Við flytjum inn veiruna.

 

Látum ykkur sitja í súpunni.

Og að sjálfsögðu berið þið kostnaðinn.

Ekki við sem erum í fílabeinsturni valdsins.

 

Hve veruleikafirrt getur stjórnvaldið verið?

Og hve auðmjúk gagnvart valdinu erum við þegar við verjum ekki heilbrigði lands og þjóðar??

 

Það er kannski ást á tímum kólerunnar.

En það eru engin samskipti yfir landamæri á tímum drepsóttarinnar.

 

Ekki frá sýktum löndum til ósýktra.

Ekki nema menn vilji að allir séu sjúkir.

 

Að við séum í helvíti Dante undir áþján ára og djöfla.

Er það það sem við viljum??

 

Þess er okkar að svara.

Kveðja að austan.

Lögreglumenn í sóttkví hafi ekki fengið greitt

Sjaldgæft hrós um fjöldamorðingja.

 

En sá sem hrósar var háttsettur í stjórnkerfi Eþíópíu, og voru þeir ekki að skjóta yfir 160 þar í dag??

Það ömurlegasta við þá sem vitna í sænsku leiðina, er að þeir lepja upp opinberar tölur sem eru lítt áreiðanlegri en tölur Stalíns um þá sem féllu í hungursneiðinni miklu í Ukraínu um miðbik fjórða áratugarins.

En Stalín taldi ekki fórnarlömbin, og þar með voru engin fórnarlömb.

 

Það var og er enginn með Kóvid í Svíþjóð nema hann sé greindur, og fólk í áhættuhópi var bara sagt að vera heima hjá sér og vera ekki að ónáða heilbrigðistarfsfólk, enda yfirlýst stefna að forgangsraða á gjörgæslu.

Ennþá veit enginn hvað margir köfnuðu í raun í Svíþjóð án þess að fá hjálp, en þeir eru margir, og áður en yfir líkur verður ákært fyrir þessa glæpi gegn mannkyni.

Svo er til fólk sem hrósar þessum ómennum.

 

Glæpur sænskra stjórnvalda er ennþá alvarlegri, að þrátt fyrir Stalínískar tölur, þá er landið í 5. sæti yfir mannfall í Evrópu.

Löndin fyrir ofan er Belgía, sem telur rétt, Spánn, Ítalía, og Bretland.

Lönd þar sem veiran breiddist út áður en menn gerðu sér grein fyrir alvöru málsins, og harðar aðgerðir gátu aðeins hindrað frekari útbreiðslu, en ekki fall þeirra sem þegar voru sýktir.

Svíar höfðu alla burði til að stöðva faraldurinn í fæðingu, en kusu að gera það ekki.

Venjulegur Svíi sem er það leiðinlegur að hann býr einn með sjálfum sér, var ekki líklegur til að smita út frá sér, en annað gilti um fjölmennar fjölskyldur innflytjenda, að ekki sé minnst á vanbúin hjúkrunarheimil þar sem eldra fólk var varnarlítið.

 

Afleiðingarnar, Mannfellir, og núna þykjast þeir sem ábyrgðina vera voðalega hissa, og ætla að rannsaka sínar eigin gjörðir.

Og fá hrós fyrir.

Þjóðviljinn afneitaði vissulega fjöldamorðunum á pólsku liðsforingjum í Katyn skógi, vitnaði í Stalín, en aldrei lagðist blaðið svo lágt að hrósa Stalín fyrir að hafa rannsakað sín eigin glæpi.

 

Svíþjóð í dag er blettur á Evrópu.

Úrkast sem fáir vilja fá yfir landamæri sín.

Fyrirfram var ekki vitað hvað veiran var skæð, og sannarlega sluppu þeir vel.

Það voru líka svæði við Eystrasaltið, reynda sunnan megin, sem sluppu algjörlega við Svarta dauða, en það var vitað eftir á, ekki fyrirfram.

 

Trump hefur gagnrýnt WHO fyrir að ganga erinda kínverskra stjórnvalda, og þagað yfir alvarleik veirunnar á meðan hægt var að loka hana inni í Kína, eða bregðast strax við með ferðatakmörkunum milli landa.

Ég get ekki að því gert, mér finnst þessi frétt staðfesta þá gagnrýni.

 

Þeir sem láta svona út úr sér eins og forstjóri WHO, eiga ekkert að hafa með heilbrigði að gera.

Hvorki heima hjá sér eða stýra alþjóðlegu samstarfi þar um.

Mugabe var þó bara gerður að sendiherra mannréttinda, en ekki leiða starfið gegn mannréttindabrotum í heiminum.

 

Þessi maður á ekkert erindi í starf sitt.

En vonandi virkar Alþjóða glæpadómstóllinn.

 

Líka þegar góða fólkið á í hlut.

Kveðja að austan.

„Önnur lönd mættu læra af Svíþjóð“

Árið 1.

 

Er stórskemmtileg grínmynd með Jack Black þar sem atburðir í árdaga Biblíunnar eru sagðar með nefi grínistans, af mörgu óborganlegu er samviskubit Kain sem birtist í ítrekuðu morðæði hans.

Grínið er góðlátlegt, absúrd, og þó það styðjist við þekkt minni, þá tekur það Biblíuna ekki beint alvarlega.

En það er ekki verið að endurskrifa söguna, eða benda á einhvern og segja; "hey, þið skítapakk, af hverju eru þið ekki eins og við, góða fólkið".

Samt var nóg af þrælum á þessum tímum og þá vantaði ekki í myndina.

 

Skáldsagan 1984 eftir Orwell hefði líka alveg eins getað heitið "Árið 1", því Ríkið hafði endurskrifað alla söguna í viðleitni sinni til að stjórna lífi og hugsunum fólks. 

Sagan var þá tæki sem þjónaði markmiðum þess, og fyrir ríkið var í raun ekkert annað en kaos og villimennska.  Hefði ríkið haldið velli, sem var alveg opin bók í bókinni, þá einhverjum árum eða áratugum seinna, þegar öll fortíð hefði endanlega verið þurrkuð úr minni og vitund fólks, þá hefði upphaf sögunnar og Ríkisins verið eitt og hið sama.

Alræði líður ekki sjálfstæði, hvorki einstaklinga eða sögu.

 

Í þeirri bylgju heimsku og fáfræði sem vellur núna út úr akademíu rétttrúnaðarins, hefur sagan og minnismerki um hana, orðið sérstakur skotspónn fólks sem á einhvern hátt telur sig vera siðferðislega æðra en þeir sem liðnir eru, og telur sig hafa rétt á að fordæma söguna, tíðaranda hennar, framvindu  og þróun, að ekki sé minnst á fólkið sem lifði hana.

Það tekur sér ekki skáldaleyfi til að endurskoða eða endurskrifa söguna líkt og ég tek dæmi um hér að ofan, það vill þurrka hana út.

Því þegar menn eru einu sinni byrjaðir að þurrka út óæskileg minnismerki, fjarlægja myndir og styttur úr skólum eða opinberum byggingum, eða krefja fólk sem hefur fátt annað til saka unnið en að fæðast, um afsökunarbeiðni á gjörðum áa þess, eða þess þjóðskipulags sem það fæddist inní, þá er ekkert eftir.

Því sagan er ekkert annað en röð ofbeldisverka, átaka,kúgunar hins sterka á hinum veika, birtingarmynd: kvennakúgun, stéttakúgun, þrælahald, ánauð, morð, manndráp, fjöldamorð, styrjaldir.

Ekkert illa meint, maðurinn er jú lífvera og lífverur berjast fyrir tilveru sinni sem við köllum á góðum degi, baráttan um brauðið.

 

Hjá þessum fáráðum er árið alltaf 0.

Í upphafningu sinni og sjálfsbyrgingarhætti kannast það ekki við fortíð sína, sögu eða menningu, það er alltaf eitthvað sem það getur bent á, það er alltaf eitthvað sem það getur fordæmt.

Og endalaust hægt að krefjast afsökunar.

 

Það verður engin mynd eftir í háskólunum, engin stytta eða minnismerki því alltaf rís upp nýr kverúlant sem nær að róa mið forheimsku rétttrúnaðarins.

Í dag er það Kristófer Kólumbus sem er felldur af stalli, á morgun verða það allar stytturnar af landsfeðrunum þarna vestra.  Enginn með hreinan skjöld, ef þeir voru ekki þrælahaldarar, þá stálu þeir landi af innfæddum, herjuðu á þá og ofsóttu. 

Spurning hvort hvítir íbúar Nýja Englands sem rekja ættir sínar til fyrstu landnemana geti lifað með skömm sinni og sögu, og þegar þeir hafa fargað öllum minjum um söguna, taki svo ekki eitt létt fjölda Hari kari á þetta til að vera trú orðagjálfrinu og vitleysunni sem gegnsýrir alla umræðu rétttrúnaðarins.

 

Og svo við tökum þetta víðar, þarf ekki að fara senda jarðýtu á alla Róm, og síðan fjármagna sprengiefnakaup Talibana og Islamista, sem gætu tekið að sér í verktakavinnu að sprengja upp allar minjar um siðmenninguna við Miðjarðarhafið, því ekki var það friðurinn og manngæskan sem dreif fólk áfram í þá daga.

Þarf ekki einnig að nýta þekkinguna sem var til staðar í Þýskalandi að brenna bækur, það hlýtur að vera einhver að vera lifandi á elliheimili sem kann enn það fag.  Rætur vestrænna bókmenningar kemur frá rómverskum þrælahöldurum, eða grískum kynvillingum og barnaníðingum, sem reyndar líka voru þrælahaldarar.

Ef við erum byrjuð??, verðum við þá ekki að klára dæmið?

Er annað ekki skynhelgi og hræsni??

 

Góða fólkið hélt ekki vatni, það frussaðist úr munnvikum þess og margir voru hætt komnir þegar salerni voru ekki innan seilingar, þegar fréttir bárust frá Bristol að stytta að þarlendum mannvini á 18. öld hefði verið brotin niður.

Meintur glæpur var að stunda iðnina og verslun sem lagði drög að ríkdómi borgarinnar.

En af hverju styttan, af hverju ekki allar byggingarnar sem reistar voru fyrir ágóðann af þrælasölunni, voru þeir blóðpeningar eitthvað betri??

Liverpool, London, Churchill, Cromwell, öll bresk sagan, eins og annarra þjóða sem hafa lifað af samkeppni þjóðanna, er vörðuð bautasteinum kúgunar og undirokunar á öðrum þjóðum, jafnt nær sem fjær.

Og svo framvegis, og svo framvegis.

 

Dæmin er endalaus, en dæmin um annað eru ekki mörg, þó til.

Sá kúgaði var ekki kúgaður sökum mannkosta sinna, gæsku eða friðsemdar, heldur vegna þess að hann hafði ekki aflið til að verja sig á einhverjum tímapunkti.

Hans saga er ekkert betri, bæði í eldri fortíð hans, eða þegar hann fékk aflið til að rísa upp og svara fyrir sig.

 

Fólkið sem núna ræðst að sögunni í Bandaríkjunum er að hluta til ungt fólk af afrískum uppruna.

Afkomendur lúsera í eilífum erjum og átökum sem fylgdi arðsömustu atvinnugrein álfunnar, þrælaversluninni. 

En þorp sem var selt, hafði kannski selt mörg önnur þorp, ættbálkur sem varð undir, hafði örugglega áður nýtt sér hin ábótasömu viðskipti. 

Hver á að biðja hvern afsökunar, og hve langt á það að ná aftur??

Sem og að þó þrælahald hafi ekki verið fallegast hluti siðmenningarinnar, þá var einn valkostur þess ennþá verri.  Sem var útrýming sigraðra andstæðinga

Allt á sér nefnilega sínar skýringar, allt á sér sínar rætur.

 

Og það er til annar valkostur en að þurrka út söguna.

Sem er lærdómur hennar, það er hægt að læra af henni.

Þróa hana áfram, gera heiminn betri.

 

Nelson Mandela hafði 25 ár til að spá í hlutina, til að velta því fyrir sér hvernig er hægt að nýta lærdóm sögunnar til að bæta í stað þess að róa á sömu mið sundrungar, ofbeldis og kúgunar.

Hann náði sátt milli tveggja kynþátta í landi þar sem annar hafði kúgað hinn lengi.

Kannski hefur Nelson áttað sig á því að hans eigin kynþáttur, sem og aðrir kynþættir Bantuþjóðanna sem byggðu Suður Afríku, átti sér líka sína sögu um kúgun, ofbeldi, glórulaus manndráp, að ekki sé minnst á þá kynþáttahyggju að hrekja þá íbúa sem fyrir voru  út í eyðimörkina.

Búskmenn og Hottintottar, svo ég noti hin óvirðulegu nöfn hvítu kynþátthyggjunnar yfir þessum merku ættflokkum, kusu ekki að búa í Kalahari eyðimörkinni vegna þess að þau töldu óbyggilega eyðimörkina betri búsvæði en frjósöm jarðræktarlönd, heldur vegna þess að það var eina leiðin til að lifa af innrás Bantuþjóðanna sem drápu þá sem fyrir voru sökum þess að þeir höfðu yfirburði á hernaðarsviðinu.

 

Lúserara dagsins eiga sér sína sögu, og munu eiga sér sína sögu, og það að hafa tapað fyrir öðrum sterkari, gerir fólk ekki á neinn hátt betra, eða gefur því rétt til að labba af næsta manni og biðja hann um afsökunarbeiðni á því sem liðið er.

Og það að við séu á einhvern hátt skárri í augnablikinu, gefur okkur á engan rétt til að ráðast á söguna, minjar hennar eða það fólk sem lifði hana á sínum forsendum sem mótuðust af þeim raunveruleika sem það fæddist inní.

 

Við getum hinsvegar beðist afsökunar á okkar eigin gjörðum.

Til dæmis þeirri staðreynd að við létum alþjóðavæðinguna endurreisa hinar gömlu þrælaverksmiðjur Rómverja og að velmegun okkar byggist á þrælkun og arðráni fólks í fjarlægum löndum.

Við getum beðist afsökunar ef við látum kynjamisrétti eða kynþáttamisrétti líðast í umhverfi okkar og samfélagi, en við fríum ekki okkur sjálf með því að telja okkur betri en þeir sem liðnir eru.

Þeir þróuðu þó siðmenninguna, unnu út frá fortíðinni til að gera framtíðina betri.

Og þannig séð hefur maðurinn aldrei haft það betra ef miðað er við afkomu fjöldans, vörn gagnvart sjúkdómum og farsóttum, frelsi einstaklings, og frelsi frá óttanum að vera rændur og drepinn af árásarmönnum sem engu eira.

 

Og þeir sem vildu vel, og gerðu heiminn betri.

Þeir áttu allavega eitt sammerkt.

Þeir þekktu söguna, og þeir lærðu af henni.

 

Hættumerkin voru þegar einhver byrjaði að fikta í sögunni.

Endurskrifa hana, jafnvel þurrka hana út.

 

Þar var aldrei staðar numið.

Kveðja að austan.

Vill stofna garð um þjóðhetjur Bandaríkjanna

Veruleikafirrt fólk dælir út tilskipunum.

 

Sem enginn hlustar á, sem enginn tekur mark á.

Landið var smitlaust, ef það er ekki svo í dag, þá er það ekki venjulegu fólki að kenna.

 

Þannig séð hefur Þórólfur breyst í trúð, en vissulega á hann botninn eftir, að rukka fólk um aðgerð sem það þurfti á að halda, en gat ekki sótt til Svíþjóðar.

Fyrir þann botn þarf áratuga heimsku miðstýringar og kommúnisma þar sem Svanhvít hefur mikið forskot á Þórólf.

 

Eftir stendur óttinn, og aftur óttinn.

" .. lögreglan að íbúar í fjórðungnum séu uggandi yfir þeim fjölda farþega sem flæðir inn í fjórðunginn vikulega ".

Egilsstaðir eru að taka við hlutverki Sódómu forðum.

Nema núna er ekki hægt að treysta á inngrip guðanna.

 

Afhverju??

Hversvegna??

 

Hvað gekk þessu fólki til??

Kveðja að austan.

Engar tilslakanir verða fram til 26. júlí

Gamalt smit.

 

Eigum við bara ekki að senda það til Bandaríkjanna, eyða á einni nóttu faraldrinum þar í landi.

Því gamalt smit smitar ekki út frá sér.

Og þess vegna hleypum við öllum í land, því farþegar og áhöfn getur ekki verið smituð, ha, þetta er jú gamalt smit.

 

Af hverju þessi heimsfaraldur??

Af hverju eru ekki íslensk sóttvarnaryfirvöld spurð ráða, að gamalt smit smiti ekki.

Og vita ekki allir að veiran er allavega 6 mánaða gömul, svo ef einhver er veikur í dag, þá er henni ranglega kennt um.

 

Ég meina, spyrjið bara Víði, spyrjið bara Ölmu, spyrjið bara Þórólf.

Þau segja; Engin hætta að gömlu smiti svo farþegar Norrænu mega dreifa sér um alla koppagrundu.

Eina hættan er tengd krökkunum sem spila fótbolta, því allir vita að það var fótbolti sem dreifði smitinu um Evrópu, fótboltar eru nefnilega smitvaldar.

 

Kóvid veiran er hins vegar gömul og alveg hættulaus.

Ekkert að óttast þó henni sé hleypt inní landið.

 

Fótboltinn, fótboltinn, hann er hins vegar stórhættulegur.

Pössum okkur á honum.

Kveðja að austan.

Tveir farþegar úr Norrænu smitaðir

Líkt og köttur í kringum heita skál.

 

Forðast Vegagerðin algjörlega að minnast á meint afglöp verktakans, í hverju frávik hans voru eða handarbakavinnubrögð.

Hvaða efni notaði hann sem átti ekki að nota, hvað gerði hann rangt?

 

Vegagerðin nýtir sér nefnilega hinna nýja Kóvid vírus sem leggst á heila blaðamanna, já og líklegast stjórnmálamanna, sem skálkaskjól til að ræða ekki kjarna málsins.

Kjarna sem er ákaflega einfaldur.

 

Í mörg mörg ár hefur nýlögð klæðning verið stórhættuleg.

Þær eru hálar, þær blæða þegar sól skín, eins og það sé eitthvað sem þurfi ekki að reikna með á Íslandi, og þær endast illa.  Stundum svo illa að þær eru strax byrjaðar að spýta grjóti og drullu á bíla.

Og jafnvel þó lægsta tilboð lendi alltaf hjá sama verktaka sem hefur á einhvern hátt tengst dýralæknanámi samgönguráðherra, eða forstjóra Vegagerðarinnar, þá er vandinn eldri en ráðherratíð dýralæknisins.

 

En þeir sem eru eldri muna að svona var þetta ekki á árum áður.

Eitthvað breyttist og hvað er það??

Hvað var það sem þurfti mannslíf til að mistök og handvömm var viðurkennd??

 

Hvað sem það var??

Þá kemur það ekkert núverandi verktaka við.

 

Og ekki heldur dýralæknum.

Þeirri merku stétt.

 

Ef það er ekki feisað, þá munu afglöpin drepa aftur.

Kveðja að austan.

 

Lagfæringar kosta nær 100 milljónir

Er firringin algjör??

 

Eða er Víðir orðinn ga ga??

 

Hvernig vogar hann sér að ráðast á venjulegt fólk, sem reynir að lifa eðlilegu lífi, þegar sökin er hans?

Hvað gerir fólk með því að hittast, og horfa á börn sín spila fótbolta??

Ekkert.

Veiran var dauð.

Og Víðir sagðist ekki hafa gert neitt sem vakti hana til lífsins.

 

Ef hann laug, ef hann er lygari, hví ræðst hann á annað fólk??

Þetta fólk bauð ekki veiruna til landsins, það var hann sem gerði það, í púkki með Þórólfi og Ölmu.

 

Hví talar hann eins og véfrétt með því að benda á saklaust fólk, sem sannarlega er ekki smitað, hvað þá börn þess, en gengst ekki í mínútu við sinni eigin ábyrgð??

Og lokar á smitleiðirnar sem ógna eðlilegu lífi fólks sem og þá atburði sem börn þess koma saman.

 

Hann er sekur.

Ekki fólkið sem hann bendir á.

 

Það er hans að bæta úr.

Ekki annarra.

 

Og að því gefnu að vírusinn hafi ekki ráðist á og étið upp heilasellur blaðamanna Morgunblaðsins, þá er ömurlegt að lesa svona kóun hinnar algjöru heimsku.

Ekki er spurt.

Ekki er bent á hinn seka.

 

Aðeins lapið upp orð hinna vanhæfu.

Fólksins sem ber ábyrgðina.

 

Svo hló maður yfir Zombíu myndunum.

Þar sem vírus átti að hafa étið upp heilann og breytt fólki í uppvakninga.

 

En hvað annað getur skýrt þessa heimsku??

Þessa frétt án athugasemda, án spurninga.

Það er að maður gengur út frá eðlilegri dómgreind og lágmarks skynsemi.

 

Kannski er Kóvid ekki lungnasjúkdómur.

Kannski er hann heilasjúkdómur.

 

Eða hvað skýrir hina algjöru firringu??

Kveðja að austan.

Hefði verið best ef foreldrar væru eftir heima

Þegar steinar standa ekki undir steini.

 

Í aðferðafræði og rökum sóttvarnaryfirvalda, og reynt er eftir á að byrgja brunna sem áttu aldrei að vera opnir, þá má spyrja sig um lærdóminn.

Um ábyrgðina, um afsökunarbeiðnina.

Og sannleikann.

 

Rifjum upp að fagfólk varaði við opnun landamæranna, bentu á að það væri lágmarkið að láta faraldurinn ganga niður í öðrum löndum áður en við hleyptum fólki inn í landið án undangenginnar sóttkvíar.

Landspítalinn bað sér griða, jafnvel kokkurinn í eldhúsinu frábað sér nýja fjölmiðlaumfjöllun, hann vildi bara að fá að pústa eftir ómanneskjulega vinnutörn undanfarinna vikna og mánaða.

Sóttvarnarlæknir lét sér ekki bara að duga að hundsa þau aðvörunarorð, hann kaus að hæða viðkomandi fagfólk, kvað það líta framhjá heilsufarsvandamálum sem stöfuðu af þeirri kröfu að fólk þyrfti að fara í sóttkví við komuna til landsins áður en það tæki upp eðlilega samskipti við innlenda.

Hver þau vandamál voru var hann aldrei spurður um.

 

Rifjum upp líka að einn virtasti hagfræðiprófessor landsins, Gylfi Zöega skaut í kaf hin efnahagslegu rök fyrir opnun landsins.

Það væri meira virði fyrir hagkerfið að fólk gæti lifað eðlilegu lif en að fólk lifði í skugga óttans, með öllum þeim hömlum sem því fylgir.

Meintur ávinningur af þessum örfáum dögum sem landið væri smitlaust vægi aldrei þann skaða upp.

 

Samt kusu sóttvarnaryfirvöld að ganga í takt með óvitunum í ríkisstjórn landsins.

Var sviðsljósið svona mikilvægt??, eða var það óttinn að vera aftur venjulegur, að geta ekki lengur drottnað yfir daglegu lífi fólks, sagt því til um hegðun þess og hömlur??

Og hvenær endar þessi meðvirkni??

 

Af hverju hefur sóttvarnarlæknir áhyggjur af fjölmennum fótboltamótum í landi þar sem þjóðin hafði fært þær fórnir að landið varð smitlaust??

Af hverju hefur hann ekki manndóm í sér að ráðast beint að óráðshjalinu sem kom fram í viðtalinu við dómsmálaráðherra í kvöldfréttum sjónvarps í gær??

Er það virðing við Barnasáttmála Sameinuðu þjóðanna sem heldur aftur af honum, eða er það óttinn við valdið??

Að hann verði settur af ef hann slái ekki taktinn í óvitaskapnum??

 

Með hverjum deginum minnkar innistæða þessa fólks.

Trúverðugleiki þess og forysta.

Og það verður svo á meðan það er samdauna vitleysunni og afglapahættinum.

 

Sem er miður.

Því við þurfum virkilega á þessu fólki að halda.

En ekki á þessum forsendum.

 

Það er annaðhvort óvitarnir eða þjóðina.

Það er ekkert þar á milli.

Kveðja að austan.

Greindist rúmri viku eftir komuna

Boris reis uppfrá dauðum.

 

Ekki vegna kraftaverks, heldur vegna nútímalæknavísinda.

Og hann þakkar lífgjöfina með því að kveða upp endanlegan dóm yfir samlöndum sínum.

Kannski hugsanlega að hann trúi að mótefni sýkingarinnar verji hann í næsta skiptið.

Eða hvað útskýrir siðleysið og fáviskuna??

 

Veiran spratt ekki uppúr sjálfu sér.

Hún barst til Bretlands með fólki frá sýktum löndum.

Og núna á að endurtaka leikinn.

 

Liðinn er sá tími þegar bresk stjórnvöld lögðu allt undir að verja líf óbreyttra borgara.

Samt féllu um 30.000 óbreyttir borgarar í þeim hildarleik.

Veiran hefur þegar drepið yfir tvöfalda þá tölu þó skrifræðið fegri skráðar tölur.

Og í stað þess að slást, að verja strönd, hæðir og hóla, þorp, bæi og borgir, þá er gefist upp og landið opnað fyrir hinum banvæna óvini.

 

Af sem áður var.

Kveðja að austan.

Undantekningar frá sóttkví frá og með mánudegi

Aldrei fleiri smit á einum sólarhring.

 

Eftir að veiran hefur verið þekkt í hátt 6 mánuði og borgir eins og New York hafa barist á banaspjótum við hana.

Milljónir fyrirtækja hafa lokað, milljónir á milljónir ofan misst vinnuna, tugmilljónir verið lokaðir inní sóttkví.

Til hvers??

Einskis.

 

Af hverju geta menn ekki lært af reynslunni?

Af hverju geta menn ekki feisað dauðans alvöru og lagt hana að velli??

Af hverju leyfa menn drepsótt að geysa því sem næst óhindrað í löndum sínum??

 

Jú, auðurinn hefur fjármagnað fífl og mannleysur til að stjórna samfélögum okkar.

Höktir í góðæri, fellir þjóðir á hættutímum.

Ein af staðreyndum sögunnar sem ekki er hægt að rífast við.

 

Ennþá er tími í að þessi fyrirsögn verði innlend, þökk sé sóttkví og smitvörnum.

En það styttist í hana því hér eru sömu forsendur til staðar og úti.

 

Efist einhver, þá skal sá og hinn sami fara inná Ruv.is og hlusta á viðtalið við dómsmálaráðherra í kvöldfréttum í gær.

Útbreiðsla veirunnar þar blæs henni andann í brjósti um að knýja á opnun landamæra okkar vestur.

Það er sko þessi efnahagslegu tengsl, gengur ekki að hafa lokað.

Og öll þekkjum við rulluna um efnahagslegt mikilvægi ferðaþjónustunnar á tímum drepsóttarinnar.

 

Tikk takk.

Tikk takk.

Kveðja að austan.

 

Aldrei fleiri smit á einum sólarhring