Veirupróf eru ekki örugg.

 

Þau taka ekki á nýsmiti.

Og það er öruggt að fólk sem kemur frá smitsvæðum, líkt og Svíþjóð eða Bandaríkjunum, mun bera smit inní landið.

Með þekktum afleiðingum.

 

Börnin sem stýra okkur, eru samt með hlutina á hreinu;

"Far­ald­ur­inn er enn í gangi í heim­in­um".

 

Þeirra svar er að lækka verð á skimun.

Til að fjölga smitum inní landið.

 

Þetta er jafnvel heimskara en þegar formaður Sjálfstæðisflokksins sagðist styðja Orkupakka 3, til að almenningur og atvinnulífið gæti  nýtt sér hlutfallslega yfirburði þjóðarinnar varðandi ódýra orku.

Erfitt að toppa Bjarna, en Katrínu tókst það.

 

Og allir eru sáttir, eða því sem næst.

Kveðja að austan.

Verð á sýnum í landamæraskimun lækkað

Athugasemdir

[Þorsteinn Briem, 26.6.2020 kl. 17:10]

Þú verður bara að loka þig inni ásamt Jóni Bjarnasyni, fyrrverandi ráðherra Vinstri grænna.

Þið yrðuð góðir saman, hægriöfgakarlinn og vinstriöfgakarlinn.

Undirskriftir gegn Orkupakkanum, sem safnað var í fimm vikur í fyrra, frá 8. apríl til 14. maí, voru 13.480, eða 5,4% af þeim sem voru á kjörskrá, 248.502, í alþingiskosningunum í október 2017.

Og örfáir mótmæltu Orkupakkanum á Austurvelli.

Það er nú allt og sumt.

[Ómar Geirsson, 26.6.2020 kl. 17:56]

Góður Steini, góður

Kveðja að austan.

[Stefán (IP-tala skráð) 26.6.2020 kl. 18:37]

Öfgamaðurinn og landráðaseggurinn Steini Briem ómarktækur að venju.

Steini er spældur út í heiðursmanninn Jón Bjarnason, sem kom í veg fyrir að íslenzku fiskimiðin yrðu afhent fasistsbandalaginu (ESB). Steini spriklar og rembist eins og sálufélagi hans, Jón Frímann, en kemst hvergi.

"I love listening to leftists cry in the morning" :D

[Magnús Sigurðsson, 26.6.2020 kl. 19:18]

Sæll Ómar allt er þetta skimunardót byggt á tækni kommúnistana í Kína og því hvorki von á góðu, né nokkru vitrænu frá blessuðum börnunum sem aðhyllast glóbalska stórríkið.

Steini er alltaf góður þegar hann segir eitthvað frá hjartanu, -stundum þjóðlegur.

Steina og Frímann má finna víða því er nú sem komið er bæði með fasismann og Jón Bjarnason.

Með kveðju úr efra.

[Ómar Geirsson, 27.6.2020 kl. 00:36]

Blessaður Stefán.

Félagi Steini er örugglega margt, en ekki upplifi ég hann sem öfgamann eða landráðssegg.

Ekkert að því að vera maður skoðana sinna.

Kveðja að austan.

[Ómar Geirsson, 27.6.2020 kl. 01:05]

Blessaður Magnús.

Veistu, ég held að fátt hafi verið fundið upp í Kína eftir að þeir kenndu heimsbyggðinni að kveikja í púðri, skiptir ekki máli hvort keisararnir kenni sig við Marx eða Manjú.

Og það er öruggt að þeir fundu hvorki upp veiruna, það gerði guð almáttugur, eða þau fræði sem kenna sig við hana og kölluð er veirufræði. 

Hins vegar eru Kínverjar bölvaðir matvælasóðar og það ætti fyrir löngu vera búið að setja landið í sóttkví, svona sem fyrirbyggjandi ráðstöfun.

Það er hins vegar verra með þann fjanda sem kenndur er við glóbalisma, og verst af öllu þegar hann er skálkaskjól þrælahalds og manndrápa.

Fari hann fjandans til.

Kveðja að austan.

Ps.  Ég held reyndar að fjandinn sé það vandur að virðingu sinni að hann vilji ekkert hafa með þennan fjanda.

Pss. Þó mannkynið hafði ekki hugmynd um tilvist veira, sýkla eða baktería, þá hefur það samt þróað í gegnum árþúsundin sjúkdómsvarnir sem byggjast á hugmyndafræðinni um að skera á smitleiðir, bæði með sóttkví og að setja sýkta í einangrun.  Hver man ekki eftir hlutskipti holdsveikra sem sagt var frá í biblíusögunum í 5. bekk eða eftir Hollýwood myndinni þar sem fallega leikkonan ásamt móður sinni þurfti að klæðast lörfum og setjast að meðal holdsveikra því hún var talin smituð.  Feldu ekki allir tár þegar í ljós kom að sjúkdómsgreiningin var röng??

[Magnús Sigurðsson, 27.6.2020 kl. 05:37]

Ég átti nú reyndar við skimunarpinnana sem troðið er upp í vit fólks við að ná sýni, þegar ég sagði að ",,,allt er þetta skimunardót byggt á tækni kommúnistana í Kína", svo ég tali kýr skýrt.

Voru þeir ekki fluttir í flugvélaförmum frá Kína af Iclelandair á ríkisstyrk sem heilbrigðisvörur?

Með kveðju að ofan.

[Ómar Geirsson, 27.6.2020 kl. 10:27]

Blessaður Magnús.

Gat ekki stillt mig um að grípa gæsina um að koma því á framfæri að þessi veira eða baráttan við hana hefur ekkert með Kína að gera, nema þá á þann hátt að þeir þrífa ekki sláturstaði sína, en það er rétt að að globalið, fari sú þræla og helstefna fjandans til (ætli fjandinn sé ekki búinn að fá nóg af því að ég sé alltaf að vísa þessum andskotum á hann??) hefur komið megin framleiðslu heimsins í einnota verksmiðjur Kína.

Og uppskeran eftir því.

Og mikið megum við mennirnir vera heimskir ef lærdómur þessa faraldurs verði ekki sá að globalið og allt þess hafurtask verði ekki hent uppí næsta ruslabíl og sturtað beint á öskuhaug sögunnar.

Ekki að ég hafi nokkuð um það að segja, og ekki er ég svona argur vegna þess að Liverpool tók loksins titilinn, dauðfeginn að losna við þá umræðu; "hvenær verður Liverpool meistari", en að offra fótboltasumrinu hjá drengjunum mínum, á lokaárinu, þegar uppskeran er innan seilingar, það er annar brotnar ekki í þriðja sinn á innan við ári og hinn snýr sig ekki í þriðja sinn innan sama tímaramma, það get ég bara ekki fyrirgefið.

Hingað og ekki lengra, takk.

Ekki að það breyti heldur einhverju, en það er gott að blása.

En þó ég fengi eldspýtur og bensín uppí hendurnar, þá er ekkert bál til að kynda því það vantar allan eldsmat.

Þjóðin er sátt í sínum takti, auðmenn eiga lýðræðið, ránin eru lögleg, og öll skynsemi á vergangi.

Aðeins skrum og froða,eins og engin sé röstin framundan, að enga boða þurfi að varast.

Sveii attan.

Það þurfti samt ekki að eyðileggja fótboltann.

Með rigningarkveðjum að neðan.

Ps.Þetta fer samt allt einhvernvegin.