Íslamistar sem drepa konur án slæða.

 

Bókstaflega, fyrir þann eina glæp að neita þeirri djúpstæðri kvennakúgun að konur skuli hylja hár sitt, ná að stjórna umræðu um næsta forseta þjóðarinnar.

Gleymum því ekki að Guðni hóf feril sinn með því að svíkja íslensku þjóðina í ICEave, gangandi erinda þess agnarsmá örminnihluta sem auðþjófar og auðræningjar okkar eru.

 

Ég hef sagt sjálfum mér og öðrum að bjáninn Guðni hafi þroskast, og hann, eins og hann er, ágætis forseti.

Svo ákvað Guðni að senda samúðarkveðjur til þeirra Íslamista sem drepa konur fyrir þann eina glæp, að bera ekki kúgunartækið, slæðuna á réttan hátt.

Þar með berstrípaður ræfill sem hefði aldrei átt að bjóða sig fram, ennþá allavega er kvennakúgun ekki gildi sem íslensk þjóð, það er restin af okkur, og þá rest allavega svívirti Guðni.

Svona fyrir utan öll fórnarlömb Íslamista.

 

En ræfillinn Guðni á sér ræflabræður sem og systur, afhjúpun Spursmála Mbl.is, sem ég saklausi sveitamaðurinn átti aldrei von á; Halla Tómasdóttir getur ekki staðið með kynsystrum sínum í Íran, þó maður ætlist ekki til þess að hún standi gegn innfluttri kvennakúgun Samtakanna Ísland-Palestína.

Aumari getur engin kona orðið, nema blind metorðagirnd liggi að baki.

Og aumingja, aumingja þeir sem halda að atkvæði sitt gegn stjórnmálum eigi að falla með þeim formanni Viðskiptaráðs sem gekk í takt með Hrunadansi útrásarvíkinganna.

 

Í raun kallast aumur á við aumingja.

Svívirðan er samt að geta ekki staðið með kynsystrum sínum gegn miðaldakúgun Íslamista.

Guðni er ræfill, höfum það á hreinu, en þetta er miklu verra en það.

 

Svo slæmt að það er móðgun við sál og sið þjóðar okkar, atkvæði sem Halla Tómasdóttir fær.

Afhjúpar innihaldsleysi þjóðar sem vanvirðir sín eigin gildi, upphefur fólk sem styður voðaverk og kvennakúgun miðaldaöfgamanna.

Að samúð eigi að senda til morðingja, viðbjóðslegra morðingja.

 

Við látum bjóða okkur þetta.

Svívirðum þar um leið gildi áa okkar sem við fengum í arf.

Takturinn líklegast sleginn með þeim viðbjóði sem knýr áfram stuðning fréttastofu Ríkisútvarpsins með voðaverkum Hamas.

Samt eru mörk sem á ekki að fara yfir.

 

Til dæmis alla daga, alla nætur.

Þá fordæmir heilbrigt fólk voðaverk Íslamistanna í Íran.

Eðli málsins vegna þá fögnum við ekki dauða þeirra, en við vottum morðingjunum ekki samúðarkveðjur.

Ekki frekar en Sveinn Björnsson vottaði þýsku þjóðinni samúð Íslendinga með fráfall Hitlers.

 

Halla fékk spurningu, og hún klúðraði mennskunni.

Maður vottar ekki þeim samúð sem drepa konur án slæðu.

 

Maður fordæmir þá.

Kveðja að austan.

Myndi Halla senda Írönum samúðarkveðjur?

Athugasemdir

[Ómar Geirsson, 24.5.2024 kl. 18:07]

Og til að halda því til haga hve aum froða Höllu Tómasdóttur er, þá vil ég næstum því taka upp orð Björns Bjarnasonar í dag.

Segir svo margt og þó fólk sé ekki sammála nálgun Björns, þá er valkosturinn ekki heiladauði froðunnar, þó sú froða og heiladauði sé inn í dag.  Við eigum að vera betri en þetta.

Björn Bjarnason.

" Á forsíðu Morgunblaðsins í dag (24. maí) er sagt frá forsetafundi blaðsins með frambjóðandanum Höllu Tómasdóttur í Reykjanesbæ 23. maí og þar má lesa:

"Hún [Halla] skýrði jafnframt fyrri orð sín um hlutleysi Íslands og kvaðst ekki andvíg veru Íslands í Atlantshafsbandalaginu. En hún væri friðarsinni og vildi ekki veita Úkraínu aðstoð sem gagnaðist í hernaði; Íslendingar gætu stutt Úkraínumenn með ýmsum öðrum hætti."

Í frétt inni í blaðinu af fundinum kemur fram að Halla er ekki hlynnt því að íslensk stjórnvöld styðji vopnakaup til Úkraínu til varnar gegn innrás Rússa. Hún vilji frekar að Ísland fjármagni sáraumbúðir frá Kerecis og stoðtæki frá Össuri. Þá segist hún hlynnt því að Íslendingar taki „alltaf afstöðu með friði“ og nýti öll sín áhrif til þess að fara fyrir friði. Við séum í varnarbandalagi, ekki sóknarbandalagi með Atlantshafsbandalaginu og við getum verið þátttakendur í því og vestrænu samstarfi án þess að leggja fé til vopnakaupa.

Þegar Stefán Einar Stefánsson blaðamaður benti Höllu á að það þyrfti vopn til að verjast Rússum svaraði hún: „Við getum verið litla þjóðin sem lyftir grettistaki í heiminum."

Allt lýsir þetta ótrúlegu óraunsæi frambjóðandans og röngum hugmyndum um það sem gerist umhverfis okkur og hver viðbrögð nágrannaþjóða eru. Að draga skil á milli þess að vera friðarsinni og virkrar þátttöku Íslendinga í Atlantshafsbandalaginu er blekking.".

Það held ég nú.

Kveðja að austan.

[Símon Pétur frá Hákoti (IP-tala skráð) 24.5.2024 kl. 19:33]

Frábær pistill Ómar.

Tek undir hvert orð.

[Guðmundur Örn Ragnarsson, 24.5.2024 kl. 20:43]

Þegar þyrlan með ráðamenn Írans fórst, hafa menn víðast hvar í fyrstu, dregið þá ályktun að Ísraelsmenn hafi grandað þyrlunni, enda mörgum ljóst að dauði þessara ráðamanna Írans, forsetans og utanríkisráðherrans, var ekki tilviljun.

Augljóst er fyrir mér að reiði Almáttugs Guðs, Ísraels Guðs, var að verki.

En Hann segir: Leitið ekki hefnda sjálfir, mín elskuðu, látið reiði Guðs um að refsa, eins og ritað er: Mín er hefndin, ég mun endurgjalda, segir Drottinn. (Róm. 12:19).

[Ingólfur Sigurðsson, 25.5.2024 kl. 01:31]

"Það er samt öfugþróun í gangi, og henni þarf að mæta. Og við mætum henni ekki með undanlátssemi, það eitt er víst," skrifaðir þú sem svar í síðasta pistli.

Við erum sammála um öfugþróun, ekki hver hún er.

Fréttastofa RÚV er með fréttir um það dag eftir dag hvernig Palestínumenn þjást á Gaza.

Þú beinir spjótum þínum að öfgamönnum innan islam.

Ég tel að vestrænt samfélag sé gegnrotið vegna femínismans.

Ef ég vil mínu fólki vel, minni þjóð, þá bendi ég á það sem mér finnst vera vandamálið, femínisminn.

"Gildin sem við fengum í arf", sem þú skrifar um hér koma frá kristninni, ekki heiðninni. Við fengum líka heiðin gildi í arf sem minna á gildin sem öfgamenn islams lifa eftir.

Þótt Vesturlönd drepi sig eins og þau leggi sig með femínisma þá skiptir það engu máli. Islam heldur áfram að leggja heiminn undir sig. Guð Biblíunnar virðist styðja þá frekar en kristna menn. Er ekki guð Biblíunnar sá sami og Allah? Bæði kristni og islam byggjast á Gamla testamentinu.

Ef kristið fólk afneitar Jahve (Allah) með femínisma þá gefur Jahve (Allah) islamistum sigurinn.

Ég fordæmi ekki Ísraela því ég skil fórnarkostnaðinn við stríð - eða varnarviðbrögð við hryðjuverkum. Ég fordæmi ekki heldur islamista. Þeirra menning er önnur en okkar. Fólk reynir að ýta sinni menningu áfram og fá samúð sem flestra.

Jæja Ómar, ég ætla að spyrja þig að nokkru.

Ástandið í Svíþjóð. Þar eru það yfirleitt annarrar kynslóðar og þriðju kynslóðar múslimar sem sprengja, drepa og nauðga.

Svíum tókst ekki að samlaga múslimana. Þú segir að þeir séu góðir upp til hópa en fáein skemmd epli innanum. Hvað eiga Svíar að gera? Eiga þeir ekki að hlýða Svíþjóðardemókrötum og herða landamærin, og reyna að koma stjórn á landið sitt? Eru Svíþjóðardemókratar rasistar að þínu mati eða skynsamt fólk?

Annað sem beint kemur að efni pistilsins:

Hversu stór prósenta af írönsku þjóðinni eru konur sem eru drepnar vegna þess að þær bera ekki slæður?

Hversu stór prósenta af íslenzku þjóðinni eru börn sem eru drepin í móðurkviði vegna fóstureyðinga?

Auk þess, sagt er að maður breyti frekar fólki með því að sýna því skilning, og samúð. 

Hvort er meiri möguleiki á að breyta islamistum í Íran með því að senda þeim samúðarkveðjur eða ekki?

Þú getur kallað mig ónöfnum, afvinað mig eða hvaðeina, en öfugþróunin sem þú minntist á í síðasta pistli er kannski svar við breytingum á Vesturlöndum.

Kristnir menn mættu femínistum með undanlátssemi. Þeir mættu kvennaguðfræðinni með undanlátssemi.

Íslendingar voru meðal þeirra fyrstu sem viðurkenndu Palestínu sjálfstætt ríki. Það er nú merkilegt. Nú hafa fleiri lönd bæzt við.

Einn bloggari eins og þú og þeir sem eru þér sammála eiga erfitt með að breyta slíkri stefnu og hegðun, sem virðist samþykkt stefna yfirvaldanna, og góða fólksins, sem eru býsna margir á þessu landi.

Hvernig ætlar þú að ná eyrum þeirra sem viðurkenndu Palestínu sjálfstætt ríki?

Já, ég er ekkert skárri en þetta fólk sem þú fordæmir. En þú hefur kvartað undan því að þú viljir ekki eintóma jábræður.

[Ómar Geirsson, 25.5.2024 kl. 11:15]

Blessaðir félagar.

Takk fyrir það Símon Pétur.

Það er þá eitthvað gagn af honum Guðmundur en ég held samt að hann sé ekki í þessum bissness, það er leigumorðum.

Ingólfur, þegar margt er spurt þá þarf ritgerð til að svara, tími sem ég tek ekki frá fótboltanum og öðrum erindum.  Sjáum samt til, skemmtilegar pælingar hjá þér, vinnur gegn hrörnun ellinnar að íhuga þær. Það koma tímar.

Annars takk fyrir innlitið félagar.

Kveðja að austan.

[Sigurður Kristján Hjaltested, 25.5.2024 kl. 14:07]

Guðni hefur aldrei verið minn forseti og var troðið framm af elítunni enda

góður í taumi. Sat heima eins og drullusokkur loksins þegar íslenksa landsliðið komst áfram á HM.

ICESAFE sleikja og dulbúinn ESB sinni. Smánaði svo landhelgisgæsluna með því að setja útá

þorskastríðin okkar. Þykist vera svo sagnfræðingur en breytir sögunni þegar það hentar honum.

Toppaði svo aumingja og sleikjuskapinn með samúðarkvepjum til morðóðra hunda og miðalda

öfghyggjumenn. Margir glöddust yfir því þegar þyrlan hrapaði því þá var einum djöflinum færra hér á jörð.

Enginn hinsvegar þaut út á götur og fagnaði að hætti múslima eins og þeir gera þegar vestrænt fólk er

myrt á svívirðilegna hátt. Nei, það má ekki. Gætum móðgað múslima.

[Grímur Kjartansson, 25.5.2024 kl. 15:37]

Það var fyrirskipuð þjóðarsorg - fyrirbæri sem fáir skilja

sem þýðir náttúrlega í múslimaríkjum að fangelsa má alla sem brosa

verði einhverjum á að hlæja

þá verður sá hinn sami skotinn fyrir að vanhelga spámanninn

[Ómar Geirsson, 25.5.2024 kl. 18:56]

Blessaðir félagar, Grímur og Sigurður, ætla engu við að bæta, en mig langar að eins að segja að þetta var góður dagur.

Horfði á strákinn minn ásamt félögum í KFA vinna stórsigur, 7-3, á sama tíma vann liðið mitt United langþráðan sigur á erkifjendunum í City, og það í bikarúrslitaleik, og svo núna var ég að horfa á Val verða Evrópumeistarar.

Og Arnar er að vinna á.

Kveðja að austan.

[Ómar Geirsson, 27.5.2024 kl. 10:08]

Blessaður Ingólfur.

Kom aðeins seinna inn en ég ætlaði, sökkti mér niður í vídeóið sem Palli kóngur linkaði á í nýjasta pistli sínum, og fór svo að hlusta á annað svo ég er orðinn knappur í annan endann, verð stuttorðaðri fyrir vikið, já og beinskeyttari.

Í það fyrsta Ingólfur þá er fórnarlambsárátta alltaf hvimleið.  Þú veist mæta vel að ég kann vel við pælingar þínar, sem þýðir ekki það sama að ég sé sammála þeim eða eitthvað svoleiðis, það hendir vissulega en aðalatriðið er að það séu einhverjir þarna úti sem hafa nennu til að hugsa út fyrir boxið, og tjá svo þessar hugsanir sínar fyrir okkur hin.  Mundu það bara að magn fer ekki alltaf saman við gæði, það er kúnst að ná stöðugum lestri, sú kúnst hefur lítið að gera með gæði innhaldsins, mörg perlan sem ætti að lesast, hefur farið framhjá fólki, og svo leiðis er það bara.  En hún getur samt hreyft við einum eða tveimur sem hefur svo áhrif á skrif þeirra.  Svona fiðrildaráhrif, sem er þekkt breyta í þróun hugsunar mannsandans.

Í annað þá bý ég við þá gæfu að vera vel kvæntur, og er vel stýrður, og langt síðan ég fattaði að karlmaðurinn myndi ekki lifa af vikuna ef guð hefði ekki séð aumur á honum og skapað konuna til að passa uppá hann.  Þess vegna kaupi ég ekki þessa nálgun þína á hið meinta illa hreyfiafl sem þú telur femínismann vera.  Vissulega er dólgafemínisminn valda tæki háværs minnihluta framakvenna, en önnur vitleysan sem tengist honum verður þú að sjá í samhengi hinna kostuð froðu og tómhyggju nútímans.  Ef þú vilt íhuga hreyfiöflin sem takast á í heiminum í dag, þá færð þú betri skýringu í skrifum Guðmundar Arnars, jafnvel þó þú takir ekki þennan með hornin og halann út fyrir sviga.

Í það þriðja þá bætir þú ekki böl með því að réttlæta það með einhverju sem er verra, annan tilgang sé ég ekki í þessari spurningu þinn; "Hversu stór prósenta af írönsku þjóðinni eru konur sem eru drepnar vegna þess að þær bera ekki slæður?".  Án þess að ég ætla nokkuð að taka upp við þig umræðu um fóstureyðingar, eða hvernig flærðin hefur náð að teygja mörk þeirra yfir á að það er sannarlega verið að drepa líf með vitund, þá réttlætir slíkt ekki kúgun miðaldaöfga á helming mannkyns, eða kúgun þeirra á heilli þjóð eins og í Íran eða Gasa.

Í það fjórða þá virði ég vissulega það konsept sem "breyti frekar fólki með því að sýna því skilning, og samúð" er en ég hef enga trú á að það virki á öfgamenn, þess vegna til dæmis var EKKI varpað heilræðum og vísdómskortum á Berlín á sínum tíma, eða friðargúrúar sendir til Al-Raqqah  til að tala um fyrir systursamtökum Hamas, Ríki Íslams. Ég efa reyndar að til hafi verið svo heimskur gúrú að hann hafi viljað fara í slíka sendiför. "Hey strákar, það er ljótt og fer illa með manns innri mann að nauðga svona, drepa, limlesta, viljið þið ekki bara vera góðir strákar, sjálfra ykkar vegna??".  Nei, ég held að það heldur ekki virkað ef sá heimski hefði fundist.

Í það fimmta, ég tala ekki um Íslamista sem skemmd epli, þeir eru öfgaafl sem hafa náð mikilli útbreiðslu, en þeir eru ekki hinn múslímski heimur, ekki frekar en Evrópa væri nasísk þó boðskapur naista hefði náð  töluverðri útbreiðslu meðal ungra karla á fjórða áratugnum.

Í það sjötta þá er það strútseinkenni að það skuli á sama tíma verið talað um Svíþjóðardemókrata og þess sem er að gerast í Svíþjóð.  Enda hefur sænska valdastéttin áttað sig á því og er að undirbúa sig fyrir átök í landinu við glæpagengi og miðaldaöfga.  Menn þurfa að vera mjög barnalegir til að trúa þeim orðum sænsku hershöfðingjunum að það þurfi að efla herstyrk landsins til að mæta innrás Rússa í landið. Hvað í ósköpunum hefðu Rússar uppúr slíkri innrás?? Þetta fólk er ekki heimskt en það má bara ekki segja sannleikann, þess vegna er róið á mið Rússagrýlunnar.

Í það sjöunda og síðasta lagi, þá gengur ekki tveggja ríkja lausn á meðan annað ríki er einbeitt í að útrýma hinu.  Þetta sjá allir sem eru ekki djúpt sokknir í froðu og tómhyggju nútímans.

Það er ekkert sem bendir að það verði friður í Mið-Austurlöndum í nánustu framtíð, og það eru miklar líkur á að þessi átök breiðist út.

Það er uppgjör í nánd.

Kveðja að austan.