Ótímabærar yfirlýsingar um samdrátt.

 

Már Guðmundsson hefur sagt það skýrt og skorinort að þessar hagvaxtartölur samræmist ekki tilfinningu Seðlabankans um ástandið í efnahagsmálum.

Og hann sagði að þær yrðu endurskoðaðar.

Þá líklegast uppfærðar að hagvaxtarspám Seðlabankans.

 

Raunveruleikinn??, hann kemur málinu ekkert við.

Kveðja að austan.

„Beinlínis samdráttur“ í efnahagslífinu

Brauðmolahagfræði frjálshyggjunnar í hnotskurn.

 

Flytja frá almenningi í vasa hinna ofsaríku.

Í þessu tilviki erlendra vogunarsjóða.

 

Samt eru þetta smápeningar miðað við afsláttinn sem þeir fengu á lánasafni sínu frá þrotabúum bankanna, en hafa innheimt af ýtrustu hörku.

Það má ekki tala um það, en til að róa lýðinn kemur eins og ein frétt um smápeningana.

Almenn hneykslun, jafnvel einn bankastjóri tekinn í viðtal, málið dautt.

 

Á meðan er þjófnaður aldarinnar í undirbúningi.

Kallaður afnám gjaldeyrishafta.

 

Sem er meðal annars skýring þess að staurblindir stuðningsmenn stjórnarflokkanna eru æstir upp gegn læknum, og læknar látnir halda áfram verkfallsaðgerðum sínum.

Stigmögnun þeirrar deilu mun fara saman við þjófnaðinn, afnám gjaldeyrishafta.

Og það þarf ekki vísan mann til að geta uppá um hvað verður rifist.

 

Stjórnkænska hinna launuðu í þjónustu vogunarsjóðanna er um margt hrósverð.

Svona út frá fræðilegu sjónarmiði séð.

 

Vitræn hugsun hinna staurblindu stuðningsmanna ríkisstjórnarinnar er hins vegar ekki mælanleg.

Með orðinu "stöðugleiki" eru þeir teymdir framaf bjargbrúninni eins og hver önnur læmingjahjörð, nema læmingjar elta forystudýr sín, en hinir staurblindu var sagt að hinn meinti stöðugleiki hefði kastað sér framaf brúninni og það dugði til að þeir færu sjálfviljugir á eftir.

 

Það er ótrúlegt að lesa skrif manna sem telja sig og sína geta komist af án lækna, og þess vegna ætla þeir þjóðinni það sama.

Nema þegar þeir veikjast náttúrulega og eru lagðir inná krabbameinsdeild, þá dugar ekki lengur þjónusta ræstitækna.  

 

En á meðan eru þeir einbeittir stuðningsmenn stöðugleikans, og grípa svona frétt feginshendi til að skammast yfir.

Eins og þeir séu þar með ekki staurblindir, heldur sjálfstæðir,eins og þeir voru fyrir örfáum árum síðan þegar þeir börðust við breta og innlenda leppa þeirra.

 

Sætta sig þá við að vera það sem þeir eru í dag.

Allt það sem þeir höfðu megnustu skömm á fyrir ekki svo löngu síðan.

 

Það er ekki öllum gefið að vera sjálfstæðir menn.

Kveðja að austan.

 

 

Heimilin verða af hundruðum milljóna

Er pláss í Haag??

 

Var ekki Taylor að deyja, eða er það misminni hjá mér?

Allavega þá fékk einn Serbi að fara heim því hann var sjúkur svo það hlýtur að vera pláss.

 

Skjaldborg hægri öfgamanna um Bush er hruninn.

Hann var ekki sá bjáni sem þeir reyndu að telja heimsbyggðinni í trú um.  

Hann vissi og hann var samþykkur.

 

Hann laug að heimsbyggðinni þegar hann réðist inní Írak og hann vissi allt um viðbjóðinn sem geðvilltir hægriöfgamenn stóðu fyrir í nafni hins heilaga stríðs við hryðjuverkamenn.

Hægriöfgamenn geta ekki lengur varið þennan stríðsglæpamann.

Ekki nema þeir vilji fá staðfest að þeir séu ekki bara hægriöfgamen, heldur líka geðvilltir í þokkabót.

 

Réttlæti er forsenda friðar.

Það er tími til kominn að draga hina seku fyrir dóm.

Kveðja að austan.

 

 

Bush vissi allt

Helgi hafnar hagsmunaárekstrum.

 

Því hagsmunir hans, eru hagsmunir lífeyrissjóðsins.

Ekki nema gott um það að segja að menn skuli segja hlutina umbúðalaust.

 

En við þetta er náttúrulega tvennt að athuga.

Helgi Magnússon veit ekki hvað hagsmunaárekstrar eru.

Og ef hann kemst upp með að nýta fjármuni Lífeyrissjóðs verslunarmanna í sínu eigin gambli, þá er eitthvað mikið að íslensku þjóðfélagi.

 

Sem er svo sem ekki nýjar fréttir.

Kveðja að austan.

Hagsmunirnir fara saman

Hvernig getur kristin þjóð gætt jafnræðis??

 

Það er mikill munur á jafnræði, og virða rétt annarra.

 

Þjóð sem telur sig kristna, sem ætti að vera augljóst í tilviki íslensku þjóðarinnar þar sem lúterska kirkjan er þjóðkirkja landsins, og lungað af þeim sem er fyrir utan hana teljast til kristinna safnaða, getur ekki látið svona yfirgang vantrúaðra yfir sig ganga.

Hún getur ekki látið örlítinn minnihluta vega að hefðum hennar og gildum.

Þetta er eins og að láta frekasta krakkann stjórna öllu í skóla og æskulýðsstarfi.

 

Í öllum lýðræðisþjóðfélögum getur fámennur sérviskuhópur náð völdum yfir einstökum sveitarstjórnareiningum, og reynt að frekjast gegn almennum gildum og hefðum í samfélaginu.

Áhangendur amerísku peningaprédikarana gætu til dæmis sameinast um að ná völdum, til dæmis í Mosfellsbæ, og með einbeittum vilja þröngvað út öllum kennurum sem ekki vilja kenna sköpunarsögu biblíunnar til jafns við þróunarkenninguna í náttúrufræði.

Mörg slík dæmi eru þekkt frá Bandaríkjunum þar sem mörkin milli vísinda og trúar er að hverfa.

 

Af hverju ekki líka hérna eftir að stuðningsmenn ICEsave fjárkúgunarinnar hafa slegið sinn frekjutón í Reykjavík??

Það eru ekki bara þannig að rasistar hins pólitíska rétttrúnaðar standi fyrir aðför að ríkjandi gildum og almennt viðurkenndum hefðum.  

Það veit enginn hver er næstur með yfirgang sinn og ofbeldi.

 

Menn geta spurt hvað eru almenn gildi og hefðir í þjóðfélaginu?

Og svarið er mjög einfalt, það er það sem er á hverjum tíma.

Og er mjög breytilegt milli kynslóða.

 

Hugsanlega er þetta siður sem úreldist, og einhver annar kemur í staðinn.   

Og það er ekkert annað en gott um það að segja.

Það sem þykir eðlilegt í dag, þykir hallærislegt á morgun, annað helst mikið til óbreytt á milli kynslóða.

 

En þessi þróun er ekki handstýrð, og má aldrei verða háð duttlungum skammsýnna popúlista í stjórnmálastétt.

Menningarstraumar eru svo margvíslegir, og allir hafa þeir áhrif.

Skemmst er að minnast breytinganna sem bítlatónlistin og hipparnir höfðu.  Annað gott dæmi eru áhrif eldmóðsins hjá íslenskum rauðsokkum.

 

Og í dag eru nýbúarnir okkar að breyta ásýnd þjóðfélagsins, til hins betra.  Það er fjölbreyttara og skemmtilegra.

Með koma nýir siðir eins og til dæmis fjölmenningarhátíðin fyrir vestan, og aðrir siðir aðlaga sig að fjölbreytninni.  Íslenskir krakkar hefðu til dæmis gott af því að kynnast jólasiðum rétttrúnaðarkirkjunnar, og sögninni um heilagan Nikulás.

Múslimar hafa einnig merkan sið sem kenndur er við Ramadan og svo mætti lengi telja.

 

Við virðum siði hina nýju siði með því að kynna okkur þá, ekki með því að afleggja þá siði sem fyrir eru.

Slíkt er afsiðun, sem er ómenning á hæsta stigi.

Engum til gagns nema sundrunginni.

 

Enda veit borgarfulltrúi VG alveg hvað hún er að gera.

Flokkurinn hennar hefur jú þjónað erlendu fjármagni á fimmta ár.

Og í dag þarf að sundra þjóðinni enn frekar svo ekkert verður um varnir þegar froðukrónum verður breytt í beinharðan gjaldeyri.

 

Allt á sínar skýringar.

Það er ef málið snertir hagsmuni aursins.

Kveðja að austan.

Segir heimsóknina í samræmi við reglur

Er Valgerður að vakna uppaf dimmri martröð??

 

Fatta í hvað flokki hún er?

Fatta út á hvað hugmyndafræði frjálshyggjunnar gengur??

Miskunnarleysi, mannvonsku, hörku.

Svo grimmlynd að hún vílar sér ekki að skera heilbrigðiskerfi þjóðarinnar niður við trog svo hægt sé að koma á einkavæddu kerfi fyrir fólkið sem á aur.

 

Var það kannski skýrsla OECD um skipbrot frjálshyggjunnar, um skaðsemi brauðmolakenningar hennar, sem vakti Valgerði til lífsins??

Ég trúi varla að það sé andi jólanna, hann hefur verið þekktur allan hennar stjórnmálaferil.

 

Veit ekki, en hún sem sjálfstæðiskona á að vita að grimmd sveitarfélaganna stafar af útbreiddum ítökum flokks hennar á sveitarstjórnarstiginu.

Ásamt samdaunun kratískra stjórnmálamanna sem hafa það eina til málanna að leggja að toppa frjálshyggjuna, þar sem því er við komið.

R listinn steig fyrstu sporin og hlýðnu gufurnar komu á eftir.

En breytir samt engu um hvaðan rót mannvonskunnar er runnin.

 

Það þarf illa sjúkt hugarfar að tala um stöðuleika þegar heilbrigðiskerfið er að gefa upp öndina, öllum með vott af viti, sem og öllum hinum líka er ljóst að án heilbrigðiskerfis, er engin stöðugleiki.

Það er yfir höfuð ekkert nútímaríki.

 

Harkan gegn fátæku fólki, gagnvart fólki í greiðsluerfiðleikum.

Allt ber þetta að sama brunni.

 

Ósigur mennskunnar.

Sigur frjálshyggjunnar.

Endalok hins siðaða samfélags.

 

Þess vegna er það fagnaðarefni að a.m.k. einn þingmaður Sjálfstæðisflokksins hafi vaknað upp af martröð sinni.

Þó tímabundið sé.

 

Þá er alltaf von um að fleiri vakni.

Varanlega.

 

Kveðja að austan.

 

 

 

Sveitarfélögin hvað grimmust

Ef það er ekki Ríki Islams, þá er það USA.

 

Sem yfirfylla fjölmiðla af viðbjóðslegum aftökum, morðum og pyntingum.

Ríki Islams hefur það sér til afsökunar að vera stjórnað af geðvilltum trúarofstækismönnum sem þurfa ekki að svara neinum til saka öðrum en skrattanum þegar þar að kemur.

En hver er afsökun Bandaríkjamanna að láta viðbjóðinn viðgangast??

Vagga sjálfs hins vestræna lýðræðis???

 

Hver er afsökun kristinna Bandaríkjamanna að hið opinbera komist upp með að skipuleggja, og framkvæma viðbjóðslegar aftökur á bandingjum sínum??

Hver afsökun Obama á morðum á saklausu fólki í stríðshrjáðum löndum þar sem orðið "grunsemd" er talið nægjanleg ástæða til að sprengja almenna borgara í loft upp??

Hver er afsökun George Bush á villimannlegum pyntingum fanga sem grunaðir voru um aðild að hryðjuverkasamtökum??

 

Og hver afsökun okkar að þegja yfir allri óhæfunni?? 

 

Höfum við ekki fordæmt hinn múslímska heim fyrir að steinhalda kjafti yfir margskonar ódæðisverkum íslamískra bókstafstrúarmanna, á sama tíma allt verður sjóðandi vitlaust ef grunsemd er um að einhver hafi teiknað mynd af spámanninum.

Fordæmum við ekki myndskeið af grimmdarlegum aftökum Islamska ríkisins??  

Gerum okkur grein fyrir að í þeirra augum eru þeir að taka seka menn af lífi á hreinlegan hátt að hætti forfeðra sinna.  Alveg eins og Bandaríkjamenn sem telja sig hafa farið eftir öllum laganna reglum þegar þeir handahófskennt aflífa fátæklinga úr slömmum stórborga sinna.

Ef það er afsökun í USA, þá gildir það sama um Ríki Islams, það fer líka eftir sínum lögum og reglum, skráðum fyrir  rúmum þrettánhundruð árum síðan.

 

Villimennskan getur nefnilega alltaf réttlætt sig.

En við erum samsek þegar við samþykkjum aðra, það er engin sálarhjálp að fordæma hina.

Því mannúð og mennska er algild, hún leyfir engar undantekningar, hún segir skýrt, þú skalt ekki mann deyða, myrða eða pynta.

Mannúð gerir aldrei mannmun.

 

Illskan er líka algild.

Og hún gerir heldur ekki mannamun.

Það er sama hvernig við réttlætum hana, hún er ill fyrir það.

Og það sem verra er, slík réttlæting er hluti af tilvist hennar.

 

Þess vegna er heimurinn eins og hann er í dag.

Við höldum að við getum gert mannamun.

Kveðja að austan.

 

 

Tóku tvo af lífi í Bandaríkjunum

Már gegn einelti.

 

Íklæddur jólapeysu.

Samt leggur hann íslensku þjóðina ítrekað í einelti með vaxtastefnu sinni.

Og hefur fært á silfurfati milljarða á milljarða ofan í vasa krónubraskara.

Sem þeir hafa getað flutt úr landi fyrir beinharðan gjaldeyri.

Hlálegt í ljósi þess að eignir þeirra eru verðlausar froðukrónur.

 

Það þætti skrýtin speki að ætla sér að fá nyt af dauðri kú, en í Woodú hagfræði auðmanna, frjálshyggjunni, þykir slíkt sjálfsagt og eðlilegt.

Már er kuklmeistarinn mikli sem fer létt með slíkan gjörning.

 

Einelti er sjálfsagt það minnsta sem hann hefur á samviskunni.

Og það er nú eini sinni tími jólaandans, svo kannski ætti maður að una honum að vilja virðast vel.

Einelti er grafalvarlegur hlutur, og veitir ekki af að allir sem einn leggist gegn því.

Líka eineltispúkar.

 

En ég vildi samt að Már hætti að leggja þjóðina í einelti á nýju ári.

Jafnvel strax í dag.

Kveðja að austan.

 

 

 

Önnur vaxtalækkunin í röð

Af hverju fékk ég gæsahúð þegar ég heyrði þessa rödd??

 

Líkt og þegar maður hlustar á hljóðritað ískur af slitinni grammófónplötu.

Eða eins og löngu liðin martröð sem ég hélt að hefði horfið við sigur þjóðarinnar yfir ICEsave fjárkúgurunum.

 

Hvernig gat manni dottið í hug að þeir fóstbræður Bjarni og Bucheit hefðu eitthvað annað en þjóðarsvik í huga.

Ríkistryggðar evrur fyrir verðlausar krónur, sem gátu ekki leitað út úr hagkerfinu á sínum tíma því það var enginn gjaldeyrir til í Seðlabankanum til að innleysa þær, ekki einu sinni á hrakvirði.

Þess vegna voru gjaldeyrishöftin sett á, til að gefa vinnumönnum fjármagnsins tíma til að útvega erlendan gjaldeyri, sem var gert með samningnum við AGS.

Aðeins algjört klúður ríkisstjórnar Jóhönnu Sigurðardóttir í ICEsave samningunum kom í veg fyrir að það samkomulag gengi eftir. 

Þess vegna var ekki gengið á lán AGS, það var alltaf hugsað sem skref 2.

 

Lee Bucheit hrökklaðist með skottið milli fótanna eftir felldan svikasamning sinn, síðan dæmdur fjárkúgari hjá EFTA dóminum, krafan sem hann plataði upp meðvirka stjórnmálamenn var algjörlega ólögleg frá A til Ö.

Í dag er hann mættur með nýjan samning, sama röddin, sama falsið.

Og sama þóknunin.

 

Er Snorrabúð núna stekkur??

Mun Morgunblaðið þegja??

Munu fyrrum gagnrýnendur ríkisstjórnar Jóhönnu Sigurðardóttir þegja??

 

Munu allir þegja.

Kyngja þessum svikum eins og menn kyngja dauða heilbrigðiskerfisins.

 

Það veit tíminn.

Og leiðari Morgunblaðsins á morgun.

Kveðja að austan.

Haftaáætlun „snemma á næsta ári“

Hver skrifar undir aflandsskuldabréfið??

 

Ef það eru skattgreiðendur, þá erum við að sjá áður óþekktan sósíalisma hér á landi.

Sósíalisma sem er glæpur gegn þjóðinni.

Ríkisstjórn Jóhönnu Sigurðardóttir var ekki hrakin frá völdum til að þjóðin sæti uppi með ennþá verra skoffín.

 

Ég trúi þessu ekki fyrr en á reynir.

Kveðja að austan.

Skref í átt að losun hafta