Kona, fötluð, samkynhneigð.

 

Vantar aðeins að hún sé svart tökubarn sem hefði verið lögð í einelti í æsku og glímt við áfallastreituröskun.

Þá hefði myndin af uppljóstraranum tikkaði við alla þekkta minnihlutahópa sem enginn þorir að vera vondur við. 

Sá sem plantar lætur uppljóstra sinn allavega ekki vera hvítan miðaldra gagnkynhneigðan karlmann.  Það sleppur ekki heldur að hafa hann ungan miðaldra gagnkynhneigðan karlmann, því þeir verða alltaf miðaldra, fyrr eða síðar.

Því það mega nefnilega allir vera vondir við svoleiðis hyski.

 

Mig langar að rifja upp sögu utan úr hinum stóra heimi.

Þegar John Kerry, sannarlega stríðshetja frá Víetnam, keppti við Georg Bush yngri, sannarlega ekki stríðshetju frá Víetnam, þá þótti það ekki gott vegna þess að markhópur þess yngri var fólk sem var líklegra til að kjósa stríðshetju frekar en náunga sem var það ekki.

Þess vegna dúkkuðu alltí einu upp auglýsingar af fötluðum mönnum, einfættir við tréhækjur, eða með hvorugan fótinn keyrandi um í hjólastól, og þeir sögðu að John Kerry hefði ekki verið stríðshetja, hann hefði bara verið þarna í Víetnam, og til vara, ef hann tók þátt í bardögum, þá var hann lélegur foringi, og til vara vara, þá var hann huglaus og forðaðist bardaga.  Þeir sögðust reyndar sumir hafa verið undir stjórn hans og vissu þetta frá fyrstu hendi, "he was a coward" sögðu þeir í myndavélina, en því var reyndar breytt þegar menn sem sannarlega höfðu verið með Kerry í Víetnam, sögðust ekkert kannast við þessa náunga, þó þeir hefðu örugglega barist í sama stríði.

Samtök uppgjafahermanna voru sögð standa fyrir þessum auglýsingum, samtök sem voru svo fjárvana að þau gátu ekki splæst kaffi á fundi. 

Þessar auglýsingar virkuðu.  Hver trúir ekki bækluðum stríðshetjum?  Gallinn var bara sá að þær voru tilbúningur, afurð almannatenglafyrirtækis sem plantaði þeim inní umræðuna.

Og mér er ennþá minnistætt þegar ég horfði á þátt í 60 mínútum á Stöð 2, reyndar fyrir daga falsfjölmiðla, þegar staðreyndir málsins voru raktar, og bornar undir formann þessara samtaka uppgjafahermanna, þá yppti hann aðeins öxlum og sagði, hermennirnir voru ekki feik, og við erum fjárvana samtök.  Reyndar eftir minni, en meiningin komst til skila, það þurfa allir að bjarga sér.

 

Ég er einn af þeim sem efaðist ekki í eina sekúndu um tilurð hlerunarinnar og trúverðugleika Stundarinnar.

En í dag þá glotti ég bara þegar fötluð samkynhneigð kona dúkkar upp og segist hafa heyrt menn tala um að ríða einhverjum skrokkum.

Þetta getur alveg verið satt.

En það þarf ekki að vera það í eina mínútu.

 

Þegar sök er klínt á vammlaust fólk.

Þegar pólitískir loddarar nýta sér alvarleika ummæla tveggja einstaklinga í prívatsamkvæmi til að vega að þingræðinu og öll atburðarrásin ber þess merki að hún sé stýrð, þá er full ástæða til að staldra við.

Og efast.

 

Og þeim fer fjölgandi sem það gera.

Því þó þeir sem spila með okkur líti á okkur sem fífl, og það erum við sjálfsagt öll á einhverjum tímapunkti.

Þá erum við það ekki öll, alltaf.

 

Og í þessari múgæsingu fer þeim ört fækkandi.

Kveðja að austan.

„Ég er þessi Marvin“

Athugasemdir

[Jón Valur Jensson, 7.12.2018 kl. 13:44]

Þú ert öflugur í þessari Klausturmáls-umræðu, Ómar, og ekki auðblekktur.  

[Ómar Geirsson, 7.12.2018 kl. 14:01]

Takk fyrir það Jón Valur.

Kveðja að austan.

[Símon Pétur frá Hákoti (IP-tala skráð) 7.12.2018 kl. 14:54]

Takk Ómar, að þora að segja það sem hinn þögli meirihluti hugsar.  Bráðum verður hann minnihluti sem hverfur.  Og þá mun hann iðrast að hafa ekki vaknað fyrr og séð hið augljósa.  Svo hverfur þessi þjóð endanlega, þetta 0,005% jarðarbúa, en landið verður mergsogið af hinum myrku öflum.

[Guðmundur Ásgeirsson, 7.12.2018 kl. 17:40]

Tröllin komin til mannabyggða?

[Ómar Geirsson, 7.12.2018 kl. 17:45]

Veit ekki Guðmundur, það fer eftir því hvernig við upplifum tröllin.

En trúverðugleiki er áunninn, ekki sjálfsagður.

Kveðja að austan.

[Símon Pétur frá Hákoti (IP-tala skráð) 7.12.2018 kl. 18:17]

Nú er búið að planta því inn af spunameisturum að Bára verði kosin maður ársins. Þetta er farsi.  Eins og amrísk sápuópera í Hollywood stíl. 

[Ómar Geirsson, 7.12.2018 kl. 18:20]

Blessaður Símon Pétur, þá er alveg tími til kominn að hugsa um andhverfuna, og á einhvern hátt er að mótast hjá mér hugsun sem verður að lokapistli mínum í þessari törn.

Sjáum til, það eru ekki allir Laxness, en það þarf að skrifa fyrir það.

Kveðja að austan.

[Ómar Geirsson, 7.12.2018 kl. 18:34]

Blessaður Guðmundur í annað sinn.

Var að kíkja eftir pistli Jóns Magnússonar, og ákvað um leið að tékka á umræðuhita dagsins.  Svona hvort maður er að meika það miðað við aðra, og þá í mínu tilviki hvernig til hefur tekist að gróðursetja hugrenningartengsl.

En ég rakst á tröllainnskot þitt hjá honum Páli, og þá skyldi ég þig betur hér að ofan.

Og þér að segja, þá tókst þér að valda mér vonbrigðum.

Líklegast ertu að vísa í að þó það sé lenska að skjóta sendiboðann, að þá vil sú lenska hafa þau áhrif að þeim fækkar mjög.  Bæði vegna þess að skotinn sendiboði flytur ekki önnur boð, sem og að viljugum til að flytja boð fækkar þegar þeir sjá örlög fyrirrenna sinna.

Það vill samt svo til að ég hef rökstutt mínar skoðanir, og það er þróun í þeim, öllum læsum sem lesa ljóst.  Og ég veit að þú ert einn af þeim því ein og ein athugasemd hefur dúkkað inn.

Og ekki bara núna, heldur margoft áður.  Og þess vegna þekki ég bærilega stíl þinn og rökstuðning.

Þú ert ekki sjálfum þér líkur hér að ofan, líklegast ertu að reyna að móðga mig, en áttar þig ekki á að þú ert fyrst og fremst að lítillækka þína eigin vitsmuni. 

Og það er engin afsökun að þykjast ekki hafa vitsmuni með því að vísa í að þú sért jú Pírati.

En hvort þú hafir þurft að sanna þig þar, það er önnur saga.

En var það þess virði??, þú veist jafn vel og ég að vel gefinn maður þykist ekki vera tröll, þegar hann sakar aðra um að vera tröll.

Hann segir sig frekar úr flokknum.

Kveðja að austan.

[Guðmundur Ásgeirsson, 7.12.2018 kl. 18:48]

Ómar, ég er engu nær um hvort þér er alvara eða hvort þú ert að tröllast.

Get ómögulega skilið hvað aðkoma mín að stjórnmálastarfi getur haft með málið að gera (vel að merkja: í mun fleiri en einhverjum einum flokki).

Hvað sem því líður, eigðu góðar stundir.

[Ómar Geirsson, 7.12.2018 kl. 19:12]

Nei Guðmundur, en ég skil það mjög vel.

Það vill bara svo til að þú kaust að starfa með fólki sem mjög sjaldan tjáir sig með rökum, og jafnvel dýpsta fjöldamengi hugsuða þessa heims myndu ekki ná að merkja eitthvað árþreifanlegt sem sá flokkur hefur lagt til mála. 

Og nota bene, ég er að tala um hann, ekki þig.

Og þegar þú brást þínum vitsmunum, þá var það eiginlega það eina sem mér datt í hug, að þú þyrftir að sanna þig.  Og er þá aðeins að vísa í þekkt minni úr skáldsögum, kvikmyndum að ég tali ekki um úr sjálfum raunveruleikanum.

Síðan vitum við báðir, að þó margt megi segja um skrif mín, og þeir sem hafa lesið lengi, vita að það er aðeins ein spurning sem ég frábið, og það er sú hvort mér sé alvara því hún kemur aldrei efnisatriðum eða röksemdum pistla minna neitt við, að þá tröllast ég aldrei.

Þess vegna hváði ég hér að ofan, lét þig njóta þess að þú ert ekki þekktur apaköttur, en þegar ég áttaði mig á að þetta var fjöldaframleidd athugasemd, þá gat ég ekki annað, af virðingu fyrir þér, leitað að hugsanlegri skýringu.

Vissulega má merkja fordóma í minni skýringu, það er ekki þannig að næstum því allir séu allir, og örugglega ef ég bæði lúsiðinn mann eins og Hjörleif Guttormsson að skoða allt sem frá talsmönnum Pírata hefur komið, þá má örugglega finna eitthvað sem ekki á rætur í tómhyggju póstmódernismanns undir áhrifum frá Friedman og Hayek.  En það má alveg eins líta á þetta sem einföldun rökhugsunarinnar, að þegar alvara lífsins er annars vegar, og hin svarta hugmyndafræði hinna Örfáu sem eiga næstum því allt, en eru ekki sáttir fyrr en þeir eiga allt, ógnar tilveru barna okkar, að þá eyðir þú ekki orku þinni að leita að undantekningunni þar sem má merkja vitræna hugsun innan um rugl tómhyggjunnar.

Ég ólst nefnilega upp við Marx og Engels, og las seinna meir Jónas frá Hriflu, það skýrir kannski skort minn á þolinmæði gagnvart tómhyggjunni.

En stundin er góð Guðmundur, því vikuskyldan er liðin.

Eigðu sömuleiðis góðar stundir.

Kveðja að austan.

[Guðmundur Ásgeirsson, 7.12.2018 kl. 20:00]

Ómar, ég hreinlega næ því ekki hvað þú ert meina því að ég hafi brugðist einhverjum vitsmunum eða þurft að "sanna mig" í einhverju slíku samhengi.

Aðalstarf mitt undanfarin fjögur ár hefur verið háskólnám og í því hef ég sífellt þurft að "sanna mig" með verkefnum, prófum og þess háttar.

Mikið er ég samt glaður að vera "ekki þekktur apaköttur". Ég ætti kannski að breyta starfsheitinu mínu á ja.is til samræmis við það. :)

[Ómar Geirsson, 7.12.2018 kl. 20:52]

Ja, og þú verður ekki sjálfkrafa apaköttur þó þú gerir þér upp skilningsleysi Guðmundur.

Þannig að ég stend við tilgátu mína, enda vel sett fram og rökstudd með afbrigðum.

En hvað varstu annars að læra núna Guðmundur??

Kveðja frá tilvonandi Harry Potter stund hérna fyrir austan.