enda vandséð hvernig rökfastur málefnalegur maður getur verið sekur um slíkt þó hann fjalli um umdeild mál á mannamáli.

Skoðanir, að tjá þær, er ekki hatursorðræða, að því gefnu að það sé ekki að hvetja til ofbeldis og morða líkt og borgarstjórn Reykjavíkur er að gera með því að flagga palestínska fánanum til sýna samhygð sína með voðaverkum Hamas og þeim hörmungum sem samtökin hafa kallað yfir íbúa Gasa strandarinnar.

Ekkert slíkt hefur Páll gerst sekur um, hann hefur aðeins tjáð meiningu sín á skýran og rökfastan hátt, reyndar svo að undan sveið, en slíkt er ekki hatursorðræða heldur stílfærni.

 

Og þá er það ríkissaksóknari, af öllum vanhæfum embættismönnum þjóðarinnar, sem ákærir Pál, ræðst þar með gegn einum af hornsteinum lýðræðisins, tjáningarfrelsinu.

Vegna hvers???

Vegna þess að hún er lesbísk, vanhæf, eða vegna þess að hún hatast út í frjálsa orðræðu, að hún ali með sér þann blautlega draum að vera ríkissaksóknari í Íran eða Norður Kóreu, eða kannski saksóknari Hamas á Gasa-ströndinni.

 

Skiptir ekki máli.

Hvort sem þessi atlaga ríkissaksóknara að lýðræðinu stafi af persónulegum tengslum við þau samtök sem kærðu Pál fyrir hatursorðræðu, almennri heimsku eða vanhæfni, eða hvað annað sem skýrir þessa opinbera ákæru á hendur honum, þá er ljóst að þarna lagði ríkissaksóknari allt undir.

Og tapaði, ef hún áfrýjar til Landsréttar, þá mun hún skíttapa.

Því enginn dómsstóll þjóðarinnar mun lýsa því opinberlega yfir að lýðræðið sé dautt á Íslandi, að landið sé komið í flokk með alræðis og ógnarstjórnarríkjum þar sem það varðar við lög að tjá skoðanir sem eru ekki þóknanlegar alræðis eða ógnarstjórninni.

 

Munum svo í þessu samhengi að ríkissaksóknari lagði blessun sína yfir að klíka blaðamanna reyndi að myrða einn af samborgurum okkar, atburðarrás sem lögreglan á Norðurlandi eystra kortlagði en þorði svo ekki þegar á reyndi að hætta sér í slag við hina illvígu blaðamannaklíku og pólitískt bakland hennar, klíku sem virðist telja sig ríki í ríkinu, fyrir ofan lög og rétt, fyrir ofan þá skyldu blaðamanna að segja satt og rétt frá eftir sinni bestu vitund.

Ríkissaksóknara bar allan tímann þá skyldu til að láta reyna á þau lagatæknilegu atriði sem lögreglustjórinn á Norðurlandi eystra notaði sem afsökun fyrir kjarkleysi sínu, hvort siðspillingin væri orðin slík í samfélaginu að það væri allt í góðu að sýna borgurum þess banatilræði.

 

Nei það gerði hún ekki en homma og lesbíusamtökin ´78 virðast geta notað embætti hennar sem pöntunarvél til að ákæra mann og annan sem beygja sig ekki undir ógnarstjórn samtakanna í opinberi umræðu.

Þar sem hæst ber sú fáráð að það er hægt að ákæra sem hatursorðræðu að benda á þá staðreynd að kyn spendýra eru tvö, og þau geta aldrei annað en verið tvö, því það er forsenda þess getnaðar sem verður að nýju lífi.

 

Vanhæfni, hugmyndafræðileg kredda, skiptir ekki máli, ríkissaksóknara ber að segja af sér embætti, strax á morgun, ekki nema þá að hún treysti sér til að fara með málið lengra, og þegar hún tapar því fyrir Landsrétti, á hún ekki einu sinni að fá tækifæri til að segja af sér.

Heldur á að reka hana með skömm.

Það er ekki hægt að líða svona árás á lýðræðið í þágu einhverra samtaka út í bæ.

Sem þola ekki umræðu um mjög umdeild störf sín.

 

Að líða morðtilræði blaðamanna sem telja sig ríki í ríkinu.

Að líða árás á réttinn til að tjá skoðanir sínar.

Er það sama og að lýsa yfir að íslenska þjóðin býr hvorki yfir réttarfari lýðræðisþjóða eða málfrelsinu sem er forsenda þess sama lýðræðis.

 

Og ég spyr.

Hver vill lýsa slíku yfir??

 

Já hver.

Kveðja að austan.

Páll sýknaður vegna ummæla um Samtökin 78

Vegna víga­ferla Ísra­ela á hend­ur Palestínu­mönn­um

 

Segir blaðamaður Morgunblaðsins í viðtengdri frétt og ég gerði að fyrirsögn þessa pistils.

 

Tilefni þessa orða er sú ákvörðun EBU, Sambands evrópskra sjónvarpsstöðva, að meina ekki Ísraelum þátttöku í Eurovision, líkt og Ísland og fleiri meðlimaríki fóru framá.

Skýring þeirra kröfu er það sem blaðamaðurinn kallar "Vígaferli Ísraela á hendur Palestínumönnum".

Síðan er megnið af fréttinni eytt í rökstuðning Stefán Jóns Hafsteins, formanns stjórnar Rúv, fyrir þessari tillögu Íslands, og sérstaklega vísað í grein sem hann skrifar á Vísi þann 1. júlí síðastliðinn.

 

Ekkert af því en hlutlaust fréttablað, hvað þá borgaralegt fréttablað, sem segir fréttir en tekur ekki afstöðu til frétta, til þess eru ritstjórnargreinar blaðsins, hefði þá líka fjallað um röksemdir minnihlutans, en þessi ákvörðun var tekin með minnsta mögulega mun, 5 á móti 4, og gert þeim skil í viðkomandi frétt.

Það gerir blaðamaður Morgunblaðsins ekki, og meint hlutlaus afstaða hans kemur skýrt fram í þessu orðalagi sem ég vitna í.

 

"Vígaferli á hendur Palestínumönnum"!!

 

Bíddu við, voru það ekki Palestínumenn, eða yfirstjórn þeirra á Gasa sem réðst inní Ísrael, drap þar óbreytta borgara á sem viðbjóðslegan hátt, nauðgaði, limlesti, svívirti, og tók síðan með sér jafnt lifandi sem dáið fólk sem gísla til baka yfir landamærin??

Og eru sumir gíslar ekki ennþá í haldi, jafnt lifandi sem liðnir??

Eru það síðan ekki herir sem eru ennþá að berjast á Gasa, innrásarlið Ísraela við varnarlið Hamas??

Varla heldur einfeldningurinn sem skrifaði þessa frétt að Ísraelsmenn séu að berjast við sjálfa sig í þessum meintum vígaferlum sínum á Gasa??

 

Það er svona fréttamennska sem kemur óorði á fjölmiðla sem og blaðamenn.

Svona hlutdrægni sem segir aðeins hluta sannleikans, ef þá nokkurn.

 

Til dæmis voru það Rússar sem réðust yfir landamæri Úkraínu og herja þar því Úkraínumenn hafa ekki styrkinn til að hrekja þá úr landi.

Þess vegna ákvað EBU þá ákvörðun, hvort sem það var með réttu eða röngu, að vísa Rússlandi úr Eurovision.

Vegna þess að Rússland var árásarríkið

 

Það hefur aldrei staðið til að vísa Úkraínu úr keppninni þó Úkraínuher hafi gert fjölmargar gagnárásir yfir landamærin til Rússlands, hertekið land, skemmt innviði og svo framvegis. 

Og þær árásir hefðu verið öflugri ef þeir hefðu til þess minnsta mátt.

 

Það voru Palestínumenn sem réðust yfir landamærin við Ísrael, og frömdu þar ólýsanleg voðaverk, og það eru Palestínumenn sem hafa beinan ásetning við að útrýma 9 milljóna manna nágrannaþjóð sinni.

Sem þeir myndu gera hefðu þeir til þess hernaðarstyrk.

Gagnárásir Ísraela yfir landamærin og hernaður þeirra á Gasa er vegna þessarar innrásar Palestínumanna, og þeir herja þar því þeir hafa hernaðarlega yfirburði, en það er stríð þar engu síður og ennþá hefur Hamas ekki gefist upp og skilað gíslunum sem þeir tóku.

 

Ef það er samkvæmni í þessum kröfum, þá eiga Úkraínumenn að víkja vegna gagnárása sinna og Rússar að fá afsökunarbeiðni fyrir að hafa verið reknir úr keppninni vegna þess að það er alltí góðu að gera innrásir í önnur ríki og fremja þar voðaverk.

En kannski ætluðu Úkraínumenn ekki að útrýma Úkraínumönnum, og því ekki jafn saklausir í þessum átökum og Palestínumenn eru samkvæmt þessari kröfu íslenskra stjórnvalda og Morgunblaðið réttlætir í þessari frétt.

 

Allavega fer ekki saman hljóð og mynd, eins og alltaf er þegar fjölmiðlar ástunda áróður, taka afstöðu, hætta að segja fréttir.

Eins og Morgunblaðið gerir í þessari frétt.

 

Og hefur gert í svo mörgum öðrum.

Styður voðamenni og þjóðarmorð.

 

Skömmin getur ekki verið meiri.

Kveðja að austan.

 

Ísraelar ekki brottrækir úr Eurovision

Flöggum með þjóðarmorðingjum

 

Fáni Palestínu er allra góðra gjalda verður, sjálfar Sameinuðu þjóðirnar samþykktu að hluti hernámssvæði Breta fyrir botni Miðjarðarhafs, svæði sem Bretar tóku af fallandi veldi Osmana eftir fyrra stríð, yrði sjálfstætt ríki arabískra íbúa hins gamla gyðingalands sem féll í hendur Rómar á undir lok fyrstu aldar núverandi tímatals.

Af því varð ekki vegna þess að nágrannaríki hins nýstofnaða gyðingaríkis, sem fékk hinn hluta hins gamla gyðingalands, réðust á hið nýstofnaða ríki, og þegar þau töpuðu þeirri styrjöld, þá annars vegar hertók Jórdanía, ríki sem var líka stofnað úr hernámssvæði Breta líkt og Írak og Sýrland, Vesturbakka Jórdan sem átti að vera kjarnasvæði hins nýja ríki Palestínuaraba.

Egyptar hertóku síðna Gasa ströndina, en hún átti líka að tilheyra hinu nýja ríki.

 

Það sem er kallað hernám Ísraela í dag yfir Palestínu er hernám Ísraela í sífelldum stríðum þeirra við arabísku nágrannríki sín, Ísrael hefur aldrei lagt undur sig hið meinta sjálfstæða ríki Palestínu Araba.

 

Hugmyndin um raunverulegt sjálfstætt ríki Palestínu varð eftir samkomulag Yasser Arafat, leiðtoga Palestínuaraba við Ísrael, friðarsamkomulag sem kennt er við Camp David, og kvað á um hina margumtöluðu Tveggja ríkja lausn.

Margt eyðilagði það samkomulag og um það ætla ég ekki að fjalla um hér.

 

En þó hið nýfrjálsa ríki Palestínuaraba hefði verið undir hæl Ísraelsmanna, þá fékk það sinn fána, og sinn forseta.

Skömmu seinna klofnaði það vegna innbyrðis átaka, annarsvegar milli miðaldaöfgamanna kennda við Íslamista, Hamas, og hins vegar veraldlega þenkjandi stjórnmálamenn í Fatah hreyfingu Yasser Arafats, sem hélt Vesturbakkanum en tapaði borgarstríðinu við Hamas á Gasa.

Eftir þau átök myrti Hamas þúsundir liðsmanna Fatah hreyfingarinnar, hóf að ofsækja nútímann, leið ekki samkynhneigð, kvenfrelsi eða annað sem talið er sjálfsagt í nútíma samfélagi.

 

Það var Hamas sem hóf stríðið við Ísrael með því að ráðast yfir landamærin og myrða og nauðga óbreytta borgara á sem viðbjóðslegan hátt.

Það var Hamas sem tók gísla, bæði lifandi sem lík, og flutti þá í skjól neðanjarðargagna sinna, sem meðal annars voru grafin fyrir meinta þróunaraðstoðar íslenskra stjórnvalda.

Það var Hamas sem kallaði hörmungarnar yfir þjóð sína, og ennþá berjast Hamasliðar við Ísraelsmenn, og þverkallast við að láta lausa hið hertekna fólk, jafnt lifandi sem dauða.

 

Það er Hamas sem notar sitt eigið fólk sem mannlega skildi.

Um það eru til fjölda ljósmynda teknar af drónum sem og gervihnöttum.

Sárasta mynd sem ég hef séð um ævina, fyrir utan gyðingabörnin sem áttu aðeins klukkutíma eftir ólifaða áður en gasklefinn tók við þeim, er hreyfimynd frá dróna sem sýnir vopnaða Hamasliða halda börnum í gíslingu við einn af eldflaugaskotpall þeirra.

 

Og það er Hamas sem velur sér skóla eða sjúkrahús til að verjast árásum Ísraelahers, siðblinda samtakanna er algjör því tölvusamskipti milli æðstu yfirmanna samtakanna í aðdraganda voðaverkanna 7. október hafa verið afhjúpuð, þar tala þeir um píslarvætti síns eigin fólks, samtökin geti fórnað þúsundum óbreyttra borgara til að hafa áhrif á fjölmiðlaumfjöllun vestrænna miðla.

Eins og þeir hafi ekki vitað af fjárstuðningnum frá Persaflóanum sem mengar alla umfjöllun vestrænna fjölmiðla um stríðið á Gasa.  Spyrjið bara Morgunblaðið.

Siðblindan að fórna sínu eigin fólki, að nýta börnin sín sem mannlega skildi, stendur eftir sem áður, afhjúpar miðaldafólk sem á ekkert erindi í nútímann, og ef það er meðal vor, þá er aðeins dauðinn og djöfullinn sem fylgir í fótspor þeirra.

 

Borgarstjórn Reykjavíkur ákvað að flagga með þessum þjóðarmorðingjum.

Íslamistunum sem hata kvenfrelsi, hata hinsegin fólk, og sannarlega drepa það hvar sem þeir ná í það, íslamistum sem lögðu sitt eigið fólk á höggstokkinn.

 

Það er gott að sjálfstæðismenn í borgarstjórn Reykjavíkur hafi kjark til að mótmæla þessari flöggun, þessari upphafningu á þjóðarmorðum Íslamista Hamas á sínu eigin fólki.

Það þarf kjark til að fara gegn almannarómi Góða fólksins á Íslandi í dag.

 

En fyrst og fremst sýnir þetta hve mannlegur viðbjóður og ógeð hefur grafið um sig meðal Góða fólksins.

Það hefur engan sið eða sóma, kinnroðalaust gengur það erinda öfga og dauða Íslamista sem ógna öllu mannlífi, bæði innan hins múslímska heims, sem og hjá okkur hinum, sem eru réttdræpir trúleysingjar í þeirra augum.

Aldrei hefur risið á Góða fólkinu verið lægra en með þessari flöggun.

 

Það styður ekki aðeins þjóðarmorð Hamas á sínu eigin fólki, heldur það markmið Íslamista, og reyndar hluta af arabaheiminum, að útrýma 9 milljóna manna þjóð gyðinga.

Svo tala menn um nasistana og kommúnistana á síðustu öld, þeir áttu sér allavega hugsjónir.

Og drápu og myrtu í nafni þeirra.

 

En Góða fólkið, það á sér enga hugsjón.

Engan sið eða sóma.

 

Það er ekkert nema Tómið eitt.

Kjarni úrkynjunar mannsins á tímum þegar mannkynið berst fyrir tilveru sinni.

Hvort sem það eru loftslagsbreytingar, ógnin af gervigreindinni, eða stríðstali um að heyja næstu styrjöld með gjöreyðingarvopnum.

 

Eitthvað sem mennskan getur mætt og tekist á við.

En Tómið ekki. 

 

Því Tómið er ekkert.

Hefur hvorki sál eða vitund.

Er ómennskara en sjálf gervigreindin.

 

Fyrirlitlegra getur eitt fólk ekki orðið.

Kveðja að austan.

 

Óábyrgt að taka afstöðu með þessum hætti

Loksins er hommunum mætt.

 

Hefur farið í gegnum hug margra sem lásu þessa frétt.

 

Af hverju á að flagga fánum hinsegin fólks á opinberum vettvangi??

Af hverju er verið að mála götur í litum þess??

Af hverju er þetta eina baráttumálið sem tröllríður opinberi umræðu, þegar svo margt annað er líka til að berjast fyrir, svo margir fánar til að flagga.

 

Svarið er mjög einfalt, þetta var tískufyrirbrigði, að mörgu leiti hluti af gleðinni sem fylgir gleðigöngum, en er orðið fyrir löngu að kvöð, og stjórnast jafnvel af ótta.

Ótta við mjög háværan, illskeyttan minnihlutahóp sem hefur greiðan aðgang að fjölmiðlum og fjölmiðlafólki, hvað sem veldur.

 

Hvaða samhengi er til dæmis á milli þess að nasistar ofsóttu homma, og þess að kanslari Þýskalands vill ekki flagga regnbogafánanum við þinghúsið í Berlín??

Nasistar drápu fleiri, til dæmis fatlað fólk, þar á meðal börn, og það skipti ekki máli hvort þau voru andlega eða líkamlega fötluð, drepin voru þau engu að síður.

Samtök fatlaðra eru samt ekki með þennan frekju og yfirgang, hvað þá illskeytnina og hatursorðræðuna sem tröllríður alla opinbera umræðu samtaka hinsegin fólks.

 

Hún og þessi illskeytni ásamt frekju og yfirganginum er skýring þess fræga bakslags sem hinsegin fólk hefur fundið fyrir, því öfgar kalla á öfga.

 

Ég er til dæmis einn af þeim sem skyldi afstöðu Karls heitins Sigurbjörnssonar biskups þegar hjónavígsla samkynhneigðra stóð í honum, hann vitnaði jú í ritninguna þar sem talað var um hjónaband karls og konu, en það er bara svo margt sem stendur og stendur ekki í biblíunni, til dæmis minnist hún hvergi á snjallsíma og samfélagsmiðla.

Þeir eru samt ekkert vanheilagir fyrir vikið enda biblían skrifuð fyrir árþúsundum fyrir annan veruleik en er í dag.

 

Ég skyldi hann, en ég var ekki sammála honum, sá samt enga ástæðu til að fara út á torg og hrópa ókvæðisorð, hvað þá að taka steina og fara að grýta hann.

Ég taldi og tel að kirkjan sé fyrir alla, og það væri eðlilegasti hlutur í heimi að ástfangin samkynhneigð pör fengju hjónavígslu sína í kirkjunni eins og önnur pör.

Þetta snýst ekki um kyn heldur ástina, kærleikann og viljann til að fá staðfestingu sambands síns í guðshúsi.

 

Kirkjan eins og samfélagið á að vera opin öllum, allir eiga að njóta sama réttar, enginn að vera þar undanskilinn sem og að enginn eigi að njóta þar forréttinda.

En hvaða skilaboð er kirkjan að senda í dag þegar eina umræðan innan hennar virðist snúast um hinsegin fólk og þá sérstaklega örminnihlutann, transfólk, réttindi þeirra, stöðu og svo framvegis?

Því til staðfestingar eru fánar þessara hópa dregnir að húni, gangstéttir og kirkjutröppur málaðar í regnbogalitum, og réttlætingin sú að það sé verið að tjá fjölbreytileika stuðning sinn.

Einn hópur tekinn út úr, fram yfir aðra.

Réttindabarátta orðin að forréttindabaráttu.

 

Ég tek kirkjuna sem dæmi því hún endurspeglar umræðuna í samfélaginu, óttaumræðuna í samfélaginu.

Og skýringu þess að margt fólk er búið að fá nóg af þessari umræðu.

"Af hverju geta þau ekki bara verið eins og við hin" spurði góður maður mig þegar þetta kom til tals. "Þau njóta sömu réttinda, af hverju halda þau ekki áfram með líf sitt og eru hluti af samfélaginu".

Átti þá við að sá sem vill vera hluti af samfélaginu, er hluti af samfélaginu en ekki stöðugt að krefjast einhverra sérréttinda eða forréttinda.

Enda geta menn ímyndað sér hvernig ástandið væri ef allir krefðust þess að götur væru málaðar í þeirra litum, aðeins KR-ingar njóta þeirra forréttinda með gangstéttarnar. 

 

Eða ef öll félagasamtök, hagsmunasamtök, baráttusamtök gerðu kröfu um að fánum þeirra yrði flaggað við skóla, ráðhús og aðrar opinberar byggingar.

Og ysu síðan skít og óhróðri yfir þá sem neituðu, eða eins og ástandið er í dag, voguðu sér að gera athugasemdir, eða hafa aðrar skoðanir.

 

Fjölbreytni samfélagsins felst nefnilega í að við erum ekki öll eins.

Samkennd þess felst í að virðum hvort annað, föllum inní samfélagið á okkar hátt, og gerum þannig samfélagið að eitt, að einu.

Eitt samfélag hefur einn fána, þjóðfánann eins og kanslari Þýskalands benti réttilega á.

Tilheyri þjóðin yfirríki eins og Evrópusambandinu, þá er auðvita flaggað fána þess yfirríkis.

 

Krafan um sérstöðu eins hóps yfir annan gengur gegn þessari samkennd.

Sísuð og væl í fjölmiðlum um réttinn til sérstöðu á kostnað allra annarra, gengur líka gegn þessari samkennd.

Skapar pirring og jafnvel þá úlfúð sem hinsegin fólk þykist greina gagnvart sér í dag.

 

Það er því tími til kominn að það staldri við, spyrji sig hvort einhverja sök sé hjá því sjálfu að finna, hvort talsmenn þeirra séu í sinni síheilögu vandlætingu gagnvart okkur öllum hinum, séu að skemma í stað þess að styðja.

Sem og hvort einhver flærðaröfl séu að nýta réttindabaráttu þeirra vegna eigin hagsmuna.

Því Góða fólkið er ekki gott fólk, það hugsar bara um völd sín og áhrif

Og hverjir standa að baki Góða fólkinu???

 

Það er alltaf hollt og gott að staldra við og spyrja sig spurninga.

En fyrir hinsegin fólk er það lífsnauðsyn áður en þeir fá alla uppá móti sér.

 

Aðeins þeir sem kjósa sér hlutskipti fórnarlambsins átta sig ekki á því.

Eins og þeim líði illa í eigin skinni þegar það hlutskipti er tekið frá þeim með viðurkenningu samfélagsins.

 

Lífið er réttindabarátta.

Á einn eða annan hátt fyrir okkur öll.

 

Þar á enginn að skera sig úr.

Því við erum öll eitt.

Kveðja að austan.

Engir pride-fánar: Þingið ekki sirkustjald

Var þetta forsenda endurkomu Ásthildar Lóu?

 

Að hún yrði ekki hýdd af Rúv þegar hún snéri aftur í þingsal.

Ef hún snérist gegn Fólkinu sem flokkur hennar er kenndur við.

 

Ásthildur er vel gefin kona, hún veit, eins og allir sem eru þokkalega vel gefnir, að hinar svokölluðu 4-5 fjölskyldur lifa af þessa ofurskatta á sjávarútveginn.

En megnið af annarri útgerð og fiskvinnslu hverfur.

Sem er einmitt tilgangur þessar aðfarar Viðreisnar að fólkinu á landsbyggðinni.

Sömu aðför og tókst hjá systurflokki Viðreisnar á Nýja Sjálandi á níunda áratugnum, og sjávarbyggðirnar urðu auðnin ein.

 

Það er Fólk, lifandi fólk sem vinnur hjá sjávarútvegsfyrirtækjum á landsbyggðinni.

Og það er Fólk, lifandi fólk sem starfar hjá öllum öðrum fyrirtækjum sjávarbyggðanna, sem náðu að lifa af upphaflegu kvótasetninguna, fólk sem á allt sitt undir að 101 Reykjavík geri ekki aðra aðför að byggðum þess.

Þetta eru feður, þetta eru mæður, Fólk alveg eins og Ásthildur Lóa.

 

Fólk sem Ásthildur Lóa ætlar að setja á höggstokkinn að kröfu Viðreisnar.

 

Þetta fólk stundar ekki "grímulausa sérhagsmunagæslu", en gæfa þess er að jafnt fyrirtæki sem og sveitarfélög á landsbyggðinni hafa sameinast gegn þessar aðför að atvinnu þess og tilveru.

Og þó enginn hafi átt von á því, því Viðreisn er grímulaus hagsmunaflokkur fyrir stórauðvaldið í Samtökum Atvinnulífsins, þá fékk þetta fólk, fólkið sem Flokkur fólksins kennir sig við, stuðning frá heildarsamtökum Atvinnulífsins, þannig að Viðreisn er í raun í skógargangi gegn sínum eigin bakhjörlum.

Þá kemur þessi óvænti stuðningur frá þingmönnum sem kenna sig við Fólk, sem og þeirri afskræmingu hugsjóna jafnaðar og félagshyggju sem kennd er við Samfylkinguna.

 

Gaslýsing segir Ásthildur Lóa.

Eins og ég kann vel við hana og þrotlausa baráttu hennar við þjófnaðinn á eigum almennings sem ríkisstjórn Jóhönnu og Steingríms skipulagði, sem sannarlega má kenna við sérhagsmunagæslu fyrir banka og auðmenn, þá hef ég aðeins eitt um þessi orð Ásthildar að segja.

 

Ásthildur, ef þú treystir þér ekki í frekari kaghýðingu Rúv, vertu þá bara áfram heima hjá þér.

Þú áttir æru.

Kastaðu henni ekki á glæ með þjónustu við það svarta af öllu hinu svarta sem þú barðist gegn í öll þessi ár.

 

Þú ert betri en þetta.

Kveðja að austan.

Ásthildur Lóa sakar menn um gaslýsingu