Afsakið, mér varð á.

 

Hvað er flókið að segja þetta??

Hví alltaf þetta mjálm sem hét á fornu máli sem var talað fyrir aldamótin síðustu, að bera í bætifláka, sem virkar alltaf svo hjákátlegt.

 

Við skulum vona að Bjarni sé ekki að vinna að ekki mikilvægum og góðum málum, af hverju þá alltaf að segja, vil ekki stefna góðum málum í hættu með því að axla ábyrgð með afsögn??

Og af hverju að taka fram að í augnabliki tímans hafi láðst að hlusta á tímastjórnandann, eiginkonuna?

Hvaða karlamaður kannast ekki við þau glöp, þetta kallast að vera giftur, og að vera karlmaður.

Og allt eftir þessu.

 

Kjarninn er sá að Bjarna varð á.

Hann var maður til að biðjast afsökunar.

Og málið útrætt.

 

Hins vegar eru það afglöp að segja af sér.

Og Bjarni er margt, en afglapi er hann ekki.

 

Sem betur fer.

Kveðja að austan.

„Ég er ekki að hugsa um að segja af mér“

Athugasemdir

[Þorsteinn Briem, 26.12.2020 kl. 09:34]

Ákaflega illa fór,
almenningur kærði,
lævís kom svo löggukór,
úr lagi allt þar færði.

Sögulegur tölvupóstur lögreglu kom upp um ráðherra

[Halldór Jónsson, 26.12.2020 kl. 13:54]

Það væri ekki til bóta fyrir þjóðina ef Bjarni yrði hrakinn frá.Hann er endalaust skárri en bavíanakórinn  sem heimtar hann frá.

Þessi ríkisstjórn er líka komin á beinu brautina út og Katrín verður bara að stilla sig því hún er að koma nokkuð vel útúr þessu nema úr Svandísar og ESB bóluefnisklikkinu sem er ófyrirgefanlegt nema Pfizer reddi okkur með 400k.

Það sem ég óttast mest fyrir hönd þjóðarinnar er  að bavíanarnir fá aukið fylgi í kosningunum.

Annars held ég að póltísk framtíð þjóðarinnar ráðist núna mest af því hvort þeim Kára og Þórólfi takist að ná 400k skömmtum út úr Pfizer.Þá yrðu hér fljótt blóm í haga á ný og gamlar syndir myndu fenna í kaf. Hugsanlega eru þeir líka að tala við Moderna sem er ekki síður álitlegt. Hjarðónæmi ásamt með ströngu landamæraeftirliti áfram myndi breyta öllu í okkar tilveru. 

Steini, það er alltaf gott þegar ráðherra er sprengdur í loft upp, það á aldrei að hlífa slíku fólki ef það hagar sér eins og fífl eins og Bjarni gerði, líklega blindfullur hugsa ég því hann er ekki náttúruheimskur.

[Ómar Geirsson, 26.12.2020 kl. 14:41]

Blessaður Steini.

Hvað get ég sagt??

Jú, lagt út af Steini, en snúið við merkingunni; "Ekki meir, ekki meir", það er sleppt "ekki."

Þetta er ekki gott fyrir þig, þú ert bara að verða minn maður.

Kveðja að austan.

[Ómar Geirsson, 26.12.2020 kl. 14:47]

Blessaður Halldór.

Það er ekkert af því að vera góðglaður eins og við hin, og bömmer þynnkunnar er oft upphaf af bættum ásetningi.

En þú ert með kjarnann; "Það sem ég óttast mest fyrir hönd þjóðarinnar er  að bavíanarnir fá aukið fylgi í kosningunum."

Þetta fattaði ég svona í miðri orkupakkaumræðunni, neyddist því að breyta miðinu á framhlaðningi mínum, því þó askan sé heit á köflum, þá brennir eldurinn alltaf.

Það er úti um sjálfstæði þjóðarinnar, og alræði stórauðvaldsins er algjört í skjóli hins frjálsa flæðis, ef vitleysingabandalagið nær völdum.

Aldrei trúði ég því að ég myndi lenda í þessari stöðu.

Kveðja að austan.

[Ásgrímur Hartmannsson, 26.12.2020 kl. 15:02]

Það eru alltaf hin verstu mistök að biðjast afsökunar.

Þetta ættir þú að vita, verandi eldri en tvítugur.

[Ómar Geirsson, 26.12.2020 kl. 15:45]

Nei Ásgrímur, þetta hélt ég reyndar þegar ég var tvítugur, og rúmlega það.

Svo vitkaðist ég.

Kveðja að austan.