Sannleikurinn gerir menn frjálsa.

 

Spurning reyndar hvort hálfsannleikur sé í þá áttina.

 

Vissulega er það lofsvert að síðasta vígi heimskunnar í Svíþjóð falli með því að játa þá staðreynd að óöld ríkir í Svíþjóð, og sú óöld hafi aukist í réttu hlutfalli við fjölgun innflytjenda.

En það er bein lygi að kenna félagslegum aðstæðum eða skorti á tækifærum um þá óöld.

 

Staðreyndin er sú að mikill fjöldi innflytjenda hefur ekki þann bakgrunn að aðlagast hátækniþjóðfélagi þar sem skortur á menntun er ávísun á undirmálslíf lágra launa og samfélagslegrar fyrirlitningar, og hvað gerir þá fólk sem hefur ekki sömu tækifæri og innfæddir??

Jú, það bjargar sér.

Á þann hátt sem það kann best.

 

Undirliggjandi er síðan gífurlegur menningarmunur á gamaldags friðsömum Svíum sem skrifræðið barði alla döngun úr fyrir mörgum öldum, og fólki sem kemur frá átakasvæðum, þar sem átök eru drifin áfram að mismunandi þjóðerni, kynþáttum, trú eða félagslegri eða efnahagslegri stöðu.

Gamaldags friðsami Svíinn myndi ekki endast út vikuna á slíkum svæðum, en fólkið sem kemur til Svíþjóðar er fólkið sem lifði af.

Það skapar sér sína eigin stöðu út frá því sem stendur því til boða, og þá út frá sínu eigin gildismat og lífsviðhorfum.

Gildismati og lífsviðhorfum sem það flutti með sér til sinna nýju heimkynna, sem móta svo samskipti þess bæði innbyrðis sem og við yfirvöld eða almenning gistilandsins.

 

Múslimar verða til dæmis ekki trúlausir blóðkaldir Svíar á einni nóttu, ekki á einni kynslóð, ólíklega á einni öld, og líklegast aldrei yfir höfuð.

Blóðheitir íbúar Balkanskagans breytast heldur ekki í friðsöm möppudýr á einni nóttu.

Og þó rasismi Góða fólksins fær það til að trúa að guð hafi skapað svart fólk til að þrífa undan því skítinn fyrir lágmarkslaun, þá er það bara ekki svo.

 

Draumsýnin um hið friðsama velferðarþjóðfélag lifir jafnlengi og íbúarnir sem deila þeim draumi.

Og þeir íbúar eru í minnihluta í Svíþjóð í dag.

 

Örugglega hafa sænsk yfirvöld eitthvað fyrir sér þegar þau skella skuldina á meintar 40 glæpafjölskyldur, og örugglega hefur rasismi Góða fólksins eitthvað að segja líka.

En þetta er eins og að setja hatt á toppinn á ísjaka, og segja síðan að hatturinn sé ekki bara allur ísjakinn, heldur borgarísjaki að auki þökk sé hattinum.

 

Svíþjóð í dag er ekki lengur þjóðríki heldur suðupottur ólíkra þjóða- og menningarbrota.

Þeir sem þar búa deila ekki sameiginlegu gildismati, heldur skilgreina sig út frá uppruna, menningu eða trú.

 

Og það er bara í Hálsaskógi þar sem öll dýrin eru vinir, í raunveruleikanum éta þau hvort annað, eða berjast um yfirráð.

Og ástandið sem þykir vont í dag, verður ekki innan svo langs tíma talið hátíð, að það hafi þó verið friðsamara á fleiri stöðum en hitt.

 

Sænsk stjórnvöld höfðu fyrir löngu glatað sál sinni í hræsni sinni og tvöfeldni, höfðu því enga sál til að selja.

En þau seldu þjóð sína í staðinn.

Fyrir þá ímynd að lítið land gæti leyst vanda heimsins með því að flytja hann inn og pakka honum síðan inn í orðskrúð og tvískinnung rétttrúnaðarins.

 

Vandi heimsins hefur ekkert breyst.

En Svíþjóð hefur breyst.

Og verður ekki breytt til baka.

 

Spurningin er bara hvort menn viðurkenni það.

Kveðja að austan.

Sinnaskipti í innflytjendamálum

Athugasemdir

[Símon Pétur frá Hákoti (IP-tala skráð) 11.9.2020 kl. 23:01]

Frábær pistill!

Hef engu við að bæta, öðru en því að frjálshyggja ESB - hægri, mið og vinstri flokka - ýtti undir þessa "þróun", dráp þjóðríkjanna.

Björn Bjarnason skrifar reyndar pistil um vanda Svíþjóðar og varar íslensku klerkastéttina við; ekki fjórfrelsi frjálshyggjunnar, heldur afleiðingum þess að flytja hingað inn múslima í hrönnum, eins og Biskupsstofa boðar að sé í anda "kristgervinganna"

[Magnús Sigurðsson, 12.9.2020 kl. 08:30]

Sæll Ómar mér finnst þetta nokkuð glúrin greining hjá þér.

Þegar ég fór til N-Noregs til að vinna hjá norsku múrarafyrirtæki hélt ég að ég ynni að mestu með norðmönnum, en vinnufélagarnir voru fleiri aðfluttir af erlendu bergi brotnir.

Flestir voru þeir múslimar, ungir karlmenn sem höfðu komið einir síns liðs í sæluríki olíunnar og urðu sér svo síðar út um kvonfang frá heimalandinu.

Þetta var allt saman ágætis fólk, ómenntað á okkar mælikvaða. Á hæðinni fyrir neðan mig bjuggu Pakistanir sem unnu á Pizza stað í nágreninu, þeir urðu sér einnig báðir út um kvonfanga úr heimahögunum. Þeir sem ég kynntist hafa gert meira en að þrífa skítinn undan góða fólkinu, þeir hafa allir auðgað sitt samfélag.

Einn lífsreyndur norskur vinnufélagi var u.þ.b. að ljúka sinni starfsæfi á þeim tíma sem ég var þarna við störf. Við spjölluðum oft um heima og geima og einu sinni sagði hann við mig „Magnús heldurðu að það hefði þýtt að segja mér það árið 1999, þegar fáheyrt var að útlendingur starfaði í norskum byggingaiðnaði, að um áratug seinna myndi ég vinna með eintómum útlendingum sem ekki væri hægt að tala við um norsk málefni“.

Þó svo að ég tæki þetta ekki til mín, því íslendingur í Noregi er fyrir norðmönnum nokkurskonar litli bróðir, þá fauk nett í mig og ég sagði honum það að norðmenn ættu kannski að hugsa aðeins út í hverskonar pólitíkusa þeir veldu sér og sjá aðrar þjóðir í friði. En norðmenn hafa eins og íslendingar séð sig knúna til að hafa vit fyrir fólki allt til Afganistan og sitja uppi með afleiðingarnar.

Ég skil samt manna best þennan norska vinnufélaga. Þegar ég sagði upp og hélt heim á landið bláa, þá sagði sá gamli upp rétt á eftir. það var stutt í eftirlaunaaldurinn hjá honum og hann sagðist ekki lengur nenna að vera félagslega fatlaður á norskum vinnumarkaði.

Ég segi það stundum við Pólverjana eru með mér í steypunni í dag að Pólverjar séu búnir að hirða öll skemmtilegu störfin af íslendingum sem sitji nú fastir á bak við tölvuskjáinn í bókhaldsfeninu. Þá glotta þeir enda margir hverjir aldeilis ómenntaðir í steypu en með þessar fínu prófgráður og vita vel að ég er félagslega fatlaður á íslensku vinnumarkaði.

Með þökk fyrir góðan pistil og kveðu úr þokusúldinni í efra.

[Ómar Geirsson, 12.9.2020 kl. 11:52]

Blessaður Magnús og takk fyrir að fylla uppí pistil minn.

Svona fyrst til að forða misskilning þá var athugasemd mín um svarta og hið meinta hlutverk þeirra að þrifa skít í samfélögum hinna lægstu tilboða og félagslegra undirboða, þá er ég að hæðast að fólki sem sér ekkert athugavert við að við Evrópubúar höfum flutt inn þá bandarísku staðalímynd að hlutverk svartra sé að þjóna og þrífa, eða hvað skýrir að það er hægt að bóka að ef fólk við þrif í almenningi kemur fyrir í sjónvarpi eða kvikmyndum, að þá eru flestir svartir. Í þessu felst ekki að ég telji að innflytjendur frá Afríku geri ekkert annað en að þrífa eða innflytjendur yfir höfuð geri fátt annað.

Ég var á blakmóti á Fáskrúðsfirði þar sem nýstofnað blakfélag pólskra íbúa Fjarðabyggðar, Fálkinn bauð til móts og strákarnir mínir fóru þangað að keppa við nokkur oldboys lið.  Þetta var eins og þjóðhátíð pólsku íbúanna, gestrisnin einstök og gaman að sjá hvað allir samhentir að láta allt heppnast, að ekki sé minnst á leikinn og gleðina hjá fólki á öllum aldri.

Yfirleitt sér maður bara framlínuna, fólkið sem vinnur störfin við mismikið þakklæti samfélagsins.

En þetta stolta duglega fólk er Pólverjar, ekki Íslendingar, við erum bara svo heppin að þeir blandast vel eða réttara sagt taka því sem að því er rétt með þögn og þolinmæði.  Og þeir komu vegna þess að vinna var í boði.

Í Skandinavíu er hlutirnir mun flóknari, og ég reyndi að draga upp mynd af henni með fáum pensilstrokum eins og klessumálarinn hefði sagt.

Kveðja úr sólinni í neðra, fyrrverandi súldarbæli.

Samt að austan.

[Ómar Geirsson, 12.9.2020 kl. 11:53]

Það bætir allavega ekki úr skák Símon Pétur.

Fólk þarf að geta blandast.

Kveðja að austan.

[Jónas Kr. (IP-tala skráð) 13.9.2020 kl. 12:15]

Ómar, ef þú ætlar að skrifa meinta óöld í Svíþjóð á innflytjendur og múslima, þá væri gott ef þú gætir útskýrt hvers vegna hæsta morðtíðnin er í löndum sem hafa fáa innfytjendur og múslima.

https://en.wikipedia.org/wiki/List_of_countries_by_intentional_homicide_rate

[Ómar Geirsson, 13.9.2020 kl. 12:19]

??????

Kveðja að austan.

[Hrólfur Þ Hraundal, 13.9.2020 kl. 12:56]

Tek undir með þér Ómar nr.6. ??????

[Ómar Geirsson, 13.9.2020 kl. 13:30]

Blessaður Hrólfur.

Þar sem Jónas þraut örendið eftir að hafa beðið Gúgla frænda eitthvað gagn sem hann gæti notað til að bösta mig þá er víst best að ég útskýrir einhver af spurningamerkjum mínum.

Fréttin sem fylgir pistli mínum fjallar um játningar forsætisráðherra Svíþjóðar um ábyrgð innflytjenda á þarlendri óöld.  Hann sem slíkur minnist ekki á múslima heldur fjallar um glæpasamtök hinna "40" fjölskyldna og kennir félagslegum aðstæðum um.  Þaðan er nafnið á pistli mínum sprottið, það var eins og Löven væri að stökkva úr einu víginu í annað í vörn sinni um það sem ekki má ræða.

Og það ræði ég í pistli mínum, að það sé óhjákvæmilegt að fólk úr mismunandi áttum, með mismunandi bakgrunn, menningu og hefðir, að það aðlagist illa nútíma þjóðfélagi þar sem vald á tungumáli og menntun er algjör forsenda velferðar þess og velmegunar. 

Líf á bótum eða í illa launaðri vinnu, búandi í einhverjum félagslegum slömmum, er ekki líf sem fólk vill og það brýst út úr því á þann hátt sem það kann, og sú kunnátta tengist ekki sænskukunnáttu eða æðri menntun.

Og því fleiri sem eru í þessum aðstæðum, því styttra er í óöld og upplausn, sem og að færri deila þá því gildismati sem heldur þjóðinni saman.

Ég minntist ekkert á hlut múslima nema ég tók þá dæmi sem hóp sem aðlagaðist illa, sem og fólk sem kemur frá átakasvæðum Balkanskaga.

Vegna þess að þeir eru ekki issjú í þessari grein minni og greiningu.

En augljóslega er öfgamúslimi æxli sem þarf að skera burt úr samfélögum siðaðs fólks, gildir einu hvort það sé á Vesturlöndum eða í hinum íslamska heimi.

Hvað gengur þá Jónasi til og hví vill hann að ég útskýri fyrir honum dráp í heiminum??

Það var jú að fjalla um upplausn sænsku þjóðarinnar.

Kveðja að austan.