Af hverju stjórnar ekki Lilja efnahagsmálum????

 

"Veiking krónunnar mun auka verðbólgu og leiða til hækkunar stýrivaxta. Það er kominn tími á nýja ríkisstjórn, peningastefnu og seðlabankastjóra sem ver kjörin í landinu en ræðst ekki á þau í þágu erlendra kröfuhafa. Versni lífkjörin mun landflóttinn aukast!"

Hvaða annar stjórnmálamaður skilur samhengi hlutanna???

Og hvenær ætlum við að stöðva ránskap vaxtaþjófa og okurkalla???

Hvernig datt okkur yfir höfuð að kjósa yfir okkur fólk sem gengur erinda erlendra kröfuhafa????

Hvað er hægt að segja um fólk sem þykir vænna um dautt fjármagn en fólk???

Og níðist á framtíð barna okkar????

 

Og við fólum því lyklavöld í stjórnarráðinu!!!!

Er ekki alltílagi með okkur????

Er svona gaman að láta ræna sig að það  þarf endilega að gefa sama fólkinu annað tækifæri???

Til að ræna okkur.

 

Sama fólkið, sömu tuggurnar, sama niðurstaða, samt látum við þetta yfir okkur ganga.

Munum að það er framleiðsla sem skapar verðmæti, ekki sýndarveruleiki pappírsviðskiptanna. 

Munum að lífskjör okkar ákvarðast af tækni okkar og þekkingu, ekki af hinu meinta trausti og trúverðugleika peningastefnunnar. 

Munum að aðeins auðn fylgir fjárfestingum pappírstígrisdýra, þeir hafa aldrei skapað neitt, aðeins eytt, fyrirtækjum og efnahag.  Efnahag þjóða, efnahag fólks.  

 

Flokkar sem þjóna þeim, sem í sífelldu tuða um traust og hina meintu erlendu fjárfestingu, það eru flokkar auðnar og dauða.  

Það þarf ekki að rífast um það, sagan hefur kveðið upp sinn dóm.

Og aðeins blint fólk á staðreyndir greiðir slíkum flokkum atkvæði sitt.  Flokkunum sem þjóna Alþjóðagjaldeyrissjóðnum.  

Það er eitthvað að okkur sem þjóð að þeir skuli hafa eitthvað fylgi.  

 

Það kýs enginn hagfræði dauðans ótilneyddur.  

Ekki ef hann á líf sem þarf að vernda.

 

Það er kominn tími á Lilju.

Kveðja að austan.

 

 

 

Verið að tala niður gengi krónunnar

Athugasemdir

[Rakel Sigurgeirsdóttir, 26.3.2012 kl. 19:56]

Mér finnst það ákveðinn gæðastimpill á Lilju Mósesdóttur og framboðið sem hún leiðir að vita að þú treystir henni best líka.

[Lúðvík Júlíusson, 26.3.2012 kl. 20:09]

Ég sendi Lilju Mósesdóttur tölvupóst þar sem ég spurði hana hvers vegna hún samþykkti ívilnanir til auðmanna og þessara erlendu kröfuhafa. Hennar svar var að þeir væru stærri og mikilvægari en almenningur og eðlilegt að þeir fengju þar af leiðandi ívilnanir.

Hún greiddi atkvæði oftar en einu sinni með heimild til Seðlabankans að setja reglugerð og síðar lögfesti hún ívilnanir til auðmanna sem hefðu hugsanlega getað fellt hagkerfið og krónuna!  Það gerði hún vegna þess að hún hvorki las né kynnti sér innihald laga um gjaldeyrishöft.

Lilja er lélegur djókur,sorrí.

[Ómar Geirsson, 26.3.2012 kl. 20:25]

Takk Rakel.

Ég hef oft vitnað í góðar Liljur sem Lilja Mósesdóttir hefur kveðið.  Grein hennar í Smugunni um AGS er mín grunngrein um um skaðsemi þeirra Óberma.  Vitnaði oft og iðulega í hana í árdaga þessa bloggs, og einstaka sinnum síðan.  

Skildi bara aldrei afhverju hún skrifaði þessa grein þegar hún var í prófkjöri hjá VG, svona í ljósi þess að flokkurinn hafði gengið AGS á hönd.  En ég skil heldur ekki svo margt.

Ég hef líka hrósað þeim sem hrós eiga skilið, þó það blasi kannski ekki alltaf við.  Og það í öllum flokkum og öllum andófshreyfingum líka.  Líkt og ég hef sagt skoðun mína umbúðalaust þegar eitthvað hefur farið í pirrur mínar.  

Málið er Rakel að ég er einbeittur kerfisandstæðingur, ég vil kerfi misréttis og ránsskapar dautt.  Og ég vil að fólk sameinist um mannúðlega sýn á framtíðina.  Og skilji skynsemi þess að það eigi að láta sig náungan varða, að við séum öll á sama báti.

Í friði og sátt án afskipta ræningja og braskara.  En án þess að enda í ofstjórn.  

Líklegast er þetta of mikil útópía til að ég eigi samleið með nokkrum flokki í raunheimi.  

En ég styð allt gott fólk til góðra verka.  Játa samt að ég er pínulítið skotinn í henni Lilju.  Mér finnst hún skynsöm með sterka réttlætiskennd.  

En mig vantar ennþá sönnunargagnið, astraltertugubb til að ég falli alveg fyrir henni.

Kveðja að austan.

[Ómar Geirsson, 26.3.2012 kl. 20:35]

Lúðvík, þetta er ekki satt, og þú veist það.  Ekki það sem þú ert að segja um útfærsluna á gjaldeyrishöftunum, en samhengið sem þú setur gagnrýni þína í.  

Kröfur þínar til Lilju eru ómannlegar.  Ég viðurkenni þó að ég hef byggt mér bústað í skýjunum en þú setur þér einhver viðmið sem enginn getur uppfyllt.  Þú finnur eitthvað sem þú getur sett út á en málar svo allt svart í kjölfarið.

Það stendur enginn stjórnmálamaður undir svona kröfum.

Og það er heldur ekki ætlun þín.  Aðferðarfræði þín er úthugsuð til að afvopna skynsemisfólk sem bendir á hið augljósa, að ríkisstjórn þin er nakin á berangri og hefur ekkert gott gert þessari þjóð.

Og það sorglega við þetta er það Lúðvík, er að það varla blæbrigðamunur á þér og Lilju.

Þú ættir að byggja upp flokk hennar í stað þess að rífa hann niður.  Þú hefur það margt gott og skynsamlegt til landsmála að leggja.

Eitthvað sem er ekki hlustað á í flokki þínum.

Kveðja að austan.

[Hrúturinn (IP-tala skráð) 26.3.2012 kl. 20:44]

Var að íhuga að greiða Lilju atvæði mitt. Síðan skilst mér að hún raði eintómum konum á listann. Kýsa hana ekki sé svona háttað, og veit um fleiri sömu skoðunar. Af því að ég styð jafnrétti.

[Ómar Geirsson, 26.3.2012 kl. 20:50]

Hvað segirðu Hrútur???

Ég er ekkert fyrir jafnrétti, finnst konur yfir höfuð miklu flottari en við kallarnir.  Þori bara ekki að segja það, þær eru svo móðgunargjarnar.

En ég kýs lífið.  

Ég á nefnilega líf sem þarf að vernda.

Kveðja að austan.

[Lúðvík Júlíusson, 26.3.2012 kl. 20:54]

Sæll Ómar, ég held að það séu ekki ómannlegar kröfur að þingmenn lesi frumvörpin áður en þeir samþykkja þau.  Við Lilja erum mjög ólík, ég kynni mér málin en ekki hún.

Aðferðafræði mín er ekkert úthugsaðri en það að benda á þegar þingmenn eru ekki að segja sannleikann eða vinna eftir því sem þeir segja.  Það hef ég gert varðandi þingmenn í stjórn og stjórnarandstöðu.

kveðjur af Suðurnesinu.

[Pétur Örn Björnsson (IP-tala skráð) 26.3.2012 kl. 21:01]

Undarlegt hvað Lúðvík ræðst alltaf á Lilju.

Er hún seðlabankastjóri?  Er það ekki Már Guðmundsson, sem flokkssystir þín Jóhanna skipaði í djobbið? 

Ber hún ábyrgð á klúðri Jóhönnu og þinnar náskyldu ríkisstjórnar Lúðvík?

Nei, og það veistu fullvel, en það væri betra að hún stjórnaði hér efnahagsmálum eins og Ómar leggur hér til.

Lestu nú þessa einsteklega góðu grein Lilju og reyndu svo að skamma þín eigin flokkssystkini, í ríkisstjórn Lúðvík minn, því vegna blindni þinnar og staurblindra flokksystkina þinna er almenningur blóðmjólkaður:

http://liljam.is/greinasafn/2012/thjodnyting-einkaskulda-almenningur-blodmjolkadur/

[Pétur Örn Björnsson (IP-tala skráð) 26.3.2012 kl. 21:08]

Hvað veldur þínum eineltislegu árásum á Lilju og á Lilju eina Lúðvík minn.

Er það svo Lúðvík að þú og þínir samfylktu vinir séu svo hræddir við Lilju?

Ég hef aldrei séð þig gera þær kröfur til þinna eigin samfylktu flokkssytkina sem þú gerir til Lilju.

Hvað veldur LÚðvík minn?

[Pétur Örn Björnsson (IP-tala skráð) 26.3.2012 kl. 21:25]

Þar sem óvíst er hvort Lúðvík vilji sjá ljósið, þá klippti ég þetta út úr grein Lilju, sem ég vísaði til hér að ofan.  Vonandi skilur nú Lúðvík og aðrir að Lilja er enginn aðdáandi gjaldeyrishaftanna.  Hér gerir hún hins vegar mjög góða grein fyrir hverja helferðarstjórn Jóhönnu og Steingríms vinnur ... skilurðu nú Lúðvík minn að höftin eru beinlínis gegn bæði mér og þér og öllum hinum mörgu og smáu, enda ver ríkisstjórn þinna útrásarvíkingana og uppreista bankstera að beiðni AGS.  Þetta skiljum við Ómar Geirsson, en hvenær skilur þú þetta Lúðvík minn?:

"Sífellt fleiri sérfræðingar taka nú undir tillögu mína um skatt á útstreymi fjármagns sem ég lagði m.a. til í grein í Fréttablaðinu í lok október 2008. Tillögu minni var slátrað af fólki sem veit ekkert um fjármálakreppur og skilur ekki nauðsyn þess að skrifa niður tapaðar eignir sem notaðar voru til að fjármagna fjárfestingar og neyslu fyrirtækja og einstaklinga sem nú eru gjaldþrota. Í stað t.d. 80% skatts á útstreymi fjármagns voru innleidd gjaldeyrishöft sem vernda kröfuhafa gegn eignarýrnun og tryggja þeim hæstu ávöxtun sem völ er á í Evrópu. AGS ráðlagði stjórnvöldum að styggja ekki eigendur þessara froðueigna. Aflandskrónueigendum var því boðið að umbreyta froðueignum sínum í ríkisskuldabréf án afskrifta og með hárri ávöxtun. Ávöxtun sem sótt er í vasa skattgreiðenda og skuldsettra heimila og fyrirtækja á Íslandi. Eftir hrun hefur þjóðin ekki átt gjaldeyri til að kaupa krónueignir aflandskrónueigenda og kröfuhafa.

Útflutningstekjurnar hafa farið í að greiða fyrir innflutning og vexti og afborganir af erlendum skuldum. Útstreymi vaxtagreiðslna af froðueignum sem eru á leið út úr hagkerfinu hefur veikt gengi krónunnar og gert endurfjármögnun erlendra lána erfiðari og dýrari en ella. Fljótlega þarf t.d. Nýi Landsbankinn að endurfjármagna lán að upphæð um 320 milljarða. Nauðsynlegt er að fá nýtt erlent lán til að koma í veg fyrir að þessi upphæð bætist ekki við um 700 milljarða eignir aflandskrónueigenda og kröfuhafa gömlu bankanna sem sitja fastar á bak við höftin og bíða þess að fara út. Útstreymi sem setur mikinn þrýsting á krónuna til lækkunar. Höftin virka eins og vatnsaflsvirkjun sem lokar á útstreymið og á bak við vegg virkjunarinnar safnast upp stöðugt hærra stöðulón peninga. Stöðulón sem núna er um 1.000 milljarðar en fer niður í um 700 milljarðar um leið og búið er að tryggja endurfjármögnun Landsbankans."

[Ómar Geirsson, 26.3.2012 kl. 22:22]

Blessaður Lúðvík.

"ég kynni mér málin en ekki hún."

Þú veist að þessi fullyrðing þín er ósönn, hún er áróður.  Þú veist það líka í sumum málum þá hefur þú ekkert í Lilju að gera.  En ég veit að í sumum málum gæti vel meinandi fólk eins og Lilja lært heilmikið af þér. 

Það gæti það líka í flokki þínum, en ekki veit ég hvað gerðist við Hrunið en eftir Hrun er eins og að Samfylkingin hafi breyst í trúarstofnun og það sem verra er, að vanvit er þar haft í hávegum.  Leiðin til metorða liggur í gegnum skrum og frasa.  Og í hreinskilni þá sé ég ekki samhljómun skoðana þinna við það vanvit.

En ég hef tekið eftir því að það er viss heiður að þú hjólir í menn Lúðvík, þú lætur vitleysingana í friði.  Þeir sjá um sig sjálfir.

Lilja er ekki guð, hún er mannleg eins og við hin.  Reikna með að henni blæði eins og öðru fólki.  Og henni verður á, og hún hefur ekki alltaf rétt fyrir sér.  En það gildir víst líka um Seif og hans undirmenn, ef marka má fornar sagnir.

Lilju væri fengur í skynsamlegri umfjöllun um verðmætasköpun í sjávarútveginum og hún þyrfti gott debat um gildi krónunnar fyrir þá verðmætasköpun.  Hún skilur rök og rífst ekki við staðreyndir, hefur aðeins skoðanir þar sem skoðanir er hægt að hafa.  

En við brotthvarf Ingibjargar og síðan seinna meir Þórunnar, þá hvarf kjölfesta skynseminnar úr flokki þínum.  Og hann er sorglegur í dag.

Og innst inni þá veist þú Lúðvík að ég er ekki að ýkja, ekki núna.

Kveðja að austan.

[Pétur Örn Björnsson (IP-tala skráð) 26.3.2012 kl. 22:24]

Og mismunandi skiptigeng, með Nýkrónu,

eftir því hvort um hrægamma elítunnar eða venjulegt fólk, er að ræða

er lykillinn að raunhæfri leið út úr því helvíti sem ríkisstjórn Jóhönnu og Steingríms hefur búið okkur sauðsvörtum almúganum:

"Skattlagningu á útstreymi fjármagns hefur verið hafnað á þeirri forsendu að skatturinn gangi á eignarrétt kröfuhafa og gegn ákvæði EES samningsins um frjálst flæði fjármagns. Upptaka Nýkrónu með mismunandi skiptigengi er leið framhjá þessum vandkvæðum. Launum fólks í landinu yrði breytt í Nýkrónu þannig að upphæð þeirra yrði óbreytt. Froðueignir á leið út úr landi yrði hins vegar skipt yfir í Nýkrónu þannig að 10 milljónir í gömlum krónum yrðu t.d. 2 milljónir í Nýkrónum. Upptaka Nýkrónu myndi þannig laga ytra ójafnvægi hagkerfsins sem birtist í því að þjóðin hefur ekki efni á að kaupa krónueignir aflandskrónueigenda og kröfuhafa nema fella gengi krónunnar enn meira og skerða verulega lífskjör almennings með hærra vöruverði og dýpkandi skuldakreppu heimilanna.

Jafnframt væri nauðsynlegt að nota upptöku Nýkrónunnar til að laga innra ójafnvægi hagkerfisins sem felst í því að sumir eiga alltof miklar eignir (fjármagnseigendur og lífeyrissjóðir) og aðrir eru of skuldsettir. Við upptöku Nýkrónunnar þyrfti því að skrifa húsnæðisskuldir þannig að 10 milljón kr. lán færi yfir á 8 milljónum kr. og lækka eignir fjármagnseigenda til samræmis. Upptaka Nýkrónu er ekki töfrabragð heldur nauðsynleg varnaraðgerð til að koma í veg fyrir aukna fátækt og stórfelldan landflótta á næstu árum."

[Pétur Örn Björnsson (IP-tala skráð) 26.3.2012 kl. 22:38]

Það er alveg hárrétt hjá þér Ómar, að Lúðvík veit þetta allt saman innst inni.

Kannski hann muni nú brátt viðurkenna það, sem hann veit inni: 

"Ég verð að viðurkenna það, að nú Sé ég loksins, loksins, loksins sé ég C":-) 

[Ómar Geirsson, 26.3.2012 kl. 22:42]

Blessaður Pétur.

Það sjúkasta við þetta er að hávaxtastefnan hefur magnað upp þessa froðu.  Og umræðan er svo heimsk að hún talar alltaf um upphæðina eins og hún var í byrjun hafta.  Og síðan reikna menn út svo og svo mikla lækkun hennar þegar Seðlabankinn dundar sér við að greiða út smáskammta með beinhörðum gjaldeyri lífeyrissjóðanna.

Ég vildi mikið gefa til að sjá inní heilabú venjulegs blaðamanns á Íslandi í dag, til dæmis ógæfufólksins á Ruv.  Er heili þarna inni????

En eins og ég bendi á, og hef áður bent á, upphaf og endir alls vanda, erum við sjálf.  Það erum við sem kjósum að líta á okkur sem ósjálfbjarga vesalinga sem geta ekkert gert gegn ránsskap og ofríki braskara.  

Að við höfum ekki vit, að við höfum ekki skynsemi, og að við höfum ekki manndóm til að gera það sem þarf að gera.

Og eyðum tímanum í tilgangslaust argaþras um meintar misgjörðir "hinna", þegar "okkar" eru jafnsekir.

Og það að valkosturinn við þessa ríkisstjórn ógæfunnar sé Sjálfstæðisflokkurinn með um 40% fylgi af þeim sem afstöðu taka, það segir allt sem segja þarf um kviksyndið sem þjóðarsálin er lent í.  Ekki að mér sé á nokkurn hátt í nöp við Sjálfstæðismenn, þeir stóðu sem klettar í ICEsave deilunni gegn kúgun og ofríki, undanlátsemi og aumingjaskap, en þeir lúta forystu barna sem ekkert hafa til mála að leggja en aumkunarvert frasakjaftæði um erlenda fjárfestingu og uppbyggingu stóriðju.  Og lippast niður í hvert skipti sem braskarafjármagnið þenur sig.

Bjarni og Ólöf eru ekki Bjarni og Ólafur, það er langur vegur þar á milli.  Eins langur og það tekur barn að þroskast í fullorðna manneskju.  Það var svo sorglegt að hlusta á þau á síðasta flokksfundi að maður tók það hreinlega nærri sér.  Seint hefði ég ímyndað mér að ég ætti eftir að finna til með hinum venjulega íhaldsmanni út af forystuvandræðumn flokksins, en engin veit sína ævi fyrr en hún er öll.

Og megin fórnarlömb AGS eru úr stuðningskjarna Sjálfstæðisflokksins, þeir sem eitthvað eiga og þeir sem reyna að reka fyrirtæki.  Um okkur hin gildir að það er erfitt að stela frá þeim sem lítið eiga.

Nei Pétur, ljósið er mörgum hulið þessa dagana.

Kveðja að austan.

[Ómar Geirsson, 26.3.2012 kl. 22:45]

Þú veist það Pétur að ég er gjarn á að hafa rétt fyrir mér.  En hvort Lúðvík viðurkenni það, það er annað mál.

Og frekar torleyst.

Kveðja að austan.

[Hrúturinn (IP-tala skráð) 26.3.2012 kl. 22:57]

Líf viðhelst ekki án náinnar samvinnu beggja kynja...lærði ég allavega í sveitinni...kannski úrelt...

[Ómar Geirsson, 26.3.2012 kl. 22:59]

Aha, þess vegna er ég kannski svona hrifinn af kvennfólkinu. 

Kveðja að austan.

[Pétur Örn Björnsson (IP-tala skráð) 26.3.2012 kl. 23:21]

Ef Hrúturinn er sannur hrútur (í stjörnumerki vænti ég),

þá ætti hann að vita

að þar sem eru góðar konur ... þangað streyma kallarnir, fyrr en síðar:-)

[Ómar Geirsson, 26.3.2012 kl. 23:29]

Vildi ég sagt hafa.

Kveðja að austan.

[Pétur Örn Björnsson (IP-tala skráð) 26.3.2012 kl. 23:34]

Ad aths. 15

Það veit ég Ómar minn, að þú hefur (nánast) alltaf rétt fyrir þér,

enda samsinni ég þér (nánast) alltaf og það með mikilli ánægju.

Kveðja að sunnan.

[Ómar Geirsson, 26.3.2012 kl. 23:45]

"Gjarn", "nánast", er það ekki sama skilyrðingin sem gerir fullyrðinguna það teygjanlega að hún er næstum því sönn.

En þetta er búinn að vera ágætur dagur í bloggheimi, hef ekkert fylgst með í marga daga.  Hef kíkt núna í kvöld á marga og lesið suma, en vildi lesa meira því margs verður maður fróðari um umræðuna.

Og það slær mann þögnin um velferðarkerfi krónubraskara.

Hver gaf Seðlabankastjóra það vald að hann geti sett þjóð sína á þurfamannabekk????

En vonandi hefur þessi pistill vakið einhverja til umhugsunar, meira getur maður ekki gert.

Kveðja að austan.

[Pétur Örn Björnsson (IP-tala skráð) 26.3.2012 kl. 23:58]

Það hlusta margir Ómar, þegar þú sprengir þögnina

... og þylur nokkra þrumupistla í röð yfir landsbyggð alla og nærð þá til allra átta.

Af því tilefni:  Með kveðju að norðan, austan, sunnan og vestan.

[Lúðvík Júlíusson, 27.3.2012 kl. 00:31]

Pétur, þú veist að Lilja segir eitt en kýs öðruvísi á Alþíngi.

Hún boðar skiptigengisleið en hún greiddi atkvæði með lögum svo Seðlabankinn gæti keypt gjaldeyri af auðmönnum á miklu hærra verði en af okkur almenningi!

Hún greiddi einnig atkvæði með fjölmörgum undanþágum til auðmanna!

Ég veit einnig og hef sýnt fram á að hún las hvorki né kynnti sér lögin um gjaldeyrishöftin!

Stjórnarliðar og embættismenn segja gjafir og ívilnanir til auðmanna vera nauðsynlegar en Lillja neitar því að þetta sé til.

m.b.k. 

[Pétur Örn Björnsson (IP-tala skráð) 27.3.2012 kl. 01:40]

Mér sýnist nú á öllu, að þú sért sammála Lilju í megin-atriðum Lúðvík, enda margt í hennar málflutningi sem tónar við þinn.  En auðvitað skil ég vel að þú hafir það stolt til að bera, að vilja ekki strax viðurkenna það. 

En svo máttu hafa hugfast Lúðvík, að Lilja er nú án þingflokks og því eru mörg mál sem hún þarf að setja sig inn í, ein og óstudd þar og fremur að reynt sé af stjórnarliðinu að setja henni stólinn fyrir dyrnar og láta hana ekki fá öll gögn mála, fyrr en seint og um síðir ... eru þá kannski stjórnarliðarnir í millitíðinni að fela gjafirnar og ívilnanirnar til útrásarvíkinga, kannski með gjaldkera flokks þíns, sem sumir staðhæfa að hafi stundað markvisst skorttöku gegn krónunni, ásamt föður Sigmundar Davíðs?  Fylgistu ekki nógu vel með Lúðvík minn, en einblínir bara á Lilju?

Það er alveg ljóst að ekki veitti Lilju af myndarlegum liðsstyrk á þingi... og um það munu næstu kosningar snúast og mín spá er að sá þingflokkur gæti orðið með þeim stærri þar, sannaðu til Lúðvík og þá mun hann hafa Þingstyrk til að koma hér á heilbrigðum umbótum og láta öllum orðum fylgja efndir!  Það verður meira en sagt hefur verið um helferðarstjórnina.

Hvað segist um það Lúðvík minn?

Mbkv. 

[Lúðvík Júlíusson, 27.3.2012 kl. 08:19]

Nei Pétur, fólk sem greiðir atkvæði um mikilvæg frumvörp án þess að kynna sér þau á lítið sameiginlegt með mér, hvort sem það eru stjórnarliðar eða stjórnarandstæðingar.  Þetta finnast mér vera léleg vinnubrögð.

Ég hef haft samband við Lilju til þess að spyrja hana um viðhorf og til að kynna fyrir henni áhrif fyrirliggjandi frumvarpa.  Hún hefur haft lítinn áhuga en tók rökum Seðlabankans fram yfir mín athugasemdarlaust.  Það fannst mér upplýsandi.  Nú hefur Seðlabankinn í skjóli laga sem hún greiddi atkvæði sitt millifært milljarða króna til auðmanna og hyggst að lokum vera búinn að færa tugi milljarða.  Fyrir þetta greiðir almenningur með hærri vöxtum, verðbólgu og lakari kaupmætti.  Þessu hef ég og mun ég halda áfram að mótmæla.  Þetta ver Lilja og því mótmæli ég því þegar hún setur sig á háan hest, boðar eitt en gerir annað.

Ég horfi ekki of mikið á Lilju, ég hef gagnrýnt mjög jafnt yfir línuna.

m.k.kv.

[Ómar Geirsson, 27.3.2012 kl. 08:34]

Það er nú þessi hlustun Pétur, hún er nú eins og hún er.  Það er skýring þess að lærimeistarar mínir, Jónas frá Hriflu og Gandálfur grái, þeir voru miklir sjónhverfingarmenn, og þeir sprengdu mikið til að fanga athygli umhverfisins.

Ef ég reiknaði með að einhver tæki mark á mér þá hefði ég til dæmis orðað gagnrýni mína á forystu Sjálfstæðisflokksins á annan hátt en ég gerði hér að ofan.  Rök eru vissulega ágæt, en með þeim leiðinlega galla að það nenna sárafáir að lesa þau.  Sem eðlilegt er, annars gerðu menn ekkert annað.  

En þau eru nú samt hér og þar og allsstaðar, og takast á hér í bloggheimi, á sinn hátt.  En skemmtigildið ræður samt hvort menn eru lesnir eða ei.

Við Íslendingar erum þjóð orðhákanna.

Kveðja að austan.

[Birgir (IP-tala skráð) 27.3.2012 kl. 10:54]

Ómar (og aðrir þeir sem nenna að elta ólar við skrif Lúðvíks Júlíussonar): Áður en þið haldið áfram að berja höfðinu við steininn þá verðið þið að átta ykkur á því að Lúðvík Júlíusson er yngri bróðir Katrínar Júlíusdóttur Samfylkingarráðherra. Að sjálfsögðu litar þetta öll hans skrif og allt hans viðhorf; það er auðvitað engin furða þó drengurinn líti hornauga ný framboð og finni þeim allt til foráttu (ég tala nú ekki um ef þessi nýju framboð eru að gera sig líkleg til að þurrka út stóran hluta af fylgi Samfylkingarinnar, sem verður væntanlega að breyta um heiti og kalla sig "Smáfylkinguna" eftir kosningar).

Látið því tuð hans og röfl um Lilju sem vind um eyri þjóta og gefið því engan gaum. Þetta gremjuraus er einfaldlega ekki svaravert. Vanti ykkur hinsvegar frekari sannanir um vondar skoðanir og lélega spádómsgáfu, þá getið þið ykkur til skemmtunar rifjað upp skrif Lúðvíks til varnar Icesave samningunum, en fyrir þeim barðist hann harkalega frá fyrsta degi. Voru þar margar upphæðir fabríkeraðar og margar dómsdagsspárnar þuldar ... og allt er það nú að gjalti orðið.

En sýnum dreng skilning. Auðvitað hlýtur ástandið að fara alveg óumræðanlega í skapið á honum, likt og öðru Samfylkingarfólki.

[Pétur Örn Björnsson (IP-tala skráð) 27.3.2012 kl. 11:41]

Satt segirðu Birgir, að Lúðvík Júlíusson er yngri bróðir Katrínar Júlíusdóttur, Samfylkingarráðherra.

Og fylkti liði með Vilhjálmi Þorsteinssyni, makker Björgólfs Thor, gjaldkera Samfylkingarinnar

og æltaði að troða Icesave samningum Svavarsklíkunnar sem klafa á sauðsvartan almúgann. 

Já, nú skil ég Birgir hverra Lúðvík er.

[Ómar Geirsson, 27.3.2012 kl. 15:44]

Blessaður Birgir.

Vissulega þekki ég bakgrunn Lúðvíks og hef rætt við hann um ýmis málefni.  Og þá líklegast oftast ósammála.  Ætti því að þekkja kauða og veit nákvæmlega hvað ég er að segja þegar ég slæ því fram að hann er rökfastur og málefnalegur.  Menn geta alveg verið það þó þeir séu ósammála mér.  Og jafnvel líka þegar þeir tengjast ráðherrum Samfylkingarinnar.  

Stundum gleyma menn því að það gátu legið málefnalegar ástæður að baki stuðningi fólks við ICEsave, menn mátu rök með og á móti og þyngst vó mat manna um nauðsyn aðildar að ESB.  Þá til að fá evru og stöðugleika.  Ef ég man rétt þá lásu um 40 manns grein mína sem ég ritaði að kveldi svikadagsins þegar  Alþingi samþykkti samhljóða ICEsavesamninginn fyrsta með breytingum. Greinin fjallaði um að það væri ekkert val í ICEsave deilunni, krafa breta væri ólögleg samkvæmt íslenskum, breskum og lögum Evrópsambandsins.  Alþingi hefur ekkert vald, þó það sé samhljóða, að samþykkja lögbrot, það þarf fyrst að breyta viðkomandi lögum.

Ef ég man það líka rétt þá fékk ég ekkert komment á þessa grein.

Það hafa margir samþykkt ICEsave, mun fleiri en fólk vill viðurkenna í dag. 

Þó það blasi ekki alltaf við á þessu bloggi þá er til önnur hlið á því og hún heitir, ræðum málin hliðin.  Kemur stundum fyrir þegar átök eru frá í athugasemdarkerfinu.  Eins þjáist húsráðandi af þeirri meinloku að framtíð lands og þjóðar er í húfi ef ekki tekst að stilla saman strengi fólks, að það snúi bökum saman og verji framtíð barna sinna.  Hér til dæmis er vitnað í Lilju Mósesdóttur þar sem hún bendir á eina áþreifanlega ógn sem mun lama þjóðfélag okkar ef vilji krónubraskara gengur eftir með dyggum stuðningi nautheimskra hagfræðinga, jafnt í Seðlabankanum sem í Háskóla Íslands.

Þegar hinni opinberu umræðu er stjórnað af nautheimsku fólki í þágu ræningja og ruplara, þá er full ástæða að reyna finna fleti með þeim sem hafa heimskuna ekki sér til afsökunar.  

Ég er þess fullviss að bæði Lúðvík og Lilja geta lært af hvoru öðru og kraftar Lúðvíks kæmu að gagni hjá vitibornu fólki.  Ekki það að ekki sé margt gott fólk í Samfylkingunni, vitræn umræða einfaldlega gufaði upp í flokknum eftir Hrun.  Og hefur ekki sést síðan.

Sá sem vill taka sig alvarlega á málefnalegum forsendum, hann styður einfaldlega ekki Samfylkinguna í dag.  Öll gagnrýni á Lilju Mósesdóttur, sem vísar í fagleg rök, hún einfaldlega heyrist ekki fyrir brothljóðum ef hún kemur úr húsakynnum Samfylkingarinnar.

Þessa umræðu eiga stuðningsmenn Lilju Mósesdóttur að þora að taka en ekki segja sig frá henni með tilvísan í ætt og fyrri störf.  

Sá sem hefur rökin sín megin, á að nota þau.

Af hverju heldurðu að rökræðan hafi dáið út í Samfylkingunni???

Kveðja að austan.

[Lúðvík Júlíusson, 27.3.2012 kl. 17:42]

Birgir og Pétur, ef þið lesið það sem ég skrifa á blogginu mínu þá sjáið þið að ég hlýði ekki skipunum, hvorki fá fjölskyldumeðlimum né einhverjum flokkum.  Ef svo væri þá hefði ég aldrei kvartað yfir Seðlabankanum til Efnahags- og viðskiptaráðuneytisins og svo í kjölfarið til Umboðsmanns Alþingis.  Ég hefði einnig ekki kvartað til Samkeppniseftirlitsins og ESA vegna íslenskra stjórnvalda.

Ég hef náð miklum árangri(þar á meðal auknu jafnræði gagnavart gjaldeyrishöftum með auknum undanþágum til almennings og færri undanþágum til auðmanna og jafnari stöðu innlendra og erlendra aðila) og þeim árangri hef ég náð í algjörri andstöðu við það fólk sem þið segið að ég hlýði og verji.

Ég legg mig fram við að ræða málin af þekkingu og án fordóma og vona að svo megi einnig vera í framtíðinni.  Það þýðir þó ekki að allir verði sammála að lokum.

bestu kveðjur, Lúðvík

[Birgir (IP-tala skráð) 27.3.2012 kl. 18:01]

Sæll Ómar

Skil hvað þú ert að fara og er algerlega sammála þér um eitt: málin verður að ræða og hlusta eftir skynsamlegum rökum. Það er engin skömm að því að skipta um skoðun ef gildar ástæður liggja að baki.

En það sem ég var að reyna að benda á (og tókst sjálfsagt ekki að orða nægilega skýrt) er að til er fjöldinn allur af einstaklingum sem rök bíta einfaldlega ekki á. Þetta er fólk sem er nú þegar búið að mynda sér skoðanir (oftar en ekki eftir flokkspólitískum línum og leiðtogahollustu) og það mun ekki hvika í neinu frá þeim skoðunum sínum, sama hversu sterkum og sláandi rökum er beitt í umræðunni. Við þekkjum áræðanlega fjöldan allan af slíku fólki, beggja vegna "víglínunnar".

Og eftir að hafa hnakkrifist og rökrætt við Almættið og sköpunarverkið allt í þau þrjú og hálft ár sem liðin eru frá hruni, þá verð ég að viðurkenna að mig skortir orðið þrek til að standa í þrefi við svona fólk. Glaður skal ég skiptast á skoðunum við þá sem eru raunverulega til í að meðtaka rök og miðla, en rekist ég á fólk með lokaða huga; fólk með fyrirfram gefnar niðurstöður; fólk sem er þess ekki megnugt að rífa sig upp úr hjólförum flokkshollustunnar; fólk sem ekki getur sett hagsmuni heildarinnar ofar eigin stundarhagsmunum eða leiðtoga sinna ... þá bý ég því miður ekki lengur yfir þeirri þolinmæði sem þarf til að eiga við það orðastað. Frekar nota ég tímann í eitthvað annað og spara röddina fyrir meira gefandi samræður. Stundum er nefninlega betra að plægja akurinn en berja höfðinu við steininn.

En ég ber samt virðingu fyrir þeim sem ennþá hafa ekki gefist upp á að snúa þeim allra þráustu, og óska þér góðs gengis í viðureigninni!

Kveðja úr kaupstað.

[Lilja Mósesdóttir (IP-tala skráð) 27.3.2012 kl. 20:24]

Skemmtileg og málefnaleg umræða hér á blogginu hjá þér Ómar Geirsson!

Einn maður virðist þó ekki geta haldið sig við málefnin heldur þarf alltaf að koma óbeit sinni á persónu minni á framfæri.  Á meðan ég sé hann ekki gagnrýna systur sína og aðra félaga sína í Samfylkingunni fyrir gjaldeyrishöftin, þá hef ég á tilfinningunni að hann stjórnist fyrst og fremst af pólitískum hvötum.  Auk þess skil ég ekki af hverju hann hættir ekki þessari gagnrýni núna þegar ég ber enga ábyrgð á gjaldeyrishöftum eftir að þau voru hert fyrir nokkrum vikum með atkvæðum félaga hans í Samfylkingunni og VG en ekki mínu atkvæði.

[Lúðvík Júlíusson, 27.3.2012 kl. 21:02]

Lilja mín, ég hef gagnrýnt samflokksfólk mitt ítrekað varðandi gjaldeyrishöftin og meðal annars kvartað yfir þeim til helst eftirlitsstofnanna hér innanlands og erlendis.  Er það ekki gagnrýni? Ég hefði haldið það.

Ég stjórnast ekki af pólitískum hvötum heldur málefnalegum og hef jöfnuð og réttlæti að leiðarljósi.

Herðing gjaldeyrishaftanna nú síðast var af hinu góða þar sem það snérist um afnám undanþága til ákveðinna hópa fjármagnseigenda.  Í mínum huga(og hjarta) eiga allir að vera jafnir og án sérstakra lögfestra undanþága og ívilnana.

Best kveðjur,

Lúðvík

[Ómar Geirsson, 27.3.2012 kl. 23:50]

"Ég stjórnast ekki af pólitískum hvötum heldur málefnalegum og hef jöfnuð og réttlæti að leiðarljósi."

Júlíus, ef þetta væri rétt, þá værirðu ekki í fyrsta lagi í Samfylkingunni, þú veist að ef aðgerðaplan AGS um ICESave og krónubraskaralánið hefði gengið eftir, þá væri landið gjaldþrota í dag.  Og það kerfi sem tryggir jöfnuð og réttlæti fyrir bí.  Þetta eru staðreyndir sem þú getur ekki afneitað, það er að segja ef þú heldur þig við staðreyndir.

Í öðru lagi þá getur ekkert annað en pólitískar hvatir útskýrt gagnrýni þína.  Þú veist að Lilja var eini hagfræðingurinn sem kom strax haustið 2008 með raunhæfar tillögur um hvernig ætti að díla við aflandskrónurnar.  Það er að  skattleggja útstreymið og frysta verðtrygginguna á meðan. Eitthvað sem til dæmis Jón Daníelsson hagfræðingur segir í dag að hafi verið eina vitið.  Þinn flokkur vildi það ekki en þú styður hann en gagnrýnir Lilju.  Aðeins pólitískur hvati getur útskýrt þá hegðun.  Það er ekki nóg að vísa í gagnrýni ef maður síðan umber flokki sínum algjöra vitleysu.  

Síðan berð þú eiginlega í bakkafullan lækinn með því að vísa í efnislegan ágreining, sem ég veit að er til staðar í málinu því ég las linkana sem þú vísaðir mér á þegar ég spurði þig um rökin fyrir samskonar gagnrýni þinni fyrr í vetur, og fullyrðir út frá honum að Lilja lesi ekki þau frumvörp sem hún samþykkir.  Þú veist ekkert um það, en þetta er svo fyndið því þú studdir flokk þinn í ICEsave þegar það er sannað að þingmenn hans lásu ekki samninginn sem lá að baki fyrsta ICEsave frumvarpinu.  Og sterkar grunsemdir eru uppi um að forsætisráðherra hafi ekki heldur gert það.  Þó fullyrðing þín sé sönn, sem þú hefur ekki hugmynd um, þá er þetta samt stórhlægilegt og aðeins sterk pólitísk tengsl eða hagsmunir útskýra slíkt rökfræðilegt kviksyndi.

Í þriðja lagi er það ekki málefnalegt að koma inn með athugasemd um þriðja aðila þar sem maður gerir við hann ágreining um mál sem er ekki til umræðu.  Ég  var að vekja athygli á afleiðingum núverandi stefnu Seðlabankans því ég vill ekki enda sem þræll krónubraskara og vogunarsjóða, ég vitnaði í Lilju en hamraði aðeins á frösum um afleiðingar þess að við létum fáviskuna yfir okkur ganga.  Stefna Seðlabankans heldur hvorki vatni eða vindum, ekki nema fyrir sérstaka áhugamenn um nútíma þrælahald.  

Tilvitnun mín í Lilju bauð ekki uppá þá gagnrýni sem þú komst með á hana, hún var ekki málefnalegt innslag í umræðuna.  Hún var persónuleg.  Efnislegur ágreiningur í einu máli er ekki málefnaleg forsenda þeirra fullyrðingar að doktor í hagfræði sé lélegur djókur.

Þú varst fyrst og síðast að gera lítið úr sjálfum þér.

Það er sorglegt Lúðvík því þú hefur svo margt gott til málanna að leggja.  Ég á nokkra vistaða pistla eftir þig þar sem þú fjallar um verðmætasköpun í sjávarútveginum og talar að þekkingu um málið.

Þekkingu sem er algjörlega á skjön við stefnu núverandi ríkisstjórnar.  Marsbúi er líkari þér en til dæmis Magnús Orri svo dæmi sé tekið.

Og á einhverjum tímapunkti þarf ungt fólk eins og þú, sem ætlar sér að ala upp nýtt líf, að átta sig á að tími gömlu flokkapólitíkarinnar er liðinn.

Og aðeins vit, þekking, skynsemi mun bjarga þjóðinni frá endanlegri glötun.

Gömlu flokkarnir sömdu beint við AGS um eyðingu þjóðarinnar, það gekk ekki eftir og er ekki þér og þínum að þakka, en sú ógn vofir ennþá yfir.  Auk margs annars óáráns sem blasir við í heiminum í dag.

Óárán sem er bein afleiðing af vexti og viðgangi sýndarhagkerfis fjármálabrasks og arðráni stórfyrirtækja á öllu kviku sem þau komast í tæri við.

Aðeins ný hugsun, ný aðferðarfræði mun koma í veg fyrir gjöreyðingarátök og hið algjöra hrun í kjölfar þeirra.

Eitthvað sem allir sem ætla að ala upp nýtt líf kalla eftir.

Þú ert ekki í þeim hópi Júlíus með stuðningi þínum við ríkisstjórn AGS.  En þú gætir verið það ef þú brytir odd af oflæti þínu og tækir upp samræðu við velmeinandi stjórnmálamenn en kallaðir þá ekki djók.

Og innst inni veistu alveg nákvæmlega um hvað ég er að tala.

En þorir ekki að viðurkenna það.

Kveðja að austan.

[Ómar Geirsson, 27.3.2012 kl. 23:51]

Takk fyrir innlitið Lilja.

Svarið við spurningu þinni er hluti af ógæfu þessarar þjóðar.

Sundrung út af víglínum fortíðar.

Kveðja að austan.

[Lúðvík Júlíusson, 28.3.2012 kl. 00:02]

Ómar, ég ætla ekki að endurtaka mig en það er alveg sama hver á í hlut, að ef þingmenn hafa skoðanir og hugsjónir þá skil ég ekki hvers vegna þeir kjósa ekki eftir þeim í atkvæðagreiðslum á Alþingi.

Það er einnig augljóst að ef þingmenn hafa ekki tíma eða vilja til að lesa frumvörp þá geta þeir ekki bætt við sig verkum.

Nú veit ég ekki hvort þetta hafi verið Lilja eða ekki, en það er magnað að hún skuli hafa greitt atkvæði með undanþágum til ákveðins hóps fjármagnseigenda umfram aðra en síðan ekki greitt með því atkvæði að afnema þessar undanþágur þegar kom í ljós hversu skaðlegar þær voru.

[Ómar Geirsson, 28.3.2012 kl. 00:49]

Lúðvík, þetta er ekki vel dregið í land hjá þér og þú ert ennþá að vísa í efnislegan ágreining.  Sem gefur þér ekki tilefni til þeirra fullyrðinga sem þú setur fram, það er ef þú ert málefnalegur.

Og efnislega stendur allt sem ég sagði, öllum ljóst sem kunna að vega og meta rök með og á móti.  Og aðeins slíkt fólk er eftir á þessum þræði.

Það er miklu skynsamlegra að læra og verða ekki á sömu mistökin.

Að ég tali ekki um að spá í alvöru lífsins.   Hún verður ekki umflúin þó höfuð sé í sandi.

Kveðja að austan.

[Lúðvík Júlíusson, 28.3.2012 kl. 01:04]

Ómar, ég er ekki að draga neitt í land. Þú spyrð, ég svara, þú krefst rökstuðnings og ég veiti hann. Að minnast á fjölskyldutengsl sem koma þessu máli ekkert við, að segja að ég sé flokksþræll eða ómálefnalegur því ég sé ósammála þér í öðrum málum er ómálefnalegt, því miður.

Ég þakka þér fyrir þessa umræðu en vona að henni sé hér með lokið þar sem allt er komið fram sem skiptir máli.

[Pétur Örn Björnsson (IP-tala skráð) 28.3.2012 kl. 01:05]

Góður pistill hjá Viggó Jörgenssen um alla vini Lúðvíks í samfylktum skóginum.

Pistill hefst á þessum orðum, sem smellhitta:

"Lilja Mósesdóttir er löngu orðin þjóðargersemi fyrir að segja fólki sannleikann.

Hún fletti ofan af AGS/icesave svikráðunum. 

Hún hefur flett ofan af svikráðum þessarar ríkisstjórnar. 

Og nú er svo komið að öll flokkshænsnin tryllast í Samfylkingunni, ef þau aðeins heyra nafn hennar."

[Pétur Örn Björnsson (IP-tala skráð) 28.3.2012 kl. 01:26]

Hér er hlekkur á pistilinn í heild:

http://viggojorgens.blog.is/blog/viggojorgens/entry/1231333/

[Lúðvík Júlíusson, 28.3.2012 kl. 01:35]

Pétur Örn, sjá nr 36. 

[Pétur Örn Björnsson (IP-tala skráð) 28.3.2012 kl. 02:02]

Lúðvík Júlíusson, sjá nr 34.  Þú hefur í engu svarað þeirri athugasemd Ómars málefnalega, hvað veldur Lúðvík?

[Lúðvík Júlíusson, 28.3.2012 kl. 08:21]

Pétur, ég er búinn að svara henni en þú sérð bara ekki svarið sem þú ert að leita að og ég er ekki hér til að verja neitt annað en það sem ég geri og segi.

#25, 36

[Ómar Geirsson, 28.3.2012 kl. 08:55]

Blessaður Lúðvík.

Hér virðist einhver tíska að vitna í tölur, ætla að athuga hvort ég tolli í tískunni.

#29

Já, það tókst, ég ræði ekki mál út frá fjölskyldutengslum.

Takk fyrir ágæta umræðu.

Kveðja að austan.

[Ómar Geirsson, 28.3.2012 kl. 09:13]

Blessaður Pétur Örn.

Þú veist að síðast þegar menn reyndu byltingu á astralplaninu þá voru þeir gagnrýndir að samsnæða með tollheimtumönnum og portkonum.  

Gerðu það samt.

Við í þessum húsum getum ekki verið vandlátari, það er ekki gott fyrir samanburðinn.

Samfylktir vinir eru því líka velkomnir og slagurinn tekinn á forsendum málsins i fullri vinsemd.  

Hér eiga allir skjól, líka þeir sem tala gegn Norðfjarðargöngum, bera uppá mig aðild að íhaldinu eða upphefja sig á minn kostnað í upphafi samræðunnar.  Þá er vinsemdin aðeins minni til að byrja með á meðan fólki er kennt góðir umgengissiðir.

Það er í þessu húsi.

En nóg um það.

Firnasterk baráttukona, sem starfar með Lilju, taldi það gæðastimpil að ég hefði Liljur lesið og þótt mikið til koma. 

En það er nú eðli Lilja að fólk vildi þær kveðið hafa.  

Og þá verða sum leirskáldin fúl, telja sér jafnvel ógnað.

Það einfaldlega út af fyrir sig er nú líka gæðastimipill á kveðskapinn, að leirskáldin ati hann auri.

Ég hefði hinsvegar meiri áhyggjur af skítabombunni sem er í hönnun hjá spunakokkunum og mun hefjast á orðunum, ""Kastljós hefur undir höndum gögn sem ......"", svona af gefnu tilefni.

Það er ekki spurning hvort heldur hvenær slík fílabomba springur, enginn er svo heilagur að hroðinn geti ekki atað hann auri.

Það eru skýringar Pétur á pistli dagsins og eins skýringar að ég droppaði út Ip tölum þegar ég varði Þór Saari sælla minningar.

Ég þekki vopn óvinarins eina og veit hina fornu speki skæruliðans, að sprengdur skriðdreki, sprengir mig ekki.

Það mættu fleiri hafa það bak við eyrað.

Kveðja að austan.

[Gunnar Skúli Ármannsson, 29.3.2012 kl. 21:21]

Sæll Ómar og takk fyrir gott blogg,

margar athugasemdir sem ég hef ekki lesið.

Þú berð í brjósti þér þá von að Lilja Mósesdóttir komi og sigri. Þegar allir munu skilja það að sameinaðir stöndum við og sundraðir föllum við mun ósk þín rætast.

[Ómar Geirsson, 30.3.2012 kl. 00:42]

Blessaður Gunnar.

Ef eitthvað er sagt af viti hérna þá er það yfirleitt í athugasemdunum og þá í kjölfar umræðu þar sem ólík sjónarmið takast á eða samherjar vilja hnykkja á málinu.

En skynsamlegt blogg á enga möguleika, það þarf alltaf að sprengja og hvella til að ná athygli og það er til lítils að stunda áróður er maður er ekki lesinn.

Það er ofsagt hjá þér að ég hafi þessa von um Lilju, hef hana reyndar ekki.  Ég er einfaldleg mjög hrifinn af henni sem stjórnmálamanni og líklegast er hún sá einstaklingur sem oftast hefur fengið hrós á þessu bloggi.  Þó hún væri í flokki andskotanna.  Ég er líka hrifinn að fyrrum samherja hennar, Guðfríði Lilju,  sem dæmi um mætan heiðarlegan stjórnmálamann.  Munurinn á þeim er að Lilja er rebel utan kerfis og Guðfríður innan.  Lilja er einstaklega skynsöm í efnhagsmálum, Guðfríður mótar hugmyndafræðigrundvöll fallegra lífs.

Svo er ég hrifinn eða mishrifinn af fólki út um allt.

Til dæmis er margt gott fólk í Dögun en því miður á rangri braut með stefnumál sín, það skaðar þegar það heldur að það sé að byggja upp.

En mikið vildi ég að menn næðu saman um heilbrigða skynsemi og um ákveðin grundvallarviðmið sem menn hefðu í heiðri.  

Og stöndum saman og föllum sundruð.  

En málið er að aðrir andófshópar segja það sama, og vega hvorn annan innbyrðis.  

Ég er ekki hluti af þeim vígaferlum, svo einfalt er það.

Ég er nefnilega svo sérvitur.  Ég skamma andskota Helreiðarinnar eins og ég get og í þvi er ég góður.  Þar eigum við sameiginlegan flöt og njótið þegar það gagnast ykkur.  Ég vona það ykkar vegna að þið hafið kveikt á hörkulegum viðbrögðum mínum gagnvart fílubombum Samfylkingarinnar gegnum Ruv, þið gerðu það ekki þegar ég kom Þór Saari til varnar, enda ekki ykkar maður.

En ef við sameinumst ekki gegn óvininum, þá er stríðið fyrirfram tapað.

Það þarf að kveikja á því líka.

Svo komið þið einhvern tímann með í byltinguna á astralsviðinu og þá tökum við þetta þannig að eftir verður tekið.

Ljósið mun kvikna, hafðu ekki áhyggjur af því Gunnar, og þá munu allir skilja að sameinuð sigrum við.

Og þetta með sundrað verður aðeins kennt í kúrs við HÍ sem tekur fyrir dautt mál og dauða málnotkun.  

Nýfrjálshyggja, arðrán, brask, sundraðir sem falla, verðtrygging, útburður barna af heimilum, öll þessi orð verða kennd sem dæmi um orð sem dóu því þau þjónuðu engum tilgangi í málinu, atvikin sem þau tjáðu, voru ekki lengur hluti af samtímanum.

Þetta er astralplanið Gunnar, þar mun ég berjast með Lilju.

Á meðan ætla ég að fara að bora göng.

Kveðja að austan.

[Pétur Örn Björnsson (IP-tala skráð) 30.3.2012 kl. 03:01]

Eitt verður Gunnar Skúli að skilja, að Hreyfingin tók fyrir löngu einn vitlausan pól:  Forgangsröðunina.

Það var ekki Stjórnarskráin sem orsakaði Hrunið, en samt eru þau með hana á heilanum og kannski undir þinglegum rössum sínum líka og teygja lopann og virðist finna allt í lagi að láta önnur og að mínu mati miklu brýnni mál bíða.

Hér ríkir atvinnuleysi (12-15% sé allt talið með), hér er grotnandi heilbrigðiskerfi, hér er ekkert gert af stjórnvöldum til að leiðrétta stökkbreytt og verðtryggð okurlán heimilanna ... Nei það virðist ekki vera megin forgangsmál Hreyfingarinnar, heldur fumbulfamb um loðnar og afskaplega langorðar tillögur stjórnlagaráðs, eða hvað það nú heitir (ráðið hans Vilhjálms Þorsteinssonar gjaldkera Samfylkingarinnar).

Af hverju spyrð þú ekki Gunnar Skúli, þar sem þið í Frjálslyndum eruð nú búin að stofna flokk með Hreyfingarliðum, hví þau geri svo hosur sínar grænar fyrir þeim stjórnarliðum?  Eða vill Dögun forðast kosningar í lengstu lög?

Samstaða - flokkur lýðræðis og velferðar vill kosningar eigi síðar en í haust, hvað vill Dögun eiginlega?

[Pétur Örn Björnsson (IP-tala skráð) 30.3.2012 kl. 03:06]

Þegar allir munu skilja megimál og forgangsröðun þeirra, þá er komin forsenda til að standa saman, ekki fyrr!

[Ómar Geirsson, 30.3.2012 kl. 16:37]

Pétur, þetta er meinsemdin, andófið klikkar á aðferðarfræðin.

Og ég er með skýringuna á tæru, menn hífa sig ekki uppá astralsviðið.

Og þess vegna étur byltingin börnin sín, þegar byltingin sigrar, sem er ákaflega sjaldgæft, oftast tapast baráttan vegna sundrungar.

En sundrungin mun ekki sigra þessa bloggsíðu.

Ég hef einbeittan vilja að lemja á Óberum AGS og mun halda því áfram.

Og svo bora líka, en það er ein birtingarmynd astralsviðsins, að venjulegt fólk hætti að láta plata sig og myndi samstöðuafl sem Óbermi og lúsablesar fái ekki sigrað.

Eitt korn byrjaði að rúlla og úr varð skriða byltingarinnar.

Þeir sem þetta skilja, feisa sig á áhugahóp um Norðfjarðargöng og hvetja fólk til dáða.

Eða fara að bora með mér.

Kveðja að austan.

[Pétur Örn Björnsson (IP-tala skráð) 31.3.2012 kl. 02:28]

Heill og sæll Ómar

Sá síðustu athugasemdina frá þér fyrst núna; var eitthvað að flakka aðeins um netheimana fyrir svefninn.

Við erum tvímælalaust báðir astral menn Ómar ... og þannig menn bora, því þeir hafa mestu jarðtenginguna, hvursu undarlega sem sumum kann að finnast það hljóma.  Segi það enn á ný Ómar, að við erum skyldir í andanum. 

Kannski það sé einhvers konar "back to the future" sveitamanna-anarkismi, að drífa sig bara í öll verk sem þarf að vinna.  'eg verð víst að fara að feisbúkkast, hef verið tregur til þess, en nú gengur víst allt út á að stja læk á læk, eins og þú sjálfur orðar það vel.  Kannski ég fái eldri dótturina til að hjálpa mér við að feisbúkka mig, svo maður geti virkjað bæjar-lækinn og sett á það læk.  Og svo beinustu leið á Bor-mennina eystra og læk á það:-) 

[Ómar Geirsson, 31.3.2012 kl. 18:29]

Ég held að Gunnar Skúli og fleiri góðir samherjar í Andófinu séu á því plani líka.  Þrasið er aðallega í raunheimi.

Á astralplaninu er aðeins ein leið og við sameinumst þar öll þegar þar að kemur.  

Á meðan er það jarðtengingin.  

Og ég kláraði greinarflokk minn um sýndarveruleik vitleysunnar sem stjórnar þjóðinni í dag.

Langur, ítarlegur pistill, sem að sjálfsögðu kom Norðfjarðargöngum að, því það er jú verk mitt í raunheimi.  En fyrst og síðast brýning til fólks að vakna.

Sóknarpresturinn átti þessa læklíkingu, svo ég haldi höfundarrétti til haga.  Mér fannst hún góð og greip fyrsta tækifærið til að slá henni fram.

Ég er ekki á feisinu er ég er svona að reyna að hjálpa mínu fólki til góðra verka.  Og hjálpa góðum dreng sem er svo skrýtinn að trúa að fólk eigi að mótmæla, og það geti mótmælt, þegar hagsmunir samfélags þeirra er í húfi.

Hann er Lilja okkar Norðfirðinga.

Kveðja, Ómar.