Hvað hefur breyst Hörður minn.

IFM stjórnar ennþá Íslandi.  Vegna stefnu sjóðsins eru þúsundir manna að missa vinnu sína.  Þúsundir heimila eru í alvarlegum fjárhagserfiðleikum. 

Og raddir fólksins funda með forsætisráðherra um Davíð Oddsson.

Hörður.  Fólk var að mótmæla ástandinu og ríkisstjórninni.  Ný ríkisstjórn er að framfylgja stefnu þeirra gömlu.  Hvers vegna er því ekki mótmælt áfram?

Hvers vegna er það allt í lagi að fólk missi vinnu sína í dag en ekki fyrir þremur vikum?  

Hverju breytir brottrekstur Davíðs Oddsonar fyrir fólk sem sér ekki útúr skuldum sínum?

Voru samtökin Raddir fólksins aðeins peð í valdatafli VinstriGrænna?

Hörður Torfason skuldar mörgum skýringar.  

Kveðja að austan.

Raddir fólksins funduðu með forsætisráðherra

Athugasemdir

[Númi (IP-tala skráð) 14.2.2009 kl. 00:03]

Ómar,það er fundur hjá Röddum Fólksins á morgun,láttu sjá þig á Austurvelli kl 3   :14 febrúar

[ag (IP-tala skráð) 14.2.2009 kl. 02:59]

Hvað hefur breyst ?

jú það er vorhreingerning í fullum gangi ekki veitir af , Valhöll skelfur

[Ómar Geirsson, 14.2.2009 kl. 22:40]

Takk fyrir innlitið félagar.

Ég á því miður ekki heimangengt á fundi í Reykjavík.  En ég fylgist með.  Og það má ekki misskilja mig.  Hörður Torfason var og er og mun gera frábæra hluti með röddum fólksins.   Hann á allan heiður skilinn fyrir störf sín fyrir þjóðina.  En Hörður verður að átta sig á því að hann tók það að sér að leiða ákveðið starf fyrir þjóðina eða allavega hluta hennar.  Og hann er Rödd fólksins.  Sú rödd sem verður að heyrast á meðan á Íslandi eru stjórnvöld sem taka hag fárra fram yfir hag fjöldans.  Og þessu fáu er jakkafataliðið sem er ennþá jafnreffilegt og það var fyrir hrun.  Það var ánægt með þjóðfélagið fyrir hrun og það vill sama þjóðfélag aftur, að vísu með smá breytingum eins og t.d. hagfræðing í Seðlabankanum.  

Hörður vill aftur á móti uppstokkun og nýja forystu.  Nýtt fólk með hreinar hendur og hæfileika og getu til að takast á við þau verkefni sem þjóðin felur því.  Þetta er ekki það sem jakkafatafólkið vill.  Það vill losna við Davíð vegna þess að hann fyrir hinum nýja hjáguð, sem það blótar.  Hjáguðinn heitir trúverðugleiki og hann á að tryggja að þetta fólk geti haldið áfram að braska og spila með gjaldeyrinn á kostnað almennings.  Þetta fólk er að misnota Hörð Torfason til sinna ógæfuverka.  

Og það skelur enginn í Valhöll.  Flokkurinn er í sókn.

Kveðja að austan.