Ekki missa trúna Ólafur.

Skjaldborgin mun koma þér til hjálpar.

Jóhanna og Steingrímur eru vinir fátæka fólksins.  En til þess að öðlast vináttu þeirra þarf fólk að verða fátækt.  Helst gjaldþrota.  

En fólk á að verða gjaldþrota án þess að taka auðmenn og fjárbraskara með sér í fallinu.   Til hvers ætti það ágæta fólk að borga allar þessar milljónir til stjórnmálaflokka ef það fær ekki eitthvað fyrir sinn snúð???

Hvað borgaði almenningur í kosningabaráttu Samfylkingarinnar???  Ég bara spyr.  Og hvernig heldur Steingrímur að hann hafi fengið að vera ráðherra ef gott fólk hefði ekki styrkt hann til þess??????

Nei, bönkum og auðmönnum á að hlífa.  Fólk getur alveg orðið fátækt án þess að ógna þessum grunnstoðum félagshyggjunnar segir Steingrímur Joð.  Og það er rétt hjá honum.

Borgaðu Ólafur minn og þú munt hljóta náð Félagshyggjunnar.  Jafnvel merki frá ríkisstjórninni með áritaðri mynd af Jóhönnu.  

Mundu að henni þykir vænt um þig.

Borgaðu.

Kveðja að austan. 

Saka ráðherra um hótanir

Athugasemdir

[Hilmar (IP-tala skráð) 2.9.2009 kl. 17:46]

Auðvitað eru Jóka og Neigrímur vinir fátæka fólkssins. Og þessi dásamlegu og dúllulegu skötuhjú eru líka svo miklir Íslendingar í sér og alltaf að adda fleiri og fleiri vinum. Að vísu ekki á Facebook eins og allir hinir, en vinur er vinur sama hvaða bók er notuð, jafnvel þó það séu bara gerðarbækur sýslumanna.

Varðandi besservisserana sem alltaf eru að væla yfir skuldum, þá er þessu pakki bara alls engin vorkun. Hver var að neyða þetta fólk til að taka lán fyrir húsnæðinu? Menn áttu að vita það fyrirfram að við húsakaup staðgreiðir maður, nú eða tekur kúlulán.

[Jón Valur Jensson, 2.9.2009 kl. 19:44]

Það er kominn tími til að þessi maður fari í enn eina utanlandsferðina og komi aldrei aftur.

[Ómar Geirsson, 2.9.2009 kl. 20:04]

Takk fyrir innlitið félagar.

En svona til að fyrirbyggja allan misskilning þá er ég að blogga um hann Ólaf sem ætlaði í greiðsluverkfall.  Um hinn Ólaf, sem mætti alveg týnast í útlöndum, bloggaði ég í fyrri færslu.

En farið hefur fé betra.

Kveðja að austan.

[Jón Valur Jensson, 2.9.2009 kl. 20:40]

Ég las þetta heldur hratt yfir og hélt það vera háðsádeilu á Baugsmanninn Ólaf.

Fyrirgefðu, Ómar minn.

[Ómar Geirsson, 2.9.2009 kl. 20:49]

Ekkert að fyrirgefa Jón Valur.

Svona að öllu jöfnu, þá er háðið um Samfylkinguna, og VinstriGrænir flækjast með þegar þannig liggur á mér.

Kveðja, Ómar.

[Jón Valur Jensson, 13.10.2009 kl. 02:14]

Þetta var undarlegt innlegg. Ég fer fram á það, að blog.is kanni IP-tölu sendandans.

[Ómar Geirsson, 13.10.2009 kl. 07:01]

Blessaður Jón Valur.

Ég hélt að ég hefði eytt því út um leið og ég sá það.   Greinilega kann ég ekki nógu vel á forritið.

En svona rugl á hvergi heima.

Kveðja, Ómar.