Vér morðingjar.

 

Það er engin þversögn í því fólgin að telja að veirur smiti eftir þjóðerni, og að aðeins Íslendingar geti smitað aðra Íslendinga.

Svo ég vitni í orð aðstoðarmanns landlæknis; "Þegar maður horf­ir á þetta svona blákalt, þá er auðvitað ákveðin þver­sögn í þessu" þegar hann útskýrir að fólk sem kemur með sömu flugvélinni, frá sama landinu, en er með mismunandi ríkisfang, að aðeins sá hluti sem er íslenskir ríkisborgarar geti smitað.

Því þetta er þvílík heimska að leitun er að öðru eins.

 

Íslenskir ferðalangar, á skíðum á Ítalíu, fyrir utan skilgreind sóttvarnarsvæði, smituðust af veirunni, þó öruggt sé að þeir hafi hagað sér á nákvæmlega sama hátt og aðstoðarmaður landlæknis lýsir hjarðhegðun erlendra ferðamanna hér á landi.

Líkurnar á smiti, í landi þar sem aðeins skráð tilvik voru vel innan við þúsund, þegar Íslendingarnir voru á svæðinu, og allflest  landfræðilega á þröngu strjálbýlissvæðis, ættu næstum því að vera engar þegar ferðamenn eiga í hlut.

Samt eru komin 3 staðfest smit.

Vegna þess að kórónaveiran er smitandi, og miklu útbreiddari en Exel embættismannanna segir að hún sé.

 

Að halda því síðan fram við fullvita fólk, að líkurnar séu ekki gagnkvæmar, að smitað fólk sem hingað kemur til landsins, smiti ekki vegna þess að það sé ferðamenn er út úr öllu korti vitsmunalegrar umræðu.

Í raun voru líkurnar að íslensku skíðaferðalangarnir hittu smitaðan einstakling miklu minni en að smitaður erlendur ferðamaður hitti Íslendinga.

Eða halda menn að aðeins útlendingar afgreiði ferðamenn, að þeir séu ekki fólk, búi í gámum og hafi engin samskipti út í samfélagið.

 

Hvað er að blaðamanni Morgunblaðsins að birta svona bull án þess að spyrja gagnrýnna spurninga??

Er það tengdamamma hans sem honum er svo illa við??

Eða er þetta spurning um arf til að létta á fjárhagsstöðunni??

 

Sér hann ekki siðblinduna sem kemur fram í þessum kattarþvotti aðstoðarmanns landlæknis??

"Kjart­an tek­ur und­ir þær þakk­ir og seg­ir yf­ir­völd reyna að höfða til sam­fé­lags­legr­ar ábyrgðar fólks, af því að á sama tíma og vitað er að um 80% þeirra sem grein­ast með sýk­ingu fái ein­ung­is væg ein­kenni séu ákveðnir litl­ir hóp­ar, til dæm­is fólk með und­ir­liggj­andi heilsu­fars­bresti, sem geti veikst al­var­lega vegna veirunn­ar".

Eða er hann sammála henni.

 

Sem og að það veit enginn hvað er að gerast á Ítalíu annað en veiran hefur stökkbreyst.

Í morgun var mannfallið 34 á móti 83 sem höfðu náð bata.

Hvað verður um restina??

Og smitið er rétt að byrja á meðan fífl stjórna vörnunum.

 

Það er staðreynd að veirusmit er aðeins stöðvað með því að rjúfa smitkeðjuna.

Til að  hindra nýsmit.

 

Að segja að nýsmit fari eftir þjóðerni, hvort smitberar séu innlendir eða erlendir, er ekki heimska.

Það er enginn svona heimskur.

Það býr annað undir, hvað sem það er.

 

Og ef einhver fellur vegna Ítalíusmitanna.

Þá er sá sem ábyrgðina ber.

Ekki Vér.

 

Höfum það á hreinu.

Kveðja að austan.

Ferðamenn frá áhættusvæðum ekki í sóttkví

Athugasemdir

[Símon Pétur frá Hákoti (IP-tala skráð) 2.3.2020 kl. 18:15]

Það má ekki styggja erlenda ferðamenn, Schengen er heilög kýr í huga "sóttvarnalæknis" og "landlæknis". Mig grunar að þau séu svo fátæk og illa launuð, að þeirra mati, að þau hafi tekið sér aukavinnu fyrir ferðaskrifstofur og flugfélög.  Money, money sungu bæði bleiki Floyd og Abba.

Í alvöru talað, nú er tala smitaðra Íslendinga komin í 6.  Hvað skyldu svo smitaðir erlendir ferðamenn vera margir?  Þeir sem fá að valsa út um allt land, meðan mörg hundruð Íslendinga eru settir í sóttkví.

"Sóttvarnalæknir" og "Landlæknir" hverra eru skötuhjúin tvö?

[Esja frá Kjalarnesi (IP-tala skráð) 2.3.2020 kl. 18:27]

Stjórnvöld reyna að setja pólitíska ákvörðun í læknisfræðilegan búning, en pólitísk ákvörðun um að stjórna ekki landamærum verður aldrei læknisfræðileg.

[Ómar Geirsson, 2.3.2020 kl. 18:27]

Blessaður Símon Pétur.

Þá eru eiginlega allar spár búnar að rætast, og þar með varla lengur þörf fyrir hrópandann í eyðimörkinni.

Reikna samt með að Gunnar haldi áfram að hrópa, og það með raddstyrk sem tregðan getur ekki þaggað niður.

Þetta er eiginlega verra en ég hélt að það yrði en vonum samt að sóttvarnareftirlitið haldi.

Við verðum að vona það.

Á það treystir þetta fólk, og það mun gera sitt besta.

Tíminn einn veit svo hvort það dugi.

Kveðja að austan.

[Ómar Geirsson, 2.3.2020 kl. 18:27]

Sammála Esja.

Kveðja að austan.

[Þorsteinn Siglaugsson, 2.3.2020 kl. 18:28]

Það á einfaldlega ekki að hleypa fólki inn í landið sem kemur frá Verona. Og réttast hefði verið að loka á ferðir frá Ítalíu strax fyrir viku síðan. Nú er hlutfall smitaðra á Íslandi að nálgast það sem er á Ítalíu. Við erum komin langt framúr Íran sem er hitt landið í okkar heimshluta þar sem faraldur hefur geisað.

Þú tryggir ekki eftir á. Það eru orð að sönnu.

[Ómar Geirsson, 2.3.2020 kl. 18:34]

Allt mikið rétt Þorsteinn, því miður.

Síðan má spyrja sig hve alvarleg er þessi veira sem smitar fólk af þjóðerni sem er örtala í hina stærra samhengi í Evrópu, og er á ferðamannastað þar sem á að vera frekar lítil líkindi á smiti.

Hvernig væri þetta ef enginn gerði neitt og hún fengi að hafa sinn gang líkt og inflúensaveiran fær, reyndar bólusótt gegn henni, en engar aðrar sóttvarnir í raun??

Mér finnst eins og það vanti eitthvað í þessa jöfnu.

Kveðja að austan.

[Magnús Sigurðsson, 2.3.2020 kl. 18:53]

Ég hef reyndar trú á að það sé þó nokkuð til í þessu hjá aðstoðarmanninum. Smitleiðin til landsins liggur aðallega í gegnum miðaldra íslendinga á skíðum.

Þetta er þar að auki að stofninum til sama liðið og hafði það miklar áhyggjur af flugeldum um áramótin að það vildi banna þá til verndar þeim sem eru með undirliggjandi lungnasjúkdóma. 

Það er ekki hægt að búast við neinu vitrænu frá þessu liði, það er haldið Shcengen sindrómi með EES vírus. Það er því miður langt síðan stjórnkerfið skipti sjálfstæðinu út fyrir kolefnisjafnaðar skíðaferðir.

[Gunnar Rögnvaldsson, 2.3.2020 kl. 19:23]

Sem sagt: erlendir ferðamenn (frá t.d. Ítalíu) eru sagðir ólíklegir til að smita Íslendinga á Íslandi og streyma því hingað inn í boði stjórnvalda.

En Íslendingur sem fer til Ítalíu er talinn líklegur að smitast af.. tja.. skíðunum sínum (eða jafnvel skíðastafnum), en ekki af því fólki sem hann hittir á Ítalíu og sem kallast Ítalir.

Þess vegna eru engir útlendingar sem koma til landsins frá Ítalíu skannaðir - bara Íslendingar.

Þetta fólk ætti að fá sér vinnu sem bankastjórar fyrir næsta hrun. Þetta eru hundar að elta skottið á sér - á háum launum. Þetta virðist vera algjörlega KLIKKAÐ fólk!

Kveðjur.

[Ómar Geirsson, 2.3.2020 kl. 19:33]

Ja, allavega spurning um nokkrar blaðsíður Gunnar.

Og já, ætli skíði séu ekki hin óþekkta smitleið líkt og rotturnar voru á tímum Svarta dauða.

Eitthvað hljóta þau að vita sem við vitum ekki.

Kveðja að austan.

[Þorsteinn Siglaugsson, 2.3.2020 kl. 19:38]

Það er eflaust rétt að smithættan er minni af ferðamönnunum en af Íslendingunum, einfaldlega vegna þess að ferðamennirnir umgangast miklu færri. En það er ástæðulaust að taka áhættuna.

[Ómar Geirsson, 2.3.2020 kl. 19:41]

Já Magnús, ætli EES vírusinn skýri ekki margt.

Samt held ég að nærtækari skýring sé langtímaáhrif friðartíma, það er eins og dugurinn til að verjast hverfi.

Ég hélt til dæmis alltaf að það hefði verið dugur í norsku ríkisstjórninni sem flúði til fjalla.  En í raun voru það aðeins hræddir hérar (samt ekki ofan af Héraði) sem vildu ekki láta ná sér fyrr en þeir höfðu samið, voru hræddir um að annars myndu aðrir fá heiðurinn af uppgjöf þjóðarinnar.

Svo sagði gamli danski prinsinn Nei, með snildarrökstuðningi sem jafnvel Churchill gamli hefði getað sagt að hann hefði sjálfur samið.

Undanlátssemi hefur aldrei dugað til vinna bug á ógnum, það þarf að feisa þær, mæta þeim.

Til þess þarf manndóm, og ef hann skortir, þá er gripið til skjólvarna, eins og til dæmis að vísa í Schengen eða hin opnu landamæri Evrópu.

Þar er meinið held ég.

Kveðja að austan.

[Ómar Geirsson, 2.3.2020 kl. 19:45]

Örugglega rétt Þorsteinn, en hvað skyldi umgangur Íslendinganna á skíðasvæðinu hafa verið mikill við heimamenn, á svæði sem átti að heita öruggt??  Var það mikið meira en barinn, maturinn og einstaka skíðaþjálfari??

Er nokkuð vitað í raun hvernig þessi veira smitast, það er allar smitleiðir hennar??

Og væri þessi faraldur ekki úr sögunni ef sprittið dygði??

En tek undir orð þín, það er ástæðulaust að taka áhættuna.

Kveðja að austan.

[Gunnar Rögnvaldsson, 2.3.2020 kl. 19:50]

Bíðið, það er meira.

Hundalógík stjórnvalda (á háum launum) er sú að Íslendingur sem fer til Ítalíu er talinn hafa mikil samskipti við Ítali á Ítalíu á meðan hann er þar, og er hann því sagður skannaður þegar hann kemur aftur til landsins.

En þegar Ítali kemur til Íslands þá er talið afar ólíklegt að hann muni hafa nokkur samskipti við Íslending á Íslandi, og muni því ekki smita neinn á Íslandi, heldur bara þá sem hann hefur samskipti við á Ítalíu þegar hann kemur til baka þangað, og sem afgreiða þá Íslendinga sem koma til Ítalíu til að tala við Ítala þar.

Hvað á maður að segja?

Þetta er spilavíti og á ekkert skylt við læknavísindi. Þetta eru ESB-pólitískt EES-vísindi. Landlæknir og Sóttvarnarlæknir eru EES-heilaþvættingur (mun verra en peningaþvættingur)

Þjóðin sér náttúrlega í gegnum þennan EES-lygavef. Fólk er ekki heimskt.

Hér bíða því 30 þjóðir eftir því að einhver taki skarið af og lýsi yfir allsherjar gjaldþori ESB/EES-báknsins, og að einver sílspikaður embættismannaherfan detti á FERÐABANN-HNAPPIN og geri það eina rétta án þess að vita af því.

Manni svimar af fábjánahætti og ábyrgðarleysi þessa fólks.

[Óskar Kristinsson, 2.3.2020 kl. 19:54]

Við sáum það nú bara í sambandi við þriðja orkupakkann hvað þetta er forstokkað lið, svo gjörsamlega ófært um að stjórna landinu.

[Ómar Geirsson, 2.3.2020 kl. 20:01]

Ég lét mér detta í hug þessi skýring Gunnar;

"Eða halda menn að aðeins útlendingar afgreiði ferðamenn, að þeir séu ekki fólk, búi í gámum og hafi engin samskipti út í samfélagið.".

En var reyndar að hæðast að vitringunum þremur, sóttvarnarlækni, landlækni og almannavarnartækni.

Þetta er lítt skiljanlegt, og ég held að þetta fólk sé að setja höfuðið á fallexina ef í ljós kemur að ferðamaður frá rauðum svæðum smiti út frá sér.

Eins og Þorsteinn bendir réttilega á á öðrum þræði, þá erum við að slá út tölfræði Írana með fjölda smita.  Og það er ekki ennþá smit á milli fólks, heldur er þetta allt innflutt.

Það er heimskunni að þakka að þessi umræða á sér stað í dag.

Og heimskan spilar rúllettu með lif og limi fólks.

Fólk hefur fallið í yfirlið af minna tilefni.

Kveðja að austan.

[Ómar Geirsson, 2.3.2020 kl. 20:07]

Blessaður Óskar.

Ég fór ekki að tala um fávís börn að ástæðulausu, en það sem hreyfði við mér var frétt um fyrsta innflutninginn á hráu kjöti, sem er önnur leið til að brjóta niður smitvarnir þjóðarinnar, og þá gagnvart fjölónæmum sýklum sem WHO telur eina helstu ógn við lýðheilsu heimsins í náinni framtíð.

Þetta var eitthvað svo táknrænt ofaní sinnuleysið gagnvart ferðalögum til smitsvæða.

En í augnablikinu er þetta aukaatriði, menn seint sammála um þetta, en við ættum öll að geta snúið bökum saman gagnvart þeirri vá sem ráðamenn okkar virðast vísvitandi vera að bjóða til landsins.

Fari illa verður uppgjör, og þá verða mörg mál rædd, því það er fátt sem hrærir eins mikið uppí sinnuleysi fólks eins og dauði náinna skyldmenna.

Vona að sú umræða verði til góðs.

Kveðja að austan.

[Gunnar Rögnvaldsson, 2.3.2020 kl. 20:31]

Með þessu áframhaldi verður Ísland sett í ferðabann hjá öðrum þjóðum. Til dæmis hjá Trump, Kína og Írak.

Þá loksins gæti eitthvað lagast. Björgunin kemur kannski eftir allt frá útlöndum.

[Gunnar Rögnvaldsson, 2.3.2020 kl. 21:42]

Þetta stendur örugglega allt saman í Sóttvarnar-handbók Schengen- og ees-biblíunnar Ómar. Á fyrstu blaðsíðu stendur;

Hugsið aldrei neitt sjálf

Gerið aldrei neitt sjálf

Takið engar ákvarðanir sjálf

Vér einir vitum

Treystið ávallt kommissar-guð

Amen

- og biðjið til Brussel

[Ómar Geirsson, 2.3.2020 kl. 22:00]

Blessaður Gunnar.

Hjálp hefur áður komið að utan, til dæmis eigum við sem þjóð  Rasmusi Kristján Rask mikið að þakka við mótun ritmálsins.

Og sem gamall blakari vil ég halda til haga áhrifum erlendra þjálfara á þá ágætu íþrótt.

En að við þurfum hjálp að utan til að verja líf náungans og samborgara okkar, það er gjaldþrot alls sem sjálfstæð þjóð stendur fyrir.

Bæn þin hins vegar fer nærri lagi, eins sorgleg og hún er.

Las þessi orð rétt áðan; "„Við get­um vel stöðvað þess veiru,“ sagði Tedros og bætti við að þjóðir heims­ins verði að bregðast hratt og ör­ugg­lega við.", höfð eftir yfirmanni WHO.

Og Evrópa tók við sér, Exelinn var uppfærður, viðbúnaðarstig hækkað.

Ég get alveg ímyndað mér að veiran sé þegar farin að skjálfa af hræðslu, eða þannig.

Það læðist að mér sá illi grunur að það sé vísvitandi verið að fækka eldra fólki, sóttvörnin í Danmörku eða Noregi, með öll sín Ítalíusmit, er að gefa út tölur um áætlaða sýkingu, og svo er talið niður.

Svona hagar sér enginn sem ætlar að verjast á ströndinni, á ökrunum, í hæðunum, verja göturnar, borgirnar, þjóðina, landið.

Vitna í gamla manninn þegar eina vonin fólst í að gefast ekki upp;

"Meanwhile, the House should prepare itself for hard and heavy tidings. I have only to add that nothing which may happen in this battle can in any way relieve us of our duty to defend the world cause to which we have vowed ourselves; nor should it destroy our confidence in our power to make our way, as on former occasions in our history, through disaster and through grief to the ultimate defeat of our enemies.".

Það var þá.

Kveðja að austan.

[Þorsteinn Siglaugsson, 2.3.2020 kl. 22:32]

Nú erum við nánast búin að ná Ítalíu í hlutfallslegum fjölda sýkinga. Spái því að í vikunni náum við Kína. Og þar sem óheftur innflutningur smitaðra heldur áfram verður Ísland innan 10 daga orðið það land þar sem hlutfallslegur fjöldi smitaðra er mestur. Væntanlega munu mörg lönd fljótlega loka á ferðir hingað.

[Símon Pétur frá Hákoti (IP-tala skráð) 2.3.2020 kl. 23:08]

Réttmæt ábending Þorsteins.

Já, sá roluháttur sem einkennt hefur fjórmenningaklíkuna (sóttvarnalækni, landlækni, ríkislögreglustjóra og almannavarna) mun valda niðurbroti túrismans.

Hver vill heimsækja Ítalíu norðursins, eða Kína norðursins, kórónaveirubæli norðursins?

En Schengen og EES/ESB blæti íslenskra búrkrata og má víst ekki nefna.  Þá tryllist DDRÚV ohf.

[Ómar Geirsson, 2.3.2020 kl. 23:19]

Þetta er ofboðslega sorglegt Þorsteinn, en því miður ætlar þetta að verða raunin.

Allt vegna þess að menn þráuðust við að stöðva ferðir til Ítalíu í tíma, og hafa síðan stjórn á komu fólks þaðan.

Hvað það hefði þýtt marga í sóttkví, veit maður náttúrulega ekki, en öll þau hundruð sem þegar eru komin í sóttkví, allt fólk sem ekkert í raun hefur gert annað en að lifa sínu lífi, og átt ekkert erindi inná sýkt svæði, það situr í súpunni, situr upp með óþægindi vegna vangjörða ráðafólks.

Vonandi berst ekki smit til þeirra sem eru í áhættuhópi, vonandi nær fólk bata, en guð hjálpi þeim sem ábyrgðina bera ef svo fer ekki.

Það verður þung byrði að bera.

Kveðja að austan.

[Ómar Geirsson, 2.3.2020 kl. 23:22]

Blessaður Símon.

Ferðamannaiðnaðurinn hefði hvort sem er hrunið, og það global.

Menn ná ekki tökum á veirunni nema með því að stöðva faraldsfótinn, eða allt þar til lækning finnst.

En það má bæta, ég óttast meir um það sem ekki verður bætt.

Því dauðans alvara er ekki höfð í flimtingum.

Kveðja að austan.

[Örn Einar Hansen, 3.3.2020 kl. 08:33]

Það er bara best að gera eins og Kína. Ef yfirmenn landsvæða beri fram hærri tölur en 0, missa þeir vinnuna. Það ma því reikna með að Kina verði smit frítt a komandi dögum.

En mer er spurn, hvar eru allir þessir ofur menntuðu Íslendingar sem hafa greindarvísitölu sem fær Einstein að lita út eins og fáviti? Eru þeir ekki bunir að nota þetta ofur vit sitt og búa til lyf og bóluefni við þessu?

[Örn Einar Hansen, 3.3.2020 kl. 08:46]

Það ma bæta við að það er þegar búið að gefa út bók í Kína sem segir að faraldurinn se liðinn hjá og þakka megi hinum mikla Xi Jing Ping fyrir að hafa leitt þjóðina í gegnum þetta stríð.

Engin ástæða að vera hræddur ... Allt er liðið hjá.

[Tómas Ibsen Halldórsson, 3.3.2020 kl. 10:55]

Kínverjar settu 50milljónir manna í sóttkví, það mátti enginn koma né fara, við erum já bara ca. 350.000 manns. Til að vera öruggur væri best að loka landinu meðan þetta gengur yfir heimsbyggðina.

Hvað með alla Kínverjana sem hingað koma, er gengið úr skugga um að þeir séu ekki smitaðir??? auk fjölda annarra útlendinga??? En eins og þið segið þá erum við svo sérstök, við Íslendingar, við látum ekki erlendar pöddur bíta á okkur þær bara detta dauðar niður reyni þær það.

[Ómar Geirsson, 3.3.2020 kl. 12:57]

Takk fyrir innlitið félagar.

Bjarni, það er spurning hvað er að gerast í Kína, ljóst er að veiran er ekki pólitísk og les því ekki rit Maós.

Besta visbendingin er að þeir eru ekki ennþá farnir að framleiða, sem aftur leiðir hugann að því að þetta er ekki venjuleg kvefpest.

Tómas, það er engin tékk á erlendum ferðamönnum, jafnvel þó þeir komi frá skilgreindum hættusvæðum.

Þeir sem best þekkja til segja að eina ráðið gegn veirusmitsjúkdómum sé að rjúfa smitkeðjuna með sóttkví, líkt og Kínverjar hafa reynt. 

Hér á landi er það eilífðarverk á meðan ekkert er gert til að stemma við innflutningi á smiti.

Þar stendur hnífurinn í kúnni.

Kveðja að austan.

[Símon Pétur frá Hákoti (IP-tala skráð) 3.3.2020 kl. 13:05]

Það er athyglisvert sem þú segir Ómar, að hér sé stundaður "innflutningur á smiti"

og þar áttu vafalaust einnig við þann aumingjahátt að löggjafarþingið og framkvæmdavaldið hafi leyft

innflutning á hráu kjöti.

[Ómar Geirsson, 3.3.2020 kl. 16:39]

Ja, eiginlega var ég að vísa í að fólk mátti ferðast til rauðra svæða, og koma svo heim með smitið.  Og þegar það er reynt að hamla gegn því, mér skilst að Ítalía sé öll orðin hættusvæði, þá mega ferðamenn þaðan valsa inn og út.

Var sem sagt að hugsa um þessa tiltekna veiru og vísa í ráð vísustu manna um hvernig það á að vinna bug á svona ófögnuði.

Í raun er aðeins eitt smit sem er ekki í boði stjórnvalda, það var ekki þannig að það væri varað við flugi og ferðalögum til Norður Ítalíu, vissulega ekki af stjórnvöldum, en á samfélagsmiðlum.

Þegar hópsálin og hjarðhegðunin vill elta forystudýrin fyrir björg, þá er einmitt svo mikilvægt að láta í sér heyra.

Núna er þetta öllum ljóst, nema mestu ESB fíflunum, og þar með óþarfi að skammast mikið meir hérna.  Ég sá alveg áhugaleysið, svo smátt og smátt kveikti fólk, og menn eins og Palli kóngur urðu alltaf meir og meir út úr kú i þjónkun sinni við valdið.

Eftir smitið í gær, þá flæddi inn IP tölum, og gerir á vissan hátt enn.

Innflutningur á fjölónæmu sýklum er svo önnur ella, ég vissulega tengdi grimmt við það fyrst þegar ég dundaði mér við að ögra sofandahætti fólks, núna er það alvaran, og við skulum sjá til hvort ekki takist þrátt fyrir allt að hemja sóttina.

Ég er eiginlega ekki í skapi til að skammast út í fávísu börnin og þá sem hafa dauðans alvöru í flimtingum, á meðan ekki er ljóst hvernig fer.

Ástandið er eiginlega of alvarlegt til þess Símon.

Við munum samt örugglega spjalla seinna um fávisku barna og mannvonsku siðblindra gróðapunga, en núna eru það eiginlega bara bænirnar.

Fátt annað í stöðunni.

Kveðja að austan.

[Símon Pétur frá Hákoti (IP-tala skráð) 3.3.2020 kl. 20:19]

Rétt Ómar.

Bænirnar eru huggun harmi gegn.