Hver er kostunaraðilinn??

 

Það hlýtur að vera útgjöld fyrir fjárvana fjölmiðla að senda bæði blaðamann og ljósmyndara til að taka myndir af gjaldþroti Klausturmúgæsingarinnar.

Sem er reyndar frétt í sjálfu sér, nema að Mogginn nær ekki þeirri frétt.

Heldur er mætt til að útvarpa úthrópanir örfárra, sem vissulega hafa rétt á sínum skoðunum, en hvaða tilgangi þjónar þetta að öðru leiti??

Fólk er búið að fá nóg af þessu, og fullt af fólki stórskammast sín að hafa látið þessa múgæsingu glepja sig.

 

Samt mætir Morgunblaðið, samt mætir Ríkisútvarpið.

Fáránleikinn er farinn að minna á skúbbið þegar Sigrún Davíðsdóttir var mætt fyrir utan EFTA dóminn með fullt af sérfræðingum sem áttu að útskýra af hverju dómur féll gegn íslensku þjóðinni í ICEsave fjárkúgun breta.

Hún, sem var svo samdauna eigin lygum og blekkingum, sást algjörlega yfir að dómstólar dæma eftir lögum, og Not þýðir Nei.

Og gerði sjálfa sig og þennan meinta hlutlausa ríkisfjölmiðil að algjöru fífli.

 

Vissulega hefur Mogganum ekki ennþá tekist að toppa Sigrúnu, en það fer bráðum alveg að takast.

Og þetta sér allt vitiborið fólk.

 

Nema náttúrulega að það fái borgað fyrir annað.

Kveðja að austan.

Ósátt við Klaustursþingmenn

Athugasemdir

[Sigrún Guðmundsdóttir (IP-tala skráð) 27.1.2019 kl. 22:06]

Já, svolítið forvitnilegt að Mbl og RÚV skuli elta þessa vitleysu. Kannski að reyna að vera PC. 

En Stundin og Kvennablaðið eru búin að yfirgefa Báru sína. Engar fréttir frá afrekum dagsins. Kannski af því að þetta er allt afar ótrúverðugt. 

Núna mætir okkar kona á mótmæli og lætur hylla sig - í high-tech hjólastól sem þú borgar fyrir hana og á lyfjum sem leyfa henni að duga og fórna sér í TVO heila klukkutíma. Og þarf tvo daga til að jafna sig. 

En sat og hleraði í FJÓRA á barnum og sleppti Búkalú æfingu, brá sér svo í utanlandsreisu og stikaði langar götur til að tala við fréttamann... Segi ekki meir.

[Símon Pétur frá Hákoti (IP-tala skráð) 27.1.2019 kl. 22:48]

Já, ekki voru fréttamenn Moggans og Ríkisútvarpsins áhugasamir að flytja fréttir af því þegar 10.000 fjölskyldur, yfir 30.000 manns, voru borin út af heimilum sínum.  Og ekki heldur þegar endurreistir braskarar keyptu þessar eignir á spottprís.

Ætli kostunaraðilarnir séu ekki þeir sömu og stóðu að þeirri ómennsku og viðurstyggð?

[Símon Pétur frá Hákoti (IP-tala skráð) 28.1.2019 kl. 00:06]

Annars er mbl.is vart orðið meira en sorprit papparassa séð og heyrt gægjugatanna í anda smartheitanna og snobbsins fyrir heimilum ríka fólksins, auk neðanbeltis vanda þeirra.  Ríkisútvarpið fylgir þar fast á eftir.

[Ómar Geirsson, 28.1.2019 kl. 11:39]

Blessuð Sigrún.

Það vantar mikið uppá trúverðugleikann í öllum þessa farsa.

Ég kveikti endanlega á að það væri verið að spila með mig þegar fréttir bárust að Bára hefði slökkt á hlerunarbúnaði sínum þegar fólk úr góðu flokkunum mætti í gleðskapinn.

Og þá játningu þurfti að þvinga uppúr fjölmiðlunum sem mötuðu okkur.

Eftir á hyggja þá meikar ekkert að þessu sens, nema náttúrulega það er ljóst að mennirnir duttu í það og urðu frekar leiðinlegir, enda forðuðu þeir ódrukknu sér.

Sluppu samt ekki við krossfestinguna því krossfestingin þjónaði hagsmunum.

Nei, skömmin er ekki bara þeirra sem áttu að skammast sín fyrir orðbragð sitt.

Kveðja að austan.

[Ómar Geirsson, 28.1.2019 kl. 11:42]

Blessaður Símon Pétur.

Ég tek undir allt sem þú sagðir í fyrri hluta athugasemda þinna, en er alls ekki sammála því sem þú sagðir um Moggann minn, hvort sem það er .is eða pappír.

Vinur er sá sem til vamms segir, og ég tel mig í því hlutverki.

Ég bind aldrei trúss mitt við sorprit, það get ég nú sagt þér.

Kveðja að austan.