Nú verður kátt í höllinni, höllinni.

 

Loksins hægt að flytja krónugullið úr landi, fyllt fjárhirslurnar á Tortilla og haft þær reiðubúnar við næsta hrun.

Til að kaupa upp eignir á brunaútsölu.

 

Hver segir svo að sagan endurtaki sig ekki.

Meir að segja gengið er í sögulegu hámarki gagnvart erlendri mynt, líkt og var á fjárflutningsárunum 2007 og 2008 (fram að hruni).

 

Mikið hljóta menn í höllunum að vera glaðir núna að hafa fengið fjárfestingu sína í Viðreisn og Bjartri Framtíð svona hratt til baka.

Já þetta eru menn sem kunna sitt fag.

 

Kannski þess vegna sem þeir búa í höllum en almenningur í svo skuldsettu húsnæði að hann muna aldrei geta eignast það þó hann borgi og borgi.

Það er nefnilega mismunandi vitið, og mismunandi siðurinn.

Löngu vitað að ræningjar hugsa ekki eins og annað fólk.

 

En hvernig þeim tókst að gera afnám gjaldeyrishafta, sem voru jú forsenda viðreisnar þjóðarinnar, að hálfgerðu trúarbragðaratriði hjá stórum hluta þjóðarinnar, líkt og sjálfstæði Seðlabankans á sínum tíma, er hins vegar hulin ráðgáta.

Leyndó sem vitið borið fólk (sem ekki hefur gerst ræningjar eða vinnur fyrir ræningja) skilur ekki.

Þetta er eins og Bjarnabófar hefðu sannfært Jóakim Aðalönd um að láta sig fá alltaf nýjasta afritið af öllum öryggiskerfum.  Eða foreldrar færu fram á fasta viðveru eiturlyfjasala í skólum og félagsmiðstöðvum.

Fáráð sem gerast ekki einu sinni í skáldskap.

 

En aurinn gat það.

En getur því miður ekkert annað.

 

Þess vegna er heimurinn eins og hann er.

Og þess vegna er þjóðin sírænd og rupluð.

 

Allt á sínar orsök.

Kveðja að austan.

 

 

 

 

Afnám hafta gæti orðið á næstu vikum

Athugasemdir

[Sigurður Kristján Hjaltested, 9.3.2017 kl. 14:59]

Saell Ómar og gódur pistill. Hér er komment sem ég gaf 4.mars sl.

vegna thessarar grunsemda,

"Leikflétta þeirra, sem bíða eftir auðnum, er ekki búin Óðinn.

Ég er sannfærður um það, að hafa komið SDG frá, með panamaskjölunum,

s.n.b. sýndu aðeins fram á að þar sem þar var geymt var arfur

eigikonu hans, var snilldarleg frétt og einmitt til þess gerð

að almúginn, sem svo gott sem undertekningarlaust,

hljóp niður á Austurvöll til að mótmæla því að forsætisráðherra

Íslands væri að fela eitthvað, sem kom svo í ljós að hann átti

ekki neinn þátt í.

Maðurinn sem stóð á bak við INDEFENCE.

Maðurinn sem vildi ekki að Ísland

tæki á sig þær klifjar sem ICE SAFE hefði sett á okkar komandi kynslóðir.

Maðurinn sem virkilega reyndi að standa með sinni þjóð og almenning, var

allt í einu orðin  person non grada.

Þakklæti þeirra sem á austurvöll mættu, var snilld í þessu tafli.

Þar mætti fólk, örþreytt á ástandinu, og virkilega hélt, að með því

að koma SDG frá, þá myndi allt verða betra og bjartara.

Það sem það vissi ekki, var miklu alvarlegra en að koma honum frá.

Leikflétta í hæsta gæðafæokki.

Nýjar kosningar, og ný ríkisstjórn sem auðveldara væri að fá til

að arðræna þjóðina.

Þetta vita þeir sem sitja við spilaborðið, að almenningur á Íslandi,

er hjörð af fólki sem trúir öllu sem fram kemur í RUV.

Á það treysta þeir, vitandi víst, að almúginn heldur kjafti.

Á meðan er fundað með vogunarsjóðum í NEW YORK,

vélað er með sölu bankanna, enn og aftur..og sviðsett er

leikritið, RÍKIÐ Á EKKI AÐ EIGA BANKA og allt söluferlið, skuli enn og

aftur vera GEGNSÆTT og ALLT UPPI Á BORÐUM er að endurtaka sig.

Enn og aftur.....!!!!!

Íslenksa þjóðinn hlýtur að eiga heimsmet í hjarðhegðun og hundseðli

á því að taka endalaust þátt í þessari vitleysu.

Heyrast einhver læti með potta og pönnur niður á Austurvelli...???"

Thad er greinilega verid ad véla einhvern andskotan bak vid tjoldin og

thessum fraendum ar alls engan vegin treystandi í einu né neinu.

M.b.kv.

[Ómar Geirsson, 9.3.2017 kl. 15:37]

Takk fyrir þessa drápu þína Sigurður.

Ég held að það hafi ekki verið Wintris sem slíkt sem hafi orðið Sigmundi að falli, heldur taugaáfallið sem hann fékk í kjölfarið, sem að mestu svipti hann dómgreind.

Hann rúði sjálfan sig trausti.

Það er rétt að Sigmundur stóð vaktina í ICEsave stríðinu, og hélt haus alla þá deilu.

En það er á kristaltæru að hann lét Bjarna spila með sig uppúr skónum í ríkisstjórn sinni, þegar Bjarni fékk Sigmund til að státa sig af hörkunni við kröfuhafa gömlu bankanna, kennda við hrægamma.  Það var Sigmundur sem kynnti tæplegu 900 milljarðana sem varla náðu að slefa rúmlega 300 milljarða þegar upp var staðið.  Þar þvældist Sigmundur í lygavef og fór að lokum að verja hið óverjanlega, það er Gjöfina einu.  Síðan gaf Bjarni honum náðarstunguna eftir Panamaskjölin, ekki Ruv. 

Höfum það á hreinu.

Síðan skulum við átta okkur á að á Ruv er ekki til staðar það atgervi sem þurfti til að hanna þessa leikfléttu, rætur hennar liggja annars staðar.

Spáðu í hver er með pálmann í höndunum í dag.

Machiavelli sagði að til að skilja upphaf leikfléttu eða baktjaldamakks, þá ætti maður að skoða niðurstöðuna, hver græddi, hverjum var fórnað.

Allavega, í þessum heimi valda og sígræðgi, er aldrei neitt sem sýnist.

Kveðja að austan.

[Pétur Örn Björnsson (IP-tala skráð) 9.3.2017 kl. 16:22]

Hvernig má annað vera?

Hér fór aldrei neitt uppgjör fram eftir hrunið.

Baldri einum fórnað, það er Valhallar siður.

Var það sannleiks og sáttaferli sem ríkisvaldið bauð?

Nei.

Brotaviljinn hæstráðenda gagnvart þjóðinni er algjör ... sem fyrr.

Hvers vegna er Már Guðmundsson seðlabankastjóri?

Seðlabankastjóri helferðarstjórnarinnar er jafnframt seðlabankastjóri Bjarnabófanna.

Leið Bjarna Ben. hefur alltaf legið til Brussel, þangað er leið hans heitið.

Gamlir íhaldsmenn mættu minnast þess, eða eru þeir allir orðnir svo kalkaðir af tilbeiðslu

að þeir sjá ekki hið augljósa?

[Helga Kristjánsdóttir, 10.3.2017 kl. 03:54]

 sæll Ómar! Allt frá hruni áttu menn þó alttént atkvæði sitt,en eftir atburði seinasta árs ekkert. 

[Ómar Geirsson, 10.3.2017 kl. 08:52]

Blessaður Pétur.

Vissulega er kjarni málsins að ekkert uppgjör átti sér stað eftir Hrun.

En við hefðum engu verið bættari þó fleiri hefðu verið hengdir en Baldur, en kerfið verið látið ósnert.

Nasisminn gekk ekki aftur í marga áratugi, þó auðurinn sé aftur byrjaður að fjármagna hann í dag, vegna þess að helstu forkólfar hans voru dæmdir í Nurnberg, heldur vegna þess að hann var bannaður, upprættur.

Vandinn fellst ekki í gerendum auðránsins, eða stjórnmálamönnunum sem þjóna því, vandinn felst í auðráninu sjálfu.

Hugmyndafræðinni, efnahagskerfinu og nálgun okkar á samfélagið.

Og mundu að samsekastir af öllum eru þeir sem láta líta svo út að allt sé sjálfstæðismönnum og Sjálfstæðisflokknum að kenna.  Og mestu bjánarnir, og þá í raun alvarlegir skaðvaldar, eru þeir sem halda því fram að um lýðræðisvanda sé að ræða.

Í andspyrnu eru nytsamir sakleysingjar, sem draga allan brodd úr mótspyrnunni, verstir allra.

Og ástandið í dag, er eins og það er, vegna þess að þessir hópar dómera allt andóf þjóðarinnar.

Auðurinn veit sínu viti.

Hann veit hvað hann þarf að fjármagna, og hann veit hvaða hann á að kaupa.

Og á meðan hverfur framtíð barna okkar líkt og ævintýrið í Never Ending Story.

Og enginn gerir neitt sem í raun skiptir máli.

Svo hverra er sökin???

Ég kenni allavega ekki Bjarnabófunum um, þeir eru afleiðing.

Kveðja að austan.

[Ómar Geirsson, 10.3.2017 kl. 08:57]

Blessuð Helga.

Í raun er ég að skrifa þessa pistla mína vegna þess að ég tel að við eigum ennþá atkvæði okkar og samtakamátt.

Og þó margir geri sér ekki grein fyrir því, þá skrifa ég að mestu til hægri.

Vinstri menn eru svag fyrir harðstjórn, Gúlagi og einokun stórfyrirtækja, og fagna því að frjálshyggjunni er að takast það sem Stalín tókst ekki.

Það skýrir fylgið við VinstriGræna.

Kveðja að austan.

[Helga Kristjánsdóttir, 11.3.2017 kl. 05:22]

Mæltu manna heilastur; Mb.Kv.