Hræsni.

 

Ísland er meðlimur Nató, og sem slíkur hefur landið stutt innrásina í Afganistan og loftárásirnar á Lýbíu.

Núverandi ríkisstjórn er einhuga í stuðningi sínum við þessar aðgerðir.

En það eru bara aðrir sem eiga að sjá um skítverkin, aðrar þjóðir Nató eiga að leggja til unga fólkið sitt sem fallbyssufóður.

Lægra er ekki hægt að leggjast i lýðskrumi til heimabrúks innan VG.

Þó sá margfaldi svikari við hugsjónir sínar og þjóð, maðurinn sem sveik í ICEsave, maðurinn sem sveik heimilin, maðurinn sem afhenti amerískum vogunarsjóðum bankanna, loksins þegar þjóðin virtist ná þeim úr braskarahöndum, eða maðurinn sem vinnur að því hörðum höndum að innlíma landið í ESB, sé með vonda samvisku, enda slík oft örlög þeirra sem svíkja, þá ætti hann að hafa manndóm í að berjast fyrir stefnu VG í utanríkismálum.

Að Ísland styðji ekki hernað í öðrum löndum.

Í stað þess að skora pólitískar keilur með svona væli.

Og agnarsmáir eru molarnir ef þetta dugar til að fæða Vg liða og sannfæra þá um að forysta flokksins standi vörð um stefnu flokksins.

Að það dugi að ná í stjórnarandstöðugallann endrum og eins og láta eins og ábyrgðin sé annarra.

Aumingja, aumingja, aumingja litlu greyin.

Kveðja að austan.

Óviðeigandi að leita að „fallbyssufóðri“ hér á landi