Hver skrifaði handritið??

 

Af þessu afspyrnu fyrirsjáanlegu leikriti um meint formannskipti hjá VG.

Af hverju að vera svona flatur, svona ófrumlegur??

 

Steingrímur hættur, samt ekki hættur.

Katrín ofsalega sæt og huggó býður sig fram.

Eini alvöru þungavigtarstjórnmálamaðurinn í flokknum hyggst ekki bjóða sig fram.  

Það er fyrir utan þá Steingrím og Ögmund.

 

Af hverju ekki eitthvað frumlegt?? 

Eins og til dæmis að brúðan hans Baldurs hafi verið sótt úr Þjóðminjasafninu og hún látin vera með Steingrími á blaðamannafundinum, svona til að undirstrika að hann væri ekki hættur.

Eða tilkynna að í anda jafnréttis yrðu allar skráðir félagar í flokknum formenn, en sumir væru aðeins meiri formenn en aðrir.  

Til dæmis brúðan Konni sem talaði fyrir Steingrím.

 

Af hverju að niðurlægja Katrínu svona??

Var ekki hægt að útsetja öflugan og snarpan formannsslag þar sem Katrín hefði haft Svandísi á bráðabana.  Það gæti virkað trúverðugt, fyrir vitgranna blaðmenn.  

Eða haft flöskustút þar sem flaskan óvart lenti ekki á brúðunni Konna, heldur á Katrínu.

 

Allt annað en svona augljóst sjónarspil.

Aumt er að þjóna undir hæl Steingríms.

En ennþá aumara að þjóna sem ímynd hans.

 

Atkvæðaímynd.

Kveðja að austan.

Býður sig ekki fram á móti Katrínu

Athugasemdir

[Grímur (IP-tala skráð) 17.2.2013 kl. 18:58]

Fyrst það gekk hjá Jóni Gnarr að setja upp leikrit og enda sem borgarstjóri

þá er bara eðlilegt að aðrir reyni að leika það eftir

[Samstaða þjóðar, 17.2.2013 kl. 20:52]

Samfylking og VG setja upp sömu leiksýninguna, en aðal-leikararnir eru nokkuð ólíkir í útliti. Mun það hafa áhrif á vinsældir sýninganna ? Munu báðir leik-flokkar njóta sömu vinsælda ?

 

Nú hafa bæði Jóhanna og Steingrímur sagt af sér formennsku, en samtímis hafa þau hótað að halda áfram í stjórnmálum. Þau ætla bæði að sitja áfram í ríkisstjórn, þótt þau séu rúin trausti og aðrir leikarar komnir í formanna-stólana. Var handritið skrifað af Jóni G. Narr ?

 

Vitað er að báðir flokkar ætla að skipta um nafn og kennitölu, þótt einungis Samfylking sé búin að færa það sviðs-bragð í búning. Líklega skortir VG hugmyndaflug, til að finna viðeigandi nafn. Einhver ætti að stinga að þeim þeirra hugmynd að nýgja nafnið rími við svik, eða pretti.

 

Veigamikill þáttur leiksýningarinnar er að bjóða fram klofið. Samfylkingin er nú þegar komin með fjögur framboð, en VG liggur eftir vegna hugmyndaskorts – hvað eiga framboðin að heita ? Nafnið Hægri-grænir er upptekið, þannig að líklega verður notast við Kúbu-grænir, Kóreu-grænir og Kína-grænir. Eftir kosningar er síðan hægt að sameina flokksbrotin undir heitinu K-grænir.

 

Loftur Altice Þorsteinsson.

 

[Ómar Geirsson, 18.2.2013 kl. 09:29]

Takk fyrir innlitið félagar.

Grímur, mér fannst leikrit Gnarrsins vera betra, það var frumlegt og ekki heyrst áður.

En að breyta ágætri konu í ljósku í þágu fylgis hélt ég að væri ofnotuð klisja.

Loftur, hvert er fjórða framboð Samfylkingarinnar??

Kveðja að austan.