Hver samdi ICEsave spurningar saksóknara???

 

Breska sendiráðið???

Björn Valur Gíslason????

Alþekktur vitleysingur???  Fyrirgefið tvítekninguna.

 

Allavega var það einhver sem var i liðinu sem tapaði 2-98.

Hjá siðuðum þjóðum sæti hann í fangelsi fyrir tilraun til þjófnaðar á eigum almennings auk landráða ef um bein tengsl við bresku ICEsave fjárkúgarana  væri að ræða.

Hann fengi ekki vald til að stofna Landsdóm sem spyr manninn sem bjargaði þjóðinni úr klóm bankaræningja, af hverju borgaði þú ekki fjárkúgun breta????

 

Segir allt um rætur þess pólitíska skrípaleiks sem núna á sér stað í Þjóðmenningarhúsinu.

Þeir sem ákæra í dag munu gista tukthús þegar þjóðin hefur náð vopnum sínum á ný.

 

Líka þessi aumkunarverði saksóknari.

Kveðja að austan.

Notuðu viljandi loðið orðalag

Athugasemdir

[Helga Kristjánsdóttir, 5.3.2012 kl. 21:53]

Kanski verðum við búin að byggja stórt tvískipt betrunarhús,gleymum ekki gellunni.

[Ómar Geirsson, 5.3.2012 kl. 22:44]

Er það ekki sóun á byggingarefni Helga??

En ég vona að vitiborið fólk kveiki að lokum um hvað þessi skrípaleikur snýst.

En aldrei datt mér í hug að saksóknari myndi afhjúpa hvatir húsbóndahollustu sína svona algjörlega í ICEsave spurningum sínum.  

"Játaðu það, þú sagðir það, þú lofaðir þeim, þú lofaðir þeim að greiða ICEsave, af hverju gerðir þú það ekki???".

Jafnvel Helgi Seljan virðist vera kettlingur miðað við þessa þráhyggju.

Skyldi blessaðri manneskjunni aldrei hafa dottið í hug að kynna sér lög og reglur Evrópusambandsins og ákvæði EES samningsins um frjálst flæði fjármagns???

Vanþekkingin og vanvitið er meiri en hrokinn og þá er mikið sagt.  Því hrokinn er óskaplegur.

En að þjóðin skuli láta bjóða sér þetta, það skelfur mig mest.

Kveðja að austan.

[Helga Kristjánsdóttir, 5.3.2012 kl. 23:14]

Ég missti af þessu,hvar erum við stödd,,, mitt í ,,Gaukshreiðrinu.,, Nei við munum ekki láta bjóða okkur þetta. Koma tímar koma ráð.

[Jonsi (IP-tala skráð) 5.3.2012 kl. 23:35]

Ómar,  ert þú lögfræðingur eða dómari?   Þetta voru áhugaverðar spurningar, og Geir svaraði samviskusamlega.  Af hverju þessa ómaklegu heift?

[Jón Valur Jensson, 6.3.2012 kl. 03:20]

Snarpur pistill, Ómar!

Og góður hér til dæmis: "Fyrirgefið tvítekninguna" !

[Ingibjörg Guðrún Magnúsdóttir, 6.3.2012 kl. 04:31]

Já það verður spennandi að fylgjast með því hvernig hinir verða yfirheyrðir og sérstaklega Björgvin G. Sigurðsson. Ég er á því að hans hlutverk hafi ekki verið heillt gagnvart okkur...

[Ómar Geirsson, 6.3.2012 kl. 08:18]

Takk Jón Valur, einhvern tvíræðni verður að fá að fljóta með þó dagarnir séu dimmir.

Ingibjörg, þetta er því miður ekki leiksýning, þetta er grafalvarleg atlaga að siðuðu þjóðfélagi, ef við viljum spennu í líf okkar þá förum við á Músagildruna eftir Agöthu.

Um hlutverk Björgvins G er vitað, það var ekkert, hvorki til góðs eða ills.

Hann var bara þarna og fór jú á einhverja tónleika, annað ekki.

Kveðja að austan.

[Ómar Geirsson, 6.3.2012 kl. 08:49]

Æ, gleymdi ég þér Jonsi, það var hvorki einelti eða viljandi, ég var einfaldlega þreyttur þegar ég las yfir athugasemdarkerfið í morgun, og varð því á þessu leiðu mistök.

Jonsi, í það fyrsta ef þú ert að spá í tilfinningarót mitt þá vil ég benda þér á að það er til fleiri tilfinningar en heift eða ofsagleði, það er líka til vellíðan eða fyrirlitning eða viðbjóður.

Og ef ég á að vera alveg hreinskilin við þig þá veit ég ekki hvort ég fann meir til djúpstæðs viðbjóðs eða algjörar fyrirlitningar gagnvart þeim skrípaleik sem íslenska þjóðin lét viðgangast í gær.

Þjóðin er ekki söm á eftir og þetta er í annað skiptið á ævinni sem ég hef skammast mín fyrir að vera Íslendingur.  Það fyrra var þegar Hæstiréttur framdi réttarmorðið á Sævari og félögum í Geirfinns og Guðmundarmálinu.  Rökin, að vísa í játningar fengnar með pyntingum, sem afsökun að taka ekki efnislega afstöðu til endurupptekningar málsins, og komast upp með slíkt, það sýndi mér að hluti af þjóðarsálinni er rotin.

Skrípaleikurinn kenndur við Landsdóm er reyndar ekki eins rotinn en hann er annarskonar, hann er aðför að réttarríkinu og hann er snilldarbragð auðklíkunnar sem rændi okkur til að losna við uppgjör.

Þér finnst spurningar sem eru ættaðar úr ranni landráða áhugaverðar, hvað get ég sagt.

Jæja, ég er ekki hlynntur landráðum og tel að þeir sem þau ástunda eiga ekki að komast upp með þau.

Og mér ofbýður að saksóknari, fulltrúi ákæruvaldsins, að hann komist upp með að vinna fyrir hagsmuni þjófa og fjárkúgara.

En glæpir sem sumum finnst alvarlegir, finnst öðrum áhugaverðir, og hvað get ég aftur sagt???, búum við ekki við tjáningarfrelsi???

Bara, sitt sýnist hverjum.

Kveðja að austan.

[Guðjón Sigþór Jensson, 6.3.2012 kl. 10:59]

Fáranlegt að setja þetta svona upp.

Í lögfræði og öllum hugvísindum skiptir engu máli hvaðan spurningarnar koma. Íslenskir lögfræðingar eru fullfærir að orða spurningar sínar og þurfa ekki að fá aðstoð erlendis frá.

Góðar stundir.

[Ómar Geirsson, 6.3.2012 kl. 11:33]

Þú meinar það Guðjón, að saksóknari lúti breskri stjórn.

Svo langt gekk ég ekki og þarf að íhuga þetta betur.

Hver veit hvað kemur úr þeirri íhugun??

Kveðja að austan.

[Guðjón Sigþór Jensson, 6.3.2012 kl. 12:43]

Ómar:

Hvað skrifa eg: Íslenskir lögfræðingar eru fullfærir að orða spurningar sínar og þurfa ekki að fá aðstoð erlendis frá.

Saksóknari þarf því EKKI að sækja neitt til breskra lögmanna enda er réttarkerfi þeirra nokkuð frábrugðið okkar.

[Ómar Geirsson, 6.3.2012 kl. 13:36]

Blessaður Guðjón.

Eitthvað virðist þú misskilja málavexti eins og svo oft áður.

Breskt réttarkerfi fordæmir fjárkúgun og þjófnað alveg eins og það íslenska.  Breskir lögmenn vita hvað fjárkúgun er.

Það eru bresk stjórnvöld sem í krafti stærðar sinnar héldu að þau kæmust upp með að fjárkúga litla nágrannaþjóð sína.  Ég er að vísa í þau, ekki breskt réttarfar, sem vissulega er frábrugðið því íslenska að það er þróðara og breskir stjórnmálamenn komast ekki upp með glæpi eins og þeir íslensku.

Spurningar saksóknara eru allar í þá vegu að spyrja af hverju Geir hafi ekki látið breta fá pening til að LÍ gæti flutt fjármuni á milli, og þar sem saksóknari er á launum hjá íslenskum almenningi þá veltir maður því fyrir sig hver fóðrar hann á vitleysunni, ætla honum ekki bein landráð.

En vanvitið, maður minn.

Kveðja að austan.

[Guðjón Sigþór Jensson, 7.3.2012 kl. 10:28]

Ómar: finnst þér þetta vera rétt? Þegar aðilar mismunandi hagsmunagæslu koma saman er reynt að koma á samkomulagi með því að báðir hniki frá ítrustu kröfum sínum. Ef aðilar ná saman, þá er samkomulag í augnsýn og e.t.v. í höfn ef samningsvilji er fyrir hendi.

Á þessi sjónarmið reyndi við samninga sem kenndir eru við Icesave.

Sama hefði verið unnt að semja við bresk yfirvöld um að minnka ofvaxið íslenska bankakerfið sem var orðið að einhverju gríðarlegu skrýmsli. Hefði ekki það verið hyggilegri leið en að „dæla“ offjár í sökkvandi flakið? Spara hefði mátt hundruði milljarða af skattfé ef tekin hefði verið ákvörðun um þetta.

Mér finnst Davíð, Geir og fleiri skauta nokkuð frjálslega um þetta boð Breta. Íslenskir ráðamenn kváðust hafa gefið loðin svör og þeim fannst lítill samningsvilji hafi verið hjá Bretum. En var nokkur samningsvilji frá okkar mönnum?

Varðandi mismun á réttarkerfi hjá okkur og Bretum má vísa í góða grein um þetta sem birtist í Tímariti lögfræðinga fyrir allnokkru, man ekki ártalið.

Góðar stundir.

[Ómar Geirsson, 7.3.2012 kl. 14:22]

Guðjón, þú nærð þessu ekki ennþá, ég hef ekkert út á breskt réttarfar að setja, tel að við gætum örugglega lært heilmikið að því. 

Og ekkert hefði ég haft á móti því að íslensk stjórnvöld hefðu skorið bankakerfið niður í trog, en það er fantasía að það hafi verið hægt.

Löggjöf Evrópusambandsins er skýr hvað það varðar.

Og þetta um samninga siðaðra manna, að koma til móts við hvorn annan, ekki nema gott um þá hugsun að segja.

En fjárkúgari er ekki siðaður maður, og þú semur ekki við slíka dela.  Hafi Margrét Thatcher kennt umheiminum eitthvað þá var það sú speki enda snarhættu flugrán eftir að hún komst til valda.

Gleymdu því ekki að bretar létu ekki reyna á kröfur sínar fyrir dómsstólum áður en þeir fjárkröfðu íslensk stjórnvöld.  Og þar sem þú þekkir til breskra laga þá veistu að slíkt athæfi kallast extortion á ensku lagamáli og er eitt form fjárkúgunar, blackmail.

Þess vegna er ekki komið til móts við bresk stjórnvöld í ICEsave.

Kveðja að austan.