Lokaorrustan um Ísland er hafin.

 

Aðdragandi hennar var þetta þing sundurlyndis og glundroða sem nú er að ljúka.  Þing sem verður ekki minnst fyrir aðfarar sinnar að sjávarútveginum eða stjórnarskránni eða vegna þess að því tókst henni einu sinni að hundsa ákalla skuldsettra heimila heldur vegna þess að þetta var þingið sem gerði ekkert til að hindra Vána sem blasir við þjóðinni, skuldaánauð barna okkar.  

Hefur einhver heyrt minnst á ICEsave nýlega????

Samt er vitað að þau Jóhanna og Steingrímur sitja á svikráðum við þjóð sína og ætla að koma skuld einkabanka yfir á þjóð sína.  Halda menn að þau séu hætt???

Að sjálfsögðu ekki, svikull svíkur á meðan hann hefur til þess minnstu tök.  Hann aðeins lærir af mistökum sínum og útfærir ný svik á þann hátt að nú skal það takast.  

 

Svikráðin hófust um leið og þjóðin hafnaði síðustu ICEsave svikum.  Þau komu uppá yfirborðið síðasta haust þegar aðförin að Árna Pál Árnasyni hófust.  Hann þurfti að víkja því hann var ekki tilbúinn að svíkja.  Viljugur svikamaður þurfti að fá forræði ICEsave deilunnar við Evrópusambandið.  

Næsta skrefið var að skipa trúverðugan enskumælandi bjána yfir málsvörn Íslands.  Og útbúa eitthvað sem virtist vera, já trúverðug málsvörn, en málsvörn sem hafði samt það eina hlutverk að mæla með formlegri aðkomu ESB að ákæru ESA gegn íslensku þjóðinni.  

Munum að ákæra ESA snérist um tvennt.  Að eftirátúlkun ESB á regluverki sínu væri æðri íslenskum lögum og að ákvæði EES samningsins um neyðarrétt EFTA ríkja væri ekki virkur gengi hann gegn hagsmunum framkvæmdarstjórnar ESB.  Á meðan skrípaákæran var á forræði ESA var fátt um málið að segja, nema þá að krefjast opinberar rannsóknar á mútgreiðslum eða meintum þrýstingi sem útskýrði gjörðir embættismanna ESA.  

En þegar ESB var formlega orðin aðili ákærunnar þá var ljóst að um beina aðför ríkjasambandsins var að ræða  á hendur löggjafarvaldi íslensku þjóðarinnar.  ESB  var að krefjast forræði yfir Alþingi Íslendinga.  Einhver hefði nú mótmælt en ekki svikulir stuðningsmenn ESB, þeir eru í bandalagi með framkvæmdarstjórn ESB.  

 

Síðan tók við þögnin eins og ekkert væri að gerast.  

Svikalogn sem var afhjúpað í Pressunni 12. júní síðastliðinn.  Þar sagði einfaldlega;  "Ísland mun una niðurstöðu EFTA dómstólsins: Samningsstaða Íslands í tveimur köflum birt.".

"Í kafla 9 er lýst endurbótum á innlendri löggjöf, stjórnsýslu og breytingum á eftirliti með fjármálaþjónustu sem gerðar hafa verið í kjölfar efnahagshrunsins. Lögð er áhersla á að allir aðilar máls virði væntanlega niðurstöðu EFTA dómstólsins um framkvæmd tilskipunar um innstæðutryggingar. Icesave málið verður flutt í september en ekki er vitað hvenær niðurstöðu er að vænta."

Einfaldara getur þetta ekki verið.

 

Ég er einn af þeim sem vildi láta strax reyna á dómsstóla EES samningsins því ég trúði að Evrópa væri réttarríki og að dómsstólar sambandsins dæmdu eftir lögum og reglum réttarríkisins.  Slíkt er jú alltaf gert hjá siðuðum þjóðum.  

Jæja, ég skal viðurkenna að ég hafði rangt fyrir mér.  

Viðbrögð ESB við evrukreppunni er öll af ætt einræðis og kúgunar, þar sem skuldum sýndarfjármálakerfisins er miskunnarlaust komið á almenning.  

Það geisar stríð í Evrópu milli fjármagns og fólks og í þessu stríði er engu eirt, þar á meðal  reglum siðmenningarinnar um réttarríki og forsendur þess. 

 

Gunnar Tómasson hagfræðingur benti á þessa einföldu staðreynd i Silfri Egils nýlega, að dómur EFTA dómsins væri fyrirfram ákveðinn og hann færi ekki eftir efnisatriðum málsins og lögum þar um, heldur væri hann í þágu fjármagns og framkvæmdarstjórnar ESB sem liði ekki andóf íslensku þjóðarinnar gegn ICEsave samningnum.  

Fyrst að þjóðin felldi samningana, þá væri eina ráðið að fá fyrirfram ákveðinn dóm og skuldbindandi yfirlýsingu íslenskra stjórnvalda um að þau myndu lúta hinum keypta dómi.  

Eina vandkvæðið er forsetinn og því var gerð aðför að honum með sýndarframboði Þóru Arnórsdóttur.  Síðan á ekki að spyrja þjóðina álits.  

 

Ef yfirtaka Bessastaða gengur ekki upp, þá er plan B tilbúið.  Þekki það ekki en veit að á því verður keyrt.  

Það kallast Lokaorrustan um Ísland.  

Þegar sú orrusta er sett í samhengi við fyrirhugað evruskuldbréf froðukrónanna er ljóst að núna í sumar og haust ræðst framtíð þjóðarinnar.  

Gífurlegir hagsmunir eru í húfi.  

ESB ætlar sér að knésetja þjóðina en hið óþekkta afl, hagsmunir þeirra sem vilja sína 1.000 milljarða út úr hagkerfinu, mun ráða úrslitum.  

 

Það á fjölmiðlana, það mútar fjölmiðlamönnum, það heldur úti her þjóðþekktra einstaklinga til að skapa úlfúð og upplausn í samfélaginu.  Það kaupir umræðu eins og "þetta er allt Davíð Oddssyni að kenna", það lætur umræðuna snúast um algjör aukaatriði eins og hið meinta stríð við sægreifa eða stjórnarskráar eitthvað eða að Ísland sé eina landið í heiminum sem er spillt og því beri því að ganga í hið óspillta ESB eða það ræðst að krónunni og telur fólki trú um að evran sé eins og draumavisakortið, að þú tekur bara út og borgar svo úttektina með Euro.

Eða allt það sem sundrar almenningi og fær hann til að sitja hjá í stríðinu mikla um framtíð barna okkar.  

Því ef við töpum stríðinu þá er hlutskipti barna okkar skuldaánauð um ókomna framtíð.  Hlutskipti sem þau munu ekki sætta sig við.  

Þau munu rísa upp og þá mun blóð fljóta eins og í öllum öðrum uppreisnum kúgaðs fólks gegn arðráni og kúgun.  

 

Þess vegna er valið svo einfalt fyrir okkur sem eigum líf sem þarf að vernda.

Annars vegar er það flokkur lífsins sem setur baráttu gegn skuldaánauð barna okkar á oddinn.

Svo eru það hin, sem gera það ekki.

Og lífið mun sér farveg og að lokum mun flokkur lífsins ná hér völdum.  Því lífið vill ekki skuldaánauð barna sinna, lífið mun sá í gegnum hinn keypta áróður froðukrónubraskarana.  

Við þekkjum hina keyptu þegar þeir fara að tala um Davíð Oddsson, stjórnarskrána eða sægreifa.  Ekki það að margt mjög gott fólk hefur látið blekkjast til að tala um allt annað en það sem í raun skiptir öllu, en rótin sem stýrði hinu góða fólki í ranga átt, hún er keypt.  

Hún er gerð út af auðræðinu sem engu eyrir.  

 

Og við þurfum ekki lengur að ræða aðildina að ESB.  Evrópudraumurinn var yfirtekinn af siðlausu peningavaldi og það er ESB sem stendur fyrir aðför að framtíð barna okkar.  

Böðull er aldrei valkostur fyrir þá sem eiga líf sem þarf að vernda.  

Það er hinn fullkomna mótsögn að segjast vera á móti skuldaánauð barna okkar og á sama tíma sjá aðild að ESB sem lausn á vanda þjóðarinnar.  Þá eru menn að tala um ESB sem var, en er ekki lengur. 

 

Lokaorrustan er hafin.

Og við munum sigra hana.

 

Hreyfing lífsins mun sjá til þess.

Kveðja að austan.

 

 

Ólafur Ragnar heldur forystunni

Athugasemdir

[Benedikta E, 21.6.2012 kl. 23:33]

Einn liðurinn í svikamillu Jóhönnu og Steingríms er að koma Þóru í forsetaframboð svo Jóhanna geti valsað á Bessastöðum.

[Sigurður Kristján Hjaltested (IP-tala skráð) 22.6.2012 kl. 07:53]

Lögð er áhersla á að virða einhvern dóm sem hefur enga lögsögu á Íslandi..???

Væri ekki nær að þessir andskotar virtu vilja íslensku þjóðarinnar og það

í tvígang, að íslenskur almenningur tekur ekki þátt í  svona glæpasukki..??

Ætli  það færi ekki hrollur um þetta stjórnarhyski, ef kæmist hér að alvöru

lýðræðisflokkur sem myndi framfylgja  stjórnarskránni, og hvert þeirra dregið fyrir

landsdóm vegna landráða, en það hafa þau svo sannarlega gert ef eftir henni

væri farið, og fengju að dúsa nokkur ár í fangelsi strippuð af öllum launum og

fríðindum. Ansi hræddur um að þessi stjórnmálastétt myndi vinna sína vinnu

öðruvísi með þetta hangandi yfir sér.

Þetta var gert í Póllandi og  því ekki hér..??

Sjálfsagt er það borin von um raunverulegt lýðræði, þar sem almenningur hér

landi, virðist njóta þess að best að hafa fjórflokkinn við völd og hræddur við

breytingar, því þrælslundinn er  skynseminni og réttlætinu sterkari.

Og þetta veit stjórnmálastéttinn.

M.b.kv

[Bjarni Gunnlaugur (IP-tala skráð) 22.6.2012 kl. 08:54]

"Og lífið mun sér farveg og að lokum mun flokkur lífsins ná hér völdum."

"Annars vegar er það flokkur lífsins sem setur baráttu gegn skuldaánauð barna okkar á oddinn"

Hvaða flokk ertu að tala um þarna? (Vonandi ekki svo keng kex ruglaður að það sé Sjálfstæðisflokkurinn)

[Ómar Geirsson, 22.6.2012 kl. 11:40]

Ekki ætlast ég til þess Bjarni að þið fótgönguliðar Helfararinnar skilji út á hvað flokkar lífsins ganga.

En í dag setur Samstaða lífið á oddinn, og eftir því sem ég best veit gera Hægrigrænir og Húmanistar það líka. 

Svo þeir sem eiga líf sem þarf að vernda, þeir eiga val.

Kveðja að austan.

[Ómar Geirsson, 22.6.2012 kl. 11:43]

Blessaður Sigurður,

Fólk vill breytingar, og mun kjósa breytingar þegar það sér raunhæfan valkost.  

Sem Hreyfing lífsins er.

Kveðja að austan.

[Ómar Geirsson, 22.6.2012 kl. 11:43]

Nákvæmlega Benedikta.

Kveðja að austan.

[Guðjón Sigþór Jensson, 22.6.2012 kl. 12:35]

Dálítil athugasemd:

Þú segir: „Lokaorrustan er hafin. Og við munum sigra hana“.

Hér er Algeng hugsunarvilla á ferðinni. Mér er ekki kunnugt um að nokkrum hafi tekist að sigra orrustu hversu vel sé grennslast um í sögunni.  Unnt er hins vegar að sigra í orrustu eða tapa henni.

Í næstu færslu þinni á undan fannst mér athyglisverð ummælin um bryggjuloforð Eysteins. Í hvaða vík eða víkum skyldi hann hafa lofað öllum þessum bryggjum?

Góðar stundir með Jóhönnu & Co.

[Ómar Geirsson, 22.6.2012 kl. 13:53]

Það má alltaf reyna Guðjón, en það flýtur margt inn á hundavaðinu. 

Víkin mín fagra er Vaðlavík og mér þætti líklegt að Eysteinn hafi lofað bryggjum í öllum víkum og fjörðum, og sjálfsagt látið byggja þær þar sem þeim var viðkomið en aðeins Árni Johnsen getur látið reisa höfn á sandi.  

Og já það verða örugglega góðar stundir með Jóhönnu og Co en þeim fer samt fækkandi, því loksins stefnir í að hennar tími sé kominn.  

Og hún muni eiga náðuga daga fjarri argþrasi stjórnmálanna.

Kveðja að austan.

[Jónatan Karlsson, 23.6.2012 kl. 11:15]

Góðan daginn Ómar.

Ég gleðst yfir lokaorðunum í þínum þó svo mjög ískyggilega pistli og vona með þér að það sé einhver glæta framundan með góðra manna hjálp. Mínar samsæriskenningar um á hvern hátt auðhringarnir sem eru hafnir yfir öll landamæri hyggjast bæta öllum auðlindum Íslands í safn sitt, samræmast nokkuð þínum. Svona til að undirstrika ráðabruggið, þá samþykkti "þjóðþingið" á síðasta starfsdegi sínum þá ósk Evrópusambandsins að hækka ábyrgðartryggingu ríkissjóðs á innistæðum bankana, úr 20 í 100 þúsund evrur. Enginn greiddi atkvæði gegn þessu og rann þetta létt og hljóðalaust í gegn. Þetta þýðir einfaldlega að þegar einn eða allir bankarnir tilkynna einhvern daginn að þeir séu gjaldþrota og í framhaldinu opinbera að 100 þús evrópskir reikningseigendur vilji að staðið sé við samningana, að þá eru allar eigur ríkissins sannarlega glataðar um aldur og ævi. Ef með guðs hjálp og góðra manna tekst að koma í veg fyrir þessi drottinsvik og unnt verður að draga landsölufólkið fyrir alvöru Landsdóm, þá ætti hann að taka hliðsjón dómum frænda okkar Norðmanna yfir Qvistling og hans vösku sveinum í lok síðustu heimsstyrjaldar, þó svo að samvinna hans við Þjóðverja væri hvergi nærri eins skipulögð og auðvirðileg og framferði þessara fáu tuga íslendinga sem eru að gulltryggja sig inn á fyrsta farrými í alþjóðasamfélagi framtíðarinnar.

[Haraldur Haraldsson, 24.6.2012 kl. 13:34]

Æi Ómar vinur minn ekki hætta alveg strax ,það þarf mann ein og þig til að segja þetta á móðurmálinu7KOMDU EINS FLJOTT OG AUÐIÐ ER//Kveðja að sunnan

[Guðjón Sigþór Jensson, 25.6.2012 kl. 00:16]

Sæll Ómar

Vaðlavík: getur verið að það sé Vöðlavík sunnan Gerpis og norðan við mynni Reyðarfjarðar? Finn ekki Vaðlavík en Vöðlavík finn eg þar.

Já pólitíkusarnir hafa lengi verið samir við sig. Eitt sinn á einn pólitíkus að hafa sagt við aðstoðarmann sinn á kosningafundi: „Skrifaðu brú“ og var sagt að þær hefðu verið orðnar víða nokkuð margar. Ein af síðustu þingmannabrúnum mun hafa verið reist inni í Mosfellsdal rétt upp úr 1980. Var þar sjálfur alþingisforsetinn sem taldi sig verða veðurtepptur ella ef brúin yrði ekki byggð.

Mér finnst líklegt að sagan eigi eftir að meta ríkisstjórn Jóhönnu betur en þið Frammaranir og Sjallarnir.

Ríkisstjórn Jóhönnu hefur tekist það sem ykkar mönnum mistókst. Væri ekki rétt að viðurkenna staðreyndir? Kannski að það sé öfundin um árangur Jóhönnu sem ræður för. Þið virðist ekki sjá neitt jákvætt en fylgið einhverjum pólitíkusum í blindni í að sverta störf stjórnarinnar bæði seint og snemma. „Heiftin er eitt reiðarslag“ er haft eftir meistara Jóni Vídalín um svona vinnulag og mættuð þið gjarnan lækka aðeins seglin svo þið drepið ykkur ekki á of háum blóðþrýstingi með öllum þessum látum.

Bestu kveðjur austur!

[Ómar Geirsson, 27.6.2012 kl. 07:22]

Blessaður Guðjón.

Ef þú lest skjöl höfðingjanna þá finnur þú Vöðlavík því þegar þeir rændu kirkjuna á sínum tíma, þá afnefndu þeir Krossavík og kenndu hana við höfuðbólið Vöðla.  

En við afkomendur smábænda og leiguliða köllum víkina Vaðlavík, og þar sem við áttum og eigum ritfæra menn þá kom nafnið Vaðlavík fyrir í rituðum heimildum á svipuðum tíma og nafn höfðingjanna, og þar með geta þeir ekki eignað sér nafnið.

En vitneskja fólks fer vissulega eftir því hvaða heimildir það les.

Og vissulega finnst fólk sem aðeins les rit skráð af höfðingjum og þeirra leppum.  Það telur ríkisstjórn Alþjóðagjaldeyrissjóðsins góða og að hennar verði minnst.  

Minnst fyrir að hjálpa auðræningjum að endurreisa sitt gamla þjóðfélag auðráns og misskiptingar þar sem almenningi var drekkt í skuldafeni útrásarinnar en auðránið fékk allt sitt afskrifað og enginn snerti hið stolna fé sem geymt er á leynireikningum sníkjusamfélaga eins og Tortilla eða City of London.   

En við afkomendur smábænda og leiguliða vitum betur.  Við vitum að rænd þjóð heimtar réttlæti, að rænd þjóð vill að ránsfengnum sé skilað.

Þess vegna fordæmum við ríkisstjórn Alþjóðagjaldeyrissjóðsins, sama hvaða flokkar hana skipa.  

Vont er vont, þó það sé gert í nafni jafnréttis og bræðalags Guðjón.

Og einn daginn munt þú skilja það.  

Svona þegar þú opnar bók eftir alþýðumann.  Eða til vara, heldur áfram að lesa þetta blogg þér til ánægju.

Kveðja að austan.

[Ómar Geirsson, 27.6.2012 kl. 07:27]

Blessaður Haraldur.

Aldrei verið frískari, aðeins í sumarfríi.

Hef oft séð lítinn tilgang í svona skæruliðablogg þegar enginn óvinur hefur átt leið framhjá fjallastígum mínum í óratíma, ekkert ICEsave og AGS til hlés.  

En nú er lokaorrustan hafin og þá nóg fyrir skæruliða að gera.  Við höldum jafnvel út á vígvöllinn í opna orrustu.  

Undir merkjum Hreyfingar lífsins.  

Og bloggum þá henni til stuðnings.

Sjáum til, þetta skýrist allt saman hvað úr verður en tími þess að horfa á og gera ekki neitt er liðinn.  

Þá sigra ógnaröflin, þá mun Helið verða hlutskipti barna okkar og barnabarna.  

Og hver vill það???????

Kveðja að austan.

[Ómar Geirsson, 27.6.2012 kl. 07:39]

Blessaður Jónatan.

Bláköld alvara lífsins er bláköld alvara, ekki samsæriskenningar.

Þjófar og ræningjar, siðleysingjar og grimmdarseggir, ríða röftum í heiminum í dag undir merkjum alþjóðvæðingar sem er fínt orð yfir þrælahald og arðrán.  

Þeir virða engin landamæri, þeir stela öllu.

Fyrst og fremst ærunni, heiðarleikanum, réttsýninni, sem og innviðum samfélaga okkar á Vesturlöndum.  

Þetta eru mennirnir sem myrtu frelsið, stálu hræinu og vöktu það upp að hætti doktors  Frankentstein, og kenna svo öll illvirki sín við frelsi, frelsi í viðskiptum, frelsi til að rústa samfélögum fólks með því að flytja allt fjármagn úr landi, frelsi til að flytja inn örbjarga fólk og bjóða því smánarkjör í samfélögum þar sem velmegun ríkir.  Smánarkjör sem grafa undan atvinnu og rekstri heiðarlegs fólks.  

Skrýmslið kalla þeir frjáls viðskipti, frjálsan markað en í raun er þetta uppvakningur ættaður úr neðra, sem færir þjóðum heims aðeins auðn og dauða.

Þetta skrýmsli þarf að fella, eyða, útríma, en ekki mennina sem hafa látið glepjast til fylgis við það.  Þá frelsum við, gerum þá frjálsa, sanna, heiðarlega.  

Gerum þá að fólki á ný.  

Sem er líklegast það versta sem er hægt að gera þessum Óberum en það er annað mál.

Kveðja að austan.