Læknastríðið magnast.

Hvítliðar mæta, berjandi bumbur, reyna að gera læknastéttina tortryggilega.

Þessi frétt er dæmigerð fyrir vinnubrögð þeirra.

 

Ungur læknir segir frá dagvinnulaunum sínum, og líklegast hefur umræða skapast um þau laun, hvort þau séu sanngjörn, eða hvort þau þurfi að hækka.

Þá hvíslar lítill hvítur fugl að blaðamanni Morgunblaðsins upplýsingum að viðkomandi læknir hafa farið austur á vertíð, og þegið fyrir það laun.

Há laun.

 

Ekkert er fjallað um fjölda vinnustunda, vaktaskyldu, greiðslur fyrir sérverk og svo framvegis.

Engin tilraun til að útlista forsendurnar á bak við þessu meintu háu laun.

 

Þó ætti blaðamaðurinn að vita að mjög víða á landsbyggðinni er skortur á læknum, og sá skortur hefur mikið með laun lækna að gera.

Samt er ekki læknislaust út á landi, afleysingarlæknar, bæði frá höfuðborgarsvæðinu, sem og læknar sem koma erlendis frá, manna þessar stöður, en viðvera þeirra er alltaf í tiltölulega skamman tíma í einu.

Laun þessara afleysingarlækna geta verið há, ef vinnuálag er mikið og bakvaktir sem bætast þar ofaná. Algengt er að afleysingalæknir sinni meir en einu stöðugildi.

Að sjálfsögðu fá þeir greitt fyrir sína vinnu, örugglega góð laun fyrst að þeir eru að leggja þessar afleysingar á sig, oft í fríum sem þeir hafa frá sínum föstum stöðum.

 

En aðeins hreinræktaður bjálfi, sem ég vona að blaðamaður Morgunblaðsins sé ekki, ber saman laun fyrir afleysingar og aukavaktir, við laun sem viðkomandi fær fyrir sitt fasta starf.

Starfsmannaskortur, sem leiðir til  aukavinnu og aukakostnaðar við að útvega afleysingafólk, er öllum vinnuveitendum dýr, og þess vegna reyndir vitiborið fólk sem stjórnar fyrirtækjum, að hafa launakjör þannig að það sér ekki starfsmannaskortur.

Það getur leitt til hærri grunnlauna, en lækkar heildarlaunakostnað.

 

Því miður eru stjórnendur ríkisins það skertir viti að þeir átta sig ekki á þessu einfalda samhengi.

Þeir standa í stríði við starfsfólk sitt, þurfa samt að manna stöðurnar ef nauðsynlega grunnþjónustu er að ræða, og skilja svo ekki í hinum háa launkostnaði, þrátt fyrir elju þeirra að halda niður grunnlaunum  og hrekja fólk úr starfi.

Þessi vitskerðing er hinn raunverulegi vandi heilbrigðiskerfisins í dag, og sorglegt að til vera fólk sem styður með ráðum og dáðum vitleysuna, til dæmis með því að láta nota sig í svona skítnum áróðursleik.

 

Mogginn á að vera betri en þetta.

Kveðja að austan. 

 

 

 

Upplýsir ekki um heildarlaun

Athugasemdir

[Jóhann Elíasson, 6.11.2014 kl. 15:31]

Það má örugglega laga laun unglækna mikið en ég hef ekki nokkra samúð með málstað lækna á einn eða neinn hátt því ég VEIT að þeir þurfa ekkert að kvarta yfir sínum kjörum.

[Ómar Geirsson, 6.11.2014 kl. 19:59]

Blessaður Jóhann, og takk fyrir innlitið.

Í sjálfu sér skiptir ekki máli hvað mér eða þér finnst um kjör lækna, aðalatriði málsins er að þeir hafa greitt atkvæði með fótunum, og eina spurningin er hve marga áratugi við viljum fara í heilbrigðismálum.

Sem verður, náum við ekki sátt við þá.

Kveðja að austan.

[Haraldur Haraldsson, 6.11.2014 kl. 20:51]

álið mitt á þessum læknamálum er að ef þeir taka ekki 20% hækun niður skllan er bara þetta sett í gerððardóm,ekkert annað,aðrir hátt settir hjá ríkinu  og Alþingismann eru þar undir,Kveðja að sunnan

[Ómar Geirsson, 6.11.2014 kl. 23:09]

Því miður Haraldur, þetta er ekki svona einfalt.

Ef sátt næst ekki við lækna, þá greiða þeir atkvæði með flugmiðanum.

Aðra leiðina.

Kveðja að austan.