Nú þarf að hringja út til Sýrlands.

 "Hún sagði að krafa framkvæmdastjórnarinnar fæli í sér tækifæri fyrir Íslendinga að koma sjónarmiðum sínum betur á framfæri og að ekki væri rétt að leggjast gegn henni".

Hinn djúpstæði skilningur Jóhönnu Sigurðardóttur á aðferðarfræði ESB myndi eyða misskilningi almennings í Sýrlandi og fleiri löndum þar sem vel meinandi yfirvald á undir högg að sækja vegna þess að borgararnir fatta ekki að það er aðeins tækifæri fyrir þá að hermenn stjórnvalda skuli halda uppi linnulausri skothríð á allt kvikt.

Þetta er ekki ofbeldi eða kúgun, þetta er tjáningarform til ná fram ólíkum sjónarmiðum, til að hægt sé að koma þeim betur á framfæri og menn eiga ekki að leggjast gegn því.

Því snýst þetta ekki alltaf fyrst og fremst um vettvang tjáningarinnar????

 

Ég skal játa að ég er ekki sammála Jóhönnu, það er langt síðan ég var síðast sammála Jóhönnu.  En maður er bara greinilega ekki nógu djúpur til að fatta hið augljósa samhengi hlutanna.

En ég kann ekki Sýrlensku og  er því ekki hæfur til að hringja út hvort sem er.

En í universunum hlýtur einhver að vera nógu djúpur til að skilja þennan nýja vettvang tjáningarinnar, og ef hann er til, þá hlýtur hann að tala Sýrlensku því hann hlýtur að skilja allt.  Uppá honum þarf að hafa, ef hann er til,  svo að almennir borgarar í Sýrlandi geti dáið með bros á vör.  Skiljandi að ofbeldið er allt í góðu.

 

Fatti þeir þetta ekki þá ætti vera nóg til að ESB gulli í landinu sem má missa sín og gæti hjálpað manninum sem hugsanlega er til einhversstaðar, til að gylla speki Jóhönnu.

Það yrði kannski til þess að þjóðin losnaði við sjónvarpsfígúru úr umræðunni.

Uppí sjónvarp þar sem Útsvar saknar hennar.

 

Svo ég segir bara, "Áfram Jóhanna, áfram Jóhanna".

Kveðja að austan.

 

 

Rangt að leggjast gegn kröfunni

Athugasemdir

[Eggert Guðmundsson, 13.4.2012 kl. 12:54]

Djúpstæður skilningur Jóhönnu!! Þú er ávallt kurteis maður í skrifum þínum.

Flestir hefðu sagt annað og skiljanlegra orð sem lýstu Jóhönnu,  og því sem fer fram  í heila hennar.

[Ómar Geirsson, 13.4.2012 kl. 14:16]

Ja, það er alltaf möguleiki að finnist einn maður í alheiminum, sérstaklega ef nýjustu kenningar um samhliða heima séu réttar, sem skildi þessi rök Jóhönnu.  Þar með er tilgáta mín rétt, að skilningur hennar sé djúpstæður, kannski átti ég að bæta við, mjög djúpstæður, en það er sparðatíningur.

En það má svo sem bæta við Eggert að hegningarlögin eru ekki svona skilningsrík, þau hafa einhver ákvæði um að tilraun til að svipta landinu fullveldi sínu sé ekki "tækifæri fyrir Íslendinga að koma sjónarmiðum sínum betur á framfæri " en það er eins og það er, gilda einhver lög á elítuna???  Er einhver vaxtaþjófur í jailinu???, eða svo maður spyrji af hógværð, hefur einhver vaxtaþjófur skilað til baka ránsfeng sínum????

Og hvað með kókaínsugurnar út í London, er eitthvað að frétta af þeim???  Annað en djamm og djús???  Er eitthvað verið að spá í að illa fengnu fé sé skilað???

Og ef það er löglegt að skilja gróða eftir á einni kennitölu, búsettri í Tortilla, en láta kennitöluna búsetta á Íslandi sitja uppi með alla skuldirnar og þjóðina tjónið, væri þá ekki gild spurning að af hverju þeir sem settu þau lög siðleysunnar, af hverju þeir sitja ennþá við Austurvöll, leikandi aðalhlutverk í sirkusnum mikla kenndan við Alþingi???

Nei, ég læt mér duga að tala um djúphygli því annars þarf ég að glíma við vissar spurningar um þjóð mína.  Sem er eins og allir vita, bæði ágæt og fín.

En kannski auðspiluð.

Kveðja að austan.

[Eggert Guðmundsson, 13.4.2012 kl. 16:49]

Satt segir þú. Hvað með þögn Össurar um aðför ESB að Íslandi.   Mikilvægar upplýsingar sem hann lá á í 2 vikur, þannig að frestur til að svara rann út.

Eigum við ekki einhver orð yfir þessa háttsemi.