Er ekki komið nóg?????

29.9.2011 | 23:32

" ...búin að taka á okkar skuldavanda".!!!!!

Þeir sem lifa í sama heimi og Jóhanna sitja heima á laugardaginn.

Þeir sem lifa í þessum heimi, þeir mæta niður á Austurvöll og hjálpa Jóhönnu í "skjólið" hennar.

Sem er ekki þessa heims.

Hvað sem veldur Lucy in the sky with diamonds þá er ljóst að þjóðin þarf stjórnvald sem er þessa heims, núna þegar stærsta kreppa mannkynssögunnar er í uppsiglingu.

Aldrei áður hefur allsherjarhrun fjármálakerfisins blasað við þjóðum heims. Hvað sem verður þá er ljóst að næstu ár verða mannkyninu mjög erfið.

Og þá mun reyna á stjórnvald hverrar þjóðar, hversu hæft það er að takast á við þá erfiðleika og þau áföll sem óhjákvæmilega verða í kjölfar fjármálakreppunnar.

Hvernig það gat gerst að við Íslendingar sátum uppi með Jóhönnu Sigurðardóttir sem forsætisráðherra má guð vita, en jafnvel þó við værum Dúdú fuglar þá er sjálfseyðingarhvöt okkar ekki það sterk að við sættum okkur við leiðsögn veruleikafirringarinnar mikið lengur.

Allavega ekki ef við lifum í raunveruleikanum.

Og berum ábyrgð á lífi sem við þurfum að vernda.

Mætum því á Austurvöll og segjum hingað og ekki lengra.

Þó fyrr hefði verið þá er aldrei of seint að bjarga framtíðinni.

Við vitum kannski ekki hvað við viljum en við eigum að vita hvað við viljum ekki.

Og við viljum ekki stjórnvald sem bullar bábiljur í hverju málinu á fætur öðru og virðist aðeins vera hæft í að gera slæmt verra.

Þau reyndu að selja okkur í skuldaþrældóm breta og þau hafa skilið tugþúsundir samlanda okkar eftir í skuldafeni Hrunverja.

Þau hafa ekkert gert gott, það besta sem um þau má segja er að oftast gera þau ekki neitt, eða réttara sagt, þeim tekst að gera ekki neitt.

Og gera ekki illt af sér á meðan.

Þjóðin á ekki skilið svona stjórnvald, við syndguðum kannski á útrásarárunum en allar refsingar eiga sér sín takmörk.

Og íslenska þjóðin er búin að taka út sína refsingu, það eru liðin rúm 2 ár með þessum ósköpum og það er rúmum 2 árum of mikið.

Tveir dagar kannski, jafnvel tveir og hálfur með þau Jóhönnu og Steingrím, en allt þar fram yfir er ómannúðleg refsing sem siðmenningin á ekki að leyfa.

Og við erum siðað fólk, gerum því eitthvað, mætum á Austurvöll og förum ekki þaðan fyrr en við fáum stjórn, ríkisstjórn.

Losum okkur við óstjórnina.

Sýnum þann manndóm.

Við eigum öll líf sem þarf að vernda.

Kveðja að austan.

	Erfiðleikar ESB tímabundnir
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Sammála þér Ómar eins og oft áður. Við höfum ekkert með svona stjórnvald að gera. Málið er að ef heimskreppa virkilega ríður ufir þá eigum við .... já við eigum allt sem þarf til að framfleuta þjóðinni með íslenskum landbúnaði og íslenskri þjóðarsál sem getur bjargað sér á allan mögulega hátt. Hér búr manndóms fólk sem virkilega kann að lifa af við erfiðar aðstæður. Látum ekki 1o1 Samfulkingu og hrædda svikara úr Vg draga úr okkur máttinn, nú eða aldrei viljum við losna við þetta fjárans pakk sem sér enga aðra lausn en að flúja til ESB eins og hræddir hérar. Það er ekki íslenskt eðli segi og skrifa.

Ásthildur Cesil Þórðardóttir, 29.9.2011 kl. 23:51