Í hvaða heimi lifa stjórnmálafræðingar??

 

Ríkisstjórn Jóhönnu Sigurðardóttir er nýbúinn að fá á sig dóm EFTA dómsins sem eyðileggur síðustu málsvörn hennar í ICEsave fjárkúgun breta, og eftir stendur þessi sama ríkisstjórna á berangri með allt niðrum sig.

Og þá fjallar hin faglega greining um eitthvað sem er ekki skemmtilegt, og þá er eitthvað skemmtilegt fyrir aðra.

 

Þetta er ekki persónulegt út í Stefaníu, hún er einna minnst bullvædd af stjórnmálafræðingum sem er líklegast skýring þess að blaðamaður Morgunblaðsins spyr hana álits.

En hún missti af sínu faglega tækifæri.

Það eru þrjár grundvallarspurningar sem hún átti að spyrja og reyna að kryfja.

 

Lifir ríkisstjórn Jóhönnu Sigurðardóttir af vantraust sem byggist á tilvísun í EFTA dóminn og afleiðinga hans fyrir stöðu Jóhönnu Sigurðardóttir sem meintrar landráðamanneskju.

Lifir ríkisstjórn Jóhönnu Sigurðardóttir af rökstudda kæru sem mun koma frá almenningi um hið meinta landráð.

Mun Ólafur Ragnar Grímsson grípa inní atburðarrásina og setja ríkisstjórn Jóhönnu Sigurðardóttir af og skipa í kjölfarið utanþingsstjórn flekkslaus fólks??  Rjúfa svo þing og boða til kosninga.

 

Fjárkúgun breta, sem var frá 1/3 til 2/3 af þjóðarframleiðslu, er alvarlegasta aðför af vestrænu lýðræði frá því að Þýskaland braut undir sig Austurríki og Tékkóslóvakíu á fjórða áratug síðustu aldar með svipuðum aðferðum.  

Gífurlegar ytri hótanir, meintur alþjóðlegur þrýstingur í tilviki Tékka, og stuðningur og undirróður innlendra samverkamanna.

Söguleg samsvörun er augljós og sagan hefur dæmt þetta atferli Þjóðverja.  

Og þegar yfir lauk dæmdi réttarríkið þá sem ábyrgðina báru.

 

Það á eftir að dæma í ICEsave málinu, og það mun verða dæmt.

Því alræðið tapaði á sínu tíma og hefur ekki enn verið endurreist þó í annað sé látið skína.

Það gilda lög í landinu og þau munu verða virkjuð.

 

Eina spurningin er hvort grípur fyrr inn í forsetinn eða þjóðin.

En það verður gripið inní.

 

Ísland er lýðræðis og réttarríki.

Kveðja að austan.

Ekki skemmtilegt fyrir Jóhönnu

ICEsave var dæmd fjárkúgun.

 

Og þjóðin kýs yfir sig flokk ICEsave-ista??

Hvað er að??

 

Almenningur í Evrópu er látin borga afglöp fjármálamanna.

Þjóðin kýs að slíkt gerist líka á Íslandi.

Hvað er að??

 

Til hvers að segja Nei við ICEsave og kjósa svo Bjarta framtíð um neyð Evrópu??

Til hvers vorum við að segja Nei við fjárkúgun og ofbeldi og kjósum svo flokkinn sem fjárkúgararnir stofnuðu?

Flokk verðtryggingar og skuldaþrælkunar almennings.

 

Hvenær urðum við þjóð úrkynjunarinnar að geta ekki varð framtíð barna okkar??

Getur fjármálamafína endalaust spilað með okkur??

Dugar að setja pening í að útbúa fallega ímynd utan skrum til að við missum frumhvötina að verja það sem okkur er kærast??

Fjölskyldu okkar, landið okkar, þjóð okkar.

 

Hvað fór úrskeiðis??

Ég spyr.

Kveðja að austan.

Bjartri framtíð spáð bjartri framtíð

Fjárkúgun er ekki samningar.

 

Að láta undan einhliða kröfum byggðar á ofríki, án tilvísun í lög og rétt, án þess að leyst sér úr ágreining, er fjárkúgun.

Bretar þekkja slíkt mjög vel, IRA fjármagnaði starfsemi sína til fjölda ára með slíkri iðju.

Extortion, outwresting, and/or exaction is a criminal offense which occurs when a person unlawfully obtains either money, property or services from a person(s), entity, or institution, through coercion (þvingun). Refraining from doing harm is sometimes euphemistically called protection. Extortion is commonly practiced by organized crime groups. The actual obtainment of money or property is not required to commit the offense.

 

Skýrar er ekki hægt að orða ICEsave kröfur bretar en með þessari tilvitnun í bresk lög.

 

Og fjárkúgun svarar fólk aðeins á einn veg samkvæmt lögum.

Nei.

 

En ríkisstjórn Jóhönnu Sigurðardóttir tók þátt í leiknum, hún laug því að þjóðinni að einhliða kröfur breta væru þjóðréttarskuldbindingar íslensku þjóðarinnar samkvæmt EES samningnum.

Þar með var hún samseki, orðin þátttakandi í fjárkúguninni.

Um það féll dómur síðastliðinn mánudag.

 

Samfylkingin sem flokkur, tók þátt í hinum ljóta leik.

Þess vegna á hún að ræða eitt og aðeins eitt á landsfundi sínum.

Hvernig hún sem flokkur getur axlað ábyrgð á glæpum sínum.

 

Þekkt fordæmi frá Ítalíu þar sem gjörspilltir stjórnmálaflokkur Kristilegra íhaldsmanna axlaði ábyrgð, þegar hann var kominn upp að vegg, og ljóst var að hann var sekur um glæp.

Hann lagði sig niður.

 

Samfylkingin ætti að leggja sig niður.

Eða breyta flokknum í góðgerðarsamtök sem einbeita sér að líkna þjáningar þeirra sem liðu vegna stefnu flokksins í málefnum heimilanna.

 

En að halda áfram, kallar aðeins á réttarhöld og sakfellingu.

Og Hraunið.

Kveðja að austan.

„Samningaleiðin var ábyrga leiðin“

Ólafur.

 

Fólk þjáist vegna óráða AGS.

Fólk fær ekki leiðréttingu skulda sinna.

Innviðir samfélagsins rotna vegna himinháa vaxtagreiðslna sem fara í AGS lánið, lán sem var hugsað til að greiða út erlendum spákaupmönnum froðukrónur sínar á yfirverði.

Og vaxtastefna sjóðsins hefur sogið allan þrótt úr átvinnulífinu.

 

Þó sjóðurinn hafi ekki gengið að þjóðfélaginu dauðu, eins og hann hefur tilhneigingu til, þá er óþarfi að hrósa honum.  

Þú hrósar ekki manni sem lét nauðgunina duga en drap ekki á eftir.

 

Ólafur, hættu að snobba fyrir fjármálaelítunni sem er í stríði við hinn venjulega mann.

Gerðu eins og Grímur rakari, stattu með fólkinu.

Stattu með þjóð þinni.

 

Oft hefur verið þörf, en nú er nauðsyn,.

Skuldaþrældómur vogunarsjóðanna er handan hornsins.

 

Og þá er ekki aftur snúið.

Kveðja að austan.

Forsetinn: AGS lærði lexíu á Íslandi

Kunna ungir Sjálfstæðismenn annan.

 

Ef eitthvað er fyndnara en að tengja sigur þjóðarinnar við Samfylkinguna, þá er það að tengja hann við þingmenn Sjálfstæðisflokksins.

Eða fólk sem vildi semja á einhverjum stigum málsins.

 

Víkjum að hinu fyrra.

Indefence hópurinn vann kraftaverk í baráttunni við Svavarsfrumvarpið, hann hafði aðgang að fjölmiðlum og hann hafði góða talsmenn.

En hann vildi alltaf semja, það kom skýrt fram í öllum hans málflutningi.  Hann vildi bara semja hagstætt, en semja engu að síður.  Og það kom skýrt fram í upphafi seinni lotu ICEsave svikanna, þegar átti að semja skynsamt.  

Höldum þessu til haga því sá sem þekkir ekki muninn á réttu og röngu, og segir Nei við röngu, hann mun ekki standa fyrir réttlæti málsins, að þeir sem fjárkúguð þjóðina verði látnir sækja ábyrgð.

 

Sá ágæti maður Frosti Sigurjónsson hóf líka sína andstöðu á að benda á skynsemi hóflegra samninga.  En það breytir því ekki að af öðrum ólöstuðum þá var hann besti fulltrúi Nei hópsins í seinni þjóðarstríðinu en það má heldur ekki gleyma Reimar Péturssyni, hann var líka betri en enginn.  En þessir menn voru ekki Nei menn í þessari merkingu að þeir sögðu Nei allan tímann.  

En heiður mikinn eiga þeir skilið.

 

Hinsvegar hefði sigur fyrir EFTA dómnum ekki unnist ef það hefði verið samið.  

Og barátta þjóðarinnar snérist um lög og reglur, um sigur fyrir dómi.

 

Víkjum þá að þingmönnum Sjálfstæðisflokksins.

Hvar voru þeir þegar ríkisstjórn Sjálfstæðisflokksins samdi við Hollendinga um ICEsave??

Hvar voru þeir þegar Davíð Oddsson sendi skriflegt ákall til ríkisstjórnarinnar að setja ekki þessar þrælaklyfjar á þjóðina??  

Hvar voru þeir þegar samkomulagið við AGS var samþykkt, en í því samkomulagi var gengið út frá því að samið yrði við breta á sömu forsendum og Hollendinga.  Ein af grunnforsendum AGS samkomulagsins.  

Þá var Davíð Oddssyni sagt að halda kjafti af forystu flokksins, og enginn reis upp honum til varnar.

Sjá menn ekki rökvilluna í þessu?

 

Eða á ég að rifja upp þessa atkvæðagreiðslu um breytingartillögu á Svavarssamningnum sem var samþykkt með atkvæðum þingmanna Sjálfstæðisflokksins, auk stuðningsmanna bresku fjárkúgunarinnar.

 

Breytingartillögur við frv. til l. um heimild til handa fjármálaráðherra, fyrir hönd ríkissjóðs, til að ábyrgjast lán Tryggingarsjóðs innstæðueigenda og fjárfesta frá breska og hollenska ríkinu til að standa straum af greiðslum til innstæðueigenda hjá Landsbanka Íslands hf.

Frá Guðbjarti Hannessyni, Kristjáni Þór Júlíussyni, Birni Val Gíslasyni, Ásmundi Einari Daðasyni, Sigmundi Erni Rúnarssyni, Ásbirni Óttarssyni, Árna Þór Sigurðssyni, Oddnýju G. Harðardóttur, Einari K. Guðfinnssyni og Þór Saari.

1. Við 1. gr. a. Við 1. mgr. bætist: með þeim fyrirvörum sem fram koma í lögum þessum og gildir til 5. júní 2024. b. Við bætist ný málsgrein er verði 2. mgr., svohljóðandi: Það er skilyrði fyrir veitingu ríkisábyrgðarinnar að breskum og hollenskum stjórnvöldum verði kynntir þeir fyrirvarar sem eru settir við ábyrgðina samkvæmt lögum þessum og að þau fallist á þá. Enn fremur að lánveitendur samkvæmt þeim lánasamningum sem greinir í 1. mgr. viðurkenni að skuldbindingar Tryggingarsjóðs innstæðueigenda og fjárfesta séu háðar sömu fyrirvörum og ríkisábyrgð samkvæmt lögum þessum. 2. Við 3. gr. Lokamálsgrein orðist svo:  Greiðsluskylda lánasamninganna skal aldrei vera meiri en hámark ríkisábyrgðar, sbr. 3. mgr. Nú virðist á einhverjum tíma stefna í að lánsfjárhæðin ásamt vöxtum verði ekki að fullu greidd í lok lánstímans vegna hinna efnahagslegu viðmiða og skulu aðilar lánasamninganna þá tímanlega eiga með sér viðræður um meðferð málsins og áhrif þess á samningana og skuldbindingar Tryggingarsjóðs innstæðueigenda og fjárfesta. 3. Við 4. gr. Á eftir orðunum „við aðila lánasamninganna um“ í lokamálslið 2. mgr. komi: það hvernig farið skuli með eignir úr búi Landsbanka Íslands hf. og.

 

Það er engin afsökun að segja að menn hafi greitt atkvæði gegn sjálfu frumvarpinu, það var leikrit, hinn raunverulegi vilji kom þarna fram.

Nei, þýðir Nei, ekki bara stundum.

 

Því skal hins vegar haldið til haga að Pétur Blöndal þrjóskaðist alltaf við að styðja óhæfuna, og hélt uppi snöfurlegum málflutningi á Alþingi haustið 2008.  

En hann reis aldrei upp og tók þjóðarhag fram yfir flokkshag.

Og við værum þrælar í dag ef allir hefðu gert það sama.

 

Og er ég þá kominn að þeim aðila sem Sjálfstæðisflokkurinn getur heiðrað, ef hann á annað borð vill binda baráttuna við ICEsave við flokkinn.  

Og það er grasrót hans, hún brást aldrei eftir að hún hafði kynnt sér málið.

Hún sagði líka Nei við ESB, Nei við skuldum heimilanna, Nei við að íslenska þjóðin yrðuð þrælkuð í þágu fjármagns.

Vandinn er bara sá að hún ræður engu, nema í þjóðaratkvæðagreiðslu.

En heiður á hún skilið.

 

Samstaða þjóðar gegn ICEsave var hins vegar alltaf heil á öllum stigum málsins og á allar medalíur heims skilið.

En æðstan heiður eiga aðeins tveir einstaklingar.

Og það er mennirnir sem orðuðu fyrst vörn þjóðarinnar.  Og gáfu rödd hennar þar með vopn sem að lokum sigraði fyrir EFTA dómnum mánudaginn 28. janúar síðastliðinn.

 

Stefán Már Stefánsson og Lárus Blöndal.

Þeir risu upp þegar aðrir fræðimenn þögðu.

Sýndu þar kjark og manndóm sem aldrei má gleymst.

 

Og vonandi mun þjóðin heiðra framlag þeirra þannig að sómi er að.

Því þeir voru Sómi Íslands þegar aðrir brugðust.

Kveðja að austan.

Talin hafa staðið sig best í baráttunni gegn Icesave

Þjóðarvilji er ekki lög.

 

Þó nítíu og níu komma níu prósent landsmanna vilji að þau Steingrímur og Jóhanna sitji áfram, þá verður sá meirihluti fyrst að breyta lögum landsins sem banna landráð, fjárkúgun og að blekkja fólk þegar annarlegir hagsmunir eru í húfi.

Og í leiðinni að setja nýja stjórnarskrá sem heimilar lögbrot aftur á bak.

Jafnframt þarf að setja af Hæstarétt sem myndi dæma hina nýju stjórnarskrá ólöglega.

Einnig þyrfti að segja landið úr Evrópuráðinu svo að Mannréttindadómsstóll Evrópu hafi ekki úrskurðarvald til að afsetja lögin.

 

Því það gilda lög í landinu, og í alheiminum sem þarf að virða.

Lög sem segja að glæpamenn þurfa að sæta ábyrgð gjörða sinna.

 

En auðmiðlar sem tengjast ICEsave fjárkúguninni hafa miskunnarlaust afvegleitt þjóðina í ICEsave málinu og eru núna á fullu að telja stuðningsmönnum ríkisstjórnarinnar og þeim sem sögðu Já í seinni ICEsave kosningunum, að glæpir Jóhönnu og Steingríms séu einnig glæpir þeirra.

Svo fólk þorir ekki öðru en að styðja fjárkúgarana af ótta við að þau verði líka ákærð.

Átta sig ekki á því að þau voru beitt ólöglegri blekkingu sem brýtur í bága við hegningarlög.

 

Þetta er sambærileg skoðanakönnun eins og sú sem birtist fyrst eftir seinna Nei Ólafs, þá tókst fjölmiðlum vogunarsjóðanna að móta skammtíma fylgi við íslenskt Já við breska fjárkúgun.

En það fjaraði undan því Já-i og eins mun fara með þetta Já.

 

Steingrímur og Jóhanna þurfa að víkja og sæta ábyrgð gjörða sinna.

Annars erum við ekki sjálfstæð þjóð, annars erum við ekki sjálfstætt ríki.

Kveðja að austan.

40% vilja afsögn ráðherra

Eru ICEsave sinnar að flýja land??

 

Óttast þeir að lög gildi í landinu??

Eða er þetta flótti frá raunveruleikanum, að menn haldi að það sé einhver framtíð eftir kosningar þegar milljarðar vogunarsjóðanna leita út úr landi í beinhörðum gjaldeyri.

Raunveruflótti því það er núna, ekki seinna sem við berjumst fyrir framtíð okkar sem þjóð.

Og það gerum við hér á Íslandi með Hreyfingu lífsins, ekki á sólarströndum Spánar.

 

Svo mælti skáld lífsins.

Baráttan er rétt að byrja gott fólk.

Baráttan fyrir almannahagsmunum og sjálfstæði og fullveldi okkar sem þjóðar.

Þar er sjálft land okkar og landhelgi undir.

Glennum upp augu okkar, girðum okkur í brók og virkjum samstöðu þjóðar okkar.

Það var til lítils barist, ef fólk hopar nú undan og sundrast í allar áttir.

Svo mikil er ógnin, sem enn steðjar að okkur, að mér finnst það hörmulegt ef samstaða þjóðar rofnar nú.

Til hvers var þá barist fyrir lýðræði okkar og velferð, ef samstaðan sundrast nú?

Glennum upp augun, virkjum samstöðu okkar sem þjóðar.

Við höfum allt líf okkar sem þjóðar að verja. Við höfum jörðina undir fótum okkar að verja, land okkar og landhelgi.

 

Og við höfum aðeins nokkra daga til að skilja innihald þessara orða,.

Við höfum allt líf okkar sem þjóðar að verja. Við höfum jörðina undir fótum okkar að verja, land okkar og landhelgi.

 

Menn verja framtíð lífsins sem þeir ólu.

Kveðja að austan.

 

 

Lausn Icesave kveikti í fólkinu

Á umbrotatímum ráðast menn ekki á höndina sem fæðir þá.

 

Þegar þjóðfélagið er hársbreidd frá því að standa í skilum, þá efna menn ekki til ófriðar í undirstöðuatvinnugrein þjóðarinnar.

Sérstaklega ekki þegar að heimskreppa er skollin á og helstu markaðslönd okkar glíma við áður óþekkta erfiðleika.

Þá reyna menn freka að bæta skilyrði sjávarútvegsins, lækka álögur og styrkja innviði.

Það er að segja að menn eru ekki algjörir hálfvitar.

 

Og það er Steingrímur Joð ekki.

Hann er aðeins að hlýða húsbændum sínum, þeirra sem hafa hag af upplausn efnahagslífsins.

Þá fækkar vörnum þjóðarinnar gagnvart innlimuninni í ESB.

 

Það er allt á sama bókina lært hjá þessum dæmdu vaxtaþjófum og fjárkúgurum.

Ef fjármagn getur grætt, ef ESB getur grætt, þá er rokið til.

Skemmt, eyðilagt, skrumskælt.

 

Atlagan að stjórnarskránni er ekki tilviljun.

Atlagan að sjávarútvegnum er ekki tilviljun.

Atlagan að ríkisfjármálunum er ekki tilviljun.

 

Breska fjárkúgunin var ekki tilviljun.

Ekkert af þessu er tilviljun.

Og er best lýst með orðum prófessor Michael Hudson, eins fremsta baráttumanni heims gegn skuldaþrælkun þjóða og samfélaga, "Ísland hefur orðið fyrir fjármálaárás", þar sem sjálft samfélagið er lagt undir, innviðir þess og framtíð.

 

"The devil came down to Haiti" var yfirskrift frétta í Speglinum núna áðan og fjallaði um samskonar árás á Haiti, og tilvitnunin er í Bill Clinton þegar hann bað Haiti búa afsökunar á ábyrgð sinni að hafa vakið upp kölska.

Hann kom líka til Íslands, gerði það haustið 2008, keypti upp afskrifaðar kröfur lánadrottna útrásarinnar á hrakvirði, 5-8% af nafnvirði, og ætlar að innheimta þær alveg þar til síðasti blóðdropi hefur verið kreistur út úr hagkerfinu.

Steingrímur Joð Sigfússon munstraði sig í áhöfn hans ásamt fleirum stjórnmálamönnum.  

 

Steingrímur veit alveg hvað hann er að gera með upplausnarfrumvörpum sínum.

Hann er að skapa upplausn og óöld  í landinu svo þjóðin gæti ekki að sér fyrr en hún liggur örend í klóm kölska.

Þetta er fyrirsjáanlegt, þetta hefur allt verið gert áður.

 

Nema það klikkaði eitt.  

EFTA dómurinn lét ekki kúga sig til að dæma rangt.

Og alltí einu er Steingrímur dæmdur fjárkúgari.

 

Og í þeim dómi liggur von þjóðarinnar.  Von um að hægt sé að hrekja hann frá tukthúsinu við Lækjargötu í tukthúsið við Litla Hraun.

Ef þjóðin stendur saman og krefst þess að lög gildi í landinu.

 

Ég hef bloggað nokkrar greinar þar  um og tek eftir stöðugri aukningu í skilningi á þessu máli.

Lækið á kröfu mína hafa vaxið úr 0 í 6, 8 jafnvel 9 þegar gott fólk hefur vakið athygli á því á feisinu.

Vissulega ekki sömu læk og stuðningsmenn fjárkúgunarinnar, bandamenn Steingríms og kölska, fá, þar eru þau talin í hundruðum, sá yfir 2.400 á síðasta vídeó Láru Hönnu, níðvídeó hennar um Ólaf fékk nokkur hundruð, svo ennþá er krafan um Landsdóm smá í þeim samanburði. 

Það er bara þannig í dag að það er miklu auðveldara að fá stuðning við þjófnað og glæpi en kröfu um heiðarlegt samfélag þar sem fólk er ekki þrælar vogunarsjóða.  

 

Það þýðir samt ekki fyrir hinn þögla meirihluta að gefast upp þó hann þegi.

Gleymum aldrei að þögn er sama og samþykki.  

Og hin æpandi þögn bendir til að það er stutt í Landsdóm.

Veit það því það var líka æpt á fyrstu 350 greinarnar á ICEsave og fyrsta lækið kom eftir 130, svo þetta er allt á mikilli siglingu í dag.  

 

Við vitum hvernig ICEsave endaði, krafa mín um Landsdóm mun enda á sama veg.

Með dómi yfir Steingrími.

 

En málið er, og ég er ekki að kvarta, heldur að benda á staðreynd, að núna er styttri tími til stefnu.

Þrældómurinn er eftir 4 mánuði, ekki eftir 4 ár.

Æpandi þögn er því ekki sterkasta vopn hins þögla manns í dag.

En þú ræður lesandi góður, þú ræður.

 

Ég þegi ekki.

Árangurinn er kominn undir þér.

Kveðja að austan.

 

Nýtt kvótafrumvarp lagt fram

Forgangsmálin á hreinu á Alþingi.

 

Nýbúið að dæma ríkisstjórnina sem  handbendi fjárkúgara og þar með ljóst að hún er sek um alvarlegasta glæp sem íslensk stjórnvöld geta gert sig sek um, að starfa með erlendu valdi við að leggja undir sig eigur íslensku þjóðarinnar, að þá er spurt, "Heyrðu, hvernig er þetta með flóttamennina???"

Neyðarköll heimilanna eru farin að nemast í mælitækjum sem mæla hljóðin frá Mikla hvelli, og þá er sagt, "Ísland er orðið stökkpallur flóttamanna".

Gjöreyðing efnahagslífsins blasir við þegar vogunarsjóðirnir taka yfir íslensku bankanna, og þá er spurt, "hvernig ætlar ríkisvaldið að bregðast við því vandmáli??", það er þetta með stökkpallinn.

 

Hvað segir þetta um fjórflokkinn???

Hvað segir þetta um fólkið sem situr á Alþingi??

 

Jú, þetta segir að aðeins tilviljun ein réði að Steingrímur var gerandi í ICEsave.

Skítverkið féll á hann.

Það hefðu getað verið hinir stikkfríu og Steingrímur þá fengið að halda sínar æsingarræður í friði.

 

Svona eru  örlögin grimm við manninn sem kunni það best að vera á móti, að þau settu hann í skítverkin sem hinir hefðbundnu valdaflokkar töldu sig of fína til að sinna.

Og situr núna skítugur upp fyrir haus, með Svarta Pétur á hendi og skilur ekkert í að hinir fínu glotta að honum, tilbúnir til að fá völdin á ný eftir kosningar.

 

Ef þessi greining mín væri ekki rétt, þá væri þessi fyrirsögn ekki háð.

Heldur staðfesting þess að forgangsmálin væru á hreinu á Alþingi.

Að Alþingi axlaði ábyrgð sína á ICEsave sýknu EFTA dómsins.

 

Spurningin er þá enn og aftur.

Af hverju stendur Ólafur ekki sína vakt???

 

Eiga vinstrimenn eitthvað inni hjá honum??

Fyrir allt skítkastið og lítilsvirðinguna???

 

Ólafur er ekki í þægilegri stöðu.  

Það er meira en að segja það að rjúfa þing.

Allir auðmiðlarnir munu hakka hann í sig.

Hann verður skotmark vogunarsjóðanna, jafnvel í bókstaflegri merkingu.  Þetta eru sálarlaus illmenni.  Víla sér í engu að kaupa sér völd og áhrif til að blóðþrælka þjóðir.  Og hika ekki í eina mínútu að verja fjárfestingu sína í þingmönnum og ráðherrum.

 

En það er ekkert val.

Ekki ef þú ert forseti Íslands og berð æðstu skyldu að vernda lýðræðið og sjálfstæði landsins.

 

Gerist ekkert næstu daga, taki Alþingi ekki á smánarbletti sínum að framkvæmdarvaldið lúti stjórn dæmdra handbendi erlendra fjárkúgara, þá ber honum að rjúfa Alþingi.

Jafnvel þó það verði hans síðasta embættisverk.

 

Þannig er það bara.

Kveðja að austan.

 

Segir margt hafa verið gert

Hvernig þekkir maður glæpamenn þegar þeir ganga ekki með grímur???

 

Jú, maður les lögin, athugar hvort atferli þeirra varðar við lög.

Áttum okkur fyrst á staðreyndum ICEsave málsins.  

 

Krafa breta um að íslenska ríkið ábyrgist kröfur á hendur Tryggingasjóð innlána byggist á tilvísun þeirra í EES samninginn og tilskipun ESB nr 94-19 um innlástryggingar.  Í EES samningnum er ekki minnst á þessa ábyrgðarskyldu, en þar eru skýr ákvæði sem mæla gegn ríkisábyrgð.  Með öðrum orðum þá er krafa breta ólögleg samkvæmt EES samningnum.  Vissulega eru undantekningar, en þær þurfa þá að uppfylla ákveðin skilyrði, og vera sett af því ríki sem ætlar að veita ríkisábyrgð.  Hvergi er gert ráð fyrir því í EES samningnum að annað ríkið geti sett einhliða ríkisábyrgð fyrir viðkomandi ríki, líkt og bretar eru að fara fram á.  

Tilvísun breta í EES samninginn er því öfugmæli, EES samningurinn bannar háttsemi þeirra.

Tilskipun ESB um innlánstryggingar, er eins og orðið hljómar, fjallar um tryggingakerfi fjármagnað af fjármálastofnunum sem aðild eiga að tryggingarkerfinu.  Ekkert er minnst á hvað gerist ef tryggingakerfið kemst í þrot, minnst er á lántökur, og er líklegast þá miðað við að um skammtímafjárvöntun er að ræða.  En það er ekkert minnst á hvað gerist við kerfishrun.  Þó er skýrt tekið fram að aðildarríki séu ekki ábyrg gegn tjóni tryggingataka, ef þau hafa uppfyllt það skilyrði að stofna tryggingasjóð eftir ákvæðum tilskipunarinnar.  Einnig má hafa í huga að í almennum tryggingum er alltaf varnaðarákvæði að ef  allsherjartjónverður  vegna til dæmis náttúruhamfara eða styrjalda, að þá gildir tryggingin ekki, enda vandséð hver á þá að hafa fjármuni til að greiða út.

En það er alltaf þetta stóra EF og einhver er ósáttur við að ekki sé ríkisábyrgð á íslenska tryggingasjóðnum, þá gerir hann kröfu á íslenska ríkið, og reynir að fá þeim lögum hnekkt og íslenska ríkið gangi í ábyrgð.  Og það er dómsstóla að skera úr um þessa kröfu.

Það er dómsstóla að skera úr um ágreining sem viðkemur lögmæti laga.  

Falli dómur á íslenska ríkið, þá er lítið við því að gera, þá þarf að semja, og miða þá við alþjóðalög og reglur, sem og auðvita íslensk lög sem ná um gjaldþrot og svo framvegis.

 

Hefðu bretar virt þetta lögbundna ferli réttarríkisins, þá væru þeir ekki sekir um glæp, fengju þeir dóm, þá væru þeir með lögvarða kröfu á hendur íslenskum stjórnvöldum, væri kröfu þeirra hnekkt, þá næði málið ekki lengra.

En bretar fóru ekki með kröfuna fyrir dómsstóla, þeir hafa aldrei gert það.  Þetta er staðreynd sem enginn deilir um.  Það sem slíkt er ekki ólöglegt, að banka upp á og biðja um pening eða réttara sagt krefjast penings, færa rök fyrir sínu máli, og reyna að ná samningum

En þá leið fóru bretar ekki, þeir beittu strax þvingunum, þeir settu landið á hryðjuverkalista, beittu áhrifum sínum til að stöðva flæði gjaldeyris til landsins, og þeim þvingunum afléttu þeir ekki fyrr en íslensk stjórnvöld skrifuðu undir samkomulag við AGS þar sem íslensk stjórnvöld lofuðu að ná lausn í ICEsave deilunni.  Síðan hafa breta verið margstaðnir að því að beita áhrifum sínum innan AGS og ESB til að þrýsta á að íslensk stjórnvöld samþykktu kröfu sína, ásamt því að ljúga til um lögmæti hennar á alþjóða vettvangi.  

Allt þetta, að þvinga, að hóta, að skemma, að ljúga til um lögmæti eða háttsemi, allt þetta varðar við lög.  Bæði bresk lög og íslensk, ásamt lögum allra annarra þjóða heims.

Þess vegna er háttsemi breta glæpur, og þjóðaratkvæðið 9. apríl, þjóðaratkvæði um glæp.

 

Framferði breskra stjórnvalda er glæpsamlegt samkvæmt breskum lögum, og á að kærast í Bretlandi.  Þar segja lögin þetta um kúgun (extortion).

 

"Extortion, outwresting, and/or exaction is a criminal offense which occurs when a person unlawfully obtains either money, property or services from a person(s), entity, or institution, through coercion (þvingun). Refraining from doing harm is sometimes euphemistically called protection. Extortion is commonly practiced by organized crime groups. The actual obtainment of money or property is not required to commit the offense"

 

Það er bannað að hafa verðmæti af öðrum á ólögmætan hátt með þvingun.   Og ótal ótal dómar þar um hafa verið felldir á Englandi, enda var þetta aðal fjármögnunaraðferð IRA á meðan samtökin áttu i stríði við bresk stjórnvöld.

Lagatextinn er það skýr að jafnvel velgreindur Samfylkingarmaður getur ekki hártogað hann.

 

Ég skrifaði grein í gær á bloggi mínu um að stuðningsmenn bresku fjárkúgunarinnar væru glæpamenn því lögin eru þannig að sá sem aðstoðar við glæp, eða tekur þátt í honum, að hann er glæpamaður samkvæmt laganna hljóðan.  Augljóst mál, en skrýtið, það urðu einhverjir sárir.  Það er eins og fólk geri sér ekki grein fyrir að lög gildi í landinu, og banni ýmsa hegðun, þar á meðal opinberan stuðning við fjárkúgun.

Til að eyða þeirri umræðu þá vil ég vitna beint í lögin í trausti þess að fólkið sem skrifar opinberlega um stuðning sinn við glæp, að það sé líka læst, ekki bara skrifandi.

 

Þetta segir í almennum hegningarlögum um hlutdeild.

 

"22. gr. Hver sá maður, sem með liðsinni í orði eða verki, fortölum, hvatningum eða á annan hátt á þátt í því, að brot samkvæmt lögum þessum er framið, skal sæta þeirri refsingu, sem við brotinu er lögð."

 

Að liðsinna glæpamanni með orðum eða í verki, með fortölum, hvatningu, það er glæpur líka.  Flóknara er það ekki.

Eina spurning er hvort fólk sé hrekklaust í stuðningi sínum við glæpinn, er það dómsstóla að meta það.  En þá erum við með brot á 253. grein hegningarlaganna sem bannar að plata fólk í þá vegu, þeir sem ljúga mest í fjölmiðlum um ICEsave mættu alveg hafa það bak við eyrað.

 

"253. gr. Hafi maður notað sér bágindi annars manns, einfeldni hans, fákunnáttu eða það, að hann var honum háður, til þess að afla sér með löggerningi hagsmuna eða áskilja sér þá, þannig að bersýnilegur munur sé á hagsmunum þessum og endurgjaldi því, sem fyrir þá koma eða skyldi koma, eða hagsmunir þessir skyldu veittir án endurgjalds, þá varðar það …1) fangelsi allt að 2 árum."

 

Já, lygi til að blekkja fólk við stuðning við glæp, er líka refsiverð.

 

Þjóðfélagið okkar féll vegna þess að lygi og blekkingar tröllriðu almennri umræðu.  Núna er ljóst að margt af því sem var sagt var sagt til að auðvelda bankaránsmönnum og öðrum fjárglæfra mönnum að ræna hvort sem það var fyrirtæki sín eða almenning.

Sömu menn og aðstoðuðu fjárræningja við þá iðju, hafa ráðið sig í málaliðamennsku hjá bretum, og innlendum leppum þeirra.  Og fjölmiðlamennirnir eru allflestir þeir sömu.  En líklegast sleppir þetta lið vegna þess að ekki var um einn skilgreindan glæp að ræða og því erfitt að hanka menn fyrir eitthvað ákveðið, það er jú erfitt að ákæra fyrir rán á samfélagi eða eitthvað svoleiðis.

 

Þessir menn halda að þeir geti leikið sama leikinn, logið og blekkt fyrir pening (störf, bitlinga o.s.frv.) og komist upp með það.  En þeir átta sig ekki á að núna er glæpurinn einn, hann er vel skilgreindur, og engin lagavafi leikur um tilurð hans.

Og allt atferli þeirra varðar við lög.

Sem og atferli þeirra sem styðja ICEsave fjárkúgunina opinberlega, en þar er um hópsefjun að ræða, sem varla yrði refsað fyrir.

En ICEsave glæpamennirnir komast ekki upp með fjárkúgun sína eða aðstoð við hana, ef ríkisábyrgðin verður samþykkt.  Þá er glæpurinn fullframinn, og hjól réttlætisins taka við að malla.

 

Þess vegna má segja að Já sinnar eru þeir einu sem eiga eitthvað undir þjóðaratkvæðinu um glæp.  Verði það samþykkt, þá verður ríkisábyrgðin kærð, og hið glæpsamlega atferli líka.  Og þar sem lögin eru skýr, þá munu dómsstólar ógilda ríkisábyrgðina og sekir ráðmann látnir sæta ábyrgð.  

Falli lögin þá er aðeins um tilraun um glæp að ræða, og enginn mun sjálfsagt nenna að lögsækja tilraunamennina, þeirra refsing verður skömmin.

Þetta er líklegast skýring þess að stjórnmálamenn okkar hafa lítið sést í umræðunni síðustu daga.  Það mætti halda að það hafi verðið ASÍ sem samdi við bretana, aðrir opna varla munninn.

Þeir vita eins og er að þeir eiga mest undir því að ICEsave verði fellt.

 

En ég ætla samt ekki að leggja til af skepnuskap mínum að þjóðin segi Já, þá væri ég um leið orðinn hlutdeildarmaður í stærstu fjárkúgun seinni tíma.

Og margt er ég, en ekki fjárkúgari og glæpamaður.

 

En það er ofsalega gaman að stríða glæpamönnunum á glæpnum.

Kveðja að austan.

 

Ps.  Þessi grein var skrifuð fyrir seinni þjóðaratkvæðagreiðsluna, og minnir á að krafa breta var alltaf ólögvarin eins og Bjarni Ben sagði réttilega um hana.

Það er líka lögbrot að semja við fjárkúgara, þó ég nenni ekki að fletta uppá því. Ef svo væri ekki þá væru fjárkúgarar fjölmenn stétt, og hétu ekki lögfræðingar.

En ég er að rifja upp þessa grein til að minna á að það hefur verið bent á þetta allt áður, en stjórnvöld skelltu skollaeyrum við, og þar með uppskera þau eins og þau sáðu.

Og við megum ekki neita þeim um þá uppskeru.

Kveðja frá byltingu lífsins.

 

 

„Ósönn og ósmekkleg ummæli“