Skyldi Steingrímur hafa frétt af sáttatillögu minni?

Þeirri einu sem fram hefur komið sem getur forðað þjóðinni frá borgarastyrjöld.  Það er útilokað að 51% þingmanna keyri gegn miklum meirihluta þjóðarinnar.

Því er málið einfalt, íslenska þjóðin gengst í ábyrgð fyrir 65 milljörðum auk vaxta af þeirri upphæð.  Bretar og Hollendingar fá eignir Landsbankans upp í ICEsave innlánin.  

Og sem baktryggingu fá þeir óútfyllt sjálfsábyrgð þeirra landsmanna sem trúa mati skilanefndar Landsbankans og vilja semja við bretanna  á þeim forsendum.

Trúin flytur fjöll og í þessu tilviki þá gæti hún verið sá herslumunur sem gerði gæfumuninn til þess að viðsemjendur okkar sætti sig við eignir Landsbankans sem staðgreiðslu. 

Persónuleg bakábyrgð forsætisráðherra landsins og fjármálaráðherra auk annarra stuðningsmanna ICEsave ábyrgðarinnar, eins og forseta ASÍ, forseta rafiðnaðarsambandsins auk annarra verkalýðsforkólfa, framkvæmdarstjóra vinnuveitanda, formanns iðnrekanda auk annarra sem kallað hafa á þetta samkomulag úr röðum atvinnurekanda.  Eins má tína til virta hagfræðiprófessora eins og  Þorvald Gylfason, Þórólf Matthíasson, Gylfa Magnússon og nafna hans Zoega, allt öndvegismenn sem trúa.

Og þá hljóta bretarnir að trúa líka, annars hlýtur þetta lið að eiga eitthvað sem má selja.  

Og þá verða allir sáttir og geta farið að einbeita sér að öðru.

Ég til dæmis vill losna við Alþjóðagjaldeyrissjóðinn úr landi. 

Nú er lag ef ICEsave er frá.

Kveðja að austan.

Beðið eftir Icesave

Athugasemdir

[ElleE (IP-tala skráð) 13.10.2009 kl. 22:50]

Já, akkúrat, Ómar.  Undirskriftirnar ættu ekki að vera neitt vandamál fyrir ofsa-Icesave-sinnanna, enda þeirra ær og kýr.  Og úr því nauðungar-"skuldin" hljóp í þvotti yfir nótt getur IMF bara horfið.

[Ómar Geirsson, 13.10.2009 kl. 23:59]

Blessuð Elle.

Ég veit að þessi hugmynd er illkvittin, en margir hafa lesið hana, og það var tilgangurinn.

Það er visst siðferði í því fólgið að taka lán sem þú trúir ekki sjálfur að þú getir borgað, en það er allt í lagi, því amma þín er í ábyrgð.

Það er kjarni ICEsave deilunnar.

Kveðja að austan.

[Árni Gunnarsson, 14.10.2009 kl. 00:08]

Meinið í þessu tilfelli er það að amman sem baktryggir er mun yngri en skuldarinn.

[Ómar Geirsson, 14.10.2009 kl. 00:28]

Ha????

Kveðja að austan

[ElleE (IP-tala skráð) 14.10.2009 kl. 09:41]

EKki það að ég ætli að svara fyrir Árna, en held að hann meini að ófögnuðurinn muni lenda á börnum landsins að lokum.

[Ómar Geirsson, 14.10.2009 kl. 11:26]

Þú meinar það Elle.

Chao.

Ómar