"Evrusvæðið komið yfir það versta"!!!

 

Ef einhver setning fær verðlaunin "sögð oftast á árinu" þá er það þessi setning. 

Það sem meira er, að hún hefði líka fengið þau verðlaun 2011, 2010, 2009 og mun örugglega fá þessi verðlaun 2013.

Því hún inniheldur staðhæfing sem stenst ekki skoðun raunveruleikans.

 

Þrýstingurinn á evrusvæðinu er eins og gufa í lokuðum katli sem leitar út þegar ketillinn er kynntur.  Og í stað þess að opna fyrir gufuna, þá er öllum opum lokað, og þegar festinga bresta, naglar byrja að þrýstast út, þá er hamrað á móti, en slíkt er alltaf vonlaus barátta, þrýstingurinn eykst aðeins og fyrir hvern nagla sem er lamið inn, koma þrír nýir út í staðinn.

Málið er að leiðtogar evrusambandsins nýttu sér ekki þann tíma sem þeir höfðu í upphafi evrukreppunnar til að gera eitthvað vitrænt í málum hennar.  Smáskammtalækningar þeirra voru of litlar, komu of seint.  Og voru smáskammtlækningar því þeir skildu ekki eðli vandans, skildu ekki þau öfl sem að baki lágu.

Þeir hafa alltaf tekist á við svokallaðan skuldavanda einstakra ríkja, en sá vandi er afleiðing, ekki orsök, og meðan menn takast ekki á við orsök vandans þá leysa menn ekki vandamálið.

Það eykst aðeins og verður óviðráðanlegt.

 

Evrusvæðið slapp í fyrra vegna óheftrar peningaprentunar evrópska seðlabankans, hinar svokölluðu "aðgerðir" leiðtoga evrusambandsins eða meintar yfirlýsingar ráðamanna höfðu ekkert þar að segja.  

Skuldabréf á gjalddaga voru innleist með nýjum evrum beint úr prentsmiðjum evrunnar.

Ójafnvægið milli gjalda og tekna, misvægi milli einstakra landa, óhefti fjármagnsflutningurinn, allar hinar undirliggjandi ástæður eru til staðar ennþá.

Og nú er skollin á kreppa.

 

Leiðtogar evrunnar ætla leysa vanda evrunnar á kostnað lífsgæða í álfunni, en er almenningur evrusvæðisins reiðubúinn til að færa þær fórnir fyrir dauðan gjaldmiðil á sama tíma og hann sér fjármagnið og fjármagnseigendur dafna eins og púkann á fjósabitanum.

Sagan segir Nei, en vissulega er hægt að skrifa nýja sögu.

En það eru bara engin teikn um slíkt.

Aðeins orð og orðagjálfur.

 

Þess vegna er ekkert sem bendir til að evrusvæðið sé komið yfir það versta.

Evrópa er þegar orðin neyðarsvæði.

Eina spurningin er á þessu ári er hvort hún verði líka átakasvæði.

 

Fólk er ekki fífl, fólk er ekki fórnardýr.

Ekki til lengdar allavega.

 

Ef evrusvæðið er kemst yfir það versta á árinu þá er það aðeins af einni ástæðu.

Það líður undir lok.

 

Nema á Íslandi, hér er evran kosningamál.

Kveðja að austan.

„Evrusvæðið komið yfir það versta“

Athugasemdir

[Sólbjörg, 5.1.2013 kl. 15:18]

Evrusvæðið komið yfir það versta samkvæmt skoðannakönnun meðal fjárfesta segir Josés Manuels Barrosos, forseta framkvæmdastjórnar ESB. Ætli sú bjartsýni fjárfestanna tengjist væntalegri ólíu við Ísland og auðlindavinnslu í Grænlandi. Kæmi ekki á óvart að það væri ástæðan ásamt þinni tilgátu að fjárfestar sjái fram á að ESB gettóið líði undir lok á árinu.

[Ómar Geirsson, 5.1.2013 kl. 17:13]

Takk fyrir innlitið Sólbjörg.

Hvað sem veldur hinni meintu bjartsýni þá tengist það ekkert atburðum á norðurslóðum, hins vegar dugar að einhver ráðamaður herri til að þessir svokölluðu fjárfestar fyllist bjartsýni, og hækki kauptilboð sín.

Slík bjartsýni er aðeins hliðin á örvæntingu.

Kveðja að austan.