Sótraftar ICEsave umræðunnar dregnir fram.

 

Silja Bára Ómarsdóttir skrifaði grein, þegar fjárkúgun breta, kennda við ICEsave átti undir högg að sækja, þar sem hún sagði að við aumingjarnir, þjóðin, stæðum ekki við lögformlegar skyldur okkar með því að neita að greiða fjárkúgun hinna erlendu yfirgangsseggja.

Þó er hún læs á enska tungu, og veit að NOT, þýðir ekki, en það stóð skýrt í lögum ESB um innlánstryggingar að íslenska þjóðin væri ekki í ábyrgð fyrir ICEsave reikninga Landsbankans.

En hún þjónaði erlendu valdi, og hvað eru föðurlandssvik á milli vina.  Vonum hennar vegna að hún hafi fengið vel greitt fyrir þau.

Og það var hennar gæfa að íslenska þjóðin er líklegast sú eina á byggðu bóli sem er svo naví gagnvart ógnum sem stafar af ásælni og yfirgangi erlendra ríkja, að hún gengur laus í dag.

 

Síðan segir það allt um þann aumingjatón kvenrembunnar að hún sé kölluð til.

Kölluð til að svívirða um helming þjóðarinnar.

Þann hluta sem náttúran gaf typpi svo getnaður gæti átt sér stað.

Vegna typpisins er hann sekur vegna gjörða einstaklinga með sama útlim.

 

Fáviskan, eða forheimskan er á svo háu stigi, að það hvarflar ekki að þessu vesalings fólki að flest fórnarlömb þessa hugsunarháttar og ofríkis, eru menn með typpi.

Og það er ekki kynbundið, til skamms tíma var verkaskiptingin sú að konan vann heima, en karlinn vann úti, og og það var ekki alltaf auðvelt hlutskipti.

Líklegast þess vegna sem Karl Marx skrifaði bækur sínar um kúgun yfirstéttar, og hvatti til uppreisnar hinna kúguðu.

Óháð kynfærum fólks.

 

En í dag er úrkynjun umræðunnar á því stigi að enginn virðist hafa heyrt um stétt og stéttarstríð.

Að kúgun er óháð kyni.

Og þeir sem halda öðru fram eru annaðhvort mjög heimskir, eða vel borgaðir þjónar auðsins.

 

Sem aftur minnir á sótrafta ICEsave umræðunnar.

Þeir voru ekki heimskir, en þeir þjónuðu.

 

Og þjóna ennþá.

Kveðja að austan.

Helstríð og dauðateygjur feðraveldisins

Athugasemdir

[Símon Pétur frá Hákoti (IP-tala skráð) 5.12.2018 kl. 16:42]

Allar hinar hugmyndafræðilegu valdastofnanir ríkisvaldsins eru nú orðnar helsýktar af illskunni einni. 

Löggjafarvaldið, framkvæmdavaldið, dómsvaldið, menntastofnanir og menningarelítsn, trúarbragða- og fjölmiðlavaldið.  Við lifum nú tíma illskunnar, tíma dýrsins.  Allt er það kostað af glóbalískum auðdrottnum.

Mannúð og mildi eiga nú undir högg að sækja.  

Heilbrigð skynsemi liggur sem örenda eftir.

[Ómar Geirsson, 5.12.2018 kl. 16:53]

Blessaður Símon.

Einu sinni var ég ungur maður, og trúði á betri heim.

Og ein af forsendum þess var að fá konur til að taka þátt í stjórnmálum, og ekki bara að taka þátt, heldur taldi ég skyldu að gera veg þeirra sem mestan.

Og trúðu mér, ég gerði mitt.

En ég efast í dag.

Rödd skynsamra kvenna er löngu drukknuð í forheimsku rétttrúnaðar og fasisma femínismans.

En reyndar er sá efi ekki djúpur, ég man líka eftir Liljum Vallarins, að öðrum ólöstuðum, líklegast bestu manneskjum sem ég hef kynnst í pólitísku argþrasi mínu.

Það er nefnilega ekki fjöldi kolamolanna sem skiptir máli, heldur gljái gimsteinsins sem glóir í kolabingnum.

Og trúðu mér þegar ég segi, konan mun sigra dýrið.

Kveðja að austan.

[Símon Pétur frá Hákoti (IP-tala skráð) 5.12.2018 kl. 17:30]

Já, fyrr en síðar mun mannúð og mildi sigra, fyrir tilstyrk mýktar kvenna, heilbrigðra kvenna sem vilja framtíð lífsins allt hið besta.  En þar reynir og á styrk hinna betri manna.

[Símon Pétur frá Hákoti (IP-tala skráð) 5.12.2018 kl. 17:40]

En þegar svo er komið sem í dag, að konur Silju Báru líkri er flaggað og hampað sem mest af hinum hugmyndafræðilegu valdastofnunum þá segir það fyrst og fremst um úrkynjun vinstri grænna, samfylkingar og pírata.  Gefum Einari Má orðið:

Kapítalismi með píku er sami kapítalisminn og sá með punginn.  Það gildir og um flest hugtök sem liggja nú merkingarlaus í kynjastríði sprenglærðra hálaunakvenna.

[Magnús Sigurðsson, 5.12.2018 kl. 19:01]

Sæll Ómar mergjaður að vanda.

Manni dettur helst í hug að ákalla "þær sem ekkert aumt mega sjá" þegar múgsefjun móðursýkinnar er nýtt á eins grímulausan hátt og þessi samkoma ber vitni um; "mæður komið dætrum ykkar og sonum til varnar, sem strita í sveita síns andlits við að draga björg í bú".

Svona samkomu getur því miður aðeins afætan setið.

Með kveðju úr efra. 

[Esja frá Kjalarnesi. (IP-tala skráð) 5.12.2018 kl. 19:53]

Upptaka frá málþinginu. https://rikk.hi.is/minna-hot-i-ar/

[Ómar Geirsson, 5.12.2018 kl. 23:17]

Takk fyrir innlitið félagar.

Já, þetta versnar bara.

En kosturinn við svona múgæsingu er að hún afhjúpar fólk, og þá er ég ekki að vísa í kyndarana.

Hún afhjúpar þá sem eru samdauna, og hún afhjúpar þá kjarklausu sem þegja.

Það er ekkert eðlilegt við þetta, og það er aumt að láta þetta viðgangast.

Kveðja að austan.