Stormurinn í vatnsglasinu hreyfði við Pírötum.

 

Þeir voru jú búnir að þurrhreinsa allt þetta með iðnaðarsaltið, og fjármagnaða herferðin, úr vasa auðmannanna sem halda úti Fréttablaðinu, um stjórnarskrána, var jú ætluð til að skapa tilbúna vígstöðu fyrir Evrópuflokkana, Viðreisn og Samfylkinguna.

 

Látum vera hægri öfgana í Sjálfstæðisflokknum sem bera beina ábyrgð á núverandi faraldri og hafa valdið þúsundir samlanda okkar óbætanlegu tjóni.

Að ekki sé minnst á þann einbeitta illvilja sem hvetur til fjöldamorða að hætti sænsku fjöldamorðingjanna.

 

Látum það vera að Píratar hafa aldrei sagt eitt eða neitt um eitthvað sem skiptir almenning þess lands máli, á tímum þar sem hann hefur mátt sæta ítrekuðum árásum illviljaðra fjármálaafla sem nýttu sér fjármálahrunið 2008 til að valda áður fáheyrðum hörmungum meðal almennings í nútíma samfélagi.

Reyndar þarf ekki að fara aftur til 30 ára stríðsins  á 17. öld til að finna sambærilegar hörmungar, þökk sé illmennum nasista sem léku samfélög Póllands, Úkraínu og Hvíta Rússlands grátt.

En andófsafl sem þegir allan tíma getur aldrei verið neitt annað en fjármagnað viðrini þess eina hlutverks að hlutlausa andspyrnu almennings, að gera hana máttvana svo voðaverkin leiði ekki til mótspyrnu, jafnvel uppreisnar.

 

Enginn rífst um að Píratar hafa staðið sig vel í þessu hlutverki.

En núna er kóvid.

Sem sækir að almenningi, bæði grafa hægri öfgar undan sóttvörnum, sem og að mótspyrna ríkisstjórnarinnar til að hjálpa og aðstoða samborgara okkar sem farsóttin sem og sóttvarnir léku grátt, hafa engan veginn dugað, þó vissulega sé margt miklu betra en verra, og í raun vilji til að gera betur.

 

Gera betur!!.

Þá tóku viðrinin við sér.

Fundu sinn vígvöll.

Mynd af lögreglukonu frá 2018.

 

Smán allra sem koma að þessum viðrinishætti er algjör.

Þarf ekki dauðans alvöru tíma kóvid til.

 

Þetta er svo lágt.

Þetta er svo aumt.

 

En aumast er að til er fólk sem tengir viðrinin við Andóf.

Smán þess er algjör.

Kveðja að austan.

„Finnst þetta mjög leiðinlegt“

Athugasemdir

[Guðmundur Ásgeirsson, 21.10.2020 kl. 17:07]

Er semsagt bara í fínu lagi að lögreglan brjóti fánalög, sem henni er sjálfri ætlað að hafa eftirlit með og framfylgja?

[Ingólfur Sigurðsson, 21.10.2020 kl. 17:29]

Þetta er mjög góð grein hjá Ómari og fáránleikinn er algjör á þessum tímum að draga upp eitthvað svona árið 2020. Á alltaf að reyna að auka sundrungu þjóðarinnar þegar hún þarf á því að halda að standa saman?

Þú spyrð um fánalögin Guðmundur. Þú getur gúgglað það að vinstristjórn Jóhönnu Sigurðardóttir vildi endurskoða fánalögin sem kölluð voru úrelt þá, 2010. 

Umræðan um fánalögin er löng og gömul. Píratar hafa undir stjórn hinnar umdeildu Þórhildar Sunnu verið taldir einna lengst til vinstri. Hvar er þá umræðan um endurskoðun á fánalögunum?

[Símon Pétur frá Hákoti (IP-tala skráð) 21.10.2020 kl. 17:32]

Vel mælt, Ómar.

Það furðulegasta er samt að það er núna

aðeins ein fréttastofa sem flaggar þessu

Pírata upphlaupi, sem sinni aðalfrétt:

Fréttastofa RÚV.is

[Símon Pétur frá Hákoti (IP-tala skráð) 21.10.2020 kl. 17:38]

@Guðmundur Ásgeirsson

Hvaða fánalög er verið að brjóta?

Ætla Píratar að ákveða hvaða fötum fólk megi klæðast innan lögreglubúninga? 

Eru Píratar algjör alræðissinnaður fasistaflokkur?

[Guðmundur Ásgeirsson, 21.10.2020 kl. 18:07]

Píratar settu ekki fánalögin, sem eru í fullu gildi, sama hvaða skoðun fólk hefur á þeim.

34/1944: Lög um þjóðfána Íslendinga og ríkisskjaldarmerkið

4. gr.
Engin önnur merki en þau, er greinir í 2. og 3. gr., má nota í þjóðfánanum.

10. gr.
Lögreglan skal hafa eftirlit með því, að enginn noti þjóðfána, sem er ekki í samræmi við ákvæði laga þessara, þar á meðal sýnishorn þau, er greinir í 9. gr., eða svo upplitaður eða slitinn, að verulega frábrugðinn sé réttum fána um lit og stærðarhlutföll reita. Má gera slíka fána upptæka, ef notaðir eru á stöng eða sýndir úti eða inni, þar sem almenningur getur séð þá.

[Ómar Geirsson, 21.10.2020 kl. 18:10]

Blessaður Guðmundur.

Þú ert skynsemisvera, ég hef aldrei skilið af hverju þú styður þessi verkfæri auðsins.

Sem starfsmaður Hagsmunasamtaka heimilanna veistu nákvæmlega hvað ég á við með þessum orðum mínum;

"Látum það vera að Píratar hafa aldrei sagt eitt eða neitt um eitthvað sem skiptir almenning þess lands máli, á tímum þar sem hann hefur mátt sæta ítrekuðum árásum illviljaðra fjármálaafla sem nýttu sér fjármálahrunið 2008 til að valda áður fáheyrðum hörmungum meðal almennings í nútíma samfélagi.

Reyndar þarf ekki að fara aftur til 30 ára stríðsins  á 17. öld til að finna sambærilegar hörmungar, þökk sé illmennum nasista sem léku samfélög Póllands, Úkraínu og Hvíta Rússlands grátt.

En andófsafl sem þegir allan tíma getur aldrei verið neitt annað en fjármagnað viðrini þess eina hlutverks að hlutlausa andspyrnu almennings, að gera hana máttvana svo voðaverkin leiði ekki til mótspyrnu, jafnvel uppreisnar.".

Þú þekkir hamfarir heimilanna, og þú þekkir þögn þess meinta andófs sem þú styður.

Þú ættir að íhuga að í raun vekur stuðningur þinn efasemdir um heilindi þín, sem þó enginn efast um sem þekkir til málflutnings þíns, en menn þurfa að þekkja til svo þessar spurningar vakna ekki.

En kommon Guðmundur, það er kóvid, hægri öfgar sækja að þjóðinni, grafa undan sóttvörnum, hvetja til ótímabæra andláta samborgara okkar. 

Og ríkisstjórnin er veikluð í að leiða þjóðina, efast enginn um viljann, en hún rífur sig ekki uppúr hjólförum hinnar hefðbundnu skriffinnsku eða eða þess anga hugmyndafræði andskotans sem segir að gjaldmiðill sé fasti og þú fórnir heimilum, fyrirtækjum, efnahagnum ef það þarf að vernda þann fasta.

Þess vegna er verðtryggingin heilagri kú en hagur heimilanna eða velferð þjóðarinnar.

Svo kemur þú hingað inn Guðmundur Ásgeirsson og spyrð mig um einhver fánalög.

Hverjum er ekki andskotans sama??

Þú ert greindari en þetta Guðmundur, vörn þín fyrir viðrinin afhjúpar aðeins eitt,

Innst inni ert þú sammála gagnrýni minni.

Kveðja að austan.

[Ómar Geirsson, 21.10.2020 kl. 18:14]

Takk Ingólfur og Símon.

Þið hafið náð pointinu sem Guðmundur náði ekki.

Og við skulum ekki láta okkur dreyma um að svona iðnaðarsalt verði til uppúr þurru.

Kolin sem kynda hið meinta fár, voru grafin í myrkrinu, send þaðan.

Gegn ljósi og lífi.

Kveðja að austan.

[Símon Pétur frá Hákoti (IP-tala skráð) 21.10.2020 kl. 18:24]

@Guðmundur Ásgeirsson 

Þú svarar ekki spurningu minni.

Eiga Píratar að ákveða það hverju lögreglufólk klæðist undir búningunum?

Á Þórhildur Sunna, Helgi Hrafn á harðahlaupum og Levi's dúddinn í táfýluleistunum að grandskoða t.d. merki á nærbuxum fólks?  Hvar eru mörkin?

Þau eru fasistar.  Vonandi ertu ekki í þeirra hópi, Guðmundur?

[Esja frá Kjalarnesi (IP-tala skráð) 21.10.2020 kl. 19:25]

Er ekki skynsamlegat að ýta út af bjargbrúninni tilraunun um að láta málið snúast um fánalög?

Tal um fánalög varnar fólki sýn á það sem er málið.

[Guðmundur Ásgeirsson, 21.10.2020 kl. 19:43]

Ómar. Ég skil ekki hvað það er sem þú heldur að ég styðji. Sem starfsmaður Hagsmunasamtaka heimilanna er mér vel kunnugt um að Píratar hafa beitt sér að ýmsu leyti í málefnum heimilanna, til dæmis með því að þrýsta á um frestanir á nauðungarsölum þegar verið var að vinna úr skuldamálum heimilanna á sínum tíma og nú aftur vegna veirukreppunnar. Að sama skapi er mér líka fullkunnugt að krataöfl sem hafa hreiðrað um sig innan Pírata hafa staðið í veg fyrir því að önnur góð mál komist á stefnuskrá Pírata, svo sem afnám verðtryggingar. Þó er ekki dýpra á því en svo að þingmaður Pírata sem sagði þá að sjálfsögðu vera fylgjandi afnámi verðtryggingar, kom af fjöllum þegar ég benti honum á að reyndar hefði það stefnumál verið fellt af flokksmönnum. Annar þingmaður Pírata sem framan af vildi ekki afnema verðtryggingu hefur nú skipt um skoðun og styður afnám hennar, eftir að við útskýrðum nauðsyn þess fyrir honum yfir kaffibolla, eða öllu heldur kaffibollum því það þurfti fleiri en einn til. Ég held meira að segja að meirihluti þingflokksins sé í raun fylgjandi afnámi eða a.m.k. ekki á móti því.

Ef punkturinn hjá þér er að tjá vanþóknun þína á Pírötum, gjörðu þá svo vel ekki stoppa ég þig. Ástæða þess að ég var að benda á fánalögin er einfaldlega að umrætt atvik er brot á þeim.

Símon Pétur. Píratar ákveða ekki hvaða merkingar lögreglan setur á búninga sína, heldur gildir um það reglugerð sem var sett á grundvelli lögreglulaga.

Hér má sjá yfirlýsingu frá lögreglunni á höfuðborgarsvæðinu vegna málsins: Afsökunarbeiðni | Lögreglan

"Lögreglan á höfuðborgarsvæðinu vill taka skýrt fram að hún styður ekki með neinum hætti hatursorðræðu eða merki sem ýta undir slíkt. Þetta er nefnt hér vegna umfjöllunar fjölmiðla og myndbirtingar af lögreglumanni fyrr í dag, en á búningi hans mátti sjá merki sem eru óviðeigandi með öllu. Embættið harmar jafnframt mjög að hafa valdið fólki særindum vegna þessa og biður alla hlutaðeigendur innilegrar afsökunar. Skilaboðin sem mátti lesa úr merkjunum eru í engu samræmi við fræðslu, stefnu og markmið lögreglunnar. Lögreglumönnum hjá embættinu hafa enn fremur verið send skýr fyrirmæli um að fjarlægja öll merki af lögreglubúningum sínum, sem ekki eru í samræmi við reglugerð, kunni þau að vera til staðar.

Málið verður tilkynnt til eftirlitsnefndar um störf lögreglu."

[Guðmundur Ásgeirsson, 21.10.2020 kl. 19:46]

Esja. Nei alls ekki, því alvarleiki málsins liggur einmitt að því að lögreglan, sem á að hafa eftirlit með fánalögum, skuli sjálf vera uppvís að því að brjóta þau.

Eða er það kannski léttvægt að lögreglan gerist brotleg við lög sem henni er ætlað að framfylgja?

Ef línan yfir íslenska fánan væri bleik en ekki blá, þá væri það samt brot á fánalögum.

[Símon Pétur frá Hákoti (IP-tala skráð) 21.10.2020 kl. 20:01]

Tek algjörlega undir orð þín Ómar.

Pírataflokkurinn er fjármagnað viðrini

sem afvegaleiddi baráttu íslensks almennings

eftir hrunið og vann sem leppar erlends valds

til að sundra samstöðu þjóðar, og gera svo enn.

[Ómar Geirsson, 21.10.2020 kl. 22:45]

Blessaður Guðmundur.

Orð þín eru góð og gild ef þú ert að bera blak af rúmlega hundrað ára gömlum valdaflokki, þar sem fólk drekkur gulan Braga því það er þjóðlegt.

Ekki andófsflokki og þú veist það innst inni.

Ef ekki, lestu þá skrif þín í rólegheitum, efa að hundur liti við svona rýru roði.

Kveðja að austan.