Mikil er ábyrgð þeirra sem gera lítið úr dauðans alvöru.

 

Samkvæmt Þórólfi Guðnasyni sóttvarnarlækni er lítil sem engin ástæða til að óttast útbreiðslu kórónuveirunnar. 

Versta hugsanlega sviðsmyndin er um 300 tilfelli, og upp undir tíu dauðsföll svo vitnað sé beint í frétt Mbl.is.

 

Og það hlýtur að vakna sú spurning, til hvers eða eyða öllum þessum fjármunum og tíma í að undirbúa eitthvað sem næstum ekkert er

Hafa þeir ekkert annað að gera þarna hjá almannavarnaráði??

Er ekki að koma eldgos einhvers staðar??

 

Enn stærri furður eru þessu ofsafengnu viðbrögð um allan heim.

Þegar þetta er ekki neitt, neitt, af hverju eru kínversk stjórnvöld að loka tugmilljóna inná heimilum sínum, lama allt atvinnulíf í hjarta iðnframleiðslu sinnar, og eiga á hættu fjöldagjaldþrot fyrirtækja og efnahagskreppu.

Á vef DV má lesa þessa frétt, vitnað í Bloomberg.

"Kínverskt efnahagslíf hefur ekki farið varhluta af COVID-19 kórónaveirunni. Stór hluti fyrirtækja á miklum vandræðum því starfsemi þeirra hefur raskast mikið vegna aðgerða stjórnvalda til að hefta útbreiðslu veirunnar. Gjaldþrot vofir því yfir milljónum fyrirtækja.".

 

Er ekki alltí lagi með þetta fólk, veit það ekki það sem við vitum??

Af hverju var verið að reka embættismenn sem sögðu einmitt þetta í upphafi, að þetta væri ekki neitt, neitt og yrði að hafa sinn gang??  Skyldu þeir geta fengið vinnu hjá íslenskum stjórnvöldum, orði svona sérstakir ráðgjafar þjóðaröryggisráðs??

 

Og hvað var eiginlega að þessum lækni sem dreifði þeim meinta hræðsluáróðri að kórónaveiran væri bráðsmitandi og alvarleg ógn við lýðheilsu fólks??

Það er kannski erfitt að spyrja hann, því hann er dauður, en hann hefur örugglega dáið úr hræðsluáróðri en ekki veirusýkingunni, enda deyja ekki svona bráðungir menn, 34 ára úr þessari veiru.  Og ef hann hefur sýkst, þá hefur hann feikað bæði útlit og fæðingarár,, örugglega verið 84 á eftirlaunum, og örugglega ekki verið augnlæknir sem var að skoða augnsýkingu hjá barni, heldur bráðaliði sem var alltaf að bora í nefið á sér eftir að hafa sinnt bráðveikum eldri borgurum.

Eða eitthvað, alla vega allt annað en hann raunverulega var.  Ungur maður sem reynt var að þagga niður í, stálhraustur, en féll samt.

 

Raunveruleiki sóttvarnarlæknis hefur heldur ekki skilað sér til Ítalíu.

Þar hafa nokkrir sveitabæir verið einangraðir, um 60 þúsund manns segir Þóra Arnórsdóttir, fjölmiðlakona.

Þar hafa þegar fallið 12 einstaklingar, allt eldra fólk.

En veiran aðeins nýgengin.

 

Það er eins og eitt allsherjar samsæri sé í gangi gagnvart íslenskum stjórnvöldum og sérfræðingum þeirra.

Kínverjar ráku þá sem sögðu einmitt það sem sagt var á blaðamannafundinum í dag.  Þeir lokuðu sýktum svæðum, og tóku þar með áhættu á alvarlegum áföllum í efnahagslífinu.

Eins og það sé ekki nóg, þá rífst raunveruleikinn við hinar hófstemmdu yfirlýsingar, fólk virðir ekki hina íslensku tölfræði, og fellur langt umfram hana.

Í dag er skráð dánarhlutfall 8%, það er fjöldi látinna miðað við fjöldann sem hefur fengið fullan bata.  Það aftur virðist vera mun hærra hjá þeim sem fá hina alvarlegu lungnasýkingu.

Þetta er svona eins og að vera Palli litli einn í heiminum.

 

Svo er bara spurning, hverju trúir fólk??

Raunveruleikanum eða stjórnvöldum??

Það er mikið undir, sjálft lífið.

 

Það er nefnilega dauðans alvara að gera lítið úr drepsótt.

Eitthvað sem til dæmis kínversk stjórnvöld sáu að gengi ekki.

 

Við þykjumst vita betur.

Eða réttara sagt, ráðafólk okkar telur sig vita betur.

 

Mikil er ábyrgð þess.

Kveðja að austan.

 

 

 

Heilbrigðiskerfið ráði við það versta

Athugasemdir

[Símon Pétur frá Hákoti (IP-tala skráð) 27.2.2020 kl. 11:19]

Já, mikil er ábyrgð þeirra.

[Ómar Geirsson, 27.2.2020 kl. 15:03]

Blessaður Símon,.

Rakst á þessi orð þegar ég las frétt um að forsætisráðherra Japans mæltist til að skólum þar í landi yrði lokað eitthvað fram í mars;

"„Næsta vika og jafn­vel þarnæsta vika eru virki­lega mik­il­væg­ar. Beiðni mín er lögð fram í þeim til­gangi að setja heilsu og ör­yggi barna í for­grunn og til þess að grípa til varúðarráðstaf­ana til þess að forðast mögu­lega út­breiðslu veirunn­ar í Jap­an,“ sagði Abe þegar hann til­kynnti um beiðni sína. ".

Hann hefur greinilega ekki verið á blaðamannafundinum í gær.

En hvernig er það með blaðamenn??, mér skilst að skýlaus krafa sé um takt í Kína, með þeim afleiðingum að sá trúverðugleiki sem þó var til ríkisfjölmiðla, sé fyrir bí, er hægt að segja þeim hvað sem er??

Eru þeir þannig séð skynlausar skepnur, án nokkurrar sjálfstæðrar hugsunar og vits??

Datt það reyndar í hug þegar allar lygarnar og blekkingarnar flutu inní umræðuna frá stjórnvöldum, og þá aðallega fávísu börnunum, í orkupakkaumræðunni.

Enda þarf eitthvað slíkt að vera til staðar ef fávís börn sitja í friðarvaldastól.

Kveðja að austan.

[Símon Pétur frá Hákoti (IP-tala skráð) 27.2.2020 kl. 16:37]

Traust og tiltrú almennings á stjórnvöldum hrundi hér á landi haustið 2008.  10.000 heimili voru þá sett á guð og gaddinn.  Og enn fleiri urðu fyrir þungum búsifjum sem hægt er að kenna andvaralausum stjórnvöldum um.

Enn er hoggið í knérunn þjóðarinnar.  Enn er sama andvara- og skeytingarleysi stjórnvalda við lýði.  Þau lærðu ekkert, traust almennings til þeirra er ekkert.  Nei, þau hlusta ekki, eru enn forhertari en fyrr.  Það er þyngra en tárum taki.  Mér er það sorgarefni því það eina sem maður þráði að sátt myndi hægt og bítandi myndast eftir hrunið.  En, Nei, enn er efnt til sinnuleysis gagnvart landi og þjóð.  Þar bera stjórnvöld ein alla ábyrgð. 

[Hartmann Ásgrímsson (IP-tala skráð) 27.2.2020 kl. 17:11]

Af hverju talar þú um drepsótt,þetta er bara flensa sem að vísu er mjög smitandi,dánar tíðnin er rétt yfir 1% sem er bara svipað og í venjulegum flensum. Hinsvegar er sennilega betra að lýðurinn smitist ekki allur í einu þess vegna ágætt að tefja svolítið fyrir pestinni. Mér finnst stjórnvöld bara standa sig vel í viðbrögðum gegn þessari flensu,vona bara að þau fari ekki á taugum og loki fólk í ástæðu lausum sóttkvíum.

[Ómar Geirsson, 27.2.2020 kl. 18:41]

Blessaður Hartmann.

Drepsótt er sótt sem drepur.

Lungnaafbrigði kórónuveirunnar fellir um það bil fjórða hvern sem fær hana, þó er líklegt að það hlutfall lækki ef fólk kemst á gjörgæslu tímanlega og fær þar bráðameðferð eins og súrefnisgjöf.

Hvort sem er, þá er þetta það bráðdrepandi að ekki er hægt að nota annað orð en drepsótt yfir hana.

Tilvísun þín í dánartíðnina er síðan röng, fals, notað til að róa fávísa.

Jafnvel Kínverjar, sem þó skálda, hafa ekki farið með hana neðar en 8%, það er hlutfall bata á móti mannfalli.

https://www.worldometers.info/coronavirus/

Allur samanburður við flensu er því fáviska, og ástæða þess að fleiri eru ekki fallnir á heimsvísu, er einmitt hinar hörðu sóttkvíar.

Maður hefur ekki dauðans alvöru í flimtingum.

Kveðja að austan.