Utanríkisráðherra brillerar.

 

Tímamótayfirlýsing, djúpstæð speki.

"Það gæt­ir eng­inn hags­muna okk­ar nema við sjálf".

 

Gert ágreining, Nei, en þegar þetta kemur úr munni Guðlaugs Þórs, hvað er hægt að segja annað en?? 

Ha, ha ha, ha ha ha, ha, ha ha ha ha ha, ha.

Og spurt síðan, kanntu annan?

 

Hverra hagsmuna gættu íslenskir stjórnmálamenn þegar bretar beittu þjóðina svívirðilegri fjárkúgun??, hagsmunagæslan var ekki meiri en sú að það þurfti tvívegis þjóðaratkvæði til að hafna sviksemi og undirlægjuhætti til að stjórnvöld létu loks reyna á skýr lög sem banna fjárkúgun og annað ofbeldi, þó í hlut eigi stórþjóð gagnvart minni.

Hverra hagsmuna gættu íslenskir stjórnmálamenn þegar þeir jafnvel þvert á fyrri yfirlýsingar, gáfu eftir yfirráð þjóðarinnar yfir orkuauðlindum hennar, og innleiddu evrópskt regluverk sem ekki aðeins færir yfirstjórn orkunýtingar til skrifræðisins i Brussel, heldur líka kvað á um markaðsvæðingu með því lokatakmarki að almenningur verði féþúfa einkaaðila sem mun eignast orkufyrirtæki okkar þegar Evrópusambandið knýr á einkavæðingu þeirra?

Og hvaða hagsmuni var verið að passa uppá þegar ríkisstjórnin ákvað að hengja sig utaná skrifræði Brussel þegar kom að því að útvega þjóðinni bóluefni??

 

Já kanntu annan Guðlaugur.

Ég bara spyr.

Kveðja að austan.

 

„Gætir enginn hagsmuna okkar nema við sjálf“

Athugasemdir

[Magnús Sigurðsson, 25.3.2021 kl. 16:05]

Sæll Ómar, Guðlaugur Þór hefur siglt í genum þetta allt saman, enda hefur hann nefið hans Gosa til að kljúfa ölduna. 

Með kveðju úr muggunni i efra.

[Guðmundur Ásgeirsson, 25.3.2021 kl. 16:15]

Guðlaugur má eiga það að í hans ráðherratíð hefur verið haldið vel á hagsmunagæslu Íslands gegn því að ríkisábyrgð á bönkum verði á einhvern hátt innleidd í EES regluverkið.

[Sigurður Kristján Hjaltested, 25.3.2021 kl. 18:12]

Vertu alveg viss Ómar, hann Guðlaugur kann annan.

Hann kemur alveg öruggt.

En ekki í okkar þágu.

[Ómar Geirsson, 25.3.2021 kl. 22:53]

Blessaður félagar.

Þessi færsla mín, eins og margar síðasta árið litast töluvert sem má kalla að hugsa einhverjum þegjandi þörfina eftir orkupakkamálið, síðan þá hefur blasað við að ákveðnir þrír ráðherrar Sjálfstæðisflokksins eru í litlu uppáhaldi hjá mér.

Sem og ég tel það liðið að við tökum sem þjóð sjálfstæða ákvörðun í meginmálum þó vissir ráðherrar, lesist utanríkisráðherra, gaspri sig til riddara í einskisnýtum smámálum, þar sem fátt virðist ráða för annað en athyglissýkin, eða þörfin til að fá 3 mínúturnar í fréttatímum, eða tilvitnun í feisbókar færslu eða tíst á Twitter.

Í besta falli er síðan þagað yfir raunveruleikanum, sem er valdaafsalið til Brussel, í besta falli segi ég því oftast er reynt að fegra eða hagræða sannleikanum, eða hreinlega afneita honum.

Þeim sannleika að við þiggjum regluverk, og lútum jafnvel valdboði.

Svo gaspra menn núna og þykjast miklir menn svo jafnvel Ketill skrækur má fara að passa sig í samkeppninni í hetjuskap.

Við vonum auðvita að samningar haldi en það er einhliða ákvörðun Brussel, og mjálmið héðan hefur ekkert að segja, aðeins ætlað til heimabrúks fyrir auðtrúa sálir.

Já, og eitt að lokum, ég veit Guðmundur að Guðlaugur hefur sýnt vissa döngun varðandi ríkisábyrgð á bönkum, en hvaða ófullum manni datt í hug að ESB hefði eitthvað um þau mál að segja á Íslandi??

Slíkt á engin stoð í EES samningnum hið minnsta.

Og fer algjörlega gegn stjórnarskrá lýðveldisins.

Það segir eiginlega allt sem segja þarf um hjáleigusambandið að slíkt skuli vera talið ófullum mönnum til tekna.

Kveðja að austan.