Skammastu þín Svavar.

Ef þú hefðir samið um vaxtalausar afborganir fyrstu 7 árin þá gætir þú sagt eitthvað í þessa veru.  Og ef þú hefðir náð því í gegn að bretarnir yfirtækju lánasafn Landsbankans á því mati sem um er rætt, þá værir þú að gera eitthvað sem væri góð niðurstaða.

En að fresta öllu í sjö ár er ekkert annað en svik við þjóð þína og börnin okkar.  Þetta eru ekki þær hugsjónir sósíalista sem þú barðist fyrir í öll þessi ár.

Þú ert að svíkja ævistarf þitt og hugsjónir.  

Það verður enginn maður að meiri að taka að sér að vera böðull fyrir kúgara sína.  Byssukúla hjúpuð silkiklæði er jafnbanvæn og sú sem er blýhúðuð.  

Það eitt skiptir máli.

Kveðja að austan.

Í raun ótrúlega góð niðurstaða

Athugasemdir

[Guðmundur St Ragnarsson, 7.6.2009 kl. 00:15]

Fresta fresta fresta. THE ICELANDIC WAY. Gefum börnunum okkur þessa milljarða í gjöf eftir 7 ár. Hipp, hipp!

[Ómar Geirsson, 7.6.2009 kl. 00:36]

Blessaður Guðmundur.

Ef mig minnir rétt þá einkenndi þetta dálítið ráðherratíð Svavars. Þegar hann hafði ekki tekjur til að standa við það sem hann lofaði, þá tók hann lán og ávísaði á framtíðina.

Gallinn við framtíðina er sá að hún vill  oft koma, stundum fyrr en varir.  Og það er engin lausn ef þú ræður ekki við skuldir þínar að setja þær á Visa rað.  

Svavar eyðilagði mannorð sitt sem sósíalisti með þessu samkomulagi.  Spurning hvort hann stofni félagsskap með Hólmsteinum.

Kveðja að austan.

[Jón Óskarsson (IP-tala skráð) 7.6.2009 kl. 20:38]

Honum var ekki alls varnað kallinum.  

Elliheimilin sem byggð hafa verið víða um land síðustu 30 árin eru arfleifð frá honum þó margir eftirmanna hans hafi komið að fyrstu skóflustungu.

Og ekki króna tekin að láni.

[Ómar Geirsson, 7.6.2009 kl. 21:02]

Blessaður Jón.

Það má  hið minnsta deila um það hvort króna hafi verið tekin að láni en um hitt deili ég ekki við þig.

Honum var ekki alls varnað kallinum enda mætur maður.  

Kveðja að austan.