Hvar var stóra systir???

 

Þegar einstæða móðurin var borin út???

Þegar einstæðar mæður voru bornar út???

Þegar barnafjölskyldur voru bornar út???

 

Jú, stóra systur var þá einhvers staðar fyrir neðan mitti því hún telur að það sem þar gerist sé mesta samfélagsmein landsins í dag.

Skítt með konur og börn sem þola Útburð.

Klámið, það er málið.

 

Þetta væri svo sem gott og gilt ef ekki mætti draga einlægan vilja Stóru systur í efa. Mansal er jú böl.  Misþyrming og misnotkun á fátæku fólki á ekki að líðast, hversu nafni sem það nefnist.  Sorinn á ekki að fá að vella um undirheima án þess að nokkur reyni að þrífa hann upp.

En að benda á böl til að draga athyglinni frá öðru verra, nærtækara, vegna þess að félagar manns og vinir eru gerendur í því böli, er öllu verra.

 

Hvaða umræða á sér stað í þjóðfélaginu í dag???

Er ekki verið að ræða um réttlátar kröfur heimilanna og stöðvun á Útburði???

Vogaði ekki þingmaður Sjálfstæðisflokksins að spyrja í grein í Morgunblaðinu hvort skuldauppgjör ætti ekki að vinnast út frá hagsmunum fólks ekki fjármálafyrirtækja???

Skrifaði ekki formaður Hagsmunasamtaka Heimilanna grein í Morgunblaðið þar sem hún benti á að engin endurreisn myndi takast ef ekki væri gætt réttlætis gagnvart almenningi???

Já, og var ekki Steingrímur Joð að sigla til Brussel til að fá ný fyrirmæli í ICEsave svikum svo ég haldi því til haga.

 

Og hverjir hafa hag á að þagga niður þessa umræðu???

Er það ekki fjármagnið???  Og hverjir eru málaliðar fjármagns í dag???  Hjá fjölmiðlum og á Alþingi.???

Hvað fundi sækir Stóra systir þegar hún er ekki í kláminu???  Er hún þá ekki að mæta á fundi hjá VinstriGrænum og Samfylkingunni þar sem umræðuefnið er hvernig á að þagga niður eða afvegleiða umræðuna um réttlæti í samfélaginu.

Og hvað er betra en hressileg klámumræða til að þagga niður vælið Útburðinum????

 

Það er ekkert tilviljun háð þegar auðleppar eru annarsvegar.

Gleymum því aldrei.

Kveðja að austan.

 

 

 

 

Stóra systir lætur til sín taka

Athugasemdir

[steinunn fridriksdottir (IP-tala skráð) 4.2.2012 kl. 15:01]

Eigum við að hætta að berjast fyrir jafnrétti, hætta að berjast gegn eiturlyfjabölinu, hætta að berjast gegn barnaníð og mansali af því það varð bankahrun. Tíminn til að berjast þessari baráttu er einmitt núna

[Ómar Geirsson, 4.2.2012 kl. 16:58]

Blessuð steinunn.

Lagði það á mig að lesa pistilinn yfir til að athuga hvort ég hefði virkilega verið að skrifa gegn jafnréttisbaráttu, eða baráttu gegn barnaníði og mansali, af því að það var bankahrun.

Það var alltaf hugsanlegt að ég hefði slegið hann inn sofandi og í miðri martröð, að ég væri orðinn auðleppur sem gætti hagsmuna húsbónda minna í hvívetna í samfélaginu. Og þá fylgjandi öllu níði því samfélag í upplausn er miklu móttækilegra fyrir auðráni og auðyfirráðum.

Ég á það stundum til að vera ljóti kallinn í draumum mínum.

En Nei, pistillinn var um það sem ég hélt að hann væri um og hann er skrifaður gegn fólki sem hundsar neyð samborgara sinna en slær sig til riddara með auglýsingarskrumi og smábarnaskap.

Sem mér er reyndar alveg sama um, fólk má vera eins og það vill mín vegna. En ekki fólk sem styður ill öfl og illa framkomu.

Þar dreg ég mörkin og því skrifa ég um Stóru Systur.

Ég er nefnilega á móti auðræningjum og verkfærum þeirra. Eigilega meira á móti verkfærunum.

Kveðja að austan.

[Guðmundur Ásgeirsson, 4.2.2012 kl. 17:58]

Þær fara um í skjóli nætur íklæddar skikkjum sem eru nákvæmlega eins og klanið (reyndar í pastellitum) og bjóða barnavændi í því skyni að narra menn í gildru.

[Ég ætlaði að bæta einhverju en fattaði svo að allt sem þarf að segja kom fram í fyrri setningunni.]

[Karl (IP-tala skráð) 4.2.2012 kl. 18:01]

Stóra systir eru ekki jafnréttis sinnar. Þær treysta ekki strippurum til að taka sínar eigin ákvarðanir, af því þær eru konur.

[Kristinn (IP-tala skráð) 5.2.2012 kl. 00:13]

Hvar er stóri bróðir þegar við þurfum loks á honum að halda til að þagga niðrí þessum viðbjóði???? ég fæ gæsahúð útaf þessum kjánum sem kvarta kvarta og kvarta

þar sem þær hafa bara ekkert efni á því, ég t.d. er með 50% forræði yfir barninu mínu og borga náturlega allt fyrir hana þegar hún er hjá mér, en samt þarf ég að borga meðlag til konunar (rosa sanngjarnt) !! þvílíkt jafnrétti er það, drullist inn í eldhús að þrífa og eldið mat handa karlinum ykkar og haldið kjafti !!!

[Ómar Geirsson, 5.2.2012 kl. 11:32]

Takk fyrir innlitið félagar.

Sitt sýnist hverjum, meðlagið í dag er til dæmis arfur frá þeim tíma þegar konur voru annarflokks þegnar og háðar karlinum um framfærslu.  Segir ýmislegt um jafnréttisbaráttuna að konur vilja halda í "gagnaðgerðirnar" sem milduðu misréttið en losna við það neikvæða.  Og enda þar sem sem forréttindahópur. 

Sem er þeim vægast ekki á móti skapi enda vanar dekri okkar karlmanna.

En áður en ég lend í grýtingu þá vil ég taka það fram að ég var sem slíkur ekki að blogga um meintar gjörðir Stóru systur, ég var að benda á hið tvöfalda siðferði þeirra, að horfa framhjá hinni hrópandi neyð kynsystra þeirra sem fjármálakerfið nauðgar á hverjum degi, vegna þess að þeirra eigin flokksystkini eru hjálparkokkar fjármálanauðgarana.

Hræsni þessara kvenna er yfirgengileg og þær eiga allar skammir skildar.  En reyndar innan velsæmis.

Kveðja að austan.