Hver er fréttin???

 

Að hið augljósa sé sagt???

Tillögur Eurokrata til lausnar skuldavanda Grikkja felast í sér algjöra þrælkun þjóðarinnar.  Það á að selja eignir hennar, og skattfé almennings á með beinum eða óbeinum hætti að renna í vasa lánardrottna hennar.

Í raun nútímaútfærsla á stefnu sem kölluð var "Lebensraum" og beindist að slavneskum nágrönnum Þjóðverja á fjórða og fimmta áratug síðustu aldar.  Þá var stefnan studd hervaldi en í dag er það reglugerð, svona ein útfærsla af ICEsave.

Finnst einhverjum líklegt að reglugerð og orð nái þeim markmiðum sem skriðdrekum Þjóðverja tókst ekki???

Að þjóðir eins og Grikkir, Írar, Protúgalar, Spánverjar, Ítalir svo einhver tilvonandi fórnarlömb evrunnar séu tali, láti þrælka sig í nafni samevrópskrar hugsjónar???

Ja, mikil er trú þeirra sem finnst það líklegt eða heimskan algjör, skiptir ekki máli.

 

Evran dó daginn þann sem evrópskir stjórnmálamenn heyktust á að takast á við þann vanda sem hún skapaði og ákváðu þess í stað að reyna að láta almenning í evruvandræðalöndum sitja uppi með kvölina og bölið.

Og það er nokkuð síðan sá dagur var að kveldi kominn.

 

Á Íslandi lifir evran samt, í umræðunni.

Í íslenskri dægurumræðu er rætt um að taka upp evru eins og tíminn hafi staðið í stað, eins og evran væri lifandi og hefði einhverja kosti.

Íslendingar ræddu líka um hagkvæmi þess, og fengu Hagfræðistofnun Háskóla Íslands til að skrifa lærðar skýrslur þar um, að leggja heiminn undir sig fyrir lánsfé.  "Smáþjóð", "lánsfé", enginn sá að forsendurnar voru tilbúningur, eitthvað sem var ekki til staðar í raunveruleikanum.

Við ræðum líka um tilvist álfa og huldufólks, eða hagkvæmi þess að sjávarbyggðir landsins lúti lénsvaldi manna sem kaupa sér villur í auðmannahverfum London fyrir afrakstur þeirra.

Og við ræðum evru, kosti hennar og galla, á meðan út í hinum stóra heimi keppast menn við að spá fyrir um nákvæma dagsetningu á hinni opinberu tilkynningu um andlát hennar.

 

Við Íslendingar ræðum um allt annað en að hvað fólk, ekki liðleskjur og aumingjar, gerir þegar þúsundir samlandar þeirra kikna undir Hrunskuldum útrásarinnar.

Það er raunveruleiki, bitur raunveruleiki.

Og sá sem lifir í draumaheimi, skiptir sér ekki af honum.

 

Hvað þá að menn ræði yfirvofandi gjaldþrot þjóðarinnar þegar Seðlabankinn er búinn að skipta út lánaða gjaldeyrisforða sínum fyrir braskarakrónur.

Slík umræða gæti hindrað næsta Hrun, og hver vill það??

Hver vill losna við dramtíkina úr lífi sínu???

 

Kannski er umræðan um evruna ekki svo slæm eftir allt saman.

Kveðja að austan.

 

 

Spáir hruni evrusamstarfsins

Athugasemdir

[Guðmundur Ásgeirsson, 14.6.2011 kl. 11:19]

Hver er fréttin? Ég er búinn að vera að spá þessu í meira en ár, hef skrifað um það heilu greinaflokkana og birt þá opinberlega. Aldrei hefur Morgunblaðið séð ástæðu til að gera frétt úr því. Svo skrifar einhver hagfræðingur í útlöndum það sama í útlendan snepil núna fyrst þegar þetta er orðið augljóst öllu vel upplýstu fólki með heilbrigða skynsemi, og þá þykir ástæða til að bita sérstaka frétt um það? Þetta er svona eins og að skrifa frétt um að jarðfræðingur hafi spáð gosi, skömmu eftir að óróinn var orðinn sjáanlegur í rauntímagögnum á vefsíðu Veðurstofunnar. Er það þá frétt að hann hafi spáð þessu, eða er það atburðurinn sjálfur sem er fréttin?

[Ómar Geirsson, 14.6.2011 kl. 16:56]

Nákvæmlega Guðmundur, nákvæmlega.

Hið augljósa virðist ekki vera augljóst á Íslandi, nema það komi að utan.

Kveðja að austan.

[Björn (IP-tala skráð) 14.6.2011 kl. 17:35]

Guðmundur, þig vantar rétta titilinn (doctor) og vinnur ekki hjá einhverjum erlendum háskóla (eins og sumar gufurnar sem RÚV ræðir reglulega við). Veit einhver ofan í hvaða helli Þórólfur Matthíasson flúði eftir Icesave? Skemmtiefni RÚV hefur stórlega hrakað eftir að þeir hættu að spjalla við hann.