Þegar hið augljósa er ekki sagt.

 

Og annað gefið í skyn, þá fær fólk að lesa svona frétt.

"Kynferðisbrotum í jafnréttislöndum fjölmörg", hvað sem það þýðir, er gefið í skyn að þau eigi að vera fámörg, eða ómörg, eða eins og má lesa úr fréttinni, að þeim hefur fjölgað.

Og þá spyr maður sig, hver eru þessi jafnréttislönd, og hvað í andskotanum hefur gerst í þeim??

 

Gáfnafarið þarf ekki að vera sérstakt til að skilja að það er verið að vísa í Norðurlönd, og þekking á samtímasögu er ekki einu sinni í flugulíki ef maður fattar ekki að vísað er í breytinguna einu, stórfjölgun innflytjenda.

Sem þýðir að áramótaboðskapur talskonu Stígamóta er að innflytjendur nauðga, stunda sifjaspell og annan ósóma sem kennt er við kyn.

 

Og ef þetta er ekki rasismi þá veit ég ekki hvað.

En auðvitað veit ég að spjótunum var beint af okkur holdugu miðaldra karlmönnum sem erum hvítir og uppnefndir feðraveldið, sem nauðgar, kúgar og .....  margt annað sem ótalmargir dálkasentímetrar ná ekki að þekja meintar ávirðingar.

Eins og nokkur á mínum aldri segi ekki "já elskan" til að eiga síðasta orðið.

 

Svona er Ísland í dag.

Eftir sem þú bullar meir því greiðari er aðgangurinn að fjölmiðlum góða fólksins.

Það er að segja ef bullið þjónar höggstað.

 

Þá er rasismi ekki vík milli vina.

Heldur tæki til að berja á.

Í trausti þess að hið ósagða sé ekki sagt.

 

En ekki benda á mig.

Ég sagði það ekki.

 

Hugsaði aðeins upphátt.

Kveðja að austan.

 

 

 

 

Kynferðisbrot í jafnréttislöndum fjölmörg

Athugasemdir

[Húsari. (IP-tala skráð) 31.12.2019 kl. 15:06]

Sæll Ómar.

Þarna hefur þú af skarplegu
viti þínu komist að því
að þetta er ekki annað en orðskrípi
sem engum heiðarlegum og sönnum Austfirðingi
dettur í hug að nota.

Forskeytið fjöl- merkir mikið
og því er úthýst þar sem ekki er talið fara vel
á því að tala um mikið af því sem mikið er.

[Ómar Geirsson, 31.12.2019 kl. 21:36]

Haa??

Veit ekki alveg Húsari minn góður, en ég var hreinlega að athuga hvort bloggið væri ennþá lesið.

Og komst að því að það er ekki, svo núna er það bara afslöppunin.

En ef bændur og búalið rísa upp, þá er ég með þeim.'

Kveðja að austan.

[Húsari. (IP-tala skráð) 1.1.2020 kl. 12:06]

Sæll Ómar.

Orðið sem þú gerir réttilega að
umtalsefni, "fjölmörg", er ekki að finna í orðabókum,
því er úthýst þar sem um málleysu er að ræða,
nánar tiltekið ofhlæði þar sem orðum er hnoðað saman
sem merkingarlega eru eins.

Samsetningar sem hefjast á forskeytinu fjöl
eru oft jákvæðrar merkingar og bera með sér eitthvað sem
ástaða er til að gleðjast yfir.

Hvort það á svo við í þessu tilfelli verður hver
að meta fyrir sig.

Gleðilegt ár!