Viðbragðsaðilar í áfalli.

 

Segir Krist­ín Jóns­dótt­ir, hóp­stjóri nátt­úru­vár­vökt­un­ar hjá Veður­stofu Íslands, líklegast daprasti áfellisdómurinn yfir Jóni þriðja, dómsmálaráðherra.

Þetta frjálshyggjukjaftæði Jóns, nátttröll frá síðustu öld, um að hagræða burt því eina sem til er, er nefnilega ekkert annað en dapurlegur vitnisburður um óhæft stjórnvald, og ef hann kemst upp með atlögu sína af almannaöryggi og almannahag, um verkstjórn þeirra Bjarna og Katrínu á dvergunum í ríkisstjórn Íslands.

 

Meir að segja stjórnarandstaðan, sem yfirleitt er upptekin í Ó-málum og innihaldslausum upphrópunum, kveikir á alvöru málsins, og nær að spyrja hinnar óhjákvæmilegu spurningar;

"Vissi það einhver"??

Það er aðrir en Jón þriðji og kannski nánast aðstoðarmaður hans, Brynjar Níelsson.

Því ef svo er þá er ríkisstjórn Íslands vanhæf, hættuleg þjóðarhag.

 

Það vekur athygli að í þessari frétt minnist blaðamaður Moggans á engan stjórnarliða sem tók til máls.

Eins og þeir tilheyri ekki lengur þjóð sinni, og viti ekki hvað skiptir máli, og hvað skiptir ekki máli.

Þekki ekki lengur mun á dægurmáli og sjálfri alvörunni.

Að þeir séu í raun eins og Píratar eða þaðan af verra.

 

Oddvitar ríkisstjórnarinnar skulda þjóðinni svör.

Sem og viðbrögð.

Rétt viðbrögð á mannamáli en ekki orðagjálfur Dagískunnar.

 

Þetta er ekki líðandi.

Svei attan.

Kveðja að austan.

 

 

„Vissi það einhver?“

Athugasemdir

[Ragna Birgisdóttir, 2.2.2023 kl. 12:46]

Sæll Ómar.

Ísland er ónýtt,handónýtt. Hér er allt bilað og þjóðin beygð í duftið nema þeir ofurríku. Kv austur.

[Ómar Geirsson, 2.2.2023 kl. 13:37]

Blessuð Ragna.

Eigum við ekki kannski að vona að svona aðför að almannahag þjappi ólíkum hópum fólks saman, jafnt innan þings sem utan, jafnt innan stjórnar sem í stjórnarandstöðu.

Í mínum huga eru aðeins ein viðbrögð rétt, og það er að Jón Gunnarsson taki bæði poka sinn og aðstoðarmann.

Annað er kák.

Kveðja að austan.