Mogginn gegn þjóðinni.

 

Ævarandi skömm gagnvart þeim sem á fyrstu áratugum síðustu aldar gerðu Morgunblaðið að þungamiðju borgaralegra stefnu ásamt kröfunni um sjálfstæði þjóðarinnar sem væri forsenda þróunar hennar, velferðar og framtíðar.

Í dag elta viðrini frétt um önnur viðrini, það er ekki lengur hægt að afsaka óeðlið með vísan í hinn nýráðna hægriöfgamann, sem var ágætur sem kverúlant á Viðskiptablaðinu, en á enga samsvörun í lesendahóp Morgunblaðsins.

 

Eftir standa tvær spurningar.

 

Annað, á starfsfólk á Morgunblaðinu ekkert líf sem þarf að vernda??

Hvernig getur það starfað innan um viðrini hinna keyptu fjárhagslegu hagsmuna sem gerðu hægri öfgamanninn að issjú innan ritstjórnarstefnu Morgunblaðsins??

Fyrir börn innan við aldur og þroska, þá vil ég vitna í unga sjónvarpsþulinn, kvenkyns, sem sagði þessa örlagaríku setningu;

"Ég get ekki lengur lesið þetta bull".

Sá sannleikur kostaði hana lífið, en ógnartök kommúnískra stjórnvalda í Rúmeníu þoldu ekki þann sannleik, almenningur kastaði af sér hlekki óttans, og safnaðist saman út á stræti og torg og mótmælti, alræði og kúgun hinna Örfáu.

En engar eru systur hennar á Mogganum í dag.

 

Hin er, hvenær hætti Morgunblaðið að vera borgarlegt blað sem stendur vörð um samfélagið, gildi þess og hagsæld??

Á hvaða tímapunkti ákváðu eigendur þess að gefa skít í æru þess og arfleið, að tefla fram þröngum fjárhagslegum hagsmunum gegn þjóðarheill, gegn almanna heill??

 

Hliðarspurningin er, hvað rekur Guðbjörgu í Vestmannaeyjum, og Þorstein á Akureyri, að fjármagna slíkan viðbjóð gegn þjóð sem ól þau upp og fóstraði??

Læknisfræðin kann vissulega fræðiheit um slíka sjálfsmorðshvöt, en þegar grimm hagsmunaöfl í bandalagi við Eurokrata sækja að sjávarútvegi þjóðarinnar, er slík geðveiki, það er hvötin til að eyðileggja allt sem viðkomandi er kært, ekki afsökun fyrir ásókn Morgunblaðsins gegn þjóðinni, að ekki sé minnst á þann hóp eldri borgara sem ennþá kaupir blaðið og les það??

Spyr sá sem ekkert veit, og ég get svarið, að þó viska alls heimsins um slík geðhvörf, þá skýrir það ekki fjármögnun hins íslenska útgerðaraðals á ritstjórnarstefnu Morgunblaðsins sem er bein atlaga að þjóðinni.

 

Davíð elliær, Davíð í barndóm, Davíð þetta og hitt, Davíð er aldrei issjú í slíkum hráskinnsleik.

Hin óendanlega yfirgengilega heimska, að halda að þröngir fjárhagslegir hagsmunir í bland við hina algjöra hugmyndafræðilega fávisku að afneita alvarleik kóvid faraldursins, er aðeins ávísun á eitt, óbrúanlegt gap milli blaðs og lesenda þess.

Og þegar blaðið, löngu rúið trausti hjá lesendum þess, en lifandi vegna ytri fjármögnunar, ætlar að verja hagsmuni hinna fjársterku útgerðarmanna, þá er það máttlaust, aðeins snepill sem er lesinn af fólki sem náði að fara í gegnum lífið án þess að upplifa uppeldi, án æru, og líklegast án mennsku.

 

Til hvers allt þetta fjárhagslega tap, Guðbjörg og Þorsteinn??

Var það til þess að fjármagna viðrini sem vega að þjóðinni??

 

Veit ekki.

En aum eruð þið.

 

Það ég veit.

Kveðja að austan.

Seinagangur sóttvarnalæknis „óásættanlegur“

Athugasemdir

[Þorsteinn Siglaugsson, 3.4.2021 kl. 23:54]

Mikið óskaplega ertu klikkaður Ómar.

Gleðilega páska!

[Ómar Geirsson, 4.4.2021 kl. 00:00]

Segðu Þorsteinn.

Gleðilega páska.

Kveðja að austan.

[Ragnhildur Kolka, 4.4.2021 kl. 10:24]

Leitt að sjá að boðskapur Páskanna hafi ekki náð til þín, Ómar. 

[Símon Pétur frá Hákoti (IP-tala skráð) 4.4.2021 kl. 11:13]

Það er öllu vitibornu fólki augljóst að mbl.is er einhver al-lélegasti "frétta" fjölmiðill landsins, 

svo lélegur að nálgast að vera á pari við vefútgáfu ruv.is

Og eiginlega held ég að um það deili hér enginn.

Gleðilega páska.

[Ómar Geirsson, 4.4.2021 kl. 11:17]

Ragnhildur.

Páskar eru tákn upprisu og lífsins

Andstæðan er Helið og þeir sem fyrir það vinna.

Það er ekki líðandi að tilraunir Örfárra, að vinna gegn sóttvörnum þjóðarinnar, sem í raun er tilraun til að útbreiða hinn ótímabæra dauða farsóttarinnar, sé vegsömuð og fái alla athygli borgarlegs fjölmiðils, í beinni andstöðu við þorra lesenda blaðsins og þjóðarinnar sem þessi fjölmiðill tilheyrir.

Óeðlið á að finna sér sína eigin fjöl, á ekki að nýta sér þær sem við hin höfum.

Þess vegna til dæmis heldur Al Kaida auk annarra samtaka íslamískra öfgamanna úti sínum eigin fréttrásum á netinu, en nýta ekki að virta fjölmiðla eins og New York Times eða Newsweek til að koma boðskap sínum á framfæri, ekki að þau vildu ekki slíkt, þeim er það meinað.

Þar er hnífurinn í hjarta Morgunblaðsins.

Kveðja að austan.

[Ómar Geirsson, 4.4.2021 kl. 11:24]

Góðan daginn Símon Pétur og gleðilega páska.

Núna fer að styttast í að táningar heimilisins vakni og þeir krefjast sinna páskasiða, það er að páskaeggin séu falin og af þeim er leitað.

Ég kíkti aðeins í tölvuna til að athuga með fréttir af atlögunni af sóttvörnum þjóðarinnar, get verið rólegur, í logninu þarf ekki að pistla.

En Moggann má skamma blóðugum skömmum þegar við á, en Símon minn, þetta er fjölmiðillinn sem fóstrar Moggabloggið, og er alltaf fyrsta klikkið hjá mér.

Það fellur allt í ljúfa löðið þegar þessi stormur í vatnsglasinu er frá.

En það verða stálin stinn ef samsærið gegn þjóðinni nær inní héraðsdóm.

Fólk mun ekki sætta sig við það, næg er gremjan út af lekanum á landamærunum.

En núna er það leitin að páskaeggjunum.

Kveðja að austan.

[Ragnhildur Kolka, 4.4.2021 kl. 11:38]

Páskarnir eru hátíð lífs og vonar. Ekki innilokunar og ótta eins og þú virðist trúa, Ómar. 

[Símon Pétur frá Hákoti (IP-tala skráð) 4.4.2021 kl. 11:41]

Taktu eftir því

að Þorgerður Katrín, formaður Viðreisnar, skrifar nú helstu greinar sem Morgunblaðið birtir.

Það segir sína sögu, og eiginlega alla söguna um það á hvaða vegferð það blað er.

Helstefna ESB ræður þar ríkjum.

[Ragna Birgisdóttir, 4.4.2021 kl. 11:44]

Sæll Ómar og gleðilega páska. 

Já! sannleikanum er hver sárreiðastur. 

Og hina duttlungafulla sómakennd sem fyrir marga er erfitt að halda í.

Hún sést ekki utan á fólki.

Enda hika ekki þeir sem hafa brotið flest boðorð kirkjunnar að mæta á fremsta bekk nú eða inn í skriftarklefa Kaþólsku prestanna. 

Hræsnin birtist víða. 

Góðar stundir og gangi þér vel í páskaeggjaleitinni. 

[Ómar Geirsson, 4.4.2021 kl. 15:09]

Ragnhildur.

Ein angi þess sem kenna má við trúna á Helið, er áráttan að snúa öllu á hvolf.

Faðirvorinu, Kristi á krossinum, og þó tíminn einn viti, þá tel ég ekki ólíklegt að tungutak stuðningsfólks kóvidveirunnar verði tekið sem dæmi um slíka áráttu, þegar lærðar greinar verða skrifaðir um þessa dimmu tíma.

Íslenska þjóðin er ekki innilokuð í dag, þó hömlur séu á þeim fjölda sem má hittast, hömlur sem stafa af ógæfunni eða óeðlinu sem hefur smitast inní ríkisstjórnina og skýrir að þekktum götum á landamærunum hefur ekki verið lokað, og veiran því sloppið inní landið.

Víða í Evrópu má hins vegar finna innilokað fólk vegna stífra samfélagslegra lokana, og þar lifir fólk í ótta um líf sinna nánustu, þeirra sem eldri eru, eða glíma við sjúkdóma sem gerir það viðkvæmara fyrir veirunni.  Að baki er líka mannfall hundruða þúsunda sem féllu vegna þessara veiru.

Aðeins sá sem snýr hlutunum á hvolf kennir slíkt ástand við upprisu og von.

Og talar um innilokun og ótta í samfélagi sem hefur varið mannlíf sitt, varið eldri borgara þessa lands, þar sem fólk getur um frjálst höfuð strokið.

Vissulega eru þrír tugir mikil blóðfórn, að stórum hluta vegna ítaka Heldýrkenda, en þar sem farsóttin fékk að grafa um sig áður en öllu var slegið í lás, er dánarhlutfallið á við að hér hefðu 500 til 1000 manns fallið.

Það sem mér finnst skrýtnast við þessa áráttu að snúa öllu á hvolf, er afhverju getið þið Heldýrkendur ekki átt ykkar eigið tungutak, ykkar eigin hátíðar, hví þurfið þið að afskræma það sem við kristið fólk eigum??

Lítil reisn í því allavega.

Kveðja að austan.

[Ómar Geirsson, 4.4.2021 kl. 15:20]

Blessaður Símon Pétur.

Þar tókstu mig í bólinu, eftir að Morgunblaðið birti Reykjavíkurbréfið sem talaði niður mannfórnir bresku þjóðarinnar, þá hef ég ekki opnað blaðið, hvað þá lesið Reykjavíkurbréf þess.

Það er aðeins þannig sem maður getur tjáð viðbjóð sinn á viðbjóði, en fram að því hafði ég lesið blaðið frá 8 ára aldri, aðeins smá hlé þegar fjárhagurinn var það knappur, að útgerðin á strákunum tók allt það sem var umfram dagleg útgjöld.

Ég virði Morgunblaðið, þess vegna er ég svona grimmur þegar það af öllum blöðum vegur að lífi og þjóð.

Vonandi verður fyrr eða síðar dregið frá gluggum á ritstjórnarkompum blaðsins, og myrkrinu úthýst.

En ofboðslega vinnur mikið af góðu fólki þarna, ótrúlegt hvernig það heldur haus, og heldur úti góðu blaði á þessum tímum niðurskurðar og í raun fjörbrotum hefðbundinnar fjölmiðlunar.

Sem skýrir tryggð mína við Mbl.is.

Það afsakar samt ekkert Guðbjörgu og Þorstein, hingað til hélt ég að þó útgerðaraðall væri, að þau teldu sig samt hluta af þessari þjóð.

Maður hefur ekki alltaf rétt fyrir sér.

Kveðja að austan.

[Ómar Geirsson, 4.4.2021 kl. 15:28]

Blessuð Ragna.

Ég var böstaður, ég var öruggur um að eitt af fjórum eggjunum myndi aldrei finnast, var þegar farinn að semja um skatt af egginu gegn því að láta uppi staðsetningu þess.  Þau fundust samt á innan við korteri, ég hins vegar þurfti tæpan hálftíma til að finna mitt, það er egg okkar hjónanna.

Ég vann þá í Besservisser í staðinn, reyndar með minnsta mun, svona er þetta, börnin vaxa manni yfir höfuð eins og sagt var í den.

Þetta er dagur fjölskyldunnar, góður dagur, leitt að þessi dagur af öllum skuli þurfa vera dagurinn sem óeðlið sótti að þjóðinni.

Sá sem hlustar, hann hlustar á hjarta, ekki orð hræsninnar á tungu.

Ljós lífsins er allt í kringum okkur, og á meðan við finnum það í hjarta okkar, þá endar allt vel.

Þetta mun hafast.

Kveðja að austan.