Hin hliðin á peningnum.

 

Kjarna hinnar raunverulegrar velmegunar og velferðar þjóðarinnar, má lesa í þessari tilvitnun úr ádrepu fagaðila í iðnaði;

"Inn­lend verðmæta­sköp­un er grunn­ur að hag­sæld í okk­ar sam­fé­lagi, ekki und­ir­boð er­lend­is frá á kostnað ís­lenskra starfa.".

Og ef við skiljum þetta ekki þá er sama hvað við köllum á há laun, lægstu laun í lægsta tilboði setur viðmiðið.

 

Og þetta er ekki bara spurning hugarfar heldur líka það kerfi sem við höfum á viðskiptum okkar við umheiminn, og það kerfi sem við höfum þegar við tökum ákvörðun um verk og verkframkvæmdir.

Í dag erum við með frjálst flæði lægsta launa samkvæmt reglugerðum Evrópusambandsins og kröfuna um að ávalt skuli taka lægsta tilboði en ekki því hagkvæmasta.

Síðan erum við með fríverslun við þrælakistu heimsins, Kína.

Það er því óhjákvæmilegt að annað hvort miðast lægstu laun við launakostnað erlendra samkeppnisaðila, og eða launakröfur hins innflutta vinnuafls samkvæmt frjálsu flæði hinna lægstu launa, eða framleiðslan leggst niður eða er útvistað.

Og meint tregða atvinnurekanda til að borga hærri laun hafa ekkert með þessa staðreynd að gera.

 

Um þetta þarf ekki að deila, þegar verklýðsfélögin sjálf dansa með, þá er ljóst hvaða dans er stiginn, og allir eru meðvirkir.

 

Við sjáum þetta líka þegar ASÍ birti verðkönnun sína milli höfuðborga Norðurlanda.

Ekkert tillit var tekið til gæða, aðeins lægsta verðið.

Og ekki einu sinni rætt hvernig það verð var til komið.

Bara lægsta verð, punktur.

 

Gott og vel.

En þá eigum við að sætta okkur við afleiðingarnar.

 

Kveðja að austan.

 

„Blaut tuska“ verkalýðshreyfingarinnar

Athugasemdir

[Símon Pétur frá Hákoti (IP-tala skráð) 26.2.2019 kl. 12:53]

Allt er þetta afleiðing af EES samningnum:  Fjórfrelsi frjálshyggjunnar.

[Ómar Geirsson, 26.2.2019 kl. 12:57]

Eiginlega Símon.

Og á einhverjum tímapuntki þurfa menn að feisa samhengi hlutanna.

Kveðja að austan.

[Símon Pétur frá Hákoti (IP-tala skráð) 26.2.2019 kl. 15:35]

Já, og það gildir um verkalýðshreyfinguna, SA og stjórnvöld ... og umfram allt okkur öll sem land þetta byggjum.  Við þurfum að rækta með okkur samhygðina sem þjóð til eflingar hagsældar okkar allra.

[Símon Pétur frá Hákoti (IP-tala skráð) 26.2.2019 kl. 16:06]

Hagdæld okkar sem þjóðfélags verður aldrei byggð á undirboðum og yfirtöku hins frjálsa flæðis fjármagns og vinnuafls.  Það er bóluhagfræði andskotans sem hin nýja verkalýðshreyfing, SA og vanhæf stjórnvöld stunda.  Slíkt mun leiða til niðurbrots íslensks þjóðfélags. 

Niðurbrot þjóðfélags okkar er skammt undan, nema til varna sé gripið.  

[Símon Pétur frá Hákoti (IP-tala skráð) 26.2.2019 kl. 16:13]

Hagsæld átti það vitaskuld að vera sem fyrsta orði í aths. hér að ofan.

[Ómar Geirsson, 26.2.2019 kl. 18:07]

Blessaður Símon.

Þó mögnuð drápa þín hefði verið skráð með rúnum eða kínversku táknletri, þá stæði hún alveg fyrir sínu.

Stjórnmálaafl sem áttar sig ekki á þessu, er aldrei trúverðugt.

Verkalýðsleiðtogar, þó þeir sem við höfum séu miklu betri en ekkert, sem átta sig ekki á þessu, munu til lengri tíma fáu skila til hagsældar umbjóðenda sinna.

Fólkið á móti, sem heldur að tuð og taut sé Andstaða, er yfirleitt samdauna þessu kerfi, og mjög oft eru frasar andskotans, frasar þess.

Þess vegna Símon minn hefur ekkert breyst, nema að Hrunið festi hina dýpri hugmyndafræði andskotans í gangverk efnahagslífsins, en þjóðin upplifir kannski eitthvað annað, því gullið streymir til landsins.

Því áður var deilt um hugmyndafræðin, núna deilir enginn. 

Hún er sjálfgefin en þrasið snýst um afleiðingarnar.

Fyrir mig er það mjög merkilegt að lesa svona innslög eins og hjá þér að ofan.  Eins og það sé einhver sem hlusti, og skilji.

Sem skiptir náttúrulega engu máli í hina stærra samhengi, en samt, það er ekki allt til einskis.

Eflir móð þegar slegist er um hið nærtækara, eins og landráðin sem kennd eru við frjálsan innflutning á sýklum.

Sem afhjúpar fólkið sem fékk atkvæði út á meinta varðstöðu sína um sjálfstæði þjóðarinnar.

Líkt og með veggjöldin þá laug það til að fá atkvæði, en hafði fyrir löngu selt auðnum sálu sína.

Varðstaða þjóðarinnar felst í að vega þetta fólk, eða láta það óttast lög og reglur sjálfstæðrar þjóðar þar sem þyngstu skráðu viðurlögin varða landráð, og þann vilja að selja þjóð fyrir persónulegan aur.

Samt megum við aldrei gleyma dýpri rökunum Símon, sá sem daðrar við andskotann og hugmyndafræði hans, gerir aldrei neitt gott þó yfirlýstur vilji sé til þess.

Í því dæmi er ekkert val.

Kveðja að austan.