Kaupum Bessastaði.

 

Er yfirskrift samstarfsverkefnis mútusjóðs ESB, 1001 froðukrónaeiganda og útrásardverganna sem langar aftur að verða ríkir. 

Markmiðið er að koma Ólafi Ragnari frá Bessastöðum svo öruggt sé að hægt sé að koma 1.001 milljarði á landsmenn í formi evruskuldabréfs, svo öruggt að nýjustu svik ríkisstjórnarinnar í ICEsave, ICEsave 4 verði ekki send í þjóðaratkvæði og svo öruggt sé að fjórflokkurinn komi Íslandi í ESB að kröfu hagsmunaaðila fjármagns.  

Það síðastnefnda þarf að gerast með illu, eftir næstu kosningar mun væntanleg ríkisstjórn Sjálfstæðisflokksins og Samfylkingarinnar klára aðlögunarferlið og halda ráðgjafandi þjóðaratkvæðagreiðslu um aðild, hundsa hana með tilvísun í einhverja meinta hagsmuni og ganga frá aðild. 

Óhæfuverk sem gengur ekki upp nema að þæg brúða sé á forsetastól.  

 

Þegar svona ólíkir hagsmunir koma saman, ESB, amerískir vogunarsjóðir, útrásardvergar, fólk sem að aurum hefur orðið að öpum, og hafa það eina markmið sem hagsmunir þess krefjast, að leggja íslensku þjóðina í skuldafjötra um aldur og ævi, þá er bæði ljóst að peningar séu ekki vandmálið og að öllum brögðum áróðurs og undirróðurs er beitt til að koma Ólafi úr forsetastól.  

Eina vandamálið var að finna trúverðuga leikbrúðu sem hægt væri að markaðsetja sem eitthvað nýtt og ferskt gagnvart þaulsetnum forseta sem er þar að auki eins og hann er.  

Sú saga heyrðist að í alvöru hefðu ímyndunarsmiðir herferðarinnar, "Kaupum Bessastaði" íhugað að nýta sér nýjustu digital tækni og smíða almyndarpersónu líkt og gert var í kvikmyndinni S1m0ne og lesa má um í Wikipediu  http://en.wikipedia.org/wiki/S1m0ne.  En þeir hættu við þegar þeir lásu einmitt í Wikipediu að almyndarstúlkan fagra hefði undir lokin sýnt sjálfstæðan vilja og slíka áhættu vildu þeir ekki taka með væntanlegan kandídat, hann yrði að láta að stjórn ef kaupin á Bessastöðu gengu eftir.  

Persónan yrði að vera að holdi og blóði og trú málstaðnum mikla.  

 

Niðurstaðan var sjónvarpsstjarna, sæt, brosandi, dugleg að lesa texta af skjámyndavél og í alla staði hin flottasta kona. 

Og hún hafði sýnt að hún hafði það sem þurfti, þegar Egill Helgason gaf ICEsave andspyrnu þjóðarinnar ný og fersk rök með því að fá Evrópuþingmanninn Alain Lipietzí viðtal þar sem Alain útskýrði regluverk ESB um innlánstryggingarsjóði, þá brást sjónvarpsstjarnan strax við í þágu málstaðarins og fékk Kristinn H Gunnarsson, bókara frá Bolungarvík, í Kastljós til að útskýra fyrir borgunarþyrstum Íslendindingum að maðurinn sem tók þátt í að semja reglurnar, vissi ekkert hvað hann hefði verið að semja, en hann, Kiddi Sleggja viss allt, og það sem hann vissi var að íslenskur almenningur væri í ábyrgð fyrir umsvifum einkabanka í útlöndum.  

Það eru engir aukvisar sem reyna að svíkja þjóð sína á ögurstundu, það eitt er víst.  

Og slíkir ekki aukvisar myndu aldrei bregðast, þeir með brosi á vör myndu undirrita lög um dauðadóm íslensku þjóðarinnar.  

Þeir bregðast ekki þeim sem þeir þjóna.  

 

Með sjónvarpsstjörnunni fylgdi Bónuspakki.  

Bæði fjölmiðlar Jóns Ásgeirs, leigupennar hans eins og skáldið sem vill verða þjóðskáld, eða skáldið sem vill ekki vera skáld, sem og allir þeir sem vildu borga ICESave 2 en þorðu ekki að segja það upphátt eftir að þjóðin felldi þann svikasamning 98-2.

Þetta borgunarþyrsta lið, það er að þjóðin borgi einkaskuldir útrásarinnar en ekki það sjálft, hefur verið mjög áberandi í kosningabaráttu sjónvarpsstjörnunnar.  

Það skrifar greinar í blöðin þar sem það meðal tengir Ólaf blákallt við Bónus, Björgúlf og andskotann.  Það skrifar greinar um íhaldið, sægeifa og Davíð Oddson, og það skrifar greinar um dásemd þess að hafa evru og evrusælu.

Og það tengir allt hið góða á jörð við framboð Þóru Arnórsdóttir og allt hið slæma við Ólaf Ragnar Grímsson.  

 

Það sagði allt sem það sagt vildi hafa í ICEsave stríðinu og sérstaklega það sem það sagt vildi hafa, en sagði ekki að ótta við að það yrði hlegið að því. 

Og það segir þetta óumbeðið án þess að það kosti 1001 milljarð krónu í aukaútgjöld.  

Það segir þetta vegna þess að það á harma að hefna. 

Menn tapa ekki á hverjum degi 98-2, síðasta stóra tapið var 14-2, og það þótt nóg en 98-2, það er eitthvað sem Ólafi Ragnari er ekki fyrirgefið.

 

En þetta eru lúserar og þeir munu aftur tapa. 

Þeir munu tapa stríðinu um Bessastaði, þeir munu tapa næsta ICEsave stríði, þeir munu ekki sjá þjóð sína í skuldaánauð 1001 milljarðs.  

Og þeir munu hvorki fá evru eða ESB.  

Jafnvel þó allir heimsins peningar væru settir í þann áróður eða kaupa það fylgi sem til þarf.  

 

Því þeir eru taparar af guðs náð.

Sem betur fer.  

 

Sem betur fer fyrir okkur öll sem eigum líf sem þarf að vernda.  

Kveðja að austan.

 

 

 

 

 

 

Ólafur Ragnar með meirihluta

Athugasemdir

[Ragnar Gunnlaugsson, 29.6.2012 kl. 08:10]

Takk fyrir,það þurfa fleiri að fletta ofan af þessu fólki og málflutningi þess.

[Ebbi (IP-tala skráð) 29.6.2012 kl. 08:35]

Í hvaða heimi býrð þú kallinn minn? Er þokan að villa þér svona sýn að þú sérð ekki neitt? Ertu búin að gleyma hverjir voru í einkaþotunum með Hr. ólafi Ragnari Grímssyni og hverjir áttu þær? Þegar menn eru búnir að stinga hausnum á sér svona langt upp í afturendann að þeir sjá ekki neitt ættu þeir hinir sömu að hafa það vit (ef þeir hafa það) að þegja.

Skv. því sem er á undan gengið þá veitir okkur ekki að hafa yfirráð eins og ESB til að stjórna okkur, það er víst ábyggilegt að við getum ekki gert það sjálf. Sagan sýnir það

[assa (IP-tala skráð) 29.6.2012 kl. 08:47]

Ebbi. Það verðskulda allir annað tækifæri ekki satt? Það er það sem við þurfum að gefa okkur, annað tækifæri til að stjórna okkur sjálf. Við megum ekki gefast upp og fela okkur ESB í hendur, við megum ekki leyfa okkur að falla í þá gryfju því þá verður varla aftur snúið. Það kann aldrei góðri lukku að stýra fyrir þjóð að aðrir en heimamenn stjórni þar öllu og ráði. Þess vegna verðum við að fá annað tækifæri og vanda okkur betur næst. Ég er ekkert að segja að það fáist bara með því að kjósa Ólaf. Andrea kemur þar sterkt inn og jafnvel Hannes eða Herdís. En ekki Þóra, því miður. Eins og hún er í marga staði frambærilegur einstaklingur þá er hún hliðholl Esb og það eitt og sér varhugavert fyrir okkur Íslendinga.

[Sigurður Kristján Hjaltested (IP-tala skráð) 29.6.2012 kl. 09:47]

Æ hvað það er nú gott fyrir Ebba að hafa eitthvað til að hengja á forsetan okkar.

Hugsa sér að hann skyldi þiggja far með þessum mönnum sem plötuðu heila

þjóð og forsetann líka.

Hugsa sér að það skuli vera til menn eins og  EBBI sem tilbúnir

eru í landráð til að þjóna flokkshagsmunum og sleikja rassgatið á þessum 

höfðingjum í Brussel sem þangað eru komnir án nokkurra kosninga meðal 

almennings. Það  er aumt að menn eins og EBBI telji aðra vera í þoku á sama og

þeir eru blindir fyrir því sem er að ske og þjóðin vill.

Enginn forseti hefur sameinað þjóðina eins og Ólafur gerði með því að

leyfa okkur að kjósa um ICESAFE. Hjá hinum gjörspiiltu og  siðblindu, heitir

það sundrung og leiðinidi.

Þrælslundinn og hundseðlið til að fórna sér fyrir átrúnaðargoðin eru slík

að það sem  þjóðin vill skiptir ekki máli.

Og Ómar  til hamingju með daginn á morgun, því við munum ná því að halda

í okkar forseta, sem af öllu þessu stjórnmálahyski stóð upp með sinni þjóð og

fór í viðtöl í erlenda  fjölmiðla og talaði fyrir okkar hönd.  Óumbeðin.

Ekkert af hinu ruslliðinu gerði tilraun til þessa.

Enda ekki nema von, þegar sú sem fer fyrir þessari helferðarstjórn er vart

talandi nema á úrsérgengri úreltri íslenskri pólitísku.

M.b.kv.

[Arnar (IP-tala skráð) 29.6.2012 kl. 10:06]

Merkilegt að á allra fyrstu myndunum af Þóru birtist hún með tómlegt augnaráð, líkt og þeir sem hafa verið heilaþvegnir hafa gjarnan, og hendurnar út í loftið líkt og hún væri strengjabrúða...http://www.mbl.is/tncache/frimg/e310x239/6/6/606734.jpg Það var eins og hún væri að sýna hún væri viljug að dansa eftir strengjunum.

Síðan hafði hún lengi sem sýna aðal einkennis og auðkennismynd mynd sem er nánast nákvæm eftirherma frægasta og vinsælasta áróðursplakats Hitlers. Berið bara saman: http://www.pzg.biz/305p.jpg og

http://www.pressan.is/ImageHandler.ashx?ID=ff49c4d1-0dc6-4595-b4f5-277b7b56797a

Áróðursmyndin er svo fræg, það er enginn maður menntaður á sviði pólítíkur sem ekki þekkir hana, hvað þá myndlistar, svo bæði Þóra og ljósmyndarinn hljóta að hafa vitað um hversu sláandi líkar myndirnar eru. Sem er ennþá óheppilegra af því aðeins örfáir Íslendingar hafa þetta eftirlætis útlit nazista, háa nefið og allt það, og er Þóra Arnórsdóttir einmitt ein þeirra, með þeirri einu undantekningu hún mætti vera kjálkameiri, en minna en 0,5% þjóðarinnar kæmist á nazistaplakat (það snerist aðallega um andlitsbyggingu og slíkt, en minna um hára- og augnlit, og við lítum bara ekki svona út, ekki við venjulega fólkið hér, og ekki fegurðardrottningarnar okkar heldur. Enda urðu nazistar fyrir miklum vonbrigðum við komuna hingað að sögn...) Mynd sem þessi vekur því óhug og illvilja heimsbyggðarinnar, og það er engin tilviljun öflin á bak við Þóru höfðu vit á að flagga henni ekki við erlenda fjölmiðla. Henni var einungis ætlað að heilaþvo heimskan íslenskan almenning, að því er þau töldu hann vera, með sömu sálfræðilegu hernaðartækni og nazistar og kommar sem elskuðu svona væmnar og gerfilegar fjölskyldu myndir, sneyddar raunverulegum tilfinningum, þar sem fjölskyldan er "upphafin" til að leiða huga almennings frá öðru en bleyjuskiptingum, gerðu, svo eyðingaröflin gætu haft sínu fram og látið greipar sópa á meðan.)

Fellur þú fyrir fasískum bellibrögðum?

Er hægt að heilaþvo þig?

Lætur þú blekkjast auðveldlega?

[Arnar (IP-tala skráð) 29.6.2012 kl. 10:11]

Ég skal svo alveg viðurkenna að þetta GÆTI verið tilviljun. En hún er þá álíka ótrúleg (takið eftir að börnunum er stillt nákvæmlega eins út, lítil stúlka til vinstri sem horfir ekki á móðurina, drengur sem krýpur niður við fætur hennar, maðurinn horfir á bumbuna og svo framvegis) og ef Hannes hefði plaköt af sér út um allt með samskonar bakgrunn og Mona Lisa. Þetta er mjög fræg mynd, og mjög alræmd og hötuð, og sérlega óheppileg og illa valin (sérstaklega fyrir konu með útlit Þóru), en hlýtur þó nánast að hafa verið viljandi. En tilviljanir gerast og allt það.

Þó svo væri, þurfum við FJÖLSKYLDU á Bessastaði. Á slúðurpressan að fylgjast með fæðingum og skírnum eins og með kóngabörnin? Var ekki þetta embætti stofnað til að AFNEMA kónga og drottningar? Við þurfum enga mannadýrkun hér á Íslandi takk, og helgislepjulegar myndir af forsetaefnum. Þetta er kristin þjóð, takk!

[Ebbi (IP-tala skráð) 29.6.2012 kl. 10:21]

Já Sigurður og einnig skaltu geta þess að ég s.k. ´´landráðamaður´´bendi þér á að sami Ólafur sá sig knúinn til að koma í giftingaveislu Bónuspakkans. Það hefur væntanlega verið af skyldurækni við auðmennina.

Mín sýn á ESB hefur ekkert með flokkshagsmuni að gera síður en svo. En kannski er þú einn af fáum útvöldum Sigurður sem reynir að verja þrönga hagsmuni út fyrir dauða og gröf?

[Kristján Hilmarsson, 29.6.2012 kl. 10:41]

Heill og sæll ! Ómar Austfirðingur !

Langt síðan við höfum spjallað hér félagi, þess meira gaman að sjá þig í "slag". 

Undirritaður notar mest af aflögutíma sínum í að berjast, með góðu og gegnu fólki, fyrir betri vegum, samgöngum almmennt og reyna að stoppa vegatolllbrjálæðið sem er farið gersamlega úr böndum hér í þessu annars góða landi Noregi.

En "kíki" í moggann og aðra miðla samt, og þar með fylgst svoldið með forsetakosningaumræðunni, hef ekki blandað mér í það hingað til og mun ekki gera nema hér nú og svo fyrr í dag á FB, þar sem ég sá að talað var um "gullfiskaminni" í sambandi við að ÓRG kæmi vel útúr skoðanakönnunum, og í því sambandi  minnt á "mæringu" hans við útrásarvíkingana og hvað hefði staðið um hans þátt í hruninu í þingnefndarskýrslunni frægu, setti þá saman þetta sem fylgir hér og deili með þér og þínum lesendum Ómar:

"Minni og Gullfiskaminni" eða taka Shakspeare á þetta "Að muna eða ekki muna, það er spurningin"

Á líklega að fara varlega í að blanda mér of mikið í þennann skrípaleik sem umræðan um forsetakosningarnar er orðinn þarna á "klakanum" gamla góða (!?), en mig (gullfiska)minnir nú reyndar að ÓRG væri sá allra fyrsti af (og kannski einasti) af ráðamönnum þjóðarinnarinnar, frá því fyrir hrun, sem baðst afsökunar á sínum ummælum, mæringu sinni á útrásinni og hugsanlegum þætti sínum í hruninu vegna þess, m.ö.o. sýndi að hann býr yfir auðmýkt og kann að læra af mistökum.

 Íslendingar munu aldrei fá fyllilega yfirsýn hversu miklu hann bjargaði og hverslags öflum hann stóð gegn, þegar hann vísaði Icesave III í þjóðaratkvæði sem svo þjóðin af, meira slembilukku en visku, hafnaði, (má þó samt ekki gleyma öllum þeim sem vissu hvað var að gerast og lögðu hönd á plóginn við að vekja fólk il dáða).

 Þekki svo ekki haus né haus né sporð á mótframbjóðendum hans, en ef þetta með hrunið skiftir miklu máli, þá má ætla að þessir mótframbjóðendur hafi verið í flokki þeirra sem börðust harðri baráttu gegn bankafrelsinu, útrásinni, og/eða allavega vöruðu kröftuglega við henni, ef svo er, er auðvitað rétt að hafa þetta með í umræðunni, ef ekki.......

 Tek fram að þetta er og verður mitt einasta innlegg í umræðuna, ekki meint á neina einstaka persónu, bara nota ði tækifærið hér hjá þér......, til að tjá mig, auðvitað vitið þið sem erum með fólk uppí ykkur daglega á sjónvarspsskjánum og öðrum miðlum miklu meira og betur um þetta allt en ég, og myndið ykkar skoðun þar eftir, er ekki að gagnrýna það, svo ég óska ykkur góðra kosninga, og vona öldur lægji að þeim loknum :)"

MBKV

Frá Konungsdæminu Noregi

KH

[Ómar Geirsson, 29.6.2012 kl. 11:27]

Ebbi karlinn.

Ég lifi í raunheimi og hef þá lágmarksskynsemi sem hver lífvera þarf að hafa til að komast af út daginn.  Sem er að átta mig á að hættur gærdagsins drepa mig ekki, þær gátu gert það í gær, ekki í dag, af hverju????  Jú, hefur eitthvað með að gærdagurinn er liðinn.  

Sem vitiborinn  manneskja hef ég líka sens að spá í morgundaginn og hvaða hættur hugsanlega bíða mín þar.  Og hvað ég get þá gert til að bregðast við þessum hugsanlegum hættum, bæði reynt að forðast þær eða þá hvernig best er að takast á við þær ef þeim verður ekki forðað.  

Ebbi karlinn minn, ég reikna líka með að þú uppfyllir þessi skilyrði, að vera lífvera og vitiborinn manneskja, tel að ólíklegt að þú sért heilmynd.  Þó veit maður aldrei þegar tæki auðþjófanna eru annars vegar.  

En samt, þú ert lífvera, sláum því föstu.  Og hefur lifað það lengi að geta slegið þokkalega skammlaust inn texta á tölvu og komið honum út í netheima.  Sem bendir til  að þú sért vitiborinn manneskja, en ekki til dæmis strútur.  

Sem aftur fær mig til að hugsa kallinn minn, ertu borgunarþyrstur ICEsave lúser eða klingir ESB gullið í eyrum þínum.  

Því það sem þú segir lætur ekki vitiborinn manneskja út úr sér, og er á skjön við þá lágmarksskynsemi sem hver lífvera þarf að hafa til að lifa af út daginn.  

Því þú ert allur í leðjuslag gærdagsins og sérð ekki þá hættu morgundagsins sem blasir við ef operation Kaupum Bessastaði gengur eftir.  

Og aðeins kling kling kling eða 98-2 getur útskýrt skrif þín. 

Það held ég nú.

Kveðja að austan.

[Ómar Geirsson, 29.6.2012 kl. 11:37]

Takk annars fyrir innlitið gott fólk hér að ofan.

Assa, það er ekkert val í þessum kosningum, þjóðin á í stríði við auðþjófa og þarf að verja hendur sínar.  Atkvæði á smáframboð er atkvæði á Kaupum Bessastaði því máttur peninganna mun tryggja Þóru um 30% fylgi.  

Og við vitum til hvers hún er gerð út.

Við fáum Ólaf á morgun Sigurður, segi bara eins og annar strákurinn minn, "Pabbi ætlum við ekki að kjósa Ólaf á laugardaginn".  

Arnar, virka ekki svona peningatrix um allan heim????

Kristján, Ólafur er eins og hann er kallanginn og seint hefði ég trúað að ég stæði frammi fyrir þeim valkosti að eiga ekkert annað val en hann.  En svona eru tímarnir skrýtnir þegar auðskríll fær bræður og systur til að berjast og að bönum verðast.  

Á friðartímum stæði valið milli margra frambærilegra frambjóðanda, persónulega er ég mjög hrifinn af Herdísi og svo hef ég alltaf verið dálítið skotinn í Ara.  

En það er ekki friður, það er stríð og það stríð mun skella á ströndum Noregs fyrr en þig grunar.  Það er enginn eyland í heiminum í dag.  

Það þarf að verja lífið, og til þess eigum við eftir að leggja undir okkur Wall Street og taka Berlín.  

Heyrumst þegar nær dregur.

Kveðja að austan.

[Ásthildur Cesil Þórðardóttir, 29.6.2012 kl. 13:00]

Hér er talað skýrt og skorinort og sannleikanum samkvæmt Ómar takk fyrir það.

[Ómar Geirsson, 29.6.2012 kl. 13:42]

Já, Ásthildur, það er aðeins tæpitungan sem fellir óvinin eina, óvin okkar allra.

Og hún þarf að ráðast beint að hjarta valds hans.  

Og vopnið er sannleikurinn og krafa alls lífs til lífs.  

Samfélagið er fyrir fólk, ekki auðþjófa og keypta leppa þeirra.

Um það erum við sammála.

Kveðja að austan.

[Ásthildur Cesil Þórðardóttir, 29.6.2012 kl. 14:40]

Algjörlega sammála þér Ómar.

[Ebbi (IP-tala skráð) 29.6.2012 kl. 16:18]

Mikið er gott að þú sért ekki í aftursýnisspeglinum eins og forverar þínir fyrir austan þegar Union Carbide hætti við sína stóriðjudrauma.     Kannski að þinn raunheimur  sé borgaður af erlendri stóriðjufabrikku??       Eins og frægt er með fyrrverandi pólitíkusa sem börðust með kjafti og klóm fyrir því að fá hana og fengu svo vinnu hjá þeim. Ekki var það ESB gullið sem hringlaði þá í. 

[Ómar Geirsson, 29.6.2012 kl. 16:32]

Kling, kling, kling eða 98-2?????????????'

Kveðja að austan.

[Ebbi (IP-tala skráð) 29.6.2012 kl. 16:37]

Ergó Þú ert semsagt á spenanum fyrir austan

[Ómar Geirsson, 29.6.2012 kl. 16:38]

Kling, kling, kling eða 98-2?????????????'

 Kveðja að austan.

[Ebbi (IP-tala skráð) 29.6.2012 kl. 16:40]

Marklausar athugasemdir af manni keyptum af stóriðjufyrirtæki.

kv.

[Ómar Geirsson, 29.6.2012 kl. 17:10]

Sérðu virkilega ekki hvað rökfærsla þín er aum Ebbi???

Kveðja að austan.

[Ebbi (IP-tala skráð) 29.6.2012 kl. 17:13]

kling kling hvað? Dittó félagi

[Ómar Geirsson, 29.6.2012 kl. 20:02]

Kling kling er saklaus spurning um hvað rekur ykkur ICEsave borgunarfólk áfram, spyr ykkur alltaf af forvitni því þið veigrið ykkur við að gefa upp hvað rekur ykkur áfram í níðingsskap ykkar gagnvart þjóðinni.

Fyrir um margt löngu þá var svarið himnasæla evrunnar og ég skal viðurkenna að ég skildi það svar.  En það eru mörg ár síðan.  Aðeins erkifífl vitna í evru sem valkost.  

En hinn algjöri bjánaskapur þinn er að koma með sagnfræði gagnvart rökfærslu sem snýr að framtíðinni.  Það vill svo reyndar til að ég er hundgamall svo ég man eftir Union Carbide, en varla svo.  Hvað kemur það Nei-inu hans Ólafs í ICEsave við???

Og þessi klíning þín að ég sé keyptur að stóriðjufyrirtæki, hvað vottur af sens er í því..  Burtséð frá því að ég kaus Steingrím vin minn í 2, 3 skipti vegna stóriðjuandstöðu hans þá vantar alveg brúna.  Er það vegna þess að ég segi Kveðja að austan, hvað hefðir þú sagt að ég hefði sagt Kveðja að vestan????

Að ég væri handbendi Þorleifs galdrabana???

Og af hverju ættu amerískir stóriðjufurstar að kosta pistil gegn Þóru Arnórsdóttur, er þeir þekktir kerfisandstæðingar????

En mesta heimskan er að koma inní pistil þar sem fjallað er um meint tengsl Þóru Arnórsdóttir við þau öfl sem vildu ICEsave og AGS velferðarsamning krónubraskara og  telja að pistlahöfundur væri keyptur.

Hvaða peningaafl styður Ólaf Ragnar Grímsson???

Hvað peningaafl er á móti Evrópusambandinu og ICESave og AGS????

Ólafur yfirgaf þau öfl og veðjaði á grasrót fólksins, og hafði betur.  Og sú grasrót á ekki pening, hún á aðeins lyklaborð og netaðgang.

Þess vegna er nálgun þín svo innilega heimsk Ebbi, svo innilega heimsk.  

Að það liggur við að ég vorkenni Þóru fyrir meintan stuðning þinn.  En aðeins liggur við, sá sem selur sál sína illskuöflum, á því miður ekkert gott skilið.  

Það sem Þóra er að gera þjóð sinni er vont, það er illt, það tengist sjálfri illskunni.  Nýfrjálshyggjan og öll hennar fólskuverk er ættuð úr neðra og engin ærleg manneskja bendlar sig við hana.  

Fattaðu það Ebbi, húsbóndinn þinn er ljótur.  

Kveðja að austan.

[Ebbi (IP-tala skráð) 30.6.2012 kl. 00:24]

Hví ertu að reyna að ljúga upp á fólk? Talar um '' ykkur ICEsave borgunarfólk'' og ''níðingsskap ykkar gagnvart þjóðinni''.

Hér er ég að skrifa einn einvörðungu út af ruglinu sem kemur frá þér. Talandi um að með sjónvarpsstjörnunni hafi fylgt Bónuspakki. Farðu nú og lestu þig til, hvern var forsetinn að vernda þegar fjölmiðlalögin voru í gangi?

Ég hef aldrei gefið upp hvern ég ætla að kjósa en þú ert búinn að gefa þér það fyrirfram. Þú hefur kannski gert í buxurnar þegar þú varst spyrtur við stóriðjufyrirtæki það er fínt, þá skaltu hætta að gera slíkt hið sama við aðra.

Talandi um að Þóra eigi bágt að eiga minn stuðning vísan, því miður fyrir þig og Þóru þá styð ég hana alls ekki .

En hitt skaltu vita að karlræfillinn hann Ólafur á ekki góðan stuðningsmann í þér, sýst þegar maður horfir upp á delluna sem flæðir frá þér.

Hvernig þú talar um eina manneskju sýnir að þér er ekki sjálfrátt.

Og var ekki nýfrjálshyggjusnillingurinn Hannes Hólmsteinn Gissurason að lýsa yfir stuðingi við Ólaf?

[Ómar Geirsson, 30.6.2012 kl. 01:25]

Jæja, Eddi núna ert þú að ná þér á flug.  Tæklar mig út frá þeim rökum sem ég set fram í pistlinum.  Hversvegna datt þér ekki það í  hug fyrr???

Ef þú ert ekki ICEsave borgunarmaður og ekki kling kling, hvað ert þú þá???

Hvers vegna kemur þú inn með svona innslag eins og þú gerir fyrst???

Hatarðu þjóðina svona mikið eða er hatur þitt bundið við eina persónu, Ólaf Ragnar???

Aðvitað er pistill minn fullur af bæði alhæfingum og einföldunum, að sjálfsögðu er engin skipulögð aðgerð í gangi að hálfu ESB, krónubraskara og útrásardverga í gangi.  En öflin sem standa að baki Þóru er úr þeirra ranni þó ólík sjónarmið ráði vissulega stuðningi við hana.  

En aðförin er vegna ICEsave og vegna þess sem hann gæti gert í nánustu framtíð, og þeir sem bæði vilja næsta ICEsave samning og að aflandskrónum verði breytt í evruskuldabréf, þeir fjármagna óvinafagnaðinn.  

Þess vegna er pistillinn skrifaður og þess vegna er hann settur fram á eins illkvitnislega máta og ég réði yfir miðað við tíma og aðstæður í morgun.  

Til þess að vekja fólk til umhugsunar um hvað kosningarnar á morgun snúast um í raunveruleikanum.  

Og svo kemur þú inn froðufellandi yfir einhverju sem kemur málum dagsins í dag ekkert við.  Það skiptir ekki máli með hverjum Ólafur flaug eða kokkteilaði, það sem skiptir máli er að hann tók rétta ákvörðun í tvígang í ICESave, og hefur lýst því yfir að hann muni taka sambærilega ákvörðun aftur.  

Ólafur hindraði gjaldþrot þjóðarinnar, hann kom í veg fyrir skuldaþrældóm barna okkar.  Og það er það lægsta að öllu lægsta að ráðast á hann út frá einhverjum tittlingaskít fortíðar og hafa það ekki sér til afsökunar að vera einlægur Evrópusinni eða ICEsave borgunarmaður.  Það er þó hægt að skilja það.

En þetta gervikommarugl og meinta róttæklingskjaftæði að vitna í að menn eins og Hannes Hólmsteinn styðji hann, það er svo aumt, svo aumt þegar alvara lífsins er annars vegar.  

Að geta ekki varið þjóð sína þegar að henni er sótt að þjófum og ræningjum, að geta ekki varið framtíð barna sinna, og hafa ekkert sér til afsökunar, það er það aumasta, aumasta af öllu.  

Það lýsir þér best Eddi þegar þú klykktir þessu út, "Skv. því sem er á undan gengið þá veitir okkur ekki að hafa yfirráð eins og ESB til að stjórna okkur, það er víst ábyggilegt að við getum ekki gert það sjálf. Sagan sýnir það".

Skuldaþrældómur barna okkar er fínn, fyrst við getum ekki stjórnað okkur sjálf!!!  Er einhver betri gangur í ESB???  Eða USA???

Og ég get ekki að því gert að þegar menn eins og þú níða þjóð sína niður, og þar sem ég veit hverjir hafa beinan hag af því níði, að ég spyr mig hvort svona skrif séu ekki kostuð???  Og þau eru það öruggulega hjá sumum ykkar.  

Þeir sem ræna, þeir vita að sundrung og upplausn er þeirra besti bandamaður, og þeir stuðla að því svikalaust.  

Varðandi það hvernig talað er um eina manneskju þá hefur ekki verið sagt hér styggðaryrði nema um þig.  Vegna þess að mér ofbauð lágkúra þín og heimska í fyrsta innslaginu.  Um Þóru hefur ekkert verið annað sagt en það sem er vitað.  

Hún studdi ICEsave þrælkun þjóðarinnar og hennar helsta gagnrýni á Ólaf er að hann skyldi hafa nýtt sér málskotsréttinn.  

Hún sveik þjóðina í þágu erlends vald og það er ekkert flóknara en það.  

Og hún mun svíkja hana aftur fái hún til þess minnsta tækifæri.   

Og ef fólk vill ekki þau svik, þá kýs það Ólaf.  

Vegna þess að þjóðin á í stríði og þarf að verja hendur sínar.  

Og það vita nýfrjálshyggjustrákarnir, ólíkt ykkur gervivinstrimönnunum. 

Þið bara tuðið eins og aumingjar.

Kveðja að austan.

[Pétur Örn Björnsson (IP-tala skráð) 30.6.2012 kl. 01:57]

Ómar Geirsson, alltaf góður.

Með bestu kveðju til þín, Guðnýjar og pollanna.

[Ebbi (IP-tala skráð) 30.6.2012 kl. 09:05]

Kling kling hvað? Guð hvað þetta er einfalt hjá þér. Mismunandi fólk, mismunandi skoðanir, en nei út af því að við tökum ekki undir haleljúa kórinn sem þú tilheyrir er fólk stimplað sem landráðamenn, aumingjar og ég veit ekki hvað.

''Þess vegna er pistillinn skrifaður og þess vegna er hann settur fram á eins illkvitnislega máta og ég réði yfir miðað við tíma og aðstæður í morgun.

Til þess að vekja fólk til umhugsunar um hvað kosningarnar á morgun snúast um í raunveruleikanum'' og það gefur þér leyfi til að ljúga upp á fólk? ''Hún sveik þjóðina í þágu erlends vald og það er ekkert flóknara en það'' er hún orðin forseti?

Ál-mar minn farðu í friði og vandaðu þig betur næst. Byð að heilsa Stínu systur

[Magnús Sigurðsson, 30.6.2012 kl. 09:08]

Ómar, þakka þér fyrir að meitla sannleikann í steininn.

Með kveðju enn lengra að austan.

[Ómar Geirsson, 30.6.2012 kl. 11:05]

Ebbi minn.

Þegar erlend öfl ráðast á landið, gera atlögu að sjálfstæði þess, reyna að ræna skattpeningum þjóðarinnar og skuldsetja hana á þann hátt að hún verði gjaldþrota, þá eru hlutirnir mjög einfaldir. 

Þú ert annað hvort nytsamur sakleysingi eða beinn aðili að atlögu hins erlenda valds.

Þegar innlend öfl styðja þessa atlögu, semja um skuldaánauð þjóðarinnar, og á allan átt auðvelda rán og rupl, þá eru hlutirnir mjög einfaldir.  Annað hvort ertu nytsamur sakleysingi eða í þjónustu auðþjófanna sem vilja koma sýndarkrónum sínum í nothæfan gjaldmiðil. 

Svo er þriðji flokkurinn, vitleysingurinn sem afneitar staðreyndum og heldur að hann geti tuðað út í eitt eins og það séu sjálsfsögð mannréttindum á átakatímum að vera bjáni og fífl. 

En það er það bara ekki, tími bjánanna er liðinn.

Fólk þarf að taka afstöðu.

Hvernig ég kýs að setja hlutina fram í mínum pistlum er mitt mál, mér vitanlega er enginn skyldugur að kaupa aðgang að þessum pistlum.  

Hinsvegar er engu hér logið, hvorki uppá þig eða aðra.  Ég var meira að segja svo kurteis að spyrja hvort þú værir hluti að ICEsaveborgunarliðinu eða hvort þú værir keyptur til að bulla svona.  Lét þriðja flokkinn alveg liggja milli hluta.  

Varðandi Þóru þá er þetta allt satt.  Í engu öðru landi væri manneskja eins og hún í framboði og með fylgi.  Og í engu örðu landi kæmist ríkisfjölmiðill upp með beinan stuðning við ræningja og þjófa, hvað þá að hluti ræningjanna væri erlent ríki.  

Staðreyndirnar eru sárar en þær breytast ekki hætist hót hversu oft stuðningsmenn Þóru afneita þeim eða kalla þeir lygi, stóryrði eða annað.  

Hún vann að framgöngu ICEsave í Kastljósi, og hún fer fram gegn Ólafi á þeim forsendum að hann hafi nýtt sér málsskotsréttinn.  Gegn ríkisstjórn AGS, gegn bretum, gegn auðþjófum.  

Ekkert að þessum kemur skoðunum við, þú hefur ekki skoðun á staðreyndum.  En ég veit hins vegar að þið í bjánflokknum skiljið það ekki.  Það er ykkar vandi en því miður einnig vandi þjóðarinnar, þið sundrið vörn hennar og það hentar mjög þeim sem vilja fá sínar 1001 milljarða froðukrónur í evru.

Og þar sem það gilda sömu lögmál hér og hjá öðrum þjóðum, að meint heimska í þágu auðþjófa og braskara er ekki tilviljun, hún er keypt, þá fá menn eins og þú alltaf þessa spurningu, kling kling, bara til að ég viti hvar þeir standi.

Það er svo miklu auðveldara að tala við menn sem maður veit að eru ekki eins miklir bjánar og þeir þykjast vera.  

Og hér er friðurinn Ebbi, þetta er friðsamt blogg og gestir yfirleitt til friðs.  Ég skal biðja Ál-mar að skilja kveðju til Stínu systur.  Hann hlýtur að þekkja hana.

Kveðja að austan.

[Ómar Geirsson, 30.6.2012 kl. 11:06]

Takk fyrir innlitið, félagar Magnús og Pétur Örn.

Kveðja að austan.

[Jóhann (IP-tala skráð) 30.6.2012 kl. 20:54]

...þér að segja, ó meistari ofhvarfanna, þá eru framlög í kosningarsjóð Þóru öðru fremur til marks um áhuga Íslendinga á að losna undan áþján konungsveldis Ólafs og Dorritar.

Ólafur spanderaði sjálfur einhverjum 90 millum þegar hann var kjörinn, verndari öreiganna, sem hann þykist nú vera.

[Ómar Geirsson, 30.6.2012 kl. 22:38]

Það er ekki ógáfaðari réttlæting en hver önnur þegar menn þjóna auðþjófum Jóhann.

En þú mátt eiga að þú ert allur að koma til í innlitum þínum.

Kveðja að austan.

[Jóhann (IP-tala skráð) 30.6.2012 kl. 23:08]

Það er ekki ógáfaðari réttlæting en hver önnur þegar menn þjóna auðþjófum Jóhann

Þegar menn þjóna auðþjófum?!

Varla heldur þú því fram að Þóra sé að "þjóna auðþjófum"? 

Nú skal ég stafa þetta ofan í þig aftur: Ólafur Ragnar lagði til einhverjar 90 milljónir þegar hann var fyrst kosinn. 

Núna ýjar hann að því að frjáls framlög Íslendinga til framboðs Þóru, séu til marks um, eins og þú lepur upp eins og kettlingur; að þjóna auðþjófum.

Þú ert bjáni.

Kveðja að sunnan, ættaður að austan.

[Ómar Geirsson, 1.7.2012 kl. 00:44]

Elsku besti Jóhann minn.

Það er ekki alltaf hægt að hafa ítarlegar skýringar þegar mál eru aðeins flóknari en eitt orð, en orðið auðþjófar ná ágætlega yfir þau öfl sem hafa komið Vesturlöndum á kaldan klaka og eru að knésetja velferðarkerfi okkar.

Hér að ofan útskýrði ég ágætlega hið vanheilaga bandalag sem vill kaupa Bessastaði, "mútusjóðs ESB, 1001 froðukrónaeiganda og útrásardverganna sem langar aftur að verða ríkir", og hópurinn sem þetta vanheilaga bandalag ættað úr neðra höfðar til, má kalla einu nafni, ICESave lúserar.

En seint verður hann kallaður "frjáls framlög Íslendinga", maður þarf helv. hátt tímakaup til að setja samasemmerki þar á milli.  

Og, jú Þóra blessunin hefur selt sálu sína, ég tel hana ekki nytsaman sakleysing, rökstuddi það einhvers staðar hér að ofan, enginn er svo nytsamur að fá Kidda Sleggju i viðtal um ICESave, það eru mörk á allri trúgirni.  

En þú segir fréttir, ég hef ekkert fylgst með Ólafi, hann er seint minn maður, þó hann hafi unnið á og reyndar komið mér glettilega á óvart.  Var hann búinn að fatta þetta með auðþjófana???, ég hélt að ég hefði verið sá fyrsti.  

En svona er þetta með hið augljósa, fólk á það til að sjá það.

Þakka svo hrósið Jóhann, kann samt betur við þig þegar þú beitir hæðninni, ég er nefnilega þannig að ég kann gott að meta þó það sé ekki sérstaklega vel meint.

Verra þykir mér að þú skulir telja þig ættaðan að austan, en ættfræði þarf ekki alltaf að vera óskeikul, allavega ekki sú skráða.  

En tek samt kveðju þinni að sunnan og engri síðri;

Kveðja að austan.

[Jóhann (IP-tala skráð) 1.7.2012 kl. 01:12]

"Hér að ofan útskýrði ég ágætlega hið vanheilaga bandalag sem vill kaupa Bessastaði, "mútusjóðs ESB, 1001 froðukrónaeiganda og útrásardverganna sem langar aftur að verða ríkir", og hópurinn sem þetta vanheilaga bandalag ættað úr neðra höfðar til, má kalla einu nafni, ICESave lúserar."

Án þess að ég nenni að fara nánar útí ættfræði með þér, að austan, þrátt fyrir að móðir mín sé fædd á Fáskrúðsfirði, þá skal ég lítilega drepa á þetta dómadags rugl í þér.

Hið vanhelga bandalag segir þú, mútusjóð ESB og síðan froðukrónueiganda og til að árétta mál þitt, þá bætir þú við : útrásardverganna sem langar aftur að verða ríkir

Þú virðist halda að því meiri ofhvörfum sem þú hleður á eigið fórnarlambsblæti, þess líklegra sé að þú hafir rétt fyrir þér?

Trúðu mér, eina sem réttlætir viðlíka hugmyndir er að þú ert bjáni.

Með kaffifroðufellandilatte kveðjum að sunnan

[The Deep Throat (IP-tala skráð) 1.7.2012 kl. 02:52]

Jóhann drekkur lattefroðulessukaffi í stjórnarráði Jóhönnu.  Veit það.  En það er varla djúsí Jóhann?

[Ómar Geirsson, 1.7.2012 kl. 08:48]

Jóhann, mér vitanlega eru flestir Fáskrúðsfirðingar ættaðir af Bretagne skaganum og  létu útgerðarauðvaldið fara hraksmánlega með sig svo vart er einleikið. 

Þannig að bæði leyfi ég mér áfram að halda áfram að efast að þú sért ættaður að austan, sem og hitt að þú útskýrðir margt um þjónkun þína við 

"hið vanheilaga bandalag sem vill kaupa Bessastaði, "mútusjóðs ESB, 1001 froðukrónaeiganda og útrásardverganna sem langar aftur að verða ríkir",".

Það eina sem ég velti fyrir mér hvort þú sért á háu tímakaupi hjá 1001 eða hvort þú sért glataður ICEsave lúser.

Að sjálfsögðu er ég bjáni í þínum augum, þú ferð varla að móðga mig í mínum eigin húsum.  Þá væri franskri kurteisi þinni viðbrugðið. 

Sárast er það fyrir ykkur greyin að við bjánarnir leggjum ykkur aftur og aftur, þrátt fyrir að í vopnabúri ykkar sé allt sem peningar geta keypt.  En þegar lygin og arðránið er með í för, þá dugar það ekki.  

Once a loser, always a loser.

Og bjánarnir í Evrópu eru að rísa upp, þeir rísa alltaf upp.  

Og það styttist í fallexina.  

Það held ég nú.

Kveðja að austan.

[Ómar Geirsson, 1.7.2012 kl. 08:49]

Takk fyrir innlitið þú mikli uppljóstrari.

Kveðja að austan.

[Magnús Sigurðsson, 1.7.2012 kl. 09:24]

Það má þó alltaf hugga sig við það að vera bara bjáni frekar en fábjáni sem hefur verið hvítskrúbbaður á milli eyrnanna samkvæmt ritúalinu í von um aur.

Með kveðju ennþá lengra að austan.