Lög gegn þjóð.

 

Er skýring á nýrri sóttvarnarbylgju sem við munum upplifa þegar líður á mai mánuð, en að baki liggur ómælt vanvit og heimska sem við kennum við þingmenn sem samþykktu mótatkvæðalaust, árás sína á sóttvarnir þjóðarinnar.

En allt á sér sínar rætur, og við megum aldrei gleyma að myrkrið sem hefur yfirtekið ritstjórnarherbergi Morgunblaðsins, að á meðan ljósið hrekur það ekki út, þá fáum við frétt eins og þessa.

Nöldur og nag lögfræðinnar að kóvid veiran skyldi ekki fá frelsi til að drepa nógu marga.

 

Munum, og við megum aldrei gleyma, að innlendar sóttvarnir hafa bjargað hundruð mannslífa, og þá eigum við ekki síður að íhuga hvað drífur áfram norska lagaprófessorinn sem vitnað er í þessari frétt.

Hvað gengur honum til, hvaða grimma myrkur, dauði og djöfull, knýr hann áfram??

Munum, að kæmi hann ekki úr myrkrinu, þá er fólk, ekki gott fólk, sem upphefur þessa ónáttúru.

 

Lög gegn þjóð.

Lögfræðingar er eina háskólastétt vestrænnar akademíu, sem réðst beint gegn þekkingu, í þeim eina tilgangi að brjóta niður varnir okkar gegn útbreiðslu kóvid veirunnar.

Og úrkynjun samfélags okkar er á því plani að þeir hafa þau völd til að drepa og veikla, þegar enginn á að hafa þau völd, nema veiran, sem ógnar okkur, hótar að drepa foreldra okkar, sem og þá sem við þekkjum, og vitum í dag að sé fólkið með undirliggjandi sjúkdóma.

 

Og við sem þjóð hlæjum.

Eða horfum á kostunaraðila atlögunnar að samfélagi okkar, eiganda Morgunblaðsins, monta sig, vissulega að verðleikum, með sitt nýja skip.

En enginn spurði Þorstein, hvert er dauðahlutfall þess??

Hvernig getur þú flutt inn nýtt skip, þegar blaðið sem þú fjármagnar, ræðst að lýðheilsu þjóðarinnar, að baki hina stolta nafni sem þú valdir á hið nýja skip, þá liggur fjármögnuð atlaga að lífi og limum þjóðarinnar, sem þú berð beina ábyrgð á.

 

Það vex ekkert upp úr tómarúmi.

Hvorki þeir aumkunarverðu sem færðu fagleg rök fyrir að útrýmingarbúðir nasista væri hagkvæm lausn á þekktum gyðingaofsóknum liðanna alda, eða viðrinin sem vísa í meinta faglega þekkingu um að stríðið við veiruna kalli á lög sem vernda okkur öll.

Í raun er viðrinishátturinn sá sami.

 

Þekkjum hann.

Fordæmum hann.

 

Það er jú líf í húfi.

Kveðja að austan.

Segir Noreg sóttvarnaríki

Athugasemdir

[Hrossabrestur, 14.4.2021 kl. 16:19]

Sæll Ómar, það er spurning þegar grípa þarf til þjóðfélagsverndar aðgerða eins og sóttvarnaraðgerða

Hvort þurfi að loka lögfræðiga stóðið einhversstaðar inni þar sem þeir ná ekki sambandi við nokkurn mann.

kv. htrossabrestur.

[Símon Pétur frá Hákoti (IP-tala skráð) 14.4.2021 kl. 17:05]

Leyfi mér að vitna hér, af gefnu tilefni, í upphafsorð lagtexta Strong as Samson, með Procol Harum:

Psychiatrists and lawyers destroying mankind

Driving them crazy and stealing them blind

Bankers and brokers ruling the world

Storing the silver and hoarding the gold

Famine and hardship ......

[Ómar Geirsson, 15.4.2021 kl. 08:25]

Takk félagar.

Góð tillaga Hrossabrestur, spurning hvort það þurfi ekki að endurskoða hin nýju sóttvarnarlög, sem þarf hvort sem er því þau eru eiginlega antisóttvarnarlög eftir fikt Alþingis, og bæta inn kafla sem tekur fyrir afskipti lögfræðinga af sóttvörnum.  Hins vegar held ég að það sé of drastíkst að loka þá inni án sambands því maður veit aldrei hvenær manni vantar einn slíkan.

Og Símon Pétur, er þetta ekki bara klassísk greining??

Kveðja að austan.