Það er heldur ekki víst að það sé líf á Mars.

En hvað kemur það málinu við?

Svona álíka mikið og orð umhverfisráðherra Portúgals. 

Eða orð Gróu á Leiti.

Vissulega langar blaðamönnum Morgunblaðsins mikið til Brussel.  En þeir eiga samt að halda sig við fréttaflutning, líka í ESB trúboði sínu.

En það er ofsalega gott að vera með ófréttir á meðan samið er um gjaldþrot þjóðarinnar. 

Og Morgunblaðið hefur ekki komið með eina einustu fréttaskýringu um lagalegu hliðar ICEsave málsins.  Er það kannski vegna þess að blaðið fann ekki einn einasta lögfræðing sem vildi leggja nafn sitt við málflutning ríkisstjórnarinnar??

Ef svo er þá á blaðið að greina frá því.

Það eru jú við áskrifendurnir sem borgum þeim kaupið.

Ekki ríkisstjórnin eða Evrópusambandið, eða er það ekki????

Kveðja að austan.

Ekki víst að ESB setji hvalveiðar fyrir sig

Athugasemdir

[Páll Geir Bjarnason, 22.6.2009 kl. 09:43]

Á þá bara að hætta að rannsaka Mars eða hvað?

[Ómar Geirsson, 22.6.2009 kl. 10:22]

Blessaður Páll.

O, nei.  Ekki sagði ég það.  Ég var bara einfaldlega að benda á þá staðreynd að orð þessa ágæta manns koma málinu ekkert við.  Afstaða ESB til hvalveiða er þekkt.  Það má vera að hún breytist, en hún hefur ekki breyst.  Það eru ekki einu sinni teikn á lofti um það að hún sé að breytast.  

Orð manns sem hefur engin áhrif breyta þar engu um.  En fréttin lætur það hljóma þannig.  Með öðrum orðum þá er hún áróður af aumustu gerð.

Kveðja að austan.