Öll andspyrna hefst á fáum.

 

Ógnarveldið sem féll fjörtíu og fimm mætti fáum á móti framan af, einhverjir öldungar sem töluðu um sið og hvað væri rétt og rangt, tiltölulega fámennur hópur  aðgerðasinna, stórt bakland í fólki sem ofbauð, en sannast sagna voru miklu fleiri annað hvort meðvirkir eða hreinlega stuðningsmenn. 

Til dæmis er það eitt versta geymda leyndarmál Norðmanna að sá fjöldi ungra karlmanna sem barðist með ógnarveldinu á austurvígstöðvunum var margfaldur miðað við þann sem þorði að hætta lífi sínu í andspyrnunni. 

Það er nefnilega svo auðvelt að blekkja fólk til fylgis við eitthvað sem er rangt, jafnvel á tímum þar sem ekki var hægt að birta skoðanakannanir um að vel gefið, upplýst fólk væri líklegra til að vera fylgjendur en í andspyrnunni, að yngri væru líklegri til að vinna með en það eldra líklegra að vera  á móti.

Hefði slík tækni verið til þá hefði hún örugglega verið birt með þessari niðurstöðu.

 

Það er staðreynd að þessar undirskriftir eru sorglega fáar og ef kennitölur eru skoðaðar, þá er öruggt að fleiri séu í eldri kantinum en yngri.

Ef stjórnmálarefir eða almannatenglar hefðu stýrt andófinu þá er morgunljóst að ekki hefði verið farið í slíka söfnun, því fyrsta reglan í hernaðartaktík er að auglýsa ekki fámenni sitt.  Sérstaklega ef andstæðingurinn hefur ástæðu til að halda annað.

Þess vegna voru ekki hengd upp veggspjöld af fámennum andspyrnuhópum í upphafi baráttunnar gegn ógnarveldinu, en hefðu menn haft ljósmyndavél með tímastillingu, framtíðartímastillingu þá hefðu verið birtar myndir til dæmis af götum Kaupmannahafnar, eða Parísar þegar meintir andspyrnumenn áttu strætin eftir fall ógnarinnar.

Þó er stundum gott að afhjúpa fámennið ef það fær gerræðið til að fyllast falskri öryggistilfinningu, að það álykti að hinn sýnilegi frontur er landið allt, hundsi í sigurhroka sínum baklandið, sem allt veltur á.

 

Það var löngu búið að samþykkja þetta landsal, svikin voru löngu handsöluð.

Spurningin var bara hvernig málið yrði keyrt í gegn, óbreytt eða yrði á einhvern hátt reynt að koma til móts við varnaðarorðin.

Því miður vill slík málamiðlun oft vera þeim í hag sem valdið hefur, lítt hald í henni og skaðinn sá að allar varnir bresta.

 

Út frá þessu sjónarmiði er undirskriftasöfnunin vel heppnuð.

Það er hlegið á þingi og þar telja menn sig ekkert hafa að óttast, landið megi selja með öllu kviku, og öldurnar innan flokks megi lægja með dúsu hér og dúsu þar, og svo þurfa alltaf einhverjir að vera óánægðir og gott að hafa þá innanflokks en í andspyrnu.

Og síðan er það næsta mál á dagskrá.

 

Meinið er fyrir krakkana og foringja þeirra að sagan kennir að hættulegt er að vanmeta andóf þegar öldungar leiða. 

Vit þeirra, gáfur og glöggskyggni tendrar leiðarljós sem þjóðin fylgir.

Og málaliðar almannatenglanna eða börnin sem eru frontur umræðunnar í dag, hafa vitsmunalega og efnislega ekkert í þá að gera.

 

Það er ekki bara landsalan og afleiðingar hennar sem hefur hreyft við fólki.

Valdhrokinn ásamt því að geta ekki farið rétt með eina efnislega staðreynd í réttlætingu sinni á samþykkt orkupakkans, hefur náð að sameina öldunga þvert á flokka.

Þeir sjá eins og er að stórhættuleg fífl stjórna landinu í dag.

Fólk sem óafvitandi stingur höfðinu í gin ljónsins og telur það óhætt, líklegast vegna þess að það sá það gert í teiknimynd eða einhverjum sirkusnum.  En það er í eðli ljóna að loka skoltinum, ropa og segja; avrrr, sem er ljónamál yfir Takk fyrir mig.

Þó er þetta fólk skárra en samherjarnir í stjórnarandstöðu, það fólk er það kreppt í sinni að það á enga aðra sýn en að þjóna auðnum og svipta þjóðina sjálfstæði mála sinna.

 

Næstu dagar munu reyna á þessa öldunga, hvort þeir séu skar uppgjafarinnar eða logi baráttunnar.

Stilli þeir saman strengi sína í þágu lands og þjóðar, þá verður baklandið andspyrnunnar.

Ef ekki þá verður áfram andóf þar til eitthvað verra gerist.

 

Héðan af er aðeins eitt verra.

Endalokin.

 

Og hver vill deyja frá þeirri arfleið??

Ég bara spyr.

Kveðja að austan.

 

Nær 14 þúsund undirskriftir gegn orkupakkanum

Athugasemdir

[Óskar Kristinsson, 15.5.2019 kl. 10:45]

Blessaður 'Omar!

Góðar þakkir fyrir þennan pistil!

Eg er bara orðlaus,það bendir bara allt til að svikin verði framkvæmd á þjóðinni á þessum fallegu vordögum.

Kv 'Oskar

[Ómar Geirsson, 15.5.2019 kl. 11:13]

Blessaður Óskar.

Hreint út þá held ég að það hafi alltaf blasað við, en spurningin frekar hvernig það yrði gert.

Sem betur fer fyrir þjóðina þá held ég að það sé erfitt að toppa þann aulaskap því slíkt er alltaf áburður á græðling vonarinnar.

Ég væri illa svikinn ef andófið breyttist ekki í andspyrnu sem gerði heiðarlega tilraun til að endurheimta sjálfstæði þjóðarinnar.

En hvað veit ég fjarri öllum átakalínum, mín kristalkúla er ekki betri en gengur og gerist.

Samt tel ég að þegar hafi orðið veðrabrigði, og það meiriháttar.

Les það út úr leiðara Davíðs í gær.

Hann eiginlega kvaddi flokkinn sinn sem hafði fóstrað hann frá unga aldri, og hann síðan veitt forystu lungann af starfsævi sinni. 

Og um Davíð má segja sem Scully sagði alltaf, "you are not alone".

Það eitt er víst.

Kveðja að austan.

[Óskar Helgi Helgason (IP-tala skráð) 15.5.2019 kl. 12:45]

Sælir sem jafnan - Ómar og nafni minn Kristinsson, sem og aðrir !

Ómar og nafni !

Hyggist: Humars- og Hvítvíns sérfræðingurinn Áslaug Arna Sigurbjörns dóttir og hennar lagsfólk KEYRA III. Orkupakka Fjórða ríkisins (ESB) á kaf í bringu íslenzku þjóðarbrots sálarinnar, eigum við fjendur Engeyinga glæpaklíkunnar þess kostar:: að kæra þá þingmenn ALLA, sem styðja þetta fjandans göglerí á þeim næstu Lögreglustöðvum, sem næstar eru okkur hverju og 1, piltar.

Nóg komið - af YFIRGANGI þing- og embættismanna kerfisins.

Sæi fyrir mér síðan: að semja mætti við Rússneska Sambandslýðveldið jafnvel, um að þeir Rússar enduropnuðu einhver, hinna gömlu Sovézku Gúlaga (þrælabúða Leníns og Stalíns) til geymzlu fyrir EFTA/EES/ESB liðléttingana hérlendu.

Hvílík landhreinsun / hvílík Heimshreinsun - sem yrði af fjarlægingu hins íslenzka Skíthaugaliðs alþingis, ef verða mætti, Ómar og nafni !

Rakinn Sorphaugalýður: óverðskuldaðra OFUR- launa og alls konar fríðinda, sem þorri alþingismanna og embættismanna kerfisins hafa reynst vera, og hafa fengið að komazt upp með, á undanförnum árum og áratugum ! ! !

Með beztu kveðjum: sem endranær, austur í fjörðu og víðar, af Suðurlandi / 

[Þorsteinn Siglaugsson, 15.5.2019 kl. 16:56]

Ertu í alvöru að líkja orkumálatilskipuninni við þriðja ríkið? Ertu ekki að grínast?

[Óskar Helgi Helgason (IP-tala skráð) 15.5.2019 kl. 17:20]

.... 

Þorsteinn Siglaugsson !

Fjórða ríkið (ESB): er reyndar huglægt, arftaki Þriðja ríkins (1933 - 1945) svo fram komi.

Ráðlegg þér síðan - að lesa þér betur til í Þýzkalands sögu Þorsteinn minn / undirliggjandi yfirdrottnunarsemi inngróin í Germananna, eins og flestir nágranna þeirra geta vottfest:: aftur til Miðaldanna talið a.m.k., ágæti drengur.

Að auki Þorsteinn: er ég að skírskota til þess allra handanna brasks, sem opnazt auðveldega innlendum / sem og öðrum fjárglæframönnum enn frekar, slysaðizt alþingi til þess að opna fyir þessa Skólpgátt, sem III. Orkupakkinn er (að ógleymdum þeim IIII. og V., sem kváðu vera í farvatninu líka).

Minni þig á líka - Orkupakka I og II, frá 2005 - 2006, sem urðu grunnurinn að auka- rukkunarbatteríinu Orkusölunni (frá 2006), og héldum við okkar:: sem fengum RARIK reikningana reglulega t.d., að þeir væru nægir fyrir, svo sem.

Aðeins að skoða hlutina: í heild sinni, Þorsteinn minn.

Ekki - illa meint.

ÓHH 

[Ómar Geirsson, 15.5.2019 kl. 19:03]

Hvernig færðu það út Þorsteinn, ertu ekki að jóka??

En takk fyrir að vera dyggur lesandi.

Kveðja að austan.

[Ómar Geirsson, 15.5.2019 kl. 19:19]

Blessaður Óskar Helgi.

Ekki svo vitlaus hugmynd þetta með Gulagið en það má líka biðja nokkrar konur á virðulegum aldri sem dvelja til dæmis á Grund, að útskýra fyrir þessum krökkum að sumt gerir maður ekki.

Endapunkturinn gæti til dæmis verið að þær lyftu upp vísifingri og segðu; skammist ykkar svo.

Ég held að það séu alveg nógu sterk viðbrögð.

En aðalatriðið er að fólk fatti að sjálfstæði þjóðarinnar ver sig ekki sjálft og eftir nokkra klukkutíma er það í raun horfið, þó við höldum því að nafninu til.

Þegar rökin við landsölu eru þau að landsölufólkið segir, við verðum því við erum hluti af alþjóðlegu samstarfi sem felst í því að samþykkjum allt sem okkur er sagt að samþykkja, þá er ljóst að við ráðum okkar málum ekki sjálf.

Gegn því yfirvaldi dugar ekki andóf, heldur andspyrna.

Stór skref voru stigin í dag á Orku síðunni á feisinu, nafni hennar var breytt úr umræðuhóp í baráttuhóp.

Fólk hefur myndað baráttuhóp af minna tilefni.

Kveðja að austan.

[Kolbrún Hilmars, 15.5.2019 kl. 20:05]

Orkan okkar (baráttuhreyfing) gæti orðið ansi stór stjórnmálahreyfing - þótt aðeins væri eins máls.  Kjósendur eru býsna margir orðnir flokkslausir núna.

[Helga Kristjánsdóttir, 15.5.2019 kl. 20:18]

Afburða pistill og er líka illa svikin breyttist andófið ekki í heiðarlega tilraun til að endurheimta sjálfstæði þjóöarinnar.

[Ómar Geirsson, 15.5.2019 kl. 22:15]

Blessuð Kolbrún.

Ég held að alvara málsins sé slík að mjög margir skeri á tryggðarböndin við flokka sína vegna þessarar landsölu.

Og þá ekki hvað síst vegna þeirra vinnubragða sem mörkuðu alla málsmeðferð ríkisstjórnarflokkanna.

Ég vona að afl myndist, og þessi pistill minn er ákall um það sem ég tel að þurfi að vera til staðar svo það afl verði ekki enn eitt vitleysingaframboðið þar sem persónur og leikendur telji sig æðri tilefninu og tilganginum.

Þetta ákal mitt er að vissu leiti óður til hinna eldri að veita forystu og leiðsögn.

Sjáum hvað setur, vissulega gerist ekkert af sjálfu sér, en það er samt alltí lagi að gera sér vonir um eitthvað sem er mikið betra en ekkert.

Það er jú sjálft land okkar og sjálfstæði sem er undir.

Kveðja að austan.

[Óskar Helgi Helgason (IP-tala skráð) 15.5.2019 kl. 23:03]

Komið þið sæl - á ný !

Ómar !

Þakka þér fyrir: með fullri virðingu fyrir Grundar konum / sem öðrum samborgara okkar er hætt við, að til mjög harðvítugra aðgerða þurfi að grípa gagnvart þessu liði, sem svamlar um Forar vilpur Evrópusambandsins, fornvinur góður.

Gúlaga möguleikann nefndi ég - sem einn fjölmrgra valkosta, hvað geymzlumáta snertir, en öruggt má telja, að Engeyinga söfnuðinn (innan þings: sem utan þess) VERÐUR að gera óskaðlegan, reyni þau að koma III. Orkuplagginu í gegn / og við skulum muna einnig, að þeir Brusselingar og áhangendur þeirra, bíða glottandi, með IIII. og V. plögg sín samsvarandi, í gættini.

Það er jú: tiltölulega þakkarvert Ómar, hversu ört vaxandi hópur landsmanna er að rumska, til hinna viðsjárverðu og alvarlegu þátta, þessarra óhugnanlegu mála - betra seint, en aldrei.

Björn Leví Gunnarsson - sá hinn EINI Píratanna, sem þorað hefur að vera í símasambandi við mig að undanförnu, hringdi í mig:: skömmu fyrir Nón í dag (15. Maí), 2ví stigandi enn, blessaður drengurinn, en viðurkenndi sitt hik og 1/2 velgju félaga sinna (hinna Píratanna) þegar ég byrsti mig við hann, og benti honum á GRAF- alvarleikann, sem fylgdi gæti því, að svíkja núlifandi kynslóðir, sem og hinar ókomnu, í hendur Brussel- Berlínar óþokka gengjanna.

Ég ítreka enn: að mér er fyllsta alvara, með öllum þeim athugasemdum, sem ég hefi sett hér inn á þína mætu síðu, sem og hjá öðrum ýmsum, hér: á blog.is Mbl., þessum ömurleika málum, að lútandi !

Hinar sömu kveðjur - sem aðrar, og áður /

[Júlíus Valsson, 15.5.2019 kl. 23:04]

14 þúsund undirskriftir á fjórum vikum vegna máls sem enginn vissi neitt um og hafði enga skoðun á, er það ekki merki um slagkraft andspyrnu fullveldissinna?

[Óskar Helgi Helgason (IP-tala skráð) 15.5.2019 kl. 23:21]

.... vonum bara Júlíus minn: að þú hafir rétt fyrir þér.

Afleitt: þyrfti að koma til beinna átaka, við græðgis- og svindlara öflin, þó fátt megi víst útiloka, nú: um stundir.

ÓHH

[Ómar Geirsson, 15.5.2019 kl. 23:42]

Ekki í máli Júlíus þar sem fyrstu skoðanakannanir sýndu andstöðu allt að 80% þjóðarinnar.

Sem dæmi þá er öruggt að málaliðar hrægammanna hefðu náð 2 til 3 fleiri undirskriftum til stuðnings ICEsave 3, svipuð hjörð var sendandi inn undirskriftir á árunum eftir Hrun, um hvað man ég ekki í dag, en maður glotti alltaf þegar maður sá hverjir stýrðu hneykslisöldunni.

Þetta eru 20 til 30 þúsunds manns sem þykist vera á móti, en ganga alltaf erinda Brussel og auðsins.

Náir þú ekki að toppa það, þá er betra heima setið en að stað farið.

Það er rosalega erfitt að ná til venjulegs fólks með svona mál, yfirleitt þarf eitthvað utanaðkomandi til að hrista uppí því svo það taki af skarið og taki afstöðu. 

Ekkert slíkt var i farveginum og verður seint fyrr en alvarleiki málsins byrjar að seitla inní budduna, eða það gerist sem ég lýsti hér að ofan.

Út frá því sjónarmiði var þessi undirskriftasöfnun gæfuspor því þegar valdið eða elítan taldi sig ekki hafa neitt að óttast, þá sýndi hún sitt rétta andlit.

Og það andlit á jafnvel eftir að kveikja í skörum svo þau verða sem unglömb á skokki um hagann.

Ef ekki, þá sé ég ekki þá leiðsögn sem þarf til að sætta sjónarmið og sameina þau undir einu afli með einu markmiði, að endurheimta sjálfstæði þjóðarinnar úr höndum skrifræði Brussel veldisins.

Þá er þetta bara end of the game.

Kveðja að austan.

[Pétur Örn Björnsson (IP-tala skráð) 15.5.2019 kl. 23:51]

Sæll Ómar

mig langar bara til að koma hér inn til að þakka þér kærlega fyrir þennan góða pistil þinn og hvatningu til okkar allra sem erum í Orkan okkar, baráttuhópur.  Ég tek undir með þér að það er gott að vita af gömlum jöxlum úr hefðbundinni pólitík í liði með okkur.

[Ómar Geirsson, 15.5.2019 kl. 23:54]

Blessaður Óskar Helgi.

Það er greinilegt að þú hefur ekki upplifað að kona á virðulegum aldri lyfti vísifingri og skammi þig.

En ég hef aldrei í mínútu dregið í efa að þér sé alvara með skrifum þínum og brýningum.

Maður þekkir orginal þegar maður sér slíkan, það vit hef ég þó.

Vona að eitthvað bak við eyrað á Birni Leví hafi rumskað.

Maður hefur sjaldan upplifað eins stórt siðferðislegt gjaldþrot hjá nokkurri hreyfingu eins og hjá Pírötum í þessum máli, eða menn eins og Smára og Helga taka eins stóra gröf til að jarða sjálfa sig í.

Þeir hafa þann heiður að vera skoffín umræðunnar, Evróputrúin, hagsmunir og völd útskýra svo margt hjá hinum flokkunum, en að menn skuli spila sig svona fífl sjálfviljugir, er eitthvað sem þú upplifir ekki oft á ævinni, jafnvel þó þú tækir alkemistann á þetta og lifðir í nokkrar aldir.

Allavega prófaðu að reit hóp eldri kvenna til reiði, ég er viss um að þú kjósir Gulagið næst.

Ef ekki þá skaltu prófa það aftur.

Kveðja að austan.

[Ómar Geirsson, 15.5.2019 kl. 23:55]

Takk fyrir það Helga, og vonum það besta.

Kveðja að austan.

[Ómar Geirsson, 16.5.2019 kl. 00:09]

Blessaður Pétur Örn.

Þetta er nú meira bara svona greining fyrir lesendur mína en hvatning, þær fara fram á öðrum síðum, og ég ítreka að það gladdi mig mjög að sjá að Orkan hefur svissað úr umræðu í baráttu.

Hárréttur tímapunktur eftir að valdið kastaði stríðhanskanum, og lagði til að landið yrði selt.

Ég hef líka breytt orðalaginu mínu og kallað hlutina þeim nöfnum sem lögin nefna slíkt athæfi.

Jafnframt því að þakka fyrir að þeir skyldu hætta þessu japli og hleypa manni út í sumarið.

Ég hélt að þeir myndu samþykkja í dag, og ég gæti skrifað síðasta pistilinn í þríleik mínum, tímaplanið var að gera það í fyrramálið, og leggja út af hinum fleygu orðum goðans, með lögum skal land byggja.

Veit ekki alveg, ætlaði að var pínureiður og skrifa hann eftir landráð landsölunnar, en kannski dugar kaffið í fyrramálið til að kveikja í manni.  Hafa hann tilbúinn á þeirri mínútu sem Alþingi leggur sjálft sig niður sem sjálfstætt löggjafarvald, og játar Brussel valdinu hollustu sína.

Veistu Pétur, ég held að þetta geti jafnvel kveikt í fólki.

En það þarf visku reynslunnar til að það neistaflug verði að einu báli sem hið vanheilaga bandalag stjórnmála og auðs fær ekki slökkt.

Annars er hætt við að þetta koðni fljótlega.

Sjáum til.

Kveðja að austan.

 

 

 

[Óskar Helgi Helgason (IP-tala skráð) 16.5.2019 kl. 00:40]

.... Ómar: jú jú, stundum kom fyrir, að aldnar frænkur mínar (sem og yngri reyndar líka) lásu yfir hausamótum mínum, sem hinna strákanna ýmissa, á uppvaxtarárunum sitt hvoru megin: við 1970, og við verðskulduðum alveg fyllilega, sem við sáum betur og betur, þegar á æfina hefur liðið.

Ekkert að því - að viðurkenna það, enda Tunnuprammasmíðar t.d.- sem og útgerð þeirra oft hin glæfralegasta, í okkar meðförum, Ómar minn.

En: líka vel að merkja, löngu fyrir tilurð hinna stöðluðu Leikskóla hinna seinni tímaskeiða og alls þess, sem þeim hefur fylgt, þó eflaust megi finna einhverja jákvæða punkta um þá, að ekki hefði ég vilja skipta - miðað við það frjálsræði, sem við peyjar hinna fyrri tíma nutum, Austfirðingur vísi.

ÓHH 

[Ómar Ragnarsson, 16.5.2019 kl. 01:04]

Fámennið getur stundum virkað sterkt. Dæmi: 60 menningarnir 1964.  Heilsíðan gegn sölu Grímsstaða á Fjöllum fyrir um áratug. 

[Vagn (IP-tala skráð) 16.5.2019 kl. 01:16]

Ógnarveldið sem féll fjörtíu og fimm rak upphaf sitt til örfárra ruglukolla sem börðust gegn ríkjandi stjórnvöldum. Andspyrnumanna sem töldu sig loga baráttunnar og fóru mikinn. Það er nefnilega svo auðvelt að blekkja fólk til fylgis við eitthvað sem er rangt. Þess eru jafnvel dæmi að menn með kengruglaðar skoðanir reyni að tengja sig við hetjur fyrri tíma. Það áróðursbragð mátti sjá á áróðursspjöldum Hitlers og bloggpistlum Ómars. Og telja má merki um svo veikan málstað að hann stendur ekki óstuddur.

[Ómar Geirsson, 16.5.2019 kl. 07:47]

Blessaður Vagn minn.

Það sem veldur mig mestum áhyggjum um framtíðina er hvað það er lítið vit á bak við tæknina, henni fleygir fram en þeir sem forrita hana hafa einhvers staðar í nörda heimi sínum týnt allri glóru eða það sem má kalla heilbrigða skynsemi.

Við sjáum það til dæmis að láta sér detta í hug að hanna flugvél sem getur ekki flogið ef upp kemur hugbúnaðargalli, og við sjáum það í þróun á algóritmum eins og þér.  Til hvers að útbúa gervigreind sem er svona innilega út úr kú.  Það liggur við að ég haldi að ég meti það rangt hverjir gera þig út, þú virkar meira eins og þú sért hannaður til að skemma fyrir þeim málstað sem allir halda að þú sért að verja.

Ætli það sé búið að gera samning um EES samninginn, að það eigi að koma honum fyrir ætternisstapa??

Svona er ruglandi samtímans, maður er farinn að spá í hlutina með reikniforriti, ætti maður í raun ekki að hafa meiri áhyggjur af því, það er ruglandanum.

Svei mér þá, hvar er hönd á festandi þessa dagana.

Kveðja að austan.

[Ómar Geirsson, 16.5.2019 kl. 08:06]

Takk fyrir innlitið nafni.

Ég sé að þú hefur náð þeirri hugsun sem ég var að reyna að festa á blað enda ert þú í markhópi þessa pistils, maður (konur eru líka menn) á góðum aldri sem býr að reynslu og visku áranna.

Þetta snýst allt um baklandið, sem í þessu tilviki er hinn þögli meirihluti sem er seinþreyttur til vandræða.  En hann hlustar og fylgist með og hann vegur og metur.

Sá tímapunktur var ekki kominn að mínu mati að það mætti búast við að þetta bakland væri orðið að fjöldahreyfingu og þá er ég ekki að vanþakka hið óeigingjarna fórnfúsa starf sem aðgerðahópurinn í Orkan okkar hefur unnið í þessu máli.

Það er forsenda svo margs annars og hefur fætt af sér svo marga vonarneista.

Þess sem ég tel sterkastan faðmlag Öldunga hinna mismunandi flokka og mismunandi sjónarmiða.

Haldist það, þá mun baklandið rumska, og jörð skjálfa.

Hvað er undir??

Forræði þjóðarinnar yfir sínum eigin málum og stöðva í eitt skipti fyrir allt ásælni auðsins í landið okkar, hvort sem það er jarðirnar, hlunnindin, auðlindarnar eins og orkan, náttúruperlurnar, allt sem við eigum en erum að glutra, og munum algjörlega tapa ef ekki er snúist til varnar.

Núna, ekki seinna.

Kveðja að austan.

[Jón Valur Jensson, 17.5.2019 kl. 04:04]

Það er 17. maæi, Ómar. Ekki lítur þetta vel út hjá þér:

"Til dæmis er það eitt versta geymda leyndarmál Norðmanna að sá fjöldi ungra karlmanna sem barðist með ógnarveldinu á austurvígstöðvunum var margfaldur miðað við þann sem þorði að hætta lífi sínu í andspyrnunni."

Hefurðu einhverjar talnalegar heimildir fyrir þessu? Ef ekki, ættirðu þá ekki að þurrka þetta út?

Hvað er illa geymt leyndarmál -- eitthvað sem flestir vita? Hvernig stendur þá á því, vinur minn, að ég "veit" þetta ekki?

[Jón Valur Jensson, 17.5.2019 kl. 04:07]

17. maí !

[Ómar Geirsson, 17.5.2019 kl. 08:28]

Ja segðu mér Jón Valur, það er varla mitt að útskýra fáfræði þína.  Dett kannski einna helst í hug að þú hafir lesið bækurnar um norsku andspyrnuhreyfinguna sem voru mjög vinsælar í den, eftir höfunda eins og Asbjörn Öksendal og fleiri.  Svo var þetta náttúrulega leyndarmál eins og ég sagði samviskusamlega.

En í dag verst geymda því eftir að bókin Rauðbrystingur eftir Jo Nesbø var gefin út um allan heim þá fékk heimur að vita betur, og í kjölfar þeirrar bókar fylgdi umræða um þá glansmynd sem margar þjóðir drógu upp í stríðslok um að þær hefðu verið samhentar í andspyrnu sinni gegn þýska hernámsliðinu.  Staðreyndin var sú að Þjóðverjar voru sigurvegarar, Bretar lamaðir handan Ermasunds og því rökrétt að veðja á þá. Borgarstétt hernumda landa (vestur Evrópu) átti arðvænleg viðskipti við þá, hlutlaus lönd eins og Svíþjóð og Sviss stórgræddu á þýsku hernaðarvélinni, og svo voru nokkur ríki í bandalagi við þá af fúsum og frjálsum vilja, lönd eins og Ungverjaland og Rúmenía.

Um þetta hafa verið skrifaðar margar bækur, haldin mörg erindi, ritað í blöð, en ég er ekki í ritgerðarsmíð, enda er ég að draga upp samsvörun, og dró þess vegna upp þessa mynd; ".. mætti fáum á móti framan af, einhverjir öldungar sem töluðu um sið og hvað væri rétt og rangt, tiltölulega fámennur hópur  aðgerðasinna, stórt bakland í fólki sem ofbauð, en sannast sagna voru miklu fleiri annað hvort meðvirkir eða hreinlega stuðningsmenn".

Svo við víkjum aftur að Noregi í tilefni dagsins, þá var margt sem skýrði þátttöku ungra Norðmanna, jafnt karla sem kvenna, í stríðinu í austri.  Ævintýraþrá, hugmyndafræðileg samsvörun og ekki hvað síst, andkommúnismi, sem var útbreiddur í Skandinavíu eftir hervirki Stalíns í Finnlandi kennt við Vetrarstríð. Fólk virðist oft gleyma að tíminn er línulaga fram á við, og þú tekur ekki sviðsmynd ársins 1945 þegar flestum var ljóst hvað illska hafði grafið um sig í Þýskalandi, og færir hana aftur á bak, þegar fólk upplifði raunveruleikann út frá því sem það vissi í núinu, og byggði á því sem það vissi í fortíðinni.

Þú setur þig ekki í dómarasæti gagnvart þessu ungu fólki út frá því sem þú veist í dag, og það voru fáir í Noregi sem höfðu efni á að dæma það sumarið og haustið 1940, því það voru svo fáir sem fylgdu konung að málum í beinni andspyrnu við hernámsliðið.

En konungurinn og "öldungarnir" kringum hann vissu hvað var rétt og það var eiginlega þeir sem ég hafði í huga þegar ég setti inn heitið á þessum pistli, og leiddi rökfærsluna frá fáum í fjölda.

Og hver væri forsenda þess að baklandið yrði okkar.

En ég veit ekki hvort það er huggun fyrir þig Jón Valur að þá las ég þessar bækur, og í raun hafði ég ekki hugsað út í hina hliðina, hve margir börðust með Þjóðverjum fyrr en ég las þessa bók Nesbø og þá lagðist í ráf um netheima til að staðreyna hvort hann færi rétt með.

Sem hann gerir, og það er jafn rétt hvort sem það er 17. mai eður ei. 

En í tilefni dagsins; Heja Norge.

Kveðja að austan.

[Símon Pétur frá Hákoti (IP-tala skráð) 17.5.2019 kl. 10:20]

Tek undir orð þín Ómar, enda lesið talsvert um þessi mál.  Andspyrnuhreyfing Norðmanna var mjög fámenn í byrjun og átti undir högg að sækja.  Fleiri kusu að ganga til liðs við Þjóðverja.  Þannig var það framan af stríðsins.  Íslendingar  eru sem Norðmenn seinþreyttir að bregðast við leppum og kvislingum erlends valds.

[Jón Valur Jensson, 17.5.2019 kl. 12:06]

"... því það voru svo fáir sem fylgdu konungi að málum í beinni andspyrnu við hernámsliðið." (Ómar)

En ég bað þig um tölulegar heimildir fyrir fjölda þeirra ungra karlmanna sem barðist með ógnarveldinu (nazista) á austurvígstöðvunum og þú segir hafa verið  margfaldan miðað við þann sem þorði að hætta lífi sínu í andspyrnunni.

Það er ekki ýtarlegt svar við spurningunni að vísa bara í þessa bók eftir Nesbø. Fylgja mega uppl. um tímabilið, sem þú átt við um baráttu sumra norskra með nazistum gegn Sovétmönnum. 

Svo eru orð Símonar Péturs um fámenni andspyrnuhreyfingar Norðmanna í byrjun ekki sanngjörn -- og setning hans: " Fleiri kusu að ganga til liðs við Þjóðverja," ekki studd heimildum.

[Jón Valur Jensson, 17.5.2019 kl. 12:08]

Já, og ekki voru þau heldur sanngjörn né sönn þessi orð þín um fylgisleysi við andspyrnu Hákonar konungs. Hann og Ólafur krónprins eiga annað og betra skilið fyrir hetjulega andspyrnu sína.

[Ómar Geirsson, 17.5.2019 kl. 13:13]

Nei þannig virka hlutirnir ekki Jón Valur, ég er ekki kennari.

Það sem ég set fram í pistlum mínum tel ég mig nokkurn veginn vita, en get alveg leiðrétt sjálfan mig ef mér er sýnt fram á annað.  Það hvarflar ekki að mér að eltast við allar athugasemdir þar um því þá væri mjög auðvelt að lama svona blogg.  En dragi menn upp úr kanínuhatt sínum upplýsingar sem ganga gegn minni mínu, þá athuga ég það auðvitað.

Og þér að segja Jón Valur þá er það ákaflega sjaldan sem menn hafa haft erindi sem erfiði í gegnum tíðina.

Síðan er algjörlega óþarfi hjá þér að taka Vagn á þetta með því að snúa hlutunum á hvolf.

Hugsunin frá fáum til fjöldans er einmitt óður til Hákonar Noregskonungs því hann var mér ofarlega í huga þegar ég ákvað að taka þessa nálgun til að útskýra að lítið beint fylgi við góðan málstað væri eitthvað sem sagan þekkti mörg dæmi um.

En Hákon steig skref sem lagði drög að andspyrnu sem var betri en engin fyrir bandamenn, gæfumunurinn var að sá hluti norska hersins sem slapp undan hernámi Þjóðverja fylgdi konungi sínum en ekki kvislingum.  Hér á Íslandi var til dæmis norsk fjallahersveit vaskra manna og Norðmenn áttu drjúgan þátt í að manna kaupskip á stríðstímanum.  Svo er það eyðilegging þungavatnsverksmiðjunnar, eftirlit með þýska flotanum, upplýsingar um kafbáta og svo framvegis.

En það breytir ekki þátttöku þúsunda ungmenna í stríðinu með Þjóðverjum á austurvígstöðunum. 

Og mikill má sá stallur vera hár sem fordæmir án þess að setja sig í spor þeirra þegar þeir tóku þá ákvörðun.

Á þessum tíma var heimurinn ekki svarthvítur.

Kveðja að austan.

[Jón Valur Jensson, 17.5.2019 kl. 15:20]

Máttir bæta þarna við ágæta upptalningu þína: Björgun norska gullforðans frá hernámsliði nazista, svo að segja fyrir framan nefið á þeim.

[Ómar Geirsson, 17.5.2019 kl. 19:21]

Já, já, ég get lengi haldið áfram að telja upp.

En ef maður hugsar þetta aðeins dýpra, þá var einbeittur vilji norsku útlagastjórnarinnar eiginlega það fyrsta sem Churchill gat reitt sig á. 

Við sjáum hann alltaf sem sterkan, óumdeildan leiðtoga, en guð minn góður hvað var grafið undan honum frá fyrsta degi.  Sterk öfl vildu sætta sig við yfirráð Þjóðverja á meginlandinu, og ef eitthvað mynda bandalag við Þjóðverja um að herja á bolsévika í austri.  Ef Þjóðverjar hefðu ekki gert griðasamninginn við Stalín, þannig að það sem slíkt var ekki augljós möguleiki, að þá veit maður ekki hvort Churchil hefði haft stuðning eftir ófarirnar við Dunkirk.  Svipuð öfl sundruðu til dæmis mótspyrnu Frakka svo þetta mesta herveldi Evrópu (það er 1940) beið hraklegan ósigur. 

Það voru nefnilega sterkir einstaklingar, komnir á aldur, það er öldungar, sem gáfu unga fólkinu tóninn um andspyrnu, miðaldra fólkið, þetta sem ræður, vildi semja, vildi aðlaga, vildi innleiða orkupakka þessa tíma.

Ég hef lesið gagnrýni á Hákon, að hann hefði leitt mikla óvissu yfir þjóð sína, og flótti hans hefði kostað mörg óþörf mannslíf (norskra hermanna sem vernduðu konung sinn), hann hefði frekar átt að taka Kristján Danakonung á þetta, og gefast upp og dvelja með sinni þjóð.  Ef sú andspyrna hefði verið viðmiðið þá hefði þúsundaára ríkið allavega staðið lengur en í 12 ár, það eitt er víst. 

Og einmitt sú hugsun að berjast, að andæfa þó ekkert nema ósigurinn blasi við, það er líklegast skýring þess að Bretum tókst að bjarga her sínum yfir Ermasundið, ásamt hluta af franska hernum.  Vegna þess að Belgar vörðust, þó barátta þeirra væri vonlaus, en þeir vörðu Antwerpen og töfðu fyrir framsókn meginhers Þjóðverja á meðan Bretar skipulögðu flóttann yfir sundið.

Margir dóu í þeirri vörn, en lögðu kannski grunn af sigri seinna meir.

Þessa hugsun er ég að reyna að koma til skila hér að ofan, og ég sá að það tókst að hluta, athugasemd Helgu gladdi mig mjög, og nafni minn var fljótur að kveikja.

Svona pistlar, ef þeir eru vel heppnaðir, geta aldrei gert neitt annað en að kveikja hugrenningatengsl, svona eitthvað sem fer bak við eyrað.  Ef þú ætlar að ná að halda utan um öll rök málsins, og fá lesendur þína til að fókusa á það sem þú telur skipta máli, þá dugar varla bókin til.  Þetta er það margþætt að það er erfitt að gera því góð skil nema í samræðu þar sem hugmyndir og rök ganga á milli.

Þess vegna kasta ég upp myndum, og leiði eitt að öðru, frá einu til annars.

En tilgangur minn var alls ekki sá að móðga minningu Hákons Noregskonungs, hann er dæmi um öldung sem breytti rétt.

Og ég ákalla aðra um að gera slíkt hið sama.

Kveðja að austan.

[Jón Valur Jensson, 18.5.2019 kl. 00:40]

Jæja, þetta fór betur hér en á horfðist!

Góða helgi, vinur, og brýndu menn til dáða með morgninum: að mæta á útifundinn kl.14.

[Óskar Helgi Helgason (IP-tala skráð) 18.5.2019 kl. 13:23]

Komið þið sæl - á ný !

Ómar !

Ég má til: að senda þér / og öðrum þátttakendum í umræðunni það, sem ég lagði inn á síðu Jóhanns Stýrimanns Elíassonar, þess mæta drengs, í gær og núna, fyrir stundu, til ákveðinna auka upplýsinga. Mbkv, sem endranær :

17.5.2019 | 17:41

ÞETTA PÍRATALIÐ ER ALVEG ÓTRÚLEGT Í "TVÍSKINNUNGNUM" SÍNUM............

Þetta lið hefur verið óþreytandi í að tala um spillingu og að ALLT þurfi að vera uppi á borðinu, það verði að gera siðareglur um allt mögulegt og ómögulegt.  ÞAU ER SJÁLFSKIPAÐIR "RIDDARAR RÉTTLÆTISINS". Svo þegar þau "falla" sjálf á SIÐAREGLUNUM, þá á ekkert að fara eftir þeim og segja að allt málið sé byggt á misskilningi.  OG SVO ER ÞAÐ ALVARLEGASTA AÐ EINHVERJIR ÆTLA VÍST AÐ KJÓSA ÞETTA LIÐ.  ÆTLI ÞÓRHILDUR SUNNA SÉ EKKI BÚIN AÐ SJÁ TIL ÞESS AÐ VIRÐING ALÞINGIS MINNKI ENN FREKAR OG MÁTTI ALÞINGI EKKI VIÐ ÞVÍ..........

Ósammála niðurstöðu siðanefndar

Ábyrgðarmaður færslu

Tilkynna um óviðeigandi tengingu við frétt

Flokkur: Stjórnmál og samfélag | Breytt s.d. kl. 20:12 | Facebook

« Síðasta færsla

Athugasemdir

1

Þau vita, eins og Georg Bjarnfreðarson, að ef maður gerir eitthvað af sér er það ekki manni sjálfum að kenna, heldur er það allt bara misskilningur.

Siðareglur? Þær gilda um alla hina. Ekki um Þórhildi þunnu.

Þorsteinn Siglaugsson, 17.5.2019 kl. 19:33

2

Já, satt segirðu Þorsteinn.  Annars er ég alveg steinhissa á því að "GILITRUTT" hafi ekki fengið "OFANÍGJÖF" fyrr, næg hafa tilefnin verið.....

Jóhann Elíasson, 17.5.2019 kl. 20:07

3

Sæll Jóhann Stýrimaður - sem og aðrir gestir, þínir !

Jóhann og Þorsteinn !

Þrátt fyrir: margvíslega vankanta Þórhildar Sunnu / sem og þeirra Píratanna yfirleitt gerir ekki stórt til, þó flett sé ofan af amlóðum, eins og Ásmundi Benzínþjófi Friðrikssyni.

Það er nefnilega líkt á komið með Ásmundi - sem og öðrum kunnum slöttólfi:: Steingrími J. Sigfússyni, að þeir báðir 2 ættu að sæta FYLLSTU rannsóknum, á misbeitingu fjár, úr sameiginlegum sjóðum okkar, allra.

Ásmundur er einn þeirra þingmanna: sem slær úr og í, í alls lags yfirlýsingum sínum:: sbr. framkomu hans við þroskaheft fólk, hvað varðar bættar aðstæður þess, á Suðurnesjunum t.d., auk þess, sem tvískinnungur hans og roluskapur gagnvart leiðréttingum á kjörum aldraðra, sem Jóhanna Sigurðardóttir og Steingrímur J. röskuðu verulega, á árunum 2009 - 2013, eru löngu kunn, að þá ÞORIR Ásmundur ekki með nokkru móti, að setja sig upp á móti grægðgis fíflinu Bjarna Benediktssyni og gæðinga liði hans, enda teldi Ásmundur líklegast Helvítisvist sér til reiðu, opnaði hann sitt falska gin FYRIR ALVÖRU, til stuðnings þeim, sem lakast standa, á þessu ört hrörnandi landi, piltar.

Steingríms þáttur - er ekki síður ógæfulegur, talandi um búsetu svindl hans, upp á Tugi Milljóna Króna (óframreiknað: meira að segja) milli Þistilfjarðar og Reykjavíkur, síðan Vorið 1983, ekki síður.

Píratana: Þórhildi Sunnu meðtalda, má jú:: að SÖNNU skamma rækilega, fyrir fylgispektina við braskara væðinguna STÓR- auknu, sem upp kæmi í landinu, með samþykkt III. Orkupakkans, hefi ég hnýtt rækilega í þau Píratana, sem fram kemur hér neðar, m.a. :

  Frá: Óskar Helgi Helgason <[e-mail]>

Sent: föstudagur, 17. maí 2019 13:03:52
Til: Þórhildur Sunna Ævarsdóttir; Björn Leví Gunnarsson
Afrit: Jón Þór Ólafsson; Helgi Hrafn Gunnarsson; Smári McCarthy; Halldóra Mogensen; Pall Vilhjalmsson;[e-mail]; Skandall.is; RUV - frettastofa utvarps; Stöð 2; Morgunblaðið - Fréttir; [e-mail]; Fréttablaðið
Efni: Kúnstug viðbrögð; hinnar svokölluðu Siðanefndar alþingis, varðandi Ásmund Friðriksson Benzínþjóf

 

 

                                                                    Hveragerði 17. Maí 2019

Þórhildur Sunna; svo og Björn Leví, sem aðrir Píratar !

Þarna sjáið þið í sjónhending; fyrir hvers lags Ormagryfju þið starfið.

Hið gegnum rotna alþingi; hefur allar götur frá hinni slysalegu endurreisn þess árið 1845, verið Íslendingum til stórra tjóna einna / siðferðilega:: og þá ekki sízt fjárhagslega, sem á daginn er löngu komið, sé stigmögnun OFUR- launa þingmanna skoðuð, hin seinni árin, í réttu ljósi, t.d.

Það þarf jú; all sterk bein, til þess að þola góða daga, viðtakendur þessa litla póstkorns.

Ásmundur Friðriksson hefur að sönnu; dregið sér stórar fúlgur fjár, í skjóli Fjársýzlu ríkisins, undir handarjaðri Helga Bernódussonar, hins svo kallaða skrifstofustjóra þingsins en, ................... þurfa meðlimir Blaðamannafélags Íslands ekki líka, að fara að kafa ofan í gripdeildir annarrs alræmds peninga plokkara, sem setið hefur þingið, allar götur frá Vorinu 1983:: Steingríms J. Sigfússonar, einnig ?

Jú; jú, Björn Leví Gunnarsson viðurkenndi fyllilega, í símaspjalli við mig í fyrra (2018) eitt skiptið, að feril Steingríms J. þyrfti að taka fyrir, ekki síður en Ásmundar Friðrikssonar scandalana.

Þá; bíða landsmenn þess enn, að Jón Þór Ólafsson fari að garfa í sóðaskap Kjararáðsins sáluga , frá Október 2016, hvað Tuga % hækkanirnar til þingmanna, sem og ýmissa burgeisa embættismanna kerfisins snertir, ekki síður.

Kannski; þessi kostulega afhjúpun hræsni, hinnar for- kostulegu Siðanefndar alþingis verði nú jafnvel til þess líka, að þið þingmenn Pírata, sem runnið hafa á ykkar bakhluta, í fylgispektinni við III. Orkupakka æfintýri Engeyinganna (Bjarna Benediktssonar / Björns Bjarnasonar og Heiðars Más Guðjónssonar, tengdasonar Björns Bjarnasonar, alræmds braskara, sem kunnugt er landsmönnum / eða:: ætti að vera það) komið nú til með að endurskoða Píratanna afstöðu, og standið með samlöndum ykkar í þeirri baráttu, í stað þess að verða teymdir af gróða lýð, hinna svo kölluðu stjórnarflokka ?

Það eitt; myndi stórum auka hróður ykkar Pírata - ekki veitir ykkur af, því álitið á ykkur: hér, úti á landsbyggðinni, er alveg niður við frostmarkið, nú um stundir:: ykkur, að segja.

Ætti Þórhildur Sunna að víkja af þinginu; til þess að þóknast spillingar dreggjum íslenzks samfélags, ættu þeir Ásmundur Friðriksson og Steingrímur J. Sigfússon fyrstir allra, að fá fría ferð, úr þingsölum.

Ykkur öllum að segja; hvílir einhver viðbjóðsleg bölvun, yfir þessum húskumbalda (frá 1881) suður við Austurvöll í Reykjavík, sem kannski er ekki á færi annarra, en hinna víðkunnu Vúdú galdrameistara sunnan frá Afríku og eyjanna í Karabízka hafinu, að greina, og rannsaka.

Ekki einleikinn; ömurleikinn, sem þessari byggingu fylgir / og hefur fylgt: í gegnum tíðina.


Óskar Helgi Helgason
Sölumaður sérhæfðra verkfæra til Málmsmíða / til Sjávar og sveita

Gsm :  618 5748

Verður fróðlegt að sjá: Jóhann Stýrimaður og Þorsteinn Siglaugsson, ykkar viðbrögð, við þessum látlausa og hógværa ritlingi mínum, til alþingismanna og annarra þeirra, sem að málum koma.

Tek fram - að ég mun ÁKÆRA hvern þann þingmann Suðurkjördæmis, sem myndi styðja tilkomu III. Orkupakkans piltar, á Selfysszku Lögreglustöðinni, enda, ............ LÖNGU TÍMABÆRT, að ofur- launaðir þingmenn þessa lands, geri sér grein fyrir, í hvaða voða þeir stefna núlifandi / sem og komandi kynslóðum, með því að SELJA enn eina Gullgæs Íslendinga, í hendur EFTA/EES/ESB samsteypunnar - munum allir: tilkomu Orkupakka I og II árin 2005 - 2006, sem ruddu brautina, fyrir Orkusölu skrípið:: enn 1 rukkunar batteríð hér / flestir hugðu nægja RARIK og Orkubú Vestfjarða fyrir, en útþenzlu græðgi og okurs, virðist engin takmörk sett ! ! !

Með kveðjum: engu að síður, af Suðurlandi /           

Óskar Helgi Helgason (IP-tala skráð) 17.5.2019 kl. 21:17

4

Gilitrutt kann ekk mannasiði rétt vel, neitt frekar en nafna hennar 

Þorsteinn Siglaugsson, 17.5.2019 kl. 21:18

5

Óskar Helgi, ekki get ég skilið hvers vegna þú telur þig knúinn til að verja þetta Píratalið.  Þau hafa sýnt það svo ekki verður um villst að þetta er "drullulið" sem telur allt og alla í kringum það eigi að fara að stífum reglum nema þau sjálf og ef þeim verður á þá eiga REGLURNAR EKKI VIÐ UM ÞAU.  Þó að Gunnarstaða Móri sé bölvaður drullusokkur og einhverjir fleiri, þá réttlætir það EKKI hvernig þetta Píratadót vinnur eða réttara sagt hvernig það hagar sér.......

Jóhann Elíasson, 17.5.2019 kl. 22:13

6

Þorsteinn mér finnst alveg furðu sæta að hún og Björn Leví skyldu ekki vera vítt þegar þau stilltu sér upp sitt hvoru megin við þingmann, sem var í ræðupúlti Alþingis.........

Jóhann Elíasson, 17.5.2019 kl. 22:17

7

Sælir -  sem jafnan !

Jóhann Stýrimaður !

Því fer víðs fjarri: að ég sé að verja þau Píratana / heldur og: þvert á móti, eins og ég gef til kynna, í tilskrifi mínu í dag, til þeirra og fleirri, eins: og fram kemur hér að ofan, fornvinur góður.

Virðing alþingis: hafi einhvern tíma örlað á henni í hugum einhverra, er LÖNGU FYRIR RÓÐA Jóhann minn, svo ekki þurfum við að skattyrðast um hana, en á móti kemur, að hugmyndafræðilega myndi ég ALDREI fyrirgefa þeim Pírötum / né NEINUM öðrum, sem atkvæði kynnu að greiða, með III. Orkupakka Engeyinganna, og þess slúbberta liðs, sem þeim fylgir að málum, Jóhann Stýrimaður.

Og - gildir þá einu öldungis, hverjum flokki tilheyrðu / eða tilheyrðu ekki, Jóhann minn.

Það er MJÖG ALVARLEGT: eigi að fara að gefa okur- og græðgis öflunum, innan sem og utan alþingis einhverjar frjálsar hendur, með NAUÐSYNJAR, eins og Rafmagn - hvað þá Heitt og Kalt vatn, sem hverjar aðrar neyzlu vörur: yfirleitt.

Ég hygg vera - að um það MEGINATRIÐI séum við sammála, ekki satt ?

Varðandi Orkupakka III t.d.:, bíður tengdasonur Björns Engeyings Bjarna sonar, hinn alkunni braskari, Heiðar Már Guðjónsson færis, á sinni hliðarlínu, FROÐUFELLANDI í hömlulausri GRÆÐGI sinni eftir, að hann og vinir hans:: innlendir sem og erlendir, geti farið að valza um Virkjana svæðin, til höndlunar á SAMEIGINLEGUM eignum okkar landsmanna - það 1 vitum við báðir fyrir víst, Jóhann Stýrimaður ! ! !

Ég ítreka enn - að þau þeirra Píratanna, sem kynnu að fylgja óskapnaði Orkupakka nr. III (hvað þá þeirra: nr. IIII og V), sem og aðrir þingmenn, ættu að sæta HÖRÐUSTU refsingum fyrir það ódæði, gagnvart núlifandi kynslóðum í landinu / ekki síður en afkomendum okkar - hinna næstu og komandi kynslóða framtíðarinnar ! ! !

Getur afstaða mín: verið öllu skýari, fornvinur góður ?

Nei - ég hélt ekki vera.

Með sömu kveðjum - sem fyrri, að sjálfsögðu / 

Óskar Helgi Helgason (IP-tala skráð) 17.5.2019 kl. 23:07

8

.... afsakið: skýrari, átti að standa þar.

ÓHH

Óskar Helgi Helgason (IP-tala skráð) 17.5.2019 kl. 23:23

9

Nokkrar myndir: frá Hersýningu Rússa í Moskvu, þann 9. Maí s.l., í tilefni Sigurdagsins mikla, á herjum Þriðja ríkisins og fylgjenda þess (utan Japana) - fyrirennara þess Fjórða (núverandi Evrópusambands).

Leita mætti eftir liðsinni Rússneska Sambandslýðveldisins / arftaka Austur- Rómverska ríkins (síðan 29. Maí árið 1453), þyrftu Íslendingar að leita frekara skjóls, undan ásælni Brussel - Berlínar öxulsins, eitthvað frekar.

Einnig: nokkrar samsvarandi myndir, frá Belgrad í Serbíu :

 

Austur til Taíwan (Lýðveldisins Kína): mætti ekki síður sækja styrk, þó seint muni Íslendingum fyrirgefazt, að hafa snúið baki við Kúómingtang hreyfingunni þar eystra 1971, með upptöku samskiptanna, við Peking stjórn Maós, og hans liðs illu heilli: reyndar.

Sömu kveðjur - sem endranær / 

Óskar Helgi Helgason (IP-tala skráð) 18.5.2019 kl. 01:04

10

Ég biðst afsökunar á fljótfærninni, en ég hef greinilega verið nokkuð fljótur á mér þegar ég las fyrsta innslagið frá þér Óskar Helgi.  En eins og ég sagði, í bloggfærslunni, þá verður þetta atriði hjá Þórhildi Sunnu sennilega til að MINNKA VIRÐINGU ALÞINGIS ÚR 18% (að mig minnir) NIÐUR Í 5% (eða minna) og má nú Alþingi ekki við því......

Bestu Kveðjur af Suðurnesjunum.

Jóhann Elíasson, 18.5.2019 kl. 05:07

11

Sælir á ný - æfinlega !

Jóhann !

Mætti ég: leiðrétta þig aðeins, ágæti fornvinur ?

Þessi manngerði Mykjuhaugur - alþingi, nýtur ENGRAR virðingar (0 %) nokkurrs hugsandi manns, Stýrimaður góður.

Sjáðu vinnubrögðin á þessu liði: í gegnum tíðina !

Megin- hugsjón ALL- flestra þingamma, er að telja upp úr sí- þykknandi launaumslögum ÞEIRRA SJÁLFRA, um hver mánaðarmót / ég held, að það fari ekki fram hjá nokkrum manni, með óbjöguð skynfærin Jóhann minn.

Meðal annarra orða: ertu ekki ánægður með myndsendingar mínar, frá hinum Hernaðarlegu hátíðahöldum, í Moskvu og Belgrad, þann 9. Maí s.l. ?

Aðeins að styrkja hugmyndina - um SJÁLFSAGÐA íslenzka hjálparbeiðni þangað austur eftir, reyni Engeyinga óskapnaðurinn að koma á ENN FREKARI Terror isma hérlendis, en nú þegar er orðinn, fornvinur góður.

Beztu kveðjur sem fyrr: til Suðuenesja sem og víðar, um grundir / 

Óskar Helgi Helgason (IP-tala skráð) 18.5.2019 kl. 12:47

 

 

[Ómar Geirsson, 18.5.2019 kl. 13:36]

Takk félagar.

Jón Valur, það er gert á öðrum vettvangi, það er lítil hreyfing hér á Moggablogginu þegar pistlað er um þetta mál, ef maður pistlar um Báru, þá er umferðin þrisvar sinnum meiri. 

Ég á aðeins einn pistil eftir, og það er um niðurstöðuna, sem ég vil fá að kalla því nafni sem hún er.

Ef sá pistill, sem ég á eftir að semja, er lesinn í samhengi við næstu 2 á undan, það er þennan og Sigurð Inga, þá er komin heild sem ég vil láta standa fram eftir sumri, enda næstu atburðir fyrir utan míns áhrifavalds. 

Treysti á að gott eldra fólk leggi bökin saman í einn andspyrnuhóp, því land sem gefur frá sér forræði orkuauðlinda sinna, er ekki sjálfstætt land.

Samningur sem krefst skilyrðislausrar hlýðni því annars hafið þið verra af, er ekki samningur, heldur eitthvað allt annað af ætt kúgunar og yfirgangs.

En við sem búum fjarri hringiðunni tökum ekki þátt í þeim gjörningum öllum.

Óskar Helgi.

Haltu áfram að skamma þessa andskota, Björn Leví afhjúpað sig sem fáráð umræðunnar með grein sinni í Morgunblaðinu í fyrradag. Fáráð því ég held að hann hafi trúað þessu sjálfur.

En á meðan er það kveðjan.

Að austan.

[Óskar Helgi Helgason (IP-tala skráð) 18.5.2019 kl. 19:56]

.... Ómar !

A.m.k.; virkar afstaða Björns Levís til þess, eins og hann sé 1/2 partinn úti á þekju í umræðunni.

Eins - og hann átti sig ekki fyllilega á ALVÖRU þessarra mála, frekar en flest hinna Píratanna, ekki síður.

Sjáum: hvað setur, þingmennirnir 63 verða að gera sér grein fyrir, að það er fullkomið Borgarlegt leyfi til, að taka þá úr umferð hvar sem til þeirra næst:: þá þeirra, sem greiða III. Orkupakkanum atkvæði, verandi með pakkana nr. IIII og V í farvatninu, að auki.

Spurning - hvað Fjórða ríkið (Evrópusambandið / ACERingar) hefur náð, með hjálp Engeyinganna hérlendu, að véla mikinn hluta mannskaparins á þinginu til fylgis við sig, með hreinum og klárum MÚTUM, eða einhverju öðru, sem okkur hinum er um megn að sjá, á líðandi stundu ?

ÓHH 

[Ómar Geirsson, 18.5.2019 kl. 23:45]

Blessaður Óskar.

Það er svo sem sjónarmið að kalla viðrini umræðunnar að þau séu út á þekju, og mér væri það að meinalausu ef um væri að ræða alvöru atburði eins og að greiða atkvæði í Eurovisjón, en þegar landsala er annars vegar, þá eru hlutirnir eins og þeir eru.

Og ég ítreka að ég bæði skil sjónarmið valdflokkanna og hvernig þeir leggja upp málatilbúnað sinn.  Ef ég kysi að selja sálu mína, þá myndi ég líklegast sjá þennan varnarflöt á málinu, að pólitískar yfirlýsingar séu ígildi fyrirvara, í trausti þess að nógu mörg fífl þarna úti myndu kaupa órökin.

Og ég skil Samfylkinguna og Viðreisn, þau eru eins og kommarnir í gamla daga, join með góðu eða illu.

En meintur andófsflokkur sem tekur þann pólinn að fyrirvari, hversu nafni hann nefnist, sé óþarfi, það er skoffín.

Og svo ég láti það eftir mér Óskar Helgi að nota orðalag sem þú notar stundum, hreinn viðbjóður.

Lægra hefur ekki verið lagst í ellefu hundrað ára sögu þessarar þjóðar, svo einfalt er það.

Sem reyndar er afrek út af fyrir sig.

Kveðja að austan.

[Óskar Helgi Helgason (IP-tala skráð) 19.5.2019 kl. 01:09]

Komið þið sæl - sem oftar !

Ómar !

Þakka þér fyrir: mér sýnist, sem við lesum á áþekkan máta í þær línur allar, sem fyrir liggja, í þessum alvarlegu málum.

Við höldum áfram - að fylgjast með framvindu, sem flestir annarra landsmanna / fjarri því útséð með málalyktir, eins og gefur að skilja.

Með beztu kveðjum: sem öðrum og fyrri /