Sagan kennir margt.

 

Til dæmis að þegar vágestur var við borgarhliðið, þá var frelsi ekki skilgreint sem réttur til að opna borgarhliðin svo vágesturinn gæti sótt inn og lagt undir sig borgina.

Enda í kjölfarið voru borgarbúar yfirleitt drepnir, nema náttúrulega þeir sem voru seldir í þrældóm.

 

Hafi þá verið til frjálshyggjumenn sem héldu fram rétti einstaklingsins til að sýkja eða svíkja, þá dóu rök þeirra út með dauða þeirra.

Því fíflin eru jú alltaf þau fyrsta sem falla fyrir vágesti, efist nokkur þar um, og þekkir hvorki til sögu eða heilbrigðar skynsemi, og trúi að sóttvarnaryfirvöld setji heiminn á hvolf fyrir 0,1% dánarhlutfall, þá er máttur feisbókar það mikill að hægt er að lesa um síðustu andvörp þeirra í Bandaríkjunum, undir yfirskriftinni, "Við héldum að þetta væri feik".

Sagan kennir líka hvernig sóttvarnir virkuðu.

 

Þær virkuðu til dæmis vel í sjóborgarríkinu Feneyjum áður fyrr á öldum, ef sjómenn virtu ekki reglur, og héldu að hálfvitaháttur þeirra og vitglöp væru efni í frétt eins og þessa, þá náðu þeir aldrei að segja hana.

Því fífl sem brutu sóttvörn voru hálshöggvin á staðnum.

 

Fífl hafa nefnilega ekki rétt til að drepa hundruð eða þúsundir.

Og frelsið til þess er ekki þeirra.

 

Gömul viska.

Sem úrkynjun fær ekki breitt.

 

Þó hún sé kennd við frelsi eða frjálshyggju.

Þá býr alltaf eitthvað dýpra að baki.

 

Gróði, sérhyggja, mannfyrirlitning.

Kveðja að austan.

Sjö smituð – Virtu ekki heimkomusmitgát

Athugasemdir

[Jón Magnússon, 16.8.2020 kl. 09:57]

Hvaða fólk var þetta? Hvaðan kom það? Hvað var það að gera hér?  Af hverju er ekki sagt frá því í fréttinni.

Voru þetta útlendingar í atvinnuleit. 

Var þetta fólk venjulegt ferðafólk 

eða hvað. Frá hvaða landi kom fólkið upprunalega o.s.frv.

Af hverju er fréttin svona ófullkomin Ómar?  Þarf að leyna einhverju eða kunna fréttamenn ekki að spyrja einföldustu spurninga.

Svo er það annað mál hvers konar eftirlit er það, sem segir ákveðin ríki örugg og skimar síðan engan í þeim flugvélum sem koma þaðan, þó stór hluti farþegana komi hugsanlega frá óöruggum ríkjum. 

[Símon Pétur frá Hákoti (IP-tala skráð) 16.8.2020 kl. 11:25]

Mjög líklega var hér um rúmenska athafnamenn að ræða.  "Stikkprufurnar" verið teknar vegna fyrri verka þeirra um miðjan júní, þegar helft lögregluliðsins austan heiðar lenti í sóttkví.

Auk þess rímar það við það sem Kári sagði um að mjög líklega væri uppruni þess afbrigðis sem erfitt hefur reynst að rekja austur evrópskur.

[Ómar Geirsson, 16.8.2020 kl. 12:35]

Blessaður Jón.

Allt réttmætar spurningar sem mér fyndist að einhver ætti að svara.

Við viljum líf án veirunnar en við viljum ekki lifa án umheimsins, þess vegna er svo mikilvægt að gera landamærin örugg án þess að það verði of íþyngjandi.

Ég held að stóru mistökin hafi verið að segja sum lönd örugg í heimi þar sem farsótt geisar, það er ef menn vilja ekki að þessi veira verði landlæg hér.

Síðan er það grunnhyggni að treysta fólki þegar dauðans alvara er annars vegar, það þarf að skerpa allt eftirlit með sóttkví sem og það bíti ef menn brjóta reglurnar þó ég sé ekki að mæla með aðferðum fortíðarinnar.

Það var eiginlega það sem ég var að hugsa á meðan ég var að bíða eftir skolinu á þvottavélinni eftir að hafa komið heim úr grillveislu þar sem fjarlægðarmörk voru ekki virt.

Það þarf að taka þetta alvarlega og þar þurfa stjórnvöld að sýna fordæmi með því að sjá til þess að landamæraskimunin virki.

Slysin eiga sér alltaf stað en það er óþarfi að bjóða þeim alltaf heim.

Kveðja að austan.

[Ómar Geirsson, 16.8.2020 kl. 12:41]

Blessaður Símon Pétur.

Getgáturnar spretta eins og arfinn á fjósahaug þegar ekkert er upplýst, og menn taka ekki umræðuna um hið frjálsa flæði inní landið af ódýru vinnuafli, túristaflóttamönnum eða hreinlega misyndismönnum.

Á meðan það viðgengst þá leka alltaf landamærin og svo puttanum alltaf beint af innlendum og þeir skammaðir fyrir að vera til.

Mál að linni.

Kveðja að austan.

[Hörður Þormar (IP-tala skráð) 16.8.2020 kl. 13:48]

Munu nýjar reglur nokkuð koma í veg fyrir að "misyndismenn og ruslaralýður" komi til landsins? Þeir hafa ekkert á móti því að vera í nokkra daga í sóttkví og búa á fínu hóteli.

Og þeim verður örugglega ekki vísað úr landi.

[Ómar Geirsson, 16.8.2020 kl. 17:28]

Það er það sem ég á við Hörður að menn þurfi að taka umræðuna.

Það þýðir ekki að setja á svona höft nema að full alvara sé að baki, og að þau skili þeim árangri sem að er stefnt.

Það er það eina sem réttlætir þau.

Kveðja að austan.

[Kolbrún Hilmars, 16.8.2020 kl. 17:50]

Annað sem er umhugsunarvert.  Ferðamenn eru ekki sagðir smita því þeir hafi ekki samneyti við innfædda.  Er ætlast til þess að við sniðgöngum þá?  Hvað verður þá um títtnefnda íslenska gestrisni og upplifun ferðamannsins?  Skyldi ekki vænlegra að ALLIR á faraldsfæti, bæði inn- og erlendir geti umgengist eins og almennilegt fólk og hvorir tveggja geti treyst því að enginn sé laumufarþeginn.

[Símon Pétur frá Hákoti (IP-tala skráð) 16.8.2020 kl. 18:06]

Danski forsætisráðherrann, úr systurflokki Samfylkingarinnar, Sósíaldemókrata, er óhrædd við að benda á að það er fyrst og fremst sómalskir hælisleitendur sem eru að valda hækkun talna smitaðra í Danmörku.  Með því er hún ekki að ásaka einn né neinn, bara að benda á tölulegar staðreyndir.

[Símon Pétur frá Hákoti (IP-tala skráð) 16.8.2020 kl. 18:19]

Viðlíka hreinskiptin umræða þarf að fara fram hér á landi.  Það er öllum til hins betra.  Feluleikur og leyndarhyggja er aldrei traustvekjandi.  Slíkt elur einungis á tortryggni.  

[Jónatan Karlsson, 16.8.2020 kl. 19:58]

Sæll Ómar.

Sammála þér og ágætum viðmælendum þínum.

[Helga Kristjánsdóttir, 16.8.2020 kl. 22:23]

 Úr söngtextasíðu Davíðs; "Það þarf fólk eins og þig,fyrir fólk eins og mig".
 Þetta á við ykkur öll - koma svo -

[Ómar Geirsson, 17.8.2020 kl. 07:03]

Takk fyrir innlitið ágæta fólk.

Ég er loksins sammála stjórnvöldum mínum, tel ákvörðun þeirra rétta.

Þetta verður erfið barátta, veiran er lúmsk, og ennþá er það hún eða við, það er ekki millivegur þegar svona margir eru í áhættuhópi hennar um að hljóta alvarlegan skaða, þó fólk nái með hjálp læknavísinda að skrimta.

En ef fólk sér tilganginn með sóttvörnum sínum og að stjórnvöld séu heil að baki, þá náum við aftur samstöðunni sem var í vor.

Þá hefst þetta.

Kveðja að austan.