Eftir Hrun.

 

Er algeng afsökun fyrir aðgerðarleysi og niðurbroti, hvort sem það er almannaþjónusta, innviðir eða annað.

Það veit enginn hvað hefði gerst er það hefði kviknað í á skólatíma en besta leiðin til að rýma húsnæði þar sem fjöldi dvelur við nám og starf, er EKKI að kenna á flóttaleiðum.

Og vandinn tengist ekki Sjálfstæðisflokknum eða frjálshyggju hans eins og góða fólkið talar alltaf um þegar það er að snapa atkvæði fólks sem telur sig vera jafnaðar og félagshyggjufólk, mannvini eða annað.

Vandinn er skýr; "Hann tek­ur þó fram að vissu­lega hafi allt viðhald á hús­inu dreg­ist líkt og í allri Reykja­vík­ur­borg eft­ir hrun.".

 

Góða fólkið er nefnilega samdauna kerfinu og hugmyndafræði þess eins og sést núna á stuðningi þess við markaðsvæðingu orkuauðlinda þjóðarinnar sem til skamms tíma var aðeins draumsýn Friedmanista.

Pólitík þess er tvennskonar. 

Það þykist vera gott, og svo skammast það í íhaldinu.

Aðferðafræði þess er upphlaup og froðusnakk.

Glæpur þess að á meðan það kemst upp með þetta, þá ógnar enginn kerfinu, og smán saman verður samfélagið hannað eftir villtustu draumum Friedmans og Hayek, um alræði auðsins og markaðsvæðingu alls.

 

Það er nefnilega pólitík að borga vexti á vexti ofan en láta allt grotna niður.

Munum að við erum búin að greiða hundruð milljarða í óþarfa vexti frá Hruni vegna tilbúinna skulda, sem og vegna vaxtastigs sem þjónaði þeim eina tilgangi að sjúga fjármuni frá einstaklingnum og samfélaginu í vasa auðsins.

Það er pólitík að nústilla hina verðtryggðu krónu þannig að hún upphefur einkaneyslu á kostnað samneyslu. Svo dæmi sé tekin þá fara tugarþúsunda gamalmenna til sólarlanda í rauðvínssæluna, en því finnst ekki eins gaman þegar það býður sárkvalið á biðlistum spítalanna sem eru að hruni komnir vegna langvarandi fjársveltis sem alltaf er afsakað með Eftir Hrun.  Eða það megi ekki setja nauðsynlega fjármuni í innviðina því þá fer verðbólgan af stað.

Það er pólitík að yfirfylla allt af reglugerðum því það hyglar stórfyrirtækjum og er til höfuðs hinu smá og fagra í samfélaginu. Gróskunni og gróandanum.

 

En gegn þessari markaðshyggju Friedmanistanna fer enginn.

Hið borgaraleg íhald fattar ekki að þetta er ræningjakapítalismi, og það er í eðli ræningja að ræna þá sem eitthvað eiga.

Góða fólkið á mála hjá auðnum, sér til þess að engin skipulögð andstaða fái þrifist.

Feigðarósinn, þar sem við erum öll þrælar auðsins, í alræði hans, blasir við.

Allt er falt fyrir peninga, sameignir okkar, auðlindir, almannaþjónusta, allt.

Allt er gert að féþúfu Örfárra.

 

Og þó, það er rangt að segja að það fer enginn gegn þessu.

Hin fyrirhugaða markaðsvæðing orkuauðlinda þjóðarinnar undir leiðsögn hins frjálsa regluflæðis Evrópusambandsins hefur vakið margan borgarlegan íhaldsmanninn af værum blundi.

Hann sér mygluna og grámann sem er að leggjast yfir hið borgaralega samfélag okkar.

Þetta á ekkert skylt við það samfélag sem hann taldi sig lifa í áður en hann lagðist á koddann, peningar hafa stolið flokknum hans og eru núna að stela auðlindum og sjálfstæði þjóðarinnar.

 

Andóf þessa borgaralega íhaldsmanns, ásamt andófi leifanna af vinstri og félagshyggjufólki hefur náð til almennings svo kaupin á eyrinni ætla ekki að ganga eins auðveldlega í gegn eins og peningarnir hugðu.

Því krakkarnir og einfeldningarnir hafa lítið í fullorðið fólk að gera í rökræðunni.

Og fólk hlustar.

 

Það má vera að peningarnir nái sínu í gegn á þingi í vor, en það verður þeirra Pyrrhosarsigur.

Því sá sigur vinnst á rústum hinna borgaralegu flokka, og rústum þeirra mun myndast afl sem mun endurheimta sjálfstæðið, forræðið og almenning.

Að sverfa til stáls gegn þjóð sem er að vakna af dvala og lýtur leiðsögn fullorðins fólks, er ekki skynsamlegt, krakkaherinn og einfeldningarnir munu lítið hafa í hana að gera.

Og viðrini góða fólksins hafa aðeins vægi á meðan þjóðin sefur.

 

Eftir Hrun og helv. íhaldið mun ekki virka til lengdar þegar góða fólk hefur stjórnað nokkur kjörtímabil.

Ræningi með grímu fyrir andlitið mun ekki til lengdar ná að sannfæra fórnarlömb sín að þetta sé frjáls viðskipti og borgarlegur kapítalismi.

Aðeins meðan fólk sefur.

 

Og fólk mun vakna þegar orkupakkinn verður samþykktur.

Þá er of seint að sættast.

Kveðja að austan.

 

 

 

Heppni að eldurinn kom ekki upp á skólatíma

Athugasemdir

[Pétur Örn Björnsson (IP-tala skráð) 13.5.2019 kl. 11:07]

Takk fyrir þessa frábæru samantekt. 

Heils hugar sammála hverju orði.

[Ómar Geirsson, 13.5.2019 kl. 11:40]

Takk fyrir það Pétur.

Kannski hafði ég þig í huga og annan ónefndan þegar ég setti þennan spádóm inní netheima;

"Það má vera að peningarnir nái sínu í gegn á þingi í vor, en það verður þeirra Pyrrhosarsigur.

Því sá sigur vinnst á rústum hinna borgaralegu flokka, og rústum þeirra mun myndast afl sem mun endurheimta sjálfstæðið, forræðið og almenning.

Að sverfa til stáls gegn þjóð sem er að vakna af dvala og lýtur leiðsögn fullorðins fólks, er ekki skynsamlegt, krakkaherinn og einfeldningarnir munu lítið hafa í hana að gera.

Og viðrini góða fólksins hafa aðeins vægi á meðan þjóðin sefur.".

Að á rústum hinna borgarlegu flokka myndist nýtt sjálfstæðisafl sem ræðst í aðeins einn hlut.

Endurheimta landið okkar, úr regluhít Evrópusambandsins og þeirri Friedmansku hugmyndafræði sem öllu þar tröllríður, og úr höndum peningamannanna sem allt hafa keypt, þar á meðal hin hefðbundnu stjórnmál.

Bíðum og sjáum til, enginn sáttartónn er við sjónarröndina og Miðflokkurinn er ekki svarið, hann hefur ekki haldið sömu línu í stjórn og stjórnarandstöðu, í raun ekki vitað hvort um atkvæðaveiðar sé að ræða, eða að hjartað slái á réttum stað, þó mér lítist vel á viðbótina sem kom frá Flokki fólksins.

Eða fólk gerir bara eins og ég, líti á klukkuna, og segir, fer þetta helv. ekki að vera búið, vorið kallar á mig.

Næstu dagar verða allavega fróðlegir hvað sem öður líður.

Kveðja að austan.