Kona heldur ræðuna!!

 

Í heimi á hverfandi hveli, þar sem sótt er að almenningi úr öllum áttum, þá skiptir öllu máli að kona haldi ræðu.

En ekki maður sem hefur eitthvað að segja.

 

Viðkomandi maður getur verið kona, getur verið karl, skiptir ekki máli, aðalatriðið er að eitthvað sé sagt sem eftir er tekið.

Sem þjappar fólki saman, nær því úr skotgröfum tuðsins, og fær það til að mynda afl sem hefur styrk og þor.

Til að berjast, til að bæta.

 

Nei, maðurinn hafði ekki farið í kynleiðréttingu, og kom því ekki til greina.

Hann var karl, ekki kona.

 

Hefur pólitísk rétthugsun náð lægri lægðum??

Kveðja að austan.

Stjórnin fylgdi ekki formanninum

Athugasemdir

[Ásthildur Cesil Þórðardóttir, 2.5.2017 kl. 09:01]

Já þetta er frekar skrýtið, og gott hvernig þú setur þetta í samhengi.

[Ómar Geirsson, 2.5.2017 kl. 09:50]

Takk fyrir það Ásthildur.

Það er tilgangurinn, að hreyfa við lesandunum, fá hann til að hugsa, taka afstöðu, eða skynja að samhengi hlutanna þarf ekki alltaf að vera viðtekið, og ef menn lesa eitthvað skrýtið, íhuga þá rökin að baki.

Alls ekki að þetta sé einhver sannleikur sem menn eigi að vera sammála, ekki nema menn séu það þá bara.

Einsleitni er aldrei góð.

Kveðja að austan.

[Einar (IP-tala skráð) 2.5.2017 kl. 10:56]

Er ekki klikan bara hrædd vid þennan nyja mann sem hræðist ekkert

og vill breyta þessu kerfi sem er rotið inn að kjarna. Ekki i fyrsta

sinn sem slikt gerist

[Ómar Geirsson, 2.5.2017 kl. 13:38]

Sá grunur læðist að mér Einar.

Og þóttist svo sniðug að ekki væri hægt að koma á hana höggi með því að bjóða uppá konu.

Því hver þorir að mæla gegn því??

En konur með sjálfsvirðingu gera slíkt.  Þær vita að Ragnar er sá heitasti í dag, fersk rödd sem fer gegn hinum samofnu hagsmunum samtryggingarinnar.

Þær vita líka að þær verða alltaf annars flokks ef þeir láta karlana ráðskast með sig eins og hinir stórsniðugu baktjaldamakkarar gerðu í þessu tilviki.

Þetta er eiginlega misnotkun.

Kveðja að austan.

[Guðmundur Ásgeirsson, 2.5.2017 kl. 17:08]

Pólitísk rétthugsun hefur ekki náð lægri lægðum, heldur hægðum.

Góðar stundir.

[Ómar Geirsson, 2.5.2017 kl. 20:02]

Og svo er sturtað niður.

Kveðja að austan.

[Hrólfur Þ Hraundal, 2.5.2017 kl. 23:16]

Skrítin félagsskapur, samtök með lífstíðar stjórnanda, en samt eru leyfðar kosningar. 

Sé einhver kjörin þá er honum úthýst af lífstíðar stjórnandanum og einhver sem eingin hefur kosið, heldur er valin af æðstaráðinu fær orðið. 

[Ómar Geirsson, 3.5.2017 kl. 06:47]

Já Hrólfur, Brezhnev hefði verið stoltur af þessum vinnubrögðum.

Kveðja að austan.