Norðaustur kjördæmi, ha ha og hó hó.

 

Prófkör framsóknamanna kvað úr um að eftir sameiningu Austurlands og Norð-Austurlands, þá er kjördæmið aðeins Norður.

Sem er svo sem alveg skiljanlegt og skynsamlegt, atkvæða vægið er fyrir norðan.

 

Hins vegar ekki alveg eins skiljanlegt að það dugi fyrir einhvern á Akureyri að hringja í vini sína og vandamenn, og hókí púki, viðkomandi er efstur á lista flokksins.

Í tilviki Framsóknarflokksins má þó þakka fyrir pólitíska rétthugsun, manneskja sem enginn veit hver er, hefur aldrei sagt orð, og þar að leiðandi hvorki til vits eða heimsku, hún er og fögnum núna; KONA.

Hinn napri raunveruleiki er hins vegar, ef viðkomandi kona hefði tekið rétthugsunina aðeins lengra, og tekið höfuð ofan líkt og Glæsir forðum, þá hefði hún líka getað boðið fram hundinn sinn, að því gefnu að hún hefði verið jafn dugleg að hringja í vini sína, vandamenn, og aðra sem hún átti tök á að bjóða í kaffi, og munum, að þá er öllum sóttvarnarreglum framfylgt.

Fjöldinn fyrir kóvid hefði reyndar verið mjög svipaður.

 

Jú, jú, vissulega er einhver hugsanlega fyrir norðan, ekki sigurhrós, heldur með bit af slæmri samvisku, og í þriðju tilraun sinni til að sofa, í algjöru asnakasti, klikkar á þennan pistil, og hugsar, "Hvað, tók hann ekki eftir Líneik".

Og hvað getur maður sagt um þetta ágætis þorp sem enginn vissi hvað héti, og þannig séð eina fólkið sem kom, og stoppaði stutt við, var vegurinn fyrir Vattarnes, þorp sem svo sem allir sem hafa áhuga á fótbolta að ekki sé minnst á fjarðaríginn sem þó gerði Fáskrúðsfjörð gildandi, ekki reyndar vegna fótboltahæfileika heldur vegna þess sem seinna meir var frægt og kennt við Gunnar Nílsen, en jú jú, örugglega er til fólk á Austfjörðum sem veit að einu sinni var byggð við Fáskrúðsfjörð, og vissulega í dag hittir maður fleiri þar sem tala íslensku, eða ekki íslensku, en reyndar er sú vitneskja mín tilkomin fyrir kóvid.

 

Málið er að það man enginn eftir Líneik hér fyrir austan, ef einhver málafylgja fylgdi henni, þá myndi fólk hér ekki spyrja í grandvaraleysi sínu, ha býr einhver Íslendingur ennþá á Fáskrúðsfirði, sem þannig er ekki rök, nema Pólverjarnir taka ekki þátt í neinu, hvorki íþróttastarfsemi barnanna, foreldrafélögum grunnskólanna, félagsmálum almennt, eða eitthvað sem við kennum við mannlíf.

Samt er staðan ekki það aum hér fyrir austan, að við fáum sérstaka sendingu að sunnan, líkt og aumingja fólkið sem ennþá þraukar fyrir vestan, og hefur upp raust sína um menningu þetta og hitt, að þeir sem ennþá þrauka, séu það skrýtnir að það megi gera pening út á þá.

Svo hlæjum við hin þegar Gísli í Landanum mætir á svæðið, hlátur okkar svo djúpur, að Gísli greyið heldur ennþá starfi sínu, þó hann hafi ekki mætt í vinnuna í þó nokkuð mörg ár.

 

Kona skal það vera.

Sem engin veit hvað heitir.

Í byggðarlagi sem fáir vissu að væri ennþá til.

 

Sjálfstæðisflokkurinn þarf illa að skíta í buxurnar, að ekki sé minnst á Miðflokkinn, til að nýta sér ekki þetta Hari Kari Framsóknarflokksins í Norður Kjördæmi.

VG fór svipaða vegferð, atkvæðamagnið á Akureyri og nærsveitum réði lista flokksins.

Og sú gryfja gæti beðið bæði Miðflokksins og Sjálfstæðisflokksins.

Líkt og enginn fatti, að fylgið er eins og það er fyrir norðan, og úrslitavægið milli flokka kemur að austan.

 

Hvað það varðar er Framsóknarflokkurinn úr leik, en hver ætti svo sem að kjósa flokk sem Sigurður Ingi leiðir, hvað hann varðar þá dugar ekki glóbalið, jörðin, heldur þarf flokkurinn að sækja fram í sjálfan alheiminn, í þeirri veiku von að Sigurður Ingi eigi ekki jarðarmet í sviknum kosningaloforðum, eða loforðum yfir höfuð.

En fyrir hönd dýravina hefði ég samt haldið að það hefði verið skynsamlegt að bjóða fram hund í fyrsta sæti Framsóknar í NorðAustur, voff voff er jú orðræða sem við höfum heyrt áður og getum tengt okkur við.

En kaffiboð á Akureyri, vissulega ekki voff voff, en við skiljum samt voff voffið, en það er erfitt að skilja það sem aldrei hefur verið sagtog enginn veit þar með fyrir hvað stendur.

 

Ekki að það komi mér neitt við, ég skil illa fólk sem kýs flokk sem ljúgari leiðir, en sem Austfirðingur, þá staldra ég við, eftir að ég las útkomuna úr prófkjöri Framsóknar hér fyrir austan.

Við erum jú kjördæmið sem tryggði Halldóri Ás, sælla minninga, 45% fylgi, slíkt fylgi er alltaf vendipunktur þegar höfuðfylkingar íslenskra stjórnmála eru svipaðar að stærð fyrir norðan.

Vanvirðingin gagnvart okkur er því algjör, eins og við séum ekki til.

 

Segðu mér satt sögðu Stuðmenn, félagi minn á miðjunni, félagi Valgeir, sá þetta fyrir.

"Skilmerkilegustu skoðanakannanir sýna allt svo skýrlega‘

að næstum er óhætt að draga‘ ekki‘ í efa,

sjö þúsund handahófs nöfn úr símaskránni

sögðu að sér þætti sælla að þiggja en gefa.

 

Segðu mér, segðu mér, segðu mér satt.

Segðu mér, segðu mér, segðu mér satt.

 

Ennfremur álítur marktækur meirihluti

að moldríkir hafi hendurnar vandlega laugað,

komist aftur á bak með aðgát, varúð og lagni

eins og ekkert sé, í gegnum nálaraugað.

 

Segðu mér, segðu mér, segðu mér satt.

Segðu mér, segðu mér, segðu mér satt.

 

Lýðræðið er til margra hluta nytsamt

og nóglega er ekki demantinn hægt að slípa,

en ef meirihlutanum verður á í mysunni,

til hvaða meðala mega þá réttlátu maðkarnir grípa?".

 

Já, svona í ljósi þess að öll svikin við kosningaloforð eru svipuð, þá hljóta jaðarbyggðir að spyrja sig eins;

Eigum við að láta vanvirða okkur.

Erum við fórnarlömb??

 

Þar liggur efinn.

Hvað Framsókn varðar, þá er hann ekki lengur til staðar.

 

Kveðja að austan.

Ingibjörg mun leiða Framsókn í Norðausturkjördæmi

Athugasemdir

[Magnús Sigurðsson, 18.4.2021 kl. 00:14]

Ja hérna Ómar nú týrir á í neðra, og þú samt alltaf í boltanum.

En þér að segja þá er fraukan úr firðinum franska ekki síðri ættarlaukur en miðbæjar maðurinn, -þó svo að þú hafir ekki glóru.

Annars raunalega sannur pistill í alla staði.

Með kveðju að ofan.

[TJ (IP-tala skráð) 18.4.2021 kl. 02:20]

Í pólitískri rétthugsun eiga allir að hafa jafnan atkvæðisrétt og mörgum á SV-horninu þykir það t.d. ákaflega ósanngjarnt að atkvæði fólks á landsbyggðinni skili hlutfallslega fleiri þingsætum en fjöldi atkvæða segir til um.  Tilfellið er bara að fjölmennið á það til að hugsa fyrst og fremst um eigin bakgarð og gleyma stundum þeim sem ekki búa í göngu- eða hjólafæri við hann.

Svipað má segja um ýmis svæði á landsbyggðinni, þar sem fjölmennustu samfélögin hneigjast til að soga til sín völd og áhrif í krafti fjöldans. Ég veit hins vegar ekki til þess að enn hafi fundist góð leið til að rétta hlut hinna fámennari samfélaga í þessu samhengi, hvort sem um ræðir stjórnmálaflokka eða t.d. sveitarfélög.  Það verður þess vegna áhugavert að sjá hverju tilraunin með "heimastjórnir" skilar fyrir austan.

Það virðist vissulega vera ójafnvægi í landfræðilegri dreifingu þeirra sem valdir voru á þennan tiltekna lista og áreiðanlega einhver óánægja með það.  Aðrar aðferðir hjá öðrum flokkum á öðrum svæðum hafa þó líklega ekki í öllum tilfellum skilað mikið meiri ánægju (jafnvel þvert á móti).  Eins einföld og hugmyndin um lýðræðið ætti að vera, þá á fulltrúalýðræðið það til að flækja hlutina.

Hvort er það lýðræðishalli þegar fámennari hópi eru rétt meiri áhrif en fjöldinn segir til um, eða þegar fjölmennið gleymir að hugsa um hagsmuni hinna fámennari?

[Ómar Geirsson, 18.4.2021 kl. 11:39]

Boltinn er farinn að rúlla Magnús og þar er Leiknir höfuðandstæðingurinn, ekki nokkur maður sem man eftir Hetti hérna niðri á fjörðum.

Það er gott að heyra að Líneik sé góður ættarlaukur en hafðir þú hugmynd um að hún væri á þingi??

En eigum við ekki að kalla hana fórnarlamb aðstæðanna, ég var langt kominn með að hugsa pistilinn, sem er hávært andóf gegn ægivaldi Akureyrar í prófkjörum flokkanna, og byrjaður, þegar ég fattaði, bíddu var ekki einn að austan??

Góð ráð dýr og að sjálfsögðu velur maður það dýrasta, grípur tækifærið og argast í þeim sem gaman er að argast í, svona upphitun fyrir sumarið.  Og heldur svo áfram að argast út í þá höfuðstaðnum.

Arg sem á bara eftir að vaxa, því það sem er ekki bjóðandi, á maður ekki að láta bjóða sér.

Kveðja úr sólinni í neðra.

[Ómar Geirsson, 18.4.2021 kl. 12:11]

Takk TJ fyrir þitt ágæta innlegg.

Mig langar að hafa þessi orð þín eftir; "Hvort er það lýðræðishalli þegar fámennari hópi eru rétt meiri áhrif en fjöldinn segir til um, eða þegar fjölmennið gleymir að hugsa um hagsmuni hinna fámennari?".

Þetta rammar vel inn þau sjónarmið sem takast á.

Hins vegar er það ljóst að stjórnmál í Norðausturkjördæmi eru komin í ógöngur, hvort sem við tölum um Norður kjördæmi eða Akureyrarkjördæmið því þaðan kemur leiðtoginn sem raðar hlýðnum við hlið sér, þá endurspeglar slíkt ekki mannlíf og stjórnmál í kjördæminu.  Sama hversu hæfir Akureyringarnir annars eru.

Þá er eins gott að hafa landið eitt kjördæmi.

Kveðja að austan.

[Magnús Sigurðsson, 18.4.2021 kl. 12:30]

Góðan daginn Ómar, það er nú gott að það týri á sólinni í neðra þó svo glóruna vanti á öðrum stöðum.

Ég man Líneik Önnu, enda kjarnakona ofan af Héraði. Af rammaustfirskum ættum rétt eins og Jón Björn.

En hver man svo sem Þrótt?

Ps. svo megið þið TJ tka alla vesalingana við Austurvöll á ykkar framfæri í kjördæmið ykkar og best væri að þið tækjuð Akureyringana með, en létuð bæði landið, miðin, álfana og auðæfin út á landi í friði. Ætli sulturinn drypi ekki fljótlega úr nösunum á ykkur.

[Ómar Geirsson, 18.4.2021 kl. 13:52]

Blessaður Magnús, það er gott að einhver muni hverjir eru á þingi fyrir okkur en ég hef það svo sem á tilfinningunni að þeim fari fækkandi, en auðvitað varð mér á þegar ég ákvað að hjóla í Akureyringana að hafa ekki tekið eftir austfirðingnum á listanum, og þar með nokkuð ljóst að botninn var á leiðinni suður í Borgarfjörð, ef ég snéri mig ekki út úr því.

Það er bara svo þegar þú heldur úti átakabloggi þar sem tilgangurinn er fá lesandann til að taka afstöðu, með eða á móti því sem er verið að fjalla um, að þá er oft ýmislegt sagt sem stendur litla eða enga skoðun, nema þeim tilgangi að áreita eða erta og fá viðbrögð. Nálgun mín að nánast úthýsa grönnum mínum við Skrúð út af landakortinu er svona dæmi um það.  Ádeilan var jú um hrakfarir okkar hérna fyrir austan í prófkjörum flokkanna, þetta er gamalt deiluefni, byrjaði strax við sameiningu kjördæmanna.

Ég efa það ekki að Líneik er kjarnakona, rammaustfirsk og verðugur fulltrúi okkar ef hún kemst á þing.  Og þetta er örugglega fínasta fólk upp til hópa þarna fyrir norðan, í öllum flokkum.

Svona er þetta bara þegar spjót fara á loft, lögin geiga mismikið, og það eru örugglega til friðsamari menn en ég sem tjá sig um þennan halla. Þetta hefur ekkert með persónur leiksins að gera, heldur leikinn sjálfan.  Hvort andófið virki síðan er önnur saga, en umræðan þörf engu að síður.

Já, hver man Þrótt fyrir utan gamlan félaga minn Bedda, það er nú það.

Kveðja að austan.

Ps. það fylgir því að missa glóruna að sumt verður manni óskiljanlegt, og því get ég ekki tjáð mig um PS. þitt.

Ennþá er það kveðjan úr sólinni í neðra.

[Magnús Sigurðsson, 18.4.2021 kl. 15:35]

Bara svona tilraun til að skýra glórulaust pé-essið.

"Það er bara svo þegar þú heldur úti átakabloggi þar sem tilgangurinn er fá lesandann til að taka afstöðu, með eða á móti því sem er verið að fjalla um, að þá er oft ýmislegt sagt sem stendur litla eða enga skoðun, nema þeim tilgangi að áreita eða erta og fá viðbrögð. Nálgun mín að nánast úthýsa grönnum mínum við Skrúð út af landakortinu er svona dæmi um það. Ádeilan var jú um hrakfarir okkar hérna fyrir austan í prófkjörum flokkanna, þetta er gamalt deiluefni, byrjaði strax við sameiningu kjördæmanna."

@4 Þá er eins gott að hafa landið eitt kjördæmi.

Það þarf að standa með sjálfum sér í ákvæðaskáldskap, -jafnvel á í bloggi.

Blíðum í blænum og með sólskinskveðju.

[Ómar Geirsson, 18.4.2021 kl. 16:10]

Sé nú samt ekki ennþá glóruna, ekki frekar en hjá Greenwood að hitta ekki bolta fyrir opnu marki.

Held að það hafi frekar eitthvað að gera með fyrri þykkju út af því þegar heiðurskona lenti fyrir rökfærslu minni alveg að ósekju, en svona er þetta bara.

Þetta niðurlag í andmælum mínum við TJ, sem átti sterkt innslag, málefnalegt, við pistil sem var alls ekki hugsaður að vera málefnalegur, er vísan í og til að undirstrika, hve illa er komið fyrir minni byggðum þegar úrslit prófkjörs ráðast af póstnúmeri en ekki verðleikum og þá er ég að segja neitt um verðleika þeirra sem búa í fjölmennari póstnúmerum, heldur einfaldlega að þeir skipta ekki máli, og þegar svo er komið, þá er tilvist hinna dreifðu landsbyggðarkjördæma brostin, við höfum ekkert að gera við minimini Reykjavík hérna á landsbyggðinni, þá er eins gott að játa sig sigraðan.

En í þeirri ábendingu felst ekki uppgjöf, þegar þú bendir á að tígrisdýrið sem slapp úr dýragarðinum sé hættulegt og éti fólk, þá þýðir það ekki að þú ætlir ekki að gera eitthvað í því.

Viðbrögðin eru auðvitað að berjast gegn.

En leikurinn er byrjaður, mínir menn að skora, sólin skín, og ítalskur kjötréttur hjá mömmu í kortinu.

Því eru það enn og aftur sólarkveðjur til ykkar í efra.

Höttur hvað.

Og shitt, Burnley jafnaði, Burnley hvað.

[Magnús Sigurðsson, 18.4.2021 kl. 18:38]

Ég þekki reyndar Líneik sáralítið og ekkert til starfa hennar á alþingi eins og flestra alþingismanna, sem eru aðallega orðnir í því að afgreiða bandorma frá stjórnsýslunni unnum upp úr langhundum að utan.

Ég hef einu sinni talað við Lineik svo ég muni, og er það helmingi sjaldnar en við Jón Björn, sem þú hefur forðast að kannast við í þessum þræði.

En þetta fróma framsóknarfólk, sem nóta bene var hafnað í forustusæti framboðslista kjördæmisins, komu hvoru tveggja vel fyrir í minni viðkynningu og eru ættstórir Austfirðingar.

En eins og ég sagði í upphafi er þessi pistill þinn raunalega sannur í alla staði, og því óþarfi að fyrirverða sig fyrir innihaldið.

Haltu áfram í boltanum senn hnígur sól til viðar.

Með kveðju úr kvöldsólinni í efra.

[Ómar Geirsson, 18.4.2021 kl. 20:50]

Enda Jón Björn ekki issjú í málinu, pirringurinn kom fyrir löngu þegar þingmanni mínum var hafnað með smán, og eitthvað rifjaðist hann upp þegar ungri konu úr byggðinni var hafnað í prófkjöri VG, sé ekki alveg samhengið þegar fólk gegnir trúnaðarstörfum, fer inn á þing sem varaþingmenn, sýna að það hefur alla burði tel að gegna starfinu með sóma, og svo kemst það ekki á blað.

En ég viðurkenni fúslega að redding mín þegar ég fattaði að Líneik var bæði inni og meir að segja úr sveitafélagi mínu, var á mörkum alls velsæmis, það er ef þau mörk eru vel teygjanleg. 

Langt í frá að ég skammist mín fyrir það, en ég væri ekki góður í því sem ég er að gera, ef ég gerði mér ekki grein fyrir ýmsum annmörkum orða minna og pistla.

Hins vegar hefði verið ágætt að fá Jón Björn í öruggt sæti, það hefði örugglega verið hægt að hafa eitthvað gagn af honum, maður sæi hann kannski hugsanlega þá í sjónvarpinu, en drengurinn hefur illa sést eftir að hann varð bæjó og fór í prófkjör.

En svo ég ítreka þá sýndist mér þegar ég las fréttina, að enginn austfirðingur hefði verið inni.

Og hvað þetta varðar þá er ég rétt að byrja, það er ef ég kemst einhvern tímann inn úr kófinu, ef það yfirtekur alla umræðu fram að kosningum, þá er til lítils að velta sér uppúr gömlum syndaregistrum.

Já boltinn rúllar, Geir minn segir að okkar menn eigi eftir að verða meistarar, hann hefur greinilega fengið bjartsýnisgenið frá mér, ég er bara ánægður með að þeir skuli hættir að vera leiðinlegir. 

Vonandi fær okkar bolti að rúlla líka, ekki amalegt að hafa þrjú lið af úr nærsveitum í sömu deildinni, Fjarðabyggð er loksins orðið heimalið á ný, eftir langa eyðimerkurgöngu, vís ávísun á botnbaráttu, en hverjum er ekki sama, alla vega mér á meðan  ég þekki nöfnin, og man eftir öllum sem strákum.

Njóttu kvöldsólarinnar Magnús, gallinn við skjólið af fjöllunum er líka skjólið fyrir kvöldsólinni.

Kveðja úr húminu að neðan.