Raddir erlendra hagfræðinga um Ögurstund þjóðarinnar.

Joseph Stiglitz er fyrrum aðstoðarframkvæmdarstjóri Alþjóðabankans og Nóbels verðlaunahafi i hagfræði.  Hann hefur löngum varað við Óráðum Alþjóðagjaldeyrissjóðsins.  Hann segir að

 

"ofuráherslur sjóðsins á háa vexti, verðbólgumarkmið, hallalausan ríkisbúskap og frjálsa markaði, án tillits til aðstæðna í löndunum, hafa verið aðalsmerki í aðgerðum sjóðsins gagnvart aðstoðarlöndunum. Þessar áherslur hafi oft reynst skaðlegar. "

 

Og Stiglits sagði þetta í viðtali í dönsku blaði, sem Morgunblaðið vitnaði í.

 

Taumur sjóðsins er mjög stuttur sem þýðir að geri ríki ekki það, sem hann vill, frestar hann áætluninni. Það er neikvætt merki og þess vegna spyr margt fólk hvort nú sé málið að Íslendingar þakki Alþjóðagjaldeyrissjóðnum fyrir að koma fyrir ári og segi: »Nú höfum við náð jafnvægi, það er ekki neyðarástand og við þurfum sem lýðræðisríki á því að halda að borgararnir komi saman og ræði hvað gera þurfi.« Þar er ýmislegt í húfi, en mikilvægast er að halda fullri atvinnu.«

 

Stiglitz sagði að hinn mikli niðurskurður á fjárlögum, sem AGS færi fram á, myndi leiða til meira atvinnuleysis á Íslandi.

»Þeir segja að kostnaðurinn við að fá traust sé að eiga mikla varasjóði, kostnaðurinn við varasjóðina er háir vextir. Kostnaðurinn við varasjóðina samsvarar niðurskurðinum í heilbrigðismálum eða menntamálumog Íslendingar spyrja sig: Er það þess virði?« sagði Stiglitz. »Ég held að þetta séu góðar og lýðræðislegar spurningar.

 

Og af hverju ætti þessi merki hagfræðingur að vara Íslendinga við.  Ekki fær hann borgað kaup fyrir það.  Og ekki er hann með Nóbel í jarðfræði.  Það eru miklir menn í viti sem geta leyft sér að hundsa svona aðvörunarorð.

Michael Hudsons er hagfræðiprófessor við Columbia háskóla og einn af þeim hagfræðingum sem Barak Obama Bandaríkjaforseti leitaði til um ráðgjöf eftir að hann tók við forsetaembættinu síðast liðið haust.

Hudson kom til Íslands í boði, nei ekki ríkisstjórnarinnar heldur hafði sá mæti fjölmiðlamaður Egill Helgason frumkvæði að komu hans.  Eftir ferð sína hingað, þá skrifaði Hudson grein í Fréttablaðið þar sem hann varaði íslensku þjóðina sterklega við aukinni skuldasöfnun.

 

 Ísland hefur orðið fyrir árás - ekki hernaðarárás, heldur fjármálaárás. Afleiðingarnar eru jafn banvænar þrátt fyrir það. Fleiri verða veikir, lifa í örvæntingu og deyja fyrir aldur fram ef þjóðin neitar ekki að greiða til baka megnið af þeim lánum sem prangað hefur verið inn á hana á síðustu átta árum. En leiðin til bjargar er þyrnum stráð. Voldugir skuldunautar á borð við Bandaríkin og Bretland munu siga áróðursmeisturum sínum, sem og Alþjóðagjaldeyrissjóðnum og Alþjóðabankanum á Íslendinga og krefjast þess að þeir verði hnepptir í skuldafangelsi með því að þvinga þá til að greiða skuldir sem þessar þjóðir myndu aldrei greiða sjálfar.

 

Þetta er dökk mynd sem Hudson dregur upp, en þessi mynd er byggð á rannsóknum færustu vísindamanna á því sem gerst hefur þar sem þjóðir hafa orðið fórnarlömb Alþjóðagjaldeyrissjóðsins og Óráða hans.  Upplýsingar sem allir vita nema vanhæfir íslenskir hagfræðingar sem fylgjast ekki betur með en það, að þeirra upplýsingar um sjóðinn eru yfir 30 ára gamlar.  Og þeir hafa ekki lesið þessa frétt í Morgunblaðinu.

 

OSE Peres og Maria kona hans hafa ellefu hungraða munna að metta. Þess vegna fara þau í viku hverri á stærsta grænmetismarkaðinn í Argentínu og láta greipar sópa í ruslagámunum.

Skammt frá ruslagámunum sem Peres-fjölskyldan er að róta í hefur gráguggnum manni í hermannajakka þegar tekist að safna saman kartöflum og káli í lítinn pott sem sýður í yfir eldi.

"Þetta jafnast auðvitað ekki á við þá hungursneyð sem er í Afríku," segir hann. "En þetta er Argentína sem hefur aldrei áður verið til. Fólk sveltur heilu hungri, er vannært.

 

Og þó, kannski hafa þeir gert það en er alveg sama.  Þeir vita eins og er að þjónar harðstjóra eru alltaf feitir. 

 

Og lokaorð þessa pistils eru frá þeim  James K. Galbraith og William K. Black en Gunnar Tómasson hagfræðingur og sérfræðingur hjá Alþjóðagjaldeyrissjóðnum í tugi ára sendi Alþingi Íslendinga varnaðarorð þeirra.

 

AGS skýrslan lætur undir höfuð leggjast að íhuga mögulega hvetjandi áhrif mikilla skattahækkana, niðurskurðar á opinberri þjónustu, samdráttar atvinnutekna, mögulegrar gengislækkunar, og stórfellds atvinnuleysis á flutning vinnandi fólks af landi brott. Okkur sýnist liggja í augum uppi að þær gífurlegu byrðar sem verið er að leggja á örsmáan hóp vinnandi fólks muni leiða til flutninga af landi brott. En um leið og erlendar skuldbindingar Íslands falla með sívaxandi þunga á aðra landsmenn þá verður erfiðara fyrir þá eftir eru og vilja búa áfram á Íslandi að gera það.

 

Var þetta sveitapiltsins draumur þegar hann yrði fjármálaráðherra, niðurbrot innviða þjóðfélagsins og stórfelldur landflótti.

Kveðja að austan.