Svona mæla Sjálfstæðismenn.

 

Svona mæla Framsóknarmenn, svona mæla menn allra flokka.

"„Sveit­ar­stjórn Sveit­ar­fé­lag­ins Skaga­fjarðar árétt­ar að orku­auðlind­in er ein af mik­il­væg­ustu for­send­um vel­meg­un­ar í land­inu. Mik­il­vægi þess að all­ar ákv­arðanir í orku­mál­um verði í hönd­um Íslend­inga er því ótví­rætt,“ seg­ir enn­frem­ur í álykt­un­inni. Minnt er á að skorður séu sett­ar í stjórn­ar­skránni varðandi framsal valds til er­lendra stofn­ana. „Aðstæður Íslands í orku­mál­um eru gjör­ólík­ar þeim sem liggja til grund­vall­ar orku­lög­gjöf ESB og því er óskyn­sam­legt að inn­leiða það reglu­verk hér. Ísland hef­ur í dag enga teng­ingu við orku­markað ESB og tel­ur sveit­ar­stjórn Sveit­ar­fé­lags­ins Skaga­fjarðar slíka teng­ingu ekki þjóna hags­mun­um lands­manna. Sveit­ar­stjórn tel­ur því rétt að Alþingi og rík­is­stjórn skuli leita eft­ir und­anþágu frá inn­leiðingu þriðja orkupakk­ans.“".

 

Í sjálfur sér á ekki að þurfa að ræða þetta meir því svona ályktanir eiga að koma frá hverju sveitarfélagi, þar sem þvert á flokka samþykkja menn einróma að árétta hagsmuni íslensku þjóðarinnar gagnvart skrifræðinu í Brussel.

Svona ályktanir eiga að koma frá öllum samtökum í atvinnulífinu, nema kannski hugsanlega samtökum fjármálafyrirtæka, frá öllum verkalýðsfélögum, frá öllum sjálfstæðum flokksfélögum stjórnmálaflokkanna, frá kvenfélögum, íþróttafélögum, átthagafélögum.

Frá öllum.

 

Því öll notum við rafmang og hita, öll skiljum við þessi einföldu rök; "... að orku­auðlind­in er ein af mik­il­væg­ustu for­send­um vel­meg­un­ar í land­inu. Mik­il­vægi þess að all­ar ákv­arðanir í orku­mál­um verði í hönd­um Íslend­inga er því ótví­rætt,".

Öll munum við gjalda þess þegar forræðið er farið og óhjákvæmt einkavæðingarferli hefst í kjölfarið og orkuauðlind okkar verður leikvangur fjárfesta og spekúlanta.

Öll munum við skjálfa í okkar stórum húsum þegar hið evrópska markaðsverð verður orkuverð okkar, því lögmálið er skýrt, ein regla, einn markaður, eitt verð.

Og sum okkar, alltaf náungi okkar, mun finna þetta á eigin skinni þegar innlend fyrirtæki sem treysta á lága orku til að vera samkeppnishæf við hinn stóra heim, leggja upp laupana.

 

En þær eru ekki komnar þessar ályktanir.

Hvað veldur??

Eru heljartök flokksforystunnar svo mikil að menn þora ekki að standa með hagsmunum íbúa sinna, með hagsmunum fyrirtækja sinna??

Af hverju er sveitarfélagið Fjarðabyggð ekki búið að senda frá sér 5 harðorðar ályktanir á dag því fá eða engin sveitarfélög eiga eins mikið undir að regluóskapnaðurinn verði ekki að veruleika??

Hvað veldur??

Þingmaðurinn í maganum, ótti eða er reisn okkar Austfirðinga aðeins hálf á við hestafólkið í Skagafirði??

Hvernig er hægt að þegja þegar allt er undir??

 

Eina hugsanlega skýringin er sú að landpósturinn sé ekki ennþá kominn með tíðindin að sunnan, að hann hafi dvalist við að finna vað yfir árnar.

Því menn standa með fólki sínu og fyrirtækjum.

Menn standa ekki gegn fólki sínu og fyrirtækjum til að geta staðið með þingmönnum sínum og flokksforingjum.

 

Svo einfalt er það.

Kveðja að austan.

Vilja undanþágu frá orkupakkanum

Athugasemdir

[B.N. (IP-tala skráð) 27.4.2019 kl. 09:30]

Það er ekki hægt að fá undanþágu í það fyrsta og rökin að það þurfi ekki að samþykkja orkupakka 3 að því það er engin rafstrengur frá Íslandi til Evrópu heldur ekki heldur því það fer engin í risafjárfestingu til að setja rafstreng í sjó og það yfir Atlandshafið án þess að hafa það fast í hendi hvað á að gera við annan endan Bakkabræðrasögurnar ætla aldrei að taka enda á Fróni sjá umfjöllun um Sandeyjahöfn ;)

Með bestu kveðjum, Baldvin Nielsen

[Ómar Geirsson, 27.4.2019 kl. 09:53]

Blessaður Baldvin, þú ert bara kominn í tröllasögurnar, þá held ég að sögurnar af bræðrunum frá Bakka séu bæði þjóðlegri og skemmtilegri.

En leitt þykir mér að sjá góðan baráttumann kominn í hundskjaftinn.

Kveðja að austan.

[Ómar Geirsson, 27.4.2019 kl. 10:47]

Hér fyrir neðan er linkur á pistil eftir Bjarna Jónsson verkfræðing, sem allir ættu að lesa, bæði þeir sem eru með og á móti markaðsvæðingu orkuauðlindar okkar.

Þeir sem eru á móti ættu sérstaklega að kynna sér rök Bjarna,og prófa að svara þeim með rökum, ekki fullyrðingavaðal eða einhverjum tröllasögum.

Því hafi menn ekki rökin, þá hafa menn aðeins þjónkun, undirlægjuháttinn.

Handhafi sannleikans um þróun raforkuverðs.

Kveðja að austan.

[B.N. (IP-tala skráð) 27.4.2019 kl. 12:39]

Sæll aftur

Já ég sé núna að það er hægt að lesa að ég sé sammála orkupakkanum það er alls ekki svo vildi bara koma þessu að svona til að sjá stílinn á rökunum sem vilja samþykkja orkupakka 3. Ég tel mig vera en þá baráttuhund og ætla mér ekki að lenda í hundskjaftinn þeirra fáu útvöldu  en það getur verið að ég beiti og komi til með að beita eftir atvikum tangarsókn til að reyna ná markmiðum mínum að berjast fyrir land og þjóð ef ég tel það nauðsynlegt. Það er gott að hafa mann eins og þig sem er alltaf á vaktinni fyrir þjóðarhagsmunum almennings!!

Baldvin Nielsen

[Ómar Geirsson, 27.4.2019 kl. 13:35]

Heyrðu, ef ég á að segja þér eins og er, að þá brá mér við fyrri athugasemd þína, sem ég geri eiginlega aldrei, en mér létti mjög þegar ég las þá seinni.

Látum landsölufólkið um hundskjaftinn.

Kveðja að austan.