Mikil er trú Gylfa!!!!!!!

Samtök atvinnulífsins segja að 60-70% fyrirtækja landsins séu tæknilega gjaldþrota.

Yfir helmingur allra heimila er með neikvæða eða við að verða með neikvæða eiginfjárstöðu.

Atvinnuleysi er þegar komið yfir 10% og ekki sér fyrir endann á því.

Allt að 30%  allra  launþega hafa þurft að sætta sig við tekjuskerðingu til að halda vinnu sinni.

Á Íslandi eru hæstu vextir í hinum siðmenntaða heimi.  

Genginu er haldið á floti með hriplekum gjaldeyrishöftum og innspýtingu af láni Alþjóðagjaldeyrissjóðsins.  Sjálfbær mun krónan a.m.k. falla um 30% frá því sem hún hefur þegar fallið. 

Sjávarútvegurinn glímir við gífurlegar skuldir samhliða mikilli birgðasöfnun og lækkun afurðaverðs.

Hvernig getur Gylfi trúað því að það sé hægt að endurreisa heilbrigt fjármálakerfi við þessi skilyrði?

Þurfa undirstoðirnar, hagur sjálfra skuldaranna ekki líka að vera í lagi?  Hvað heldur hið nýreista bankakerfi út við þessar aðstæður?  Ekki einu sinni forheimskustu Snatar Alþjóðagjaldeyrissjóðsins trúa því að almenningur og fyrirtæki rísi undir vaxta og afborgunarbyrði sinni.  

Ríkistjórnar jafnaðar og félagshyggju er einhvers staðar úti í móum að leita að stjórnarskránni.  Engar  tillögur eða úrbætur í þágu almennings eða fyrirtækja hafa verið afgreiddar frá stjórnvöldum.

Blinda almennings á böðla sína er það mikil að þessir flokkar munu líklegast fá umboð til að stjórna landinu áfram.  Þeirra eina áhugamál er að pína gjaldþrota fólk en ekki að hindra að heimili og fyrirtæki verði gjaldþrota.

Hvað þolir hið nýreista fjármálakerfi lengur frjálshyggju félagshyggjunnar?  

Hvenær þrýtur þjóðina örendið með þessa háu vexti og óhamda verðtryggingu?

Þarf fjármálakerfið ekki fólk í landinu?   

Eða var það alltaf meiningin hjá Snötum Alþjóðagjaldeyrissjóðsins að skipta um þjóð?

Eitthvað í þessu dæmi gengur ekki upp.

Kveðja að austan.

 

Sér fyrir endann á hrunsferli