Þetta gæti verið verra.

 

Formaður fjárlaganefndar, Björn Valur Gíslason, skipaður af Steingrími Joð Sigfússyni, yfirráðaherra, sterka manninum  í ríkisstjórninni, er mjög sérstakt fyrirbrigði.

En ekkert einsdæmi, sagan kann mörg dæmi svipuð honum.

Neró skipaði til dæmis uppáhaldsgæðing sinn sem formann einhverrar þingnefndar í rómversku öldungadeildinni.  Eftir það nota menn orðið gæðingur yfir sérstök uppáhöld einræðisvaldhafa.  

Hjákonur, drykkjufélagar voru líka oft settir í svona embætti hér á árum áður.

Björn Valur er ekki versta dæmið, alveg satt.

 

Hins vegar voru menn neyddir til að virða gæðing Nerós viðlit, lágu við þungar refsingar.

Hver neyðir Illuga til að þiggja afsökunarbeiðni frá Birni Vali???

Eða fréttastofu sjónvarps til að taka viðtal við Björn um vanda Íbúðalánasjóðs???

Bjóst fréttamaðurinn við einhverju öðru svari en því að vandinn sjóðsins væri allur úr fortíðinni, frá því fyrir Hrun.  Eða finnst kannski fréttamaðurinn Björn Valur hafa einhverja þekkingu eða vit til að tjá sig um það sem er að gerast í dag.

Hann hefur kannski ekki lesið fréttatilkynningar Hagsmunasamtaka Heimilanna sem hafa varað við þessu strax og ljóst var að ríkisstjórnin myndi ekkert gera fyrir skuldug heimili landsins. Þær eru ekki svona nema 15-20 sem samtökin hafa sent frá sér frá því árla árs 2009.

 

Hann hefur kannski heldur aldrei rætt við Lilju Mósesdóttur sem hefur bent á þá einföldu staðreynd að heimili landsins myndu komast í þrot, og þar með kerfið líka, fyrst Íbúðalánasjóður.

Líklegast ekki, fréttastofa sjónvarps ræðir ekki við fólk með þekkingu á málum, það gæti skaðað orðstýr hennar.

En við lifum ekki á tímum Nerós, svo það þarf ekki að nota hestahvíslara.  Þó er ég ekki viss um að gæðingur Nerós hefði haft minni vit á vanda Íbúðalánasjóðs en Björn Valur.   Kannski sama, en ekki minna.

 

Já, þetta gæti verið verra.

En ekki mikið.

Kveðja að austan.

Þingmenn báðust afsökunar

Athugasemdir

[Sigurður Haraldsson, 1.12.2012 kl. 11:24]

Heyr heyr!

[Hrúturinn (IP-tala skráð) 1.12.2012 kl. 11:58]

Þetta gæti hafa verið verra, rétt er það. Neró er sagður hafa leikið á hörpu meðan Róm brann. Björn Valur hefði geta leikið á munnhörpu. Það hefði getað vakið upp sárar bernskuminngar Illuga, haft freudískar afleiðingar og hann farið að Lúlla í ræðustól.

[Guðni Karl Harðarson, 1.12.2012 kl. 14:23]

Ég andvarpa bara. Hverju var svo sem við að búast?

[Ómar Geirsson, 1.12.2012 kl. 15:17]

Ég veit það ekki Guðni, en viss met neðan frá voru slegin.

Takk fyrir innlitið félagar.

Kveðja að austan.