Hringekja hagræðingarinnar.

 

Er vel lýst í þessum orðum stjórnarformanns Google.

 

Kostnaður eins fyrirtækis vegna launa eru tekjur annars fyrirtækis. Þegar fyrirtæki lækka laun starfsmanna lækka þau einnig framtíðartekjur sínar.

 

Og þessi hringekja endar aðeins á einn veg, í Þroti.

 

Þessi hringekja er kjarninn í trúarbrögðum frjálshyggjunnar, að hinn frjálsi markaður hámarki velmegun og velsæld samfélaga með því að lækka laun, reka fólk og útvista fyrirtækjum til landa þar sem vinnumarkaður lýtur lögmálum forna þrælasamfélaga.

 

Svo ég vitni aftur í stjórnarformann Google;.

 

Að sögn Schmidt beina fyrirtæki mjög sjónum sínum að því að lækka laun og greiða starfsfólki sínu eins lág laun og þau komast upp með. Eins reyni fyrirtæki að skipta út sem flestu starfsfólki á tímum tækninýjunga. Þetta þýðir að laun hafa nánast aldrei verið jafn lítið hlutfall af vergri landsframleiðslu og nú. Þetta útskýrir hvers vegna eftirspurn er jafn lítil og raun ber vitni í hagkerfinu.

 

Laun fjöldans eru forsenda eftirspurnar, ekki ofurauður hinna Ofurríku.

 

Augljóst öllu vitibornu fólki en ekki þeim stjórnmálamönnum sem hinir Ofurríku fjármagna og kenna sig við frjálshyggju.

Fyrir aur breytast borgarlegir íhaldsmenn í hálfvita, og keypt heimska þeirra knýr áfram Hringekju hagræðingarinnar í ríkisfjármálum Vesturlanda.

 

Í Evrópu.

Hér á Íslandi.

 

Verði þeir ekki stöðvaðir þá mun hringekjan snúast allt þar til endastöðin eina stöðvar för hennar.

Þegar ekkert er lengur til að hagræða,.

Og samfélögin munu loga í stéttarátökum þar sem barist verður á strætum um molana sem eftir eru af áður blómlegum efnahag.

 

Í nýlegri frétt Morgunblaðsins segir að 85 hræður eigi meiri auð en um þrír milljarðar manna, eða um helmingur jarðarbúa.

Frjálshyggjan segir að það sé vegna þess að þeir séu svo duglegir, svo iðnir og framtakssamir að auðurinn hefði sogast að þeim, þessir 3 milljarðar séu hins vegar svo latir og hysknir að þeir eigi örbirgð sína skilið.  Samt vinnur þetta fólk myrkranna á milli til að hafa í sig og á. 

 

Eftir ekki svo mörg ár mun Hringekja hagræðingarinnar hafa snúið auðnum svo þétt saman að hræðurnar sem eiga verða ekki mikið fleiri en 40 og fjöldi hinna alslaus hefur vaxið í yfir 4 milljarða.

Að því gefnu að velmeinandi vitiborið fólk grípi ekki inní og setji hina keyptu á hæli fyrir vitleysinga, og hina vitfirrtu siðblindingja sem knýja áfram frjálshyggjutrúboðið á hæli fyrir vitfirringa.  Það er er ekki verður búið að loka þeim öllum í nafni hagræðingarinnar.

 

Ef vel meinandi vitborið fólk gerir ekki það sem þarf að gera, þá mun hinn örsnauði fjöldi gera það sem þarf að gera.

Nema hann mun ekki vista, hann mun afhausa.

Vafamál er hvort siðmenningin muni lifa af þau heljarátök.

 

Því Hringekja hagræðingarinnar er Hringekja dauðans.

Hún er knúin áfram af algjöri illsku hins siðblinda vitfirrings sem telur auð hafa manngildi og menn  hafa kostnaðargildi.

Frjálshyggjan er Andkristnin sem spáð var í fornum bókum að myndi rústa siðmenningunni.  

Allt sem átti þegar hafa komið fram í þeim spádómum, hefur  komið fram.  Það er augljóst ef menn láta ekki forn orð og hugtök villa sér sýn, fornir spádómar eru fornir því þeir eru skráðir á fornum tímum með fornum orðum, fornum táknum, út frá fornum hugmyndaheimi.

 

Þá þarf aðeins að þýða yfir á nútímamál.

Tákn skepnunnar 666, er tákn auðsins, $$$.

Og trúarbrögð auðsins, frjálshyggjan, sem segir að þú eigir ekki að gæta bróður þíns, heldur arðræna hann, er Andkristnin sem vegur að trúarbrögðum lífsins sem segja að þú eigir að gæta bróður þíns.  Að örlög þín séu samofin örlögum hans.

 

Íslenskt samfélag er helsýkt af eitri skepnunnar.  

Öll efnahagsumræða, öll stjórnmálaumræða, öll samfélagsumræða er eintóna suð þar sem tákn shennar kemur sífellt fyrir,  "suu$uu$$ðð$ðð$$$$$ððð$$$ðð" sem fer yfir í ýlfrandi ískur þjóna hennar, "í$$$sss$$$$$k$k$$$ur".

Það er mikill misskilningur að táknið $$$ yrði sýnilegt á  þjónum Andkristninnar, það er tungutakið sem kemur upp um þá.  

Þeir koma ekki út úr sér setningu án þess að dollar komi við sögu, hvort sem þeir setja verðmæti á öll samfélagsleg gildi, sameiginlegar auðlindir eða vilja hagræða allt til húsbónda síns.

 

Og íslenska þjóðin er svo sjúk að hún rís ekki upp samfélagi sínu til varnar.

Steingeld án afkomenda bíður hún örlaga sinna.

 

Eina spurningin er;

Hvað varð af börnunum???

Kveðja að austan.

 

 

 

Lág laun ástæðan fyrir litlum hagvexti

Athugasemdir

[Helgi (IP-tala skráð) 27.1.2014 kl. 12:28]

Sæll.

Þetta er auðvitað rangt hjá stjórnarformanninum en hann um það. Google borgar fyrir þessa hugmyndafræði hans en ekki skattgreiðendur. Þessi stefna var prófuð í kreppunni miklu í USA og endaði auðvitað illa en þú veist það auðvitað, ekki satt?

Hvað varð af börnunum spyrðu? Þau flytja af landi brott vegna þess að þau vilja tæpast borga fyrir alla skuldsetninguna sem þú og fleiri mælið með. Frjálshyggjumenn drekkja ekki almenningi í sköttum og reglum. Þeir koma ekki málum þannig fyrir að opinberir aðilar og einkaaðilar drekkja sér í skuldum - þar liggur vandinn. Kerfið í dag ýtir undir skuldasöfnun. Það er auðvelt að snúa þessu við en til þess þurfa menn að skilja vandann.

Hvers vegna eigum við að lifa hátt á kostnað okkar barna? Skuldir og skuldbindingar opinberra aðila á Vesturlöndum eru tifandi tímasprengja sem mun springa, það er bara spurning hvenær. Við getum ekki ætlast til þess að afkomendur okkar borgi fyrir okkar sukk og þeir munu ekki gera það - sem betur fer (þau sem eftir eru).

Viltu ekki kynna þér hvað frjálshyggja er eða skilur þú ekki skilgreininguna?

Þannig að hagræðing er af hinu slæma? Skil ég það rétt? Er hún slæm hjá hinu opinbera og hjá einkafyrirtækjum eða kannski bara hjá hinu opinbera?

Hvar getur maður séð í frjálshyggjusamsærinu að maður eigi ekki að gæta bróðurs síns heldur arðræna hann? Mig langar að prófa enda hef ég frekar lítið á milli handanna. Er hægt að finna einhverjar leiðbeiningar um þetta einhver staðar?

[Ómar Geirsson, 27.1.2014 kl. 14:40]

Blessaður Helgi.

Ef þú telur að stjórnarformaður Google hafi rangt fyrir sér, þá ættirðu að láta hann persónulega vita af því, svo hann geti leiðrétt sig.  Þú þarft ekki endilega láta mig vita í hvert skipti sem þú telur einhvern hafa rangt fyrir sér, allavega virkar það ekki ef þú vonast til þess að viðkomandi leiðrétti sig fyrir þín orð.

Varðandi annað sem þú segir þá er ekki opin skólastofa hjá mér í dag, ég er búinn að fara yfir kreppurnar og það er ekki mitt vandamál ef þú vilt fá núll komma núll á öllum prófum.

Um siðfræðina á bak við helstefnur held ég að þú sért ekki í stakk búinn að læra um, þú værir ekki í þeim félagsskap sem þú ert ef svo væri.

Varðandi leiðbeiningarnar um hvernig þú eignast aurinn þá er ég hræddur um að þú sért í þeim hóp fylgismanna hinna Örfáu sem eru það sem kallast er "torráðin gáta".  Það er sá fámenni hópur sem gerir ekki kröfur um mola af ránsfengnum fyrir velunnin störf.

Það var til dæmis ekki þannig að furstarnir sem létu brytja niður allslausa bændur í Suður og Mið Þýskalandi í umróti siðaskiptanna hafi staðið í slátruninni sjálfur, enda lúta hinir Örfáu sömu lögmálum og annað fólk, þeir hafa bara einn munn, tvær hendur og tvo fætur, hefðu því ekki getað persónulega slátrað nema brot af þeim sem slátrað var, og eins var ólíklegt að fórnarlömbin hefðu staðið þögul í biðröð þar til röðin kæmi af þeim eins og hlýðnir Sjálfstæðismenn gera í dag.

Og þeir sem unnu verkið fyrir þá, það er sáu um morðin og gripdeildirnar, þeir gerðu það heldur ekki af merkjanlegri hugsjón, eða það vilja samtímaheimildir meina.  

Það var aurinn sem fékk þá til að eyðileggja samfélög fólks, slátra fólki og fénaði.

Hinn viljugi verkamaður sem krefst ekki launa sinna er hins vegar nútímafyrirbæri, það er hann greindist fyrst á 20. öldinni.

Og er mönnum ráðgáta.

Ég held að Tolkien hafi náð að fanga kjarna þessarar sjálfviljugu fylgispektar, og ætla því ekki að reyna að betrumbæta þá lýsingu.

En í þeirri skilgreiningu felst Helgi að þú munt aldrei mola finna.

Svo að leiðbeiningar gagnast þér ekki.

Því miður Helgi minn.

En haltu áfram að reyna.

Kveðja að austan.

[Helgi (IP-tala skráð) 27.1.2014 kl. 16:29]

Sæll.

Ég þóttist vita að skólastofan hjá þér væri ekki opin :-)

Fyrir nokkrum árum hefði ég með glöðu geði sótt tíma hjá þér um efnahagsmál. Ég las mér hins vegar til og gætti þess vandlega að þær kenningar sem ég tileinkaði mér hefðu forspárgildi og rímuðu við veruleikann. Þess vegna hef ég ekkert í þína smiðju að sækja enda aðhyllist þú hugmyndafræðilega gjaldþrota hagfræðikenningar og ég hef engin not fyrir þær - gott að þú getur notað þær. Útkoman er hins vegar mjög fyrirsjáanleg. Ég er hins vegar opin fyrir gagnrýni á þær kenningar sem ég aðhyllist en ég hef enn enga slíka séð sem heldur vatni. Hver veit hvað ég finn í skólastofunni hjá þér - þegar hún er opin.

Ansi ertu nú orðinn pirraður Ómar, er þreytandi að láta leiðrétta sig?

Af hverju svarar þú ekki því sem ég spurði um? Verður skólastofan hjá þér lokuð varanlega? Ertu kannski kominn í hagræðingaraðgerðir?

Það er merkilegt hvernig sagan endurtekur sig :-) Stjórnarformaður Google ætlar sér greinilega að gera sömu mistök og fengu að skjóta rótum á þriðja áratug síðustu aldar. Þá héldu menn að almenningur hefði það svona gott í USA vegna þess að laun væru há og fólk gæti þess vegna keypt meira en ella. Þetta viðhorf lýsir auðvitað ótrúlegri vanþekkingu og á auðvitað bara að sjást til barna. Hoover hélt þessu fram á Atvinnuleysisráðstefnunni 1921 og hélt í barnaskap sínum að há laun myndu minnka atvinnuleysi. Seinna gat hann hrint þessari stefnu sinni í framkvæmd með hörmulegum afleiðingum? En þetta vissir þú auðvitað allt :-) 

Hvað með skilgreininguna á frjálshyggju? Skilur þú hana ekki eða nennir þú ekki að kynna þér hugtakið?

Ég ætla ekki að setja mig í samband við stjórnaformann Google, takk samt fyrir hugmyndina, ég á engra hagsmuna að gæta og þeir sem eiga fyrirtækið verða að borga fyrir delluna í honum :-) Ef hann reynir að hrinda þessari speki sinni í framkvæmd fær hann fljótlega reisupassann enda hafa alvöru fyrirtæki ekkert við svona glópa að gera.

Annars er merkilegt hvernig þú ferð alltaf í kringum umræðuefni - ferð að ræða um morð á bændum fyrir löngu síðan þegar verið er að ræða innihaldslausar bábiljur. Ég hélt að þér þætti gaman að komast að uppruna þeirra?

Ætlar þú núna að spá fyrir um hvað gerist í efnahagslífi heimsins á næstu árum - án útúrdúra og hálfkveðinna vísa? Viltu ekki sýna okkur hve vel þín fræði geta spáð fyrir um framtíðina? Ef þín fræði hafa forspárgildi standa þau undir nafni sem fræði - annars eru þau bara tóm della. Eða er það spá þín að frjálshyggjan (stefna sem hvergi er ríkjandi) muni rústa efnahagslífi heimsins?

Spurningar mínar í nr. 1 standa enn ef þú hefur tíma til að opna skólastofuna. Ætlar þú ekki að leyfa mér að setjast á lær þér?

[Ómar Geirsson, 27.1.2014 kl. 17:03]

Blessaður Helgi.

Við höfum rætt kreppuna miklu, og óþarfi að fara í gegnum það ferli aftur.

Munurinn á fræðum og bábiljum er sá, að fræðin vísa í gögn, bábiljur í skoðanir.  Ég skal vissulega viðurkenna að ég hef ekki lesið fræðibækur þeirra hagfræðinga sem halda því fram að aukning ríkisútgjalda og skuldsetning hafi framlengt kreppuna, reikna með að það sé sama fölsunin og þjóðsagan um Harding.  En ég tók þessa löngu umræðu við þig á sínum tíma vegna þess að ég vonaðist til að þú gætir vísað á aðrar heimildir en þær sem þú sagðist geta lesið.  

En ég hef lesið greinar þar sem vitnað er í  rök þessa afmarkaða greinar innan austurríska skólans, og í þeim greinum hef ég strax tekið eftir rangri notkun staðreynda, sem segja mér aðeins eitt, að sá sem fer rangt með, hefur rangt fyrir sér.

Reikna því með að skýring þess að þú gast ekki rökstutt fullyrðingar þínar sé sú einfalda ástæða, að þú hafðir engar heimildir til að vísa í.

Varðandi þá upplifun þína að þú teljir mig sí og æ skipta um umræðuefni, þá er það því miður sú sorglega staðreynd þar að baki, að þú ert ekki lesinn í sögu, og kannast því ekki við tilvísanir mínar.  

En þér fróðari menn gera það, og glotta stundum út í tönn þegar þeir sjá samhengið sem ég set þær í.  Ég er jú ekki bara að skrifa þessi andmæli mín fyrir þig einan þó þú sért hið mikla hreyfiafl sem fær umræðuna til að fljóta.  

Það er ekkert persónulegt að ég loka skóla mínum í augnablikinu, ég er að hugsa um annað, má hreinlega ekki vera að þessu.

En ég hélt samt að þú hefðir hugmyndaflug til að skilja hvað Hrun siðmenningarinnar þýddi, og þú hefðir lesið hina fornu spádóma sem ég vísa í.  

Ég hélt að hinir hreintrúuðu boðberar þess sannleika sem þú aðhyllist, hefðu alla þá bók á hreinu.

Og tel að svo sé, þú hefur líklegast klikkað á lestrinum þar líka.

En þegar að þar að kemur, þá mun ég gleðjast mjög þegar þú mætir í tíma.

Því hvað sem þú annars heldur Helgi minn, þá met ég þig mikils.

Kveðja að austan. 

[Flowell, 27.1.2014 kl. 18:29]

Sæll Ómar.

Hvað sagði Tolkien, svona fyrir forvitnissakir?

Þetta er hárrétt hjá stjórnarformanni Google. Millistéttin, ein af forsendum holls kapítalisma, er að deyja út í mörgum vestrænum ríkjum. Af hverju? Því tilurð millistéttar byggir á raunverulegri framleiðslu vara/þjónustu en ekki spákaupmennsku á eignamörkuðum.

Ný útlán/nýir peningar/nýjar skuldir banka fara annað hvort í raunverulega framleiðslu vara/þjónustu eða á eignamarkaði. Raunveruleg framleiðsla gerir framleiðendum (oftast) mögulegt að greiða skuldir sínar aftur, ef maður lítur á það sem stjórnarformaður Google sagði frá öðru sjónarhorni. Eignamarkaðir skapa ekki tekjur með þessum hætti en vissulega getur það verið þess virði að fjárfesta á eignamörkuðum. Engu að síður hækka skuldir sem hlutfall af vergri landsframleiðslu ef peningar fara á eignamarkaði.

Afl venjulegra markaða, ef svo má segja, þeirra sem framleiða vörur/þjónustu virkar ekki með sama hætti og afl eignamarkaða. Ofureinfalt og einfaldað dæmi: (1) Markaður fyrir epli. Ef epli hækkar í verði dregur úr eftirspurn og epli lækkar aftur í verði. (2) Markaður fyrir húsnæði. Ef húsnæði hækkar í verði eykur það á eftirspurn og húsnæði hækkar áfram í verði. Fyrri markaðurinn nær þannig sjálfkrafa einhvers konar jafnvægi. Sá síðari nær því ekki en myndar þess í stað húsnæðisbólu ef hann er látinn alveg í friði.

Samkvæmt nýklassískri hagfræði skiptir ekki máli hvort ný lán/peningar/skuldir fara í raunverulega framleiðslu eða á eignamarkaði. Samkvæmt henni eru allir markaðir annað hvort í jafnvægi eða stefna í jafnvægi. Það sem hefur þá orðið ofan á síðustu áratugi er taumlaus útlánaþensla á eignamarkaði, sem hækkar skuldir sem hlutfall af vergri landsframleiðslu, eins og áður sagði. Það gengur áfram meðan eignamarkaðir hækka í verði. En raunverulegt eignaverð, þ.e. það sem samræmist raunveruleikanum, er háð raunverulegri framleiðslu þegar allt kemur til alls. Á endanum kemur þannig að því að eignamarkaðir lækka í verði eða hrynja, eins og við sáum 2007-8.

Hringekja nýklassískrar hagfræði leggur þannig áherslu á eignabólur. Hún gerir út af við millistéttina í þágu þeirra örfáu og á endanum gerir hún þannig út af við kapítalismann. Hringekja Keynes og Schumpeter, sem ekki er kennd á Vesturlöndum nema í undantekningartilfellum, leggur áherslu á kapítalisma sem byggir á raunverulegri framleiðslu vara/þjónustu.

Lág laun eru ástæða lágs hagvaxtar en lágu launin eru afleiðing af ofangreindu.

[Ómar Geirsson, 27.1.2014 kl. 20:03]

Blessaður Flowel.

Eiginlega vil ég ekki segja það beint, það eru viss takmörk fyrir allri minni ertni, en þetta tengist persónu sem var malarasonur, og Þorsteinn Thorarensen þýddi heiti hans sem Leppur á íslensku.  Eftir ákveðið atferli hans kom Fróði, sá mæti Hobbiti með meitlaða lýsingu á persónuleika hans, og hún segir eiginlega allt sem segja þarf um vissa þjónkun við valdið.  Viljir þú vita meir, þá verður þú að fletta upp í Hringadróttinssögu, þriðja bindi, Hilmir snýr aftur, og lesa um kaflann um Úthreinsun Héraðs, eða það minnir mig að hann heitir.

Skyldir þú ekki vita það Flowel þá er sagnabálkur Tolkiens um Hringinn eina forspá hans og nákvæm lýsing á atburðum nútímans, færð í búning ævintýris.

Því miður eru álitamál nútímans ekki hagfræðileg, þau eru siðferðisleg, snúast um grunngildi mennskunnar, hvað má og hvað ekki.

Svo geta menn fært dýpri merkingu í þau öfl sem að baki búa líkt og ég geri hér að ofan.

Mig hefur lengið langað til að láta reyna á hvort bloggið mitt þoli þessa framsetningu, það er hvort nokkur maður lesi næsta pistil.

Tækifærið kom í þessari frétt, þegar lykilmaður í viðskiptalífinu gagnrýnir hina algjöra heimsku sem stefnir samfélögum Vesturlanda í voða.

Menn geta spurt sig af hverju er hin algjöra heimska ráðandi í opinberi umræðu, og það er ódýr skýring að kostun hinna Örfáu nái að skýra hvernig keisarinn geti gengið nakinn um götur, og í stað þess að fólk þegi eins og í ævintýri H.C, þá taki menn upp fordæmi hans, afklæði sig til að skrýða sig hinu dýrasta skarti.

Vissulega var útbreiðsla frjálshyggjunnar kostuð uppúr 1970, en það skýrir ekki viðbrögð siðaðra samfélaga við óeðli hennar.

En það verður bið á næsta pistli, svo ég fæ ekki forvitni minni svalað á næstu dögum eða vikum.  Ég er nefnilega ennþá að hugsa eins og ég útskýrði fyrir Manni dýpisins  í athugasemdum hérna fyrir nokkrum dögum.

Á meðan stendur þetta ágætis innslag þitt, gæti verið fróðleg lesning fyrir þá borgarlegu íhaldsmenn sem standa hlýðnir í biðröðinni eftir að auðurinn geri þá höfðinu styttri, reyndar ekki í bókstaflegri merkingu, heldur hvað fjárhag og fjárhagslegar afkomu varðar.

Hver skyldi til dæmis hafa ímyndað sér á síðustu öld að hinn sjálfstæði sjálfstæðismaður, smáatvinnurekandi og framtaksmaður, myndi sætta sig við bankaþjóðnýtingu eigna sinna svo hinir Örfáu fái sitt.  

Það er raunveruleikinn á bak við fréttina að allt að 70% fyrirtækja væri í gjörgæslu bankanna, ættu ekki fyrir skuldum og þyrftu á fjárhagslegri endurskipulagningu að ræða.

Með öðrum orðum, allt eigið fé var sogið í vasa erlendra kröfuhafa bankanna, a la vogunarsjóða.

Heimskan er ekki þessa heims, en það er alltaf von að það rofi til í huga einhverra.

Enn og aftur takk fyrir þitt ágæta innslag.

Kveðja að austan.

[Haraldur Haraldsson, 27.1.2014 kl. 22:45]

Vona bara að þú Ómar vinur minn verðir hér með annan fótin í vetur og gefir þessum fuglum inn,aðrir gera það ekki betur,kær kveðja að sunnann Halli gamli

[Ómar Geirsson, 28.1.2014 kl. 07:52]

Er ekki hættur Haraldur, aðeins hugsi.

Takk fyrir innlitið.

Kveðja að austan.

[Flowell, 28.1.2014 kl. 18:38]

Sæll Ómar.

Takk fyrir ábendinguna, ég vissi þetta ekki með Hringadróttinssögu. Nú mun ég horfa á ævintýrið allt öðrum augum. Ég skal lesa kaflann sem þú nefndir við gott tækifæri til að fá betri yfirsýn.

Vandinn er vissulega siðferði en hagfræði tengist siðfræði.

Atferlishagfræðingar hafa gert tilraun á því hvort fólk í hinum raunverulega heimi hagi sér eins og stærðfræðileg líkön nýklassískrar hagfræði segja til um að fólk geri. Niðurstöðurnar voru þær að eingöngu tveir hópar haga sér svoleiðis; nýklassískir hagfræðingar og siðblint fólk.

Stefnur flestra stjórnmálamana í dag byggja á ráðleggingum nýklassískra hagfræðinga en þeir síðarnefndu leika stórt hlutverk við þróun þeirra kerfa sem almenningur býr við. Og hingað erum við í hinum vestræna heimi komin í dag. Lifum samkvæmt kerfum sem eingöngu nýklassískir hagfræðingar og siðblint fólk samþykkir. En við, almenningur, samþykkjum það vissulega líka með að gera ekkert.

Það má svo að einhverju leyti rekja til John Nash, sem þróaði stærðfræðileg líkön innan leikjafræðinnar í miðju ofsóknarbrjálæði Kalda stríðsins. Líkönin byggðu á að allir hugsuðu með ræðum (e. rational) hætti og hugsuðu eingöngu um sinn hag að gefnum aðgerðum annarra. Þetta var svo heimfært á heilu þjóðfélögin og niðurstaðan er hræðsla og ákveðin tortryggni og ótti gagnvart öðru fólki. Nýlega dró John Nash meira að segja sjálfur úr mikilvægi líkana sinna.

Nýklassíska hagfræðin grefur þannig undan siðferði. Það er mitt mat allavega. En nýklassíska hagfræðin er engin hagfræði, þetta er hugmyndafræði sem allir stjórnmálaflokkar nýta sér. Þá skiptir ekki máli hvar menn staðsetja þá flokka á þessum svokallaða hægri-vinstri ás. En spurning er þó hvernig hugmyndafræði nýklassíska hagfræðin er. Mig grunar sósíalisma. Sósíalismi andskotans nefndir þú i einhverjum pistli þinum fyrir einhveru síðan.

Ég fæ ekki alveg séð hvernig þetta kemur frjálshyggju við. Ég veit ekki einu sini hvað frjálshyggja er? Er John Stuart Mill, sem ritaði Frelsið, frjálshyggjumaður?

[Ómar Geirsson, 28.1.2014 kl. 21:25]

Blessaður Flowel.

Það dugar ekki að horfa á þríleikinn, eins ágætur og hann nú er.  Það eru bindin þrjú sem mynda Hringadróttinssögu, sem þarf að lesa.  Fyrir utan að vera stórskemmtileg ævintýri þá tekur Tolkien fyrir grundvallaratriðiðin í baráttu góðs og ills, og ef þú tekur Hringinn eina út, og setur hina tæru illsku í staðinn, þá færðu út atburðarrás sem er á fullu í dag.

Hefur þú einhvern tímann íhugað að eftir aldalanga þróun mannshugans í þá átt að bæta samfélög fólks, að þá er alltí einu kominn einbeittur vilji til að snúa tímahjólinu við í átt að tímabilinu fyrir velferðarkerfið??

Og að framleiðsluhagkerfið sé drifið áfram eftir sömu grundvallarforsendum og Rómverjar ráku sitt framleiðsluhagkerfi??

Og þetta er ekki tilviljun, þetta er stýrð þróun, kostuð.

Það er rétt að hagfræði snýst um siðferði, en það er eitthvað mikið að ef til dæmis hagfræði Hannibals Lecters yrði útgangspunktur hagstjórnar því Hannibal færði rök fyrir að mannát væri forsenda framfara.  Fólki þætti það fjarstæðu ef það væri spurt hvort það kæmi til greina að hámarka kaupmátt þess með aðferðum Hannibals, en samt er sú ágæta mannæta skátadrengur miðað við þá illsku sem drífur frjálshyggjuna áfram.

En fólk sér það ekki því grunnsiðferði þess hefur brenglast.  

Það er firrt gagnvart lífi og örlögum náungans, og gírugir auðmenn hafa nýtt sér þá firringu.

Setjum þetta svo í það samhengi að drifkraftur þjóðfélagslegrar uppbyggingar á Vesturlöndum í tæp 2.000 ár hefur verið kristin siðfræði, sem meðal annars setur ákveðnar skyldur gagnvart náunganum.  Velferðarkerfið er aðeins nútíma útgáfa á hinum forna tíund sem hugsaður var til að bæta kjör fátækra.

Auðvitað tengist þetta stjórnmálabaráttu á hverjum tíma, átökum þjóðríkja og svo framvegis, en ef þú flettir öllum umbúðum af, þá er þetta kjarninn.

Þegar ríkjandi hagfræði vegur að þessari siðlegu nálgun, að fólk beri ábyrgð á náunganum, þá er málið ekki lengur á sviði hagfræða, heldur snýst það um sjálfan kjarnann, kjarnann sem siðfræðin fjallar um.  

Viljirðu vita meira um þessar pælingar mínar þá  setti ég hugleiðingar mínar um það sem ég kalla Hagfræði lífsins og Aðferðarfræði lífsins í ákveðið röksamhengi á hliðarsjálfu mínu sem heitir Hreyfing lífsins og lesa má um á þessum linki;

http://hreyfinglifsins.blog.is/blog/hreyfinglifsins/

 

Varðandi frjálshyggjuna þá held ég að þú vitir alveg hvað frjálshyggja eða Laizze fair er Flowel.  Og þó nýklassísk hagfræði skarist alveg við laizze fair, þá er laizze fair alveg sjálfstæður skóli.  Skóli sem sækir ýmsar í áttir, þar á meðal til John Stuart Mill, en það er samsuðan þar sem Mill er soðin í einu potti með Adam Smith, Locke, Malthus og fleiri spámönnum.

 

Wikipedia veit allt um þetta mál, en ef svo vill til Flowel að þú sért farinn að spá í hvort einhver fótur sé fyrir nálgun minni á samtímann, þá er það þannig að fleiri en ég hafa séð hlutina með þessum augum, og ég vil sérstaklega mæla með tveimur bókum eftir Einar Már Jónsson prófessor, Bréf til Láru og Örlagaborgina.

 

Allir sem eiga þann draum að sjá afkomendur sína vaxa úr grasi, og færa heim í föðurhús sína afkomendur, það er allir þeir sem vilja verða afar, eiga að lesa þessar bækur.

 

Einar sá til dæmis eins og ég, að eitthvað gerðist uppúr 1970 sem ekki verður útskýrt á annan hátt en með kostun.  Heimskan reið við of mikinn einteyming til að hætt væri að útskýra hana á annan hátt.

 

Þar sem hugarfarð á bak við frjálshyggjuna er dauðan alvara, þá verður fólk að reyna að skilja þetta og snúast til varnar.  

 

Frjálshyggjan í den var aðeins ill, fólskuleg og allir fylgjendur hennar í þá gista sali helvítis í dag, á ekki síðri stalli en fylgjendur helfararinnar.  

 

En í dag er hún tæki örfárra auðmanna til að ná yfirtökum yfir samfélögum fólks, og koma megnið af verðmætasköpun heimsins í sína vasa.

 

Og láta sér detta í hug að reyna það, það á aðeins uppruna sinn í illskunni eins og hún gerist tærust, það er í sjálfu frumafli hennar. 

 

Þessi atlaga að samfélaginu er ekki skýrð með neinum rökum raunheims.

 

Ef þú lest Flowel athugasemdir mínar númer 63 og 65 í þessum pistli mínum þá ættir þú að fara nær um hvað ég er að meina.  

 

 

Hallalaus fjárlög

Auðvitað get ég ekki útskýrt þetta í svona stuttri athugasemd, þetta er umræða sem tekur langan tíma að fara í gegnum, og þeir sem taka hana þurfa að vera búnir að kynna sér forsendur hennar.

En þetta er skýring þess að ég er hugsi.

Ég hef ekki styrkinn til að fjalla um þetta þannig að aðrir skilji, og mig vantar einhvern til að fylgja.  

Einhvern mann eða hreyfingu sem ég get bloggað til stuðnings.

Vindmyllur eru ágætar, en þær duga ekki lengur fyrir mig til að kljást við, vegna þess að út við sjóndeildarhringinn sé ég skrímsli, sem mun engu eira þegar það kemur yfir byggðirnar.

Ekki það að ég sé hræddur að kljást við það.

Við félagarnir, ég og Kíkóti eru  einfaldlega ekki nógu öflugir til þess.

Það er meinið.

Kveðja að austan.

[Flowell, 29.1.2014 kl. 16:25]

Sæll Ómar.

Það er mikið til í þinni nálgun á samtímanum, sorglegt hve fáir sjá samtímann eins skýrt og þú. En það kemur. Stuðningur er skammt undan. Þolinmæðin sigrar. Lífið sigrar.

[Júlíus Björnsson, 7.2.2014 kl. 09:27]

PPP [Pes  Pétur Postula það þarf að kyssa], síðan snúið á haus og speglað að hætti Galdramanna og við fáum 666.

PPP er meðalverð á öllum efnis og vinnu þáttur sem mynda nýjar eignir sem bókast á móti reiðufé , þá með söluskatti í 183 ríkjum jarðar og opnaði fyrir heims milli ríkja [Seðlabanka] samskipti í framhaldi um 1970.    Gengi [það eru samtals gengi  [verð og magn [reit]  skráð á töflu áður og í bækur á þeim tegundum og verðflokkum þessi sem hefur selst  í reiðufé á uppboðum]. Iðnarnjósnir eru að líka til finna út efnisþætti í framleiðslu vöru.


Gengisstillingar sjóður SÞ, byrjar að reikna meðalverð á matvælum fyrir vinnslu: það fellur undir hugtakið "agriculture" í lögum þar sem Akuryrkja vegur þyngst.    Síðan er felt undir "industry" aðrar náttúrulegar uppsprettur og markaðslaun í vinnslum og fjöldaframleiðslu fyrirtækjum .    Allt hitt með vsk. er virðisauki  sem kaupir inn öll efnisleg aðföng.  Það er legst á markaðs launa prósentur  og prósentur á umfram eiginlega rekstrar kostnað [arð, bónus og leigu gjöld t.d] .   Þannig er þessi velta kölluð þjónustu sem selur 80% almenning sem kaupir síðast.

USA er ekki með vsk. en söluskattar leggjast á geira sem eru eins og í  innbyrðis keppni.
  EU VAT er frá Frökkum og virkar þannig að seljandi leggur á söluskatt sem hans kúnnar greiða, og dregur svo frá það hann greiddi vegna sinna aðfanga [þar er hægt að reikna út lámarksveltu seljenda aðfanga , hvað hann þarf marga starfsmenn.  Í þessu kerfi er það alltaf loka greiðandi  [ríkisborgari sem greiðir heildar sölu skatt og alla landframleiðslu GDP sem  selst innan hans ríkis.  Hinsvegar er allt sem er innflutt til útflutnings og sölu innanlands kallað service. Þá er miðað við upplýsingar frá ríkjum sem flutt út sína skattastofna.     

í Evrópu í dag eins og USA áður fyrir 1970 þarf að bíða allr í 5 ár eftir stórum hluta af staðgreiðslum : visa raðir allt í 60 mánuði.  Þess vegna er langtíma verðtryggingar sem taka mið af raunvirði GDP miðar við uppgjör síðustu fimm ára minnst. [vöru og peninga og bakveðsfals].  Þetta gildir ekki í sumum ríkjum þar sem heimamenn skilja ekki stofnanamál [= lagamál] í ríkjum sem er með latnesk -grískar rætur í sínum  menntaorða. Almenningur og þeir með meðalgreind í UK , Frakklandi, og Þýskalandi gera það heldur, því kenna þarf slíkan lestur helst fyrir 18 ára aldur. Hér verið að tala um rökrétta setninga ritun , og skila almennu máli í stuttu máli [en resume in terms of extended dictionary].  þetta getur verið 10%  samþjöppum og allt niður í 1% . CPI er marga blaðsíðna lestur.

Dæmi:

disposable

■  adjective
   1. (of an article) intended to be used once and then thrown away. ▶able to be dispensed with; easily dismissed.
   2.  (chiefly of financial assets) readily available for the owner's use as required.

Orð með tvær skilgreingar getur þýtt aðra eða báðar [hér klikkar H.Í.].   

Brauð er alltaf til staðar, þetta brauð er barað borða einu sinni.  ER þá  brauðið er disposable í stuttu máli.  Sum orð eru með 8 skilgreiningar og þá er hægt að fella 8 yrðingar í eina.  Líka er hægt að vísa í Orð: París , þegar sagt er Reykjavík  er samburðarleg við París. Þá er kannski að vera tala um fasteignverð í textanum öllum.   Það merkir Íslendingar eru GAGA þar sem verð eru svipuð í töflunni á undan. 
það má telja að ég mældur með 4% mannkyns í IQ , fór í Frönsku ná til læra líka latínu og grunn í Grísku, Raunvísinda grunnur var allur á hreinu. Vinna innar búðar til sjávar og sveita líka.   Ég hugsað oft hvað unga fólkið út á landi , skipin sem ég var á um 5 vinnu ár  lestuðu saltfiski og skreið í öllum höfnum Íslands, var vel að sér í öllum marksfræðum , miðað við bekkja systkini mín í Reykjavík. 


Söluskattur er lagður á til að stýra framboði og eftirspurn , þá sér í lagi vegna efnisþátta sem lítið er af  , kallast að spara náttúru auðlindir í samhengi.  þessi skattur er hluti af National saving, á samat sparnaði þeirra sem hafa efni á því : ríkstafsmenn með eftirlaun sem spara til eignast tvær villur þetta eru glæpamenn per se. .    það fer eftir ríkjum hvernig honum er beitt , oft til að spara gjaldeyri , því 10% ríkustu og Ríkið sjálft er helstu kaupendur að því sem ekki selst almennt.

Reglan er allstaðar í Evrópu of þeim ríkum sem ég hef komið í, að leggja ekki meira en 8,0% á fersk matvæli lítill unnin og eru þau oft boðið í sérstökum verslunum með þessum lága vsk.   Efnuð ríki og Kína leggja upp úr að selja innlands sem mest af 1. og öðrum flokki til styrkja heima sín.  Rússar létu A-Evrópu  senda allt það besta til Moskwu. S-EU flutt út 1. og annan flokk sem elítur gátur ekki torgað til fá gjaldeyrir í staðinn fyrir sig. 

Ríkið skattlegur með að versla inn án söluskatts: skerða það FRAMBOÐ sem einstaklingar kaupa með vsk.  Þess vegna er AGS alltaf að benda á hlut ríkisins í Landframleiðslu á móti raunvirði reiðufjár. Raunvirði er það sem  reynist greitt í reiðufé.

Raunvirði í heildina síðast ár  það sem miðað er við mælist 12 mánuði, þá er komið nýtt raunvirði sem endurspeglar almennt framboð og eftirspurn: eftir stundun verri vöru og þjónustu, fólk vill plast frekar en gler.  þá getur genið fallið næsta ár, þá er miðað við sölu á plast og það er greitt meira fyrir það þá og þá reiknast það hagvöxtur.

Þar er notað vegið meðaltal til reikna nýtt raunvirð á öllu seldu  sem fáir þurfa að læra til prófs sem koma úr menntaskóla og síðan bara einstakir stærðfræðingar í Háskóla, sem hafa kannski aldrei mætt á uppboð.

  Til þess að SÞ þjóðir geti jafnað út efnisnotkun yfir alla jörðina þá var PPP breytt í þessa veru , eins og Index , og Íslenska neysluvístalan.   Skapa hér fjármálafætu geira inn í GDP.


PPP var fundin upp um 1650 milli Nýlendu ríkja Evrópu og var þar listi sem allt hafi vægi í únsum af gulli.  Verðtygging milli yfirstétta þessara ríkja, og gagnvart ríkjum sem borguðu verndar og tryggingar skatta með útflutning.

Hér tala lágstéttar hagfræðingar um tekjur Íslendinga af Dönum á 18. öld. Það var þá kaffi, og tóbak sem Íslendinga tóku upp í hluta af útflutning.   Íslendingar voru ekki Danskir ríkisborgar almennt.      Danir tóku skatt fyrir að tryggja Íslendingum, nýlendu vörur, málma t.d. þetta voru m.a, annars mínir dönsku forfeður og ættingjar.    Þeir stunduð þrælaverslun.

Dana konungur seldi mínum forfeðrum sumum sem komu frá Þýskalandi og Belgíu sannarlega  Borgarréttindi [áður en urðu almenn]  , máttu  vera skráðir fyrir fasteignum, stunda sölu í eigin nafni t.d. taka greiðslu fyrir lækningar.  Síðan máttu þeir kjósa í borgarráð og bar að skila velferða sköttum , vegna kostnaðar af almenningi.   Þessi velferðar réttindi að skila velferða sköttum í nafn einstaklinga til fjármagn samtíma almanna tryggingar , grunn ellilífeyrir eða líka grunn eftirspurn eftir heims framleiðslu vsk. og heilsu geira. Voru aldrei tekin upp á Íslandi. Hér var sett á skyldu stéttarfélaga aðild og vinnuveitendum leift að skila öllu í sínu nafni: til frændur þeirra í stjórnsýslunni getu leikið sér með  þessa fjármuni. Ég efast um að útlendingar  geti ímyndað sér  að þetta sé staðreynd á Íslandi í dag.   Norðurlönd  eða  Danir innheimta grunn iðgjöld ekki ríkisþjóna  í útsvari frá 1903 sem er skilað til Folke Pension og líka iðgjöld í vinuveitenda sjóði með skatta aflætti sem er 2/3 fyrir vinnuveitenda og  1/3 fyrir starfsmann  þessi viðbót hóp og innkomu verðtryggð. 1 þrep reiðufjár innkomu skatta var greifaskattur síðan skattur á amtmenn til fjármagna almennings sjúkrahús, viðbót við fátækra heimili.  þetta þrep á norðurlöndum rennur allt í heilbrigðisgeira.

Þjóðverjar leggja 40% á launveltur : alla starfandi og er helming skilað í nafni starfsmanna, til fjármagna grunn sölu á vsk, og reka grunn heilsu geira. USA er svipað en stunda víst baktjalda makk, þar er þetta 35% álagt , skilað 17,5% í nafni starfmanna en samt tekið af heildar árs innkomu allra ríkisborgara , 14,89 % í velferðagjald: engi óttast ellina þótt sé einyrki. Ekki til borga annað en grunn sölu á vsk. og heilsutryggingu. 

   Þjóðverjar láta samtíma velferðgjaldi renna beint til Tryggingar stofnunar framfærslu og heilsu, miðað við þann kostnað sem  myndast samkvæmt lögum.   Viðhald á tólum og byggingum heilsu geira t.d.   þessar upphæðir eru til lámarks tryggja , ekki stela tekjum frá öðrum frjálsum til hliðar tryggingafélögum, þá er ekki tekið tillit til hvað tekjur umsækjandi hafði heldur aðstæðum hans þegar sækir um.

Ísland er alltaf upp og niður vegna lélegra tungumálakunnáttu. Svo kenna Franskir Háskólar að í fyrrum skattlendum þá myndist oft falshefðir sem lifa þegar lendur fá fjárforræði. Hér er alltaf verið vísa í hefðir æðri en stjórnarskrá.

                        EU bannar að verðtryggja nema greitt sá eftir fimm ár.  því þá er líka hægt miða [leiðrétta] við 25% hámörk eða 12,5% hámörk  á GDP  á fimm árum sem Seðlabankar búa við. 

25% á fimm árum UK í 120 árum. þess vegna er þeir kallaðir conservative.    Vinsæl kauphöll 20% til verðtrygginga [en ekkert umfram GDP hækkun í tölu ]  og 8O% hlutbréf með áhættu og þá þarf að bjóða í á hverjum degi til að sýna arð umfram GDP  eftir 5 ár.

Erlendir lífeyrisjóðir vinir stjórnsýslu [USA] fjárfesta erlendis í uppbyggingu borgar samfélaga þegar raunvirði almennra neyslu vex veldisvísislega í kjölfar verksmiðja og sölu möguleika erlendis. Danir Folke pension þegar iðgjöld er hærri en útborganir , fjárfestu 1970 til 2000 aðallega í trjárækt í Ástralíu.  Danir eru ekki USA.

Raunvirði peninga í umferð er alltaf  að raunvirði sama og raunvirði veltu [efni orku og nauðsynlegri launavinnu MEÐ ÖLLUM SKÖTTUM , ARÐI, LEIGU ,BÓNUSUM , HLUNNINDUM ,... ] undir VSK. TIL EFTIRSPURNASTÝRINGA.  AÐAL VERÐBÓLGU VALDAR er kostnaður sem leggst ofan  á  eiginlegan rekstrar kostanað eða alþjóðlega raunvirðið.

USA lætur kostnað utan eiginlegs rekstrar vera hluta af launum prókúruhafanna, OG ÞEIR ÞÁ OFTAST MEÐ FLÖT LAUN. FÁ HINSVEGAR HLUTABRÉF.   Um ríkið gildir það sama, þannig að ríkið versla bara nauðsynlegar vsk. eignir inn. Forsetinn borgar sinn bíll og bensín og bílstjóra að nafninu til og skilar sköttum að nafninu til.  

þanni sjá farmtíðar lánadrottnar =hluthafar og kjósendur rétta mynd af eiginlegum rekstri.    Í USA eru prókúruhafar stundum skammaðir fyrir að fara ekki oftar út að borða eða til útlanda.  þar sem þetta er hluti af launum þeirra. Kostur er að þessi laun bera velferða skatta.  

Í útlensku merkir hagræðing í efnisgrunni að lækka raunvirði hans og því líka vægi hans sem bakveð.  EES fylgir kauphallar fjármögnun: útboð til að umboðið geti uppfyllt sínar skyldur , auka Service álagningu í Prósentum. 

þessi hagræðingartól Umboðsins , laða að vogunar sjóði og fjárfesta utan EES.  Sjá Svíþjóð og Finnland á sínum tíma.  Svíar búnir að taka verðtryggingu  af kjörum stjórnsýslu toppanna líka eftirlaunum.

Ríki utan Íslands með gengi svipað og hærra , er öll með lámark 88.000 kr.PPP án vsk.  á einstakling til kaupa  inn vöru og þjónustu með vsk.   Ef húsnæðis kostnaður er 43% hjá þeim ekki 10% ríkustu: Viðhalda, leiga vextir , fasteign gjöld, tryggingar.   þá er þessar PPP 88.000 kr. x 120% =  105.000 kr 57% af  184.210.  kr með 20%  velferðagjaldi => 221.000 lágjör lámarkalaun.   [atvinnuleitenda] lækka kaupmátt 10% ríkust hér vsk. um 30%. Til samræmis. Sérstaklega EES sinna sem vilja vera hlutfallslega eins.    

þetta er byggt á tölum SÞ:

http://juliusbearsson.blog.is/blog/juliusbearsson/entry/1352456/