Lágkúra lítilmenna.

 

Gylfi Magnússon er hagfræðidvergur, eins og stærsti hluti þess fólks sem þiggur laun frá ríkinu við að kenna æsku þessa lands hagfræði.

Enda er árangurinn eins og hann er.

En eitt stóra einkenni á dvergum er það að þeir sætta sig illa við sér stærri menn, vilja helst minnka þá, eða ef ekki annað dugar, rægja þá

En aumt er Engeyjarkynið ef græðlingur úr þeirra ey, hímir í skugga dverga og reynir að glefsa andans menn eins og rakki væri.

Daniel Gross, hefur af sjálfdáðum unnið sig upp í æðstu metorð hins akademíska heims hagfræðinnar.  Það er fengur af slíkum manni, og mættu þeir vera miklu fleiri.  

En slíkt skyggir á dverganna, hvort sem það er skugginn af Gros, eða Stiglitz eða Hudson eða Joly, hvert um sig hefur nægan skugga til að öll hagfræðihjörð Íslands hverfur eins og dvergstjarna inn í svartholi.  

Og það gæti hvarflað að þjóðinni að hlusta á góð og vel meint ráð, ekki ráð keyptra dverga, sem enga bók hafa lesið í fræðunum frá því að góðviljaður prófessor útskrifaði þá úr einhverjum háskóla fyrir áratugum síðan.  Vanþekking þeirra er algjör, og getan til að gefa þjóðinni ráð, er eins og geta Puddle hunds sem reynir að fullnægja tík af kyni Stóra Dana.

Broslegt, aumkunarvert, enda er þjóðinni búinn áratugur í skuldaánauð vegna dvergaráða.

Og hvað gerir aumur dvergur með aðstoð arfa úr frjósömum akri?

Jú hann spyr um kostnaðinn af þekkingunni.  Hún er 5 milljónir segir hann. Og það munar um minna.

En dvergsins ráð kosta hátt í 2.000 milljarða.

Hlutfallið 5/2000 er nokkurn veginn hlutfallið milli íslensku hagfræðihjarðarinnar og Gros, Stiglitz og Hudsons.

Það er ekki von þó dvergum sé misboðið.

Kveðja að austan.

 

 

 

 

Gros kostar Seðlabanka 5 milljónir á ári

Athugasemdir

[Lalli (IP-tala skráð) 27.11.2009 kl. 14:24]

Ertu ekki eitthvað að misskilja málið vinur? Það var Valgerður Bjarnadóttir sem spurði um Daniel Gros ekki Gylfi. Það er rosalega góð regla að lesa og skilja áður en maður gagnrýnir.

[Ómar Geirsson, 27.11.2009 kl. 15:35]

Blessaður Lalli.

"Sælir eru fattlausir því þeir munu landið erfa".  Og landið sem ég vil að börnin mín erfi, á að vera gott land, land sem við getum verið stolt af.

Þess vegna er  ég hér skrifandi og æpandi á þjófanna sem ætla að stela þjóðarauðnum.

Og ef ég ætla að hindra það þá er gott að vera ekki mjög  einfaldur.  Ekki það að ég kunni ekki við einfeldninga, þeirra sýn á heiminn er oft hressandi, til dæmis er gott að trúa því sem maður vill trúa.  Til dæmis ef maður mætir ræningja í skuggasundi 101, þá trúir maður því að heima bíði hans berklaveikt barn sem bíður eftir aðgerð í Boston, aðeins þurfi að fjármagna aðgerðina með veski mínu.

Og í anda þessarar sælu þá tek ég undir orð þín, auðvita hefur þessi fyrirspurn Valgerðar, sem er auðvita ættarlaukur úr Engey (biðst afsökunar að hafa líkt henni við arfa), ekkert með það að gera að þessi leiðindamaður Gross, vakti athygli á misræmi á málflutningi breta og Hollendinga, enda er þessi Gross eitthvert smámenni sem sér ekki einfaldleika hlutanna.  Og það er auðvita algjör tilviljun að Gylfi, sem mér varð á að líkja við dverg, og þyki það mjög leitt, skyldi hafa skýr svör á höndum.  Og 5 milljónir eru miklir peningar, eins og Gylfi bendir réttilega á.

Að vísu sami Gylfi og bað um á Samfylkingarhátíðinni sem kennd er við potta, að erlendir sérfræðingar yrðu fengnir til landsins, okkur til aðstoðar.  En hann átti örugglega við sérfræðinga sem þiggja ekki laun frá íslensku þjóðinni, til dæmis þá sem þiggja laun sín frá amerískum vogunarsjóðum, sem keyptu kröfur bankanna á 5% og ætla sér að fá 105% til baka fyrir sína fjárfestingu. 

Og hvað er ég að rífast á móti þeim góða díl, eða efast um einlægni Gylfa, hvað þá að Valgerður taki þátt í pólitísku plotti,

Svei mér þá að ég held að ég þurfi að læra lesa, áður en ég kenni strákunum mínum það.  Annars gætu þeir álpast til að hrekja Leppa fjárkúgara úr landi þegar þeir stækka.

Hef þetta í huga.

Kveðja að austan.

PS.  Hann Ragnar kenndur við Reykás er frændi minn.

[Umrenningur, 27.11.2009 kl. 19:09]

Sæll Ómar.

Góður pistill hjá þér.

Frábært andsvar hjá þér.

Þetta þarf að vera örstutt hjá mér núna vegna anna en takk fyrir það sem komið er í dag. 

Bið að heilsa í Reykásinn

[ElleE (IP-tala skráð) 28.11.2009 kl. 01:00]

Já, 5 milljónir fyrir hæfan fræðimann er ekkert.  Icesave vegna heimskingja getur orðið 2 þúsund milljarðar   (2000 000 000 000). 

Það eru 2.000 000 000 000/5 000 000  EÐA 2.000 000/5

Þessi fræðimaður er ekki dýr.  Við borgum 100 milljónir (100 000 000) í vexti daglega fyrir Icesave hryllinginn.   Upphæðirnar eru svo hrikalegar að fólk áttar sig oft ekkert á þeim og fer að andskotast yfir nokkrum milljónum þegar Icesave er í hundruðum eða þúsundum milljarða og 1 milljarður er 1.000 milljónir.  Sumt vitlítið fólk heldur að við getum bara alveg borgað þetta.  Já, eins og Baldvin Hannibalsson og frú.  Já, og Jóhanna Sig. og co.  

Hvað eru íslenskir skattgreiðendur margir?  Um 150 þúsund held ég.  Icesave mun taka alla skattpeninga um 79 þúsund skattgreiðenda landsins árlega bara í Icesave!?!  Þetta er helber vitfirring.

[Ómar Geirsson, 28.11.2009 kl. 04:31]

Blessuð Umrenningur og Elle.

Er að kvitta fyrir mig áður en helgarfríið byrjar.  

Já Elle, óhætt að fullyrða að sýn fólks á vandann er mismunandi, en gegnumsneytt finnst mér, að þeir sem ætla að láta aðra borga ICEsave reikninginn, þeir vilja borga.  Telja mikið leggjandi á aðra svo þeir haldi sínum sosjal status í útlöndum.   En það sem þetta blessaða fólk fattar ekki, að það er hlegið af því þar, ekki bara á bak við það, líka upp í opið geð þess.  Og til hvers er þá leikurinn gerður??????

Já Umrenningur, þetta er vinnan á bak við áreitið, það þjónar engum tilgangi nema maður sé á staðnum tilbúinn með skófluna, ef einhver kemur inn með svona athugasemdir.  En ég er blessunarlega laus við það að mestu leyti, það stendur ekki alltaf vel á þegar ég þarf að svara, og þá er það oft á kostnað einhvers annars.

En nú er það helgarfrí, og svo klaustur eftir helgi.  Er að finna lausn á sálarkreppunni, "to be og not to be".  Held að ég sé að sættast við að þýði ekki að hlaupa frá þessu endanlega, allavega ekki ef þú ræður lúðraþeytarann.

Sjáum hvað setur, vonandi er líf eftir ICEsave, til dæmis líf byltingarmannsins???? 

En baráttukveðjur til ykkar fyrir sunnan.

Ómar.