Hver er gjaldskráin??

 

Sem almenningur greiðir með sköttum sínum vegna almennar heimsku og fávitaháttar meintra menntaðra opinbera starfsmanna?

Og þá er ég ekki að tala um síendurtekna myglu í opinberum byggingum, nýjum opinberum byggingum, sem sísjúga fjármagn frá nauðsynlegum nýbyggingum, til að bæta út og gera illa byggt húsnæði nothæft.

Sem og ég er ekki í raun að vísa í þekkt vitsmunaleg afglöp hinna nýráðnu meintra verkfræðinga hjá Vegagerðinni sem töfðu lífsnauðsynlegar vegaframkvæmdir í botni Berufjarðar með því að sturta efni í sjóinn, og játuðu að lokum að í  menntun þeirra hjá HÍ hefði gleymst að fræða þau um áhrif strauma í botni fjarða.

 

Ég sem Norðfirðingar vísa aðeins í snjóflóðagarðinn sem var reistur, áður en augljóst snjóflóð drap næstum fjölda verkamanna við gagnamuna Norðfjarðargagnanna, og þakka fyrir að í menntun verkfræðinga Vegagerðarinnar  er kúrs sem krefur þá um að fylgjast með fréttum um afleiðinga vanhugsunar þeirra eða rangra hönnunar.

 

Samt skal ég játa að ég vildi að þetta menntaða fólk væri ekki svo heimskt, að það hefði hannað göng, án vegskála, á þekkt óveðurssvæði Norðvestanáttarinnar, með þeim afleiðingum að í núverandi veðurfari hlýnandi heims, þá eru meiri líkur að ökumenn séu fastir við gagnamunnann Eskifjarðarmegins,en var á sjálfu Oddsskarðinu þó muni um það bil 600 metrum á hæðinni milli þessara tveggja gagna.

Ég hefði samt ekki spurt um gjaldskrána á þessari heimsku eða faglegum fávitahátt, snjóflóðið sem næstum drap fjölda tékknesku verkamannanna, við því var brugðið með mini-mini vörn, sem allavega hefur bjargað mannslífum síðan.

 

Þessi  frétt fékk mig samt til að hugsa um faglega heimsku, og hver er ábyrgð hins meintra menntaðra fræðinga sem líklegast bulla út í eitt, til að kóvera þá vísvitandi stefnu Rarik, eftir að fyrirtækið var frjálshyggjuvætt, að gjörhundsa viðhald á raftstöð bæjarins, svo eftir að árin liðu, og enginn fagmenntaður vélvirki fékk laun til að koma inní rafstöðina (gleymum aldrei aldrei bónusunum sem algjörlega vanhæfir stjórnendur Ohf Rarik fengu greiddir) og því á ákveðnum tímapunkti, eftir að hafa bjargað byggðarlagi mínu ítrekað, þá kveikti hún í sér, því líklegast hafði enginn gáð að því að hreinsa skorsteina rafstöðvarinnar.

Þeir sem ábyrgðina báru, og voru eftir Ohf væðingu þessa ríkisstofnunar, og ef það hefði verið rannsakað höfðu greitt samviskusamlega framlög í kosningasjóði Nýfrjálshyggjuflokkanna, launaðir með ríkulegum bónusum, starfslokasamningum samtryggingarinnar, eða öðru sem þetta gjörsamlega siðblinda, vanhæfa fólk ber á ábyrgð á, þeir bera samt sem ekki ábyrgð á þessari Ófrétt, því þeir voru eins og þeir eru, skilgetin afkvæmi Nýfrjálshyggju Sjálfsstæðisflokksins sem samstarfsflokkar hans létu óáreitt.

 

Vandinn er miklu djúpstæðari en það, og snertir hið meinta menntaða fólk okkar, sem hefur tekið sér alræðisvald yfir öllu okkar þjóðfélagi, og getur ekki einu sinni sinn brýnustu þjónustu samfélags okkar, án þess að vanhæfni þess margfaldar alla kostnaðarliði  líkt og samfélag okkar sé vel stjórnað, og hinir gígantísku fjármunir sem við eyðum í hin og þessi brýn úrlausnarefni, snerti í raun það sem við vildum eyða í.

Svo dæmi sé tekið er einhver svo heimskur að trúa Dagískunni þegar hún sagðist hafa eytt einum og hálfum milljarði í úrræði fyrir heimilislaust fólk í Reykjavík, svona í ljósi þess að fyrstu viðbrögð þessa hámenntaða fólks var að vísa skjólstæðingum Neyðarskýla borgarinnar út á gaddinn og óveðrið, og það þurfti fjölmiðlaumfjöllun til að þetta fólk, sem þegar hafið sogið til sín megnið af fjármunum borgarinnar í þennan málaflokk, lýsti því yfir, að það væri ekki í stefnu Dags, og Einars, að láta heimilislausa krókna úti í vetrarstormum.

 

Enn og aftur, hvað kemur það gjaldskránni við??

Hvernig getur fólk bullað svona fyrir borgun??

Sérstaklega þegar við höfum í huga að arðrán Nýfrjálshyggjunnar á innviðum Rarik var fyrir þess tíð, flest varla búin að læra að skeina sig, mæður og feður lutu höfði í auðmýkt yfir snillingnum sem fann upp Pampers bleyjuna.

 

Ekkert varaafl, og línurnar halda!!

 

Samt hafa allir þessi menntuðu krakkar ekki vottorð um að þau kunni að tannbursta sig skammlaust, eða reima á sig skóna.

En þegar vel er greitt (ekki ætla ég þeim hina algjöru heimsku), þá fullyrða þau að þegar vel er greitt að þá virki meint hringtenging því aldrei muni það gerast að tengistöðin á Eskifirði, þar sem hin meinta hringtenging á upphaf sitt og endi, slái út, hvað þá að álver Alcóa á Reyðarfirði slái út þessum línum.

 

Samt spyr maður sig, hvað þarf mikinn pening, því munum að enginn er svona heimskur, til að meint menntað fagfólk láti svona vitleysu út úr sér, að viti ekki til, að hafi ekki neina vitneskju um, að línur slái út og í kjölfarið glími byggðir við rafmagnsleysi.

Jafnvel dögum saman líkt og var eftir óveðrið mikla 2019 í Vestur Húnavatnssýslu.

 

Þá var lærdómur stjórnvalda að efla varaafl.

Í dag er sá lærdómur gleymdur, og í dag spilar meint menntað fólks sig fífl, sem er grunnforsenda þessarar fréttar.

Það fær samt ekki mikið borgað, heldur kannski vinnu sinni þrátt fyrir augljósa vanhæfni, sem og vankunnáttu.

 

En hvað með fórnarlambið, sjálft bæjarfélag mitt, alla þá þjónustu sem þar er veitt, eða ofurhagnaðarfyrirtækið Síldarvinnsluna???

Veit ekki, en það eina sem ég veit, er að laun forsvarsmanna bæjarfélagsins eða fyrirtækisins, eru af þeirri stærðargráðu, að nokkrir mánuðir hefðu hugsanlega getað bjargað hinu lífsnauðsynlega varaafli í bænum mínum.

Ekki að ég sé að gera lítið úr laununum, en ég hélt að þeim fylgdi sú ábyrgð að verja byggðarlagið gegn aðförum forheimskum stjórum bónusa Ohf væðingarinnar, eða bregðast við svona augljósu rugli meintra verjanda gjaldskráar hinna vanhæfu meintra sérfræðinga.

 

Því þetta átti aldrei að vera frétt.

Hvað þá að örgamall bloggari að austan gæti ekki þagað yfir mannanna heimsku.

Ekki að mannanna heimska sé eins og hún er, en að þiggja laun sín, gera svo ekkert, það er eiginlega svo fáheyrt að jafnvel má ræða um launasvik.

 

Því þrátt fyrir allt bera aðrir ábyrgðina en þau sem kunna ekki að byggja hús, eða leggja vegi.

Það fólk er alltaf skjöldur gagnvart þeim sem við treystum, og borgum ofurlaun sem aðeins eiga sér samsvörun í launakjörum bæjar/borgarstjóra í borgum og bæjum tugmilljóna eða ekki hundruð milljóna, sem og þeim forstjórum sem miða laun sín alltaf við topp 500 á einhverjum Bilbord lista, án þess að ég kunni að stafa það orð.

 

Þetta hálaunafólk var ekki skjöldur í mínu byggðarlagi, það horfði í hina áttina þegar Ohf-effið eyðilagði varaafl sem hafði þjónað byggð minni í yfir um 70 ár.

Samt talar það ekki Dagísku, ég get alveg vottað að stjórarnir tveir kunna bæði að reima skó og hnýta bindishnút.

 

Það var grasrótin sem mótmælti.

Það var grasrótin sem vakti þau viðbrögð sem Austurfrétt byggði sína skynsemisfrétt á.

Ólaunuð grasrót annarsvegar, hinsvegar mjög vel launaðir stjórar, svo það nægði næstum til að fæða og klæða alla munaðarleysingja í Kenía.

Sú ábyrgð er þung, og eitthvað þurfa menn til að réttlæta laun sín.

 

Til dæmis að mæta ógnarafli Nýfrjálshyggjunnar, forheimsku og sígræðginnar í Reykjavík, að vanhæft fólk, meint vel menntað fólk, geti ekki rutt götur borgarinnar eftir smá sjó, en það  eigi ekki að vega að lífi og mannlífi landsbyggðarinnar sem þurfi alltaf á varaafli að halda, afneitun á því sé afneitun á Íslandi í dag.

Samt mallar kerfi vanhæfninnar, og stjórarnir þiggja sín laun, út í eitt.

 

Við því þurfum við að bregðast, og eigum að segja aðeins eitt.

Nei.!!!

 

Fíflin, þó menntuð séu, eiga ekki að stjórna lífi okkar, framtíð okkar.

Og fjandinn hafi það, það  er hægt að byggja hús án myglu.

Kveðja að austan.

Senda varaaflvélar frá Neskaupstað til Úkraínu

Athugasemdir

[Magnús Sigurðsson, 17.1.2023 kl. 18:57]

Sæll Ómar, sérðu ekki manngæskuna í þessu maður? -það á að senda vélarnar til Úkraínu.

Það eru því miður fábjánar með frábærar hugmyndir sem vaða uppi á ofurlaunum hvert sem litið er og ekki nokkur leið að hafa vit fyrir þeim. 

Kerfið er orðið þannig í mygluvæddu reglugerðarríkinu að manni detta helst í hug orð sveitunga þíns í svæðisútvarpinu sáluga, þegar honum vantaði eitt atkvæði upp á að komast í bæjarstjórn seint á síðustu öld.

"því miður verður þetta allt að fá að brenna til kaldra kola áður en uppbygging getur hafist".

[Ómar Geirsson, 17.1.2023 kl. 20:21]

Blessaður Magnús.

Ég vissi það svo sem alveg áður en ég las þessa frétt, sem betur fer hefur úrkynjun ofurlauna, ofurmenntunar eða jafnvel sá guðsótti sem við tengjum við Mammonsdýrkun, leikið nútímann það illa að ekki sé hægt að finna fólk sem kann ennþá að umgangast díselvélar af þeirri virðingu sem þær eiga skilið.

Vélin sem grotnaði hér niður, og hefur margoft bjargaði samfélagi mínu frá köldu jólum, að ekki sé minnst á aðra björgun, er þannig séð eins og vel mjólkandi kýr á gamals aldri, sem býr að góðri umhirðu og atlæti.  Nema seinni ár fékk hún ekki þetta atlæti og umhirðu, líkt og kýrin sem við sáum í fréttunum svona vel mjólkandi í fjósinu þarna fyrir norðan, hefði ekki skilað sínu ef hún hefði verið slegin af, eða svelt.

Á sama tíma upplifum við þörfina fyrir varaafl Magnús, ekki bara þegar bæjarfélag mitt lagði í milljóna kostnaði við að fá díselrafstöð yfir Öræfin, heldur til dæmis líka fyrir norðan þegar rafmagnið sló út í óveðrinu 2019 (eftir minni, nenni ekki að fakttékka), þá voru fyrstu viðbrögð ráðamanna/ráðherra að benda á að liðin ár hefðu vanrækt uppbyggingu/endurnýjun varaafls.

Svo bara mallar hið mygluvædda regluríki sinn gang.

En ekki í sátt Magnús, ekki í sátt þó fáir taki undir.

Eða eins og Skáldið sagði, núna þurfum við að treysta á tíst smáfuglanna.

Kveðja að austan.

[Magnús Sigurðsson, 17.1.2023 kl. 21:10]

Þeir höfðu víst sparað manninn sem labbaði með vasahnífinn á milli staura, þegar línurnar hrundu fyrir norðan um árið, -samkvæmt reynsluboltunum, -slógu hann af sparnaðarskini, því fór sem fór og enginn vissi hvenær staurarnir voru orðnir graut fúnir.

Mér skilst að það sama hafa verið uppi á teningnum með diselavélarnar ykkar, maðurinn með smurkönnuna skiptilykilinn óþarfur. Kannast svolítið við þessa ofurmenntuðu aðferðafræði úr mygluhjöllunum. 

Gjaldskráin eftir er sem áður; "því miður verður þetta allt að fá að brenna til kaldra kola áður en uppbygging getur hafist", og auðvitað verðum við smáfuglarnir að tísta á meðan og reyna í lengstu lög að forða því að einni frábæru fábjána hugmyndinni verði bætt aftan við aðra.

[Ómar Geirsson, 18.1.2023 kl. 13:26]

Og já Magnús, en þá er fullausið úr keri reiði minnar að nútíminn skuli kinroðalaust stefna áratugi afturábak, góður dagur þó snjói og snjórinn mokar sig víst ekki sjálfur, en fallegur í vetrartign sinni.

Vetrarkveðjur uppí efra.

[Magnús Sigurðsson, 18.1.2023 kl. 15:44]

Rétt er það Ómar, tignarlegur og bjartur getur snjórinn verið á veturna þó svo að hann komi ítrekað á óvart með því að moka sig ekki sjálfur.

Nú stendur jafnvel til að flokka snjóinn í sjóinn til heiðurs hringrásar hagkerfi glópalsins.

Það ku víst vera gert hjá þróuðum þjóðum þar sem fáviskan hefur komist nær fullkomnun, þá með því að sjóða upp á fannferginu og sía spilliefnin frá.

Ykkur í neðra veitir víst ekki af að hafa gömlu díselvélarnar, þó ekki væri til annars en eiga möguleika á að  bræða logndrífuna um leið og hún fellur bílaplanið í rafmagnsleysi.

Við búum svo vel hér í efra að hafa hitaveituna til þess og geta sett umfram þæfinginn á bak við kolefnisjafnað tré.

Með kveðju úr hríðarhraglanda en væntanlegum vorvindum þýðum úr efra.